Cow Cow Fresh

嚟緊可能有三日足不出戶，放工當然要出去滾飽佢，去旺角呢間樓上火鍋店放題，咁咪唔使去盲搶餸囉呢間主打潮汕牛肉，大胃都係第一次食咋！一嚟就連埋潮汕牛骨湯上埋個牛肉圈，有晒唔同部位嘅牛肉，有吊龍、胸口油、雪花、五花趾同匙柄，有寫要淥幾多秒淥一陣就食得，比起平時食嘅牛肉好唔同，口感有彈性同埋實淨好多食完都可以再嗌，除咗潮汕牛肉，都有其他肉可以order，例如美國牛板腱、美國肥牛、西班牙五花肉、西班牙黑豚肉等等，都好新鮮，肉香好出跟餐有海鮮拼盤送，有鮮蝦、桶蠔、鮑魚同花甲，倒晒落去淥，超鮮香爽彈，蝦肉色澤金橙，蠔肉同鮑魚都好滑出面自助區任君馳騁，醬料區可以配自己嘅醬料，都好多選擇。仲有熟食區，有紫菜響鈴、炸物同熟嘅丸食，味道都唔錯仲可以落單叫藤椒爽魚皮凍、潮汕南乳炸雞翼手工咸蛋黃炸魚皮同即炸椒鹽炸丸，即叫即整熱辣辣出面嘅配料區琳琅滿目，有啲唔常見嘅配料都有，牛骨髓、雞子、竹笙、鴨血、有餡牛丸、手工餃子等等，個款睇落好靚仔新鮮，食完都會想攞多round仲有好多款手工肉滑可以試，有蝦滑、黑松露蝦滑、蟹籽蝦滑、墨魚滑同馬蹄墨魚滑，一次過食到咁多款，又嫩又彈牙，爽到痹呢度嘅飲品區好正，除咗一般啤酒同其他飲品，有自家製嘅港式奶茶、泡茶同涼茶，非常足料仲有紅酒白酒任斟，勁好飲，唔太好紅酒嘅大胃都飲咗好多雪糕區有唔同款式本土品牌雪糕，仲有大胃好耐冇食嘅格仔餅雪糕，回憶殺呀…Read More

旺角新開150分鐘火鍋放題平時經常去深圳吃火鍋，最近旺角開了一間手切潮汕牛肉火鍋的放題，望到新開張優惠非常吸引，所以放工過來吃用scan QR code自助落單，圖文並茂容易落單。除了肉類之外，自助區還有雞子、麵類、蔬菜、多款丸類、餃子等火鍋配料。餐廳環境寬敞舒適，試業優惠平日晚上人多，記得提早預約。餐廳有透明廚房可以觀察到師傅切牛肉的過程，提供紙巾和濕紙巾，自助醬料、多款雪糕自取、啤酒汽水，自家製飲品等等這次吃A餐$388（150分鐘）龍蝦海鮮拼盤一份&潮汕牛肉放題，另售價一服務費，7:45pm前離座$348，8:30pm後入座 $348鮮活龍蝦海鮮拼盤一份有七款：鮮活龍蝦（半隻）、蟶子皇或扇貝（1隻）、鮑魚（1隻）桶蠔（1隻）、海蝦（2隻）、龍躉肉（1件）、沙白（2隻）/每位放題可以任食：美國特級牛板腱、花雕醉雞、手工手切 五花趾、美國特級肥牛片、脆肉鯇魚、手切 吊龍、紐西蘭青口手工！西班牙黑豚肉、手工手切 雪花牛、西班牙五花肉、手工蟹籽蝦滑、手切 牛胸油、紐西蘭羊肉、手工黑松露蝦滑個人比較喜歡手切牛胸油、特級肥牛、黑松露蝦滑、墨魚滑，還有餃子、響鈴，吃到最後千萬不要忘記吃雪糕，推介豆腐味服務質素：7/10環境舒適度：7/10ᶘ ᵒᴥᵒᶅ個人口味評分：7/10 …Read More

早前晚飯時間去咗旺角牛牛鮮食火鍋，試咗佢哋主打嘅龍蝦海鮮潮汕牛肉放題。環境光亮企理，火鍋爐火力穩定。海鮮方面，龍蝦新鮮彈牙，落湯煮一陣已經好鮮甜。生蠔、鮑魚、沙白都處理得乾淨，冇沙冇腥，煮完口感保持得好。蟶子同海蝦都夠鮮，唔會煮完縮晒水。龍躉件魚肉滑，冇骨好啱打邊爐。牛肉方面款式多樣，包括雪花、吊龍、五花趾、匙柄、胸口油等。雪花油花分佈靚，入口嫩滑；吊龍肉質結實，牛味濃；五花趾帶少少筋，口感有嚼勁；匙柄切得薄身，灼一灼就好食；胸口油則油香突出，唔會太膩。這款手切牛肉圈亦係餐廳重點，好有潮汕牛肉火鍋風味。自助區都幾吸引。火鍋配料選擇多，有唔同款式嘅丸類、蔬菜、粉麵等，補貨快，擺放整齊，拎嘢方便。熟食區有炸物，雖然唔係主打，但味道唔錯，啱晒等火鍋煮緊時打底。飲品方面選擇都算多，有汽水、果汁、茶類，特別係仲有紅白酒，啱晒鍾意配酒食火鍋嘅人。最後仲有雪糕櫃，提供幾款雪糕口味，食完火鍋嚟個甜品收尾，感覺幾滿足。…Read More

近幾年經常性北上食牛肉火鍋,除了價錢之外,也會考慮牛肉的品質及質量. 但是來來回回的交通費及時間可能在香港也找到一間高質火鍋店. 今次推介這間,大家不況去試一試.首先,餐廳位置十分方便位於旺角近地鐵站旁邊的瓊華中心. 餐廳環境寬敞有卡座及圓檯, 適合情況,家人或一大班朋友圍爐聚會.湯底也有8款選擇,我們選了”招牌潮汕牛骨湯“. 建議未放任何食材之下,先喝2碗牛骨湯. 牛味清甜的湯底及少許蘿蔔&牛腩作為開啟胃部的頭一關😆店員第一轉會先拿一個大圈圈已經有齊全店牛肉款式給我們試一試,讓我們選擇自己喜歡的牛牛部位再任點菜😁好貼心超級適合有選擇困難症的我.牛肉圈圈包含吊龍,五花趾,雪花,匙柄,胸口油😍我最愛的胸口油~油香爽口😋其他各種牛部位都好好味,有牛味,看外表已經很新鮮, 輕輕在牛骨湯擦幾下就可以食了,嫩滑👍除了主打吃牛,店內還有很多火鍋配料（丸類,疏菜類,菇菌類, 水餃, 醉雞件, 青口, 蜆, 土魷魚, 牛栢葉, 雞子,公仔麵) ~ 自助夾, 喜歡食什麼夾什麼😝最欣賞海鮮併盤~有龍蝦, 鮑魚, 蟶子皇（大大隻）,龍躉肉, 蠔,蝦. 全部都好新鮮.熟食（炸物）~ 必食推介”生炸南乳雞翼“,咸蛋黃魚皮及生炸潮汕牛丸, 避風塘粟米也好好味.飲品也有很多選擇,自家制的冷泡茶, 奶茶, 红,白酒也是任飲. 我最愛蘋果有汽疏打酒都有😍還有, 多款雪糕&雪條選擇😁可惜, 太多太多食物&飲品,一次過未必可以食到全部款式. 唯有下次再去食啦.…Read More

主題手切牛 ，今次一行4人揀咗個B餐試試佢，出名手切牛既排場，入座已經上一圈唔同部位牛肉，每款啲牛有個牌指示烚10秒，但一入口簡直可以訓練咀嚼肌，細細片竟然可以咀嚼成分鐘，試完頭轉牛再落單俾多次機會，簡直令我臉部鬆弛都變緊緻。一入口牛肉味道需要幻想一下，反觀美國牛板腱竟有真正實在既牛味且柔軟，一心想食潮汕牛既我 發覺配角［美國牛］先係真正既主角。建議大家都係食個c餐感受感受。蔬菜及飲品是不錯的，菜竟有冰菜食，店員服務好好，尚可一食。…Read More

平時喺深圳食嘅火鍋，性價比超高，返到香港成日都好掛住，今日嚟到旺角，估唔到竟然開咗間任食潮汕火鍋放題！餐廳仲係事業中，未食嘅我梗係第一時間去試吓啦！餐廳就喺瓊華商場，非常方便，座位非常闊落，新開張非常乾淨企理，同一大班朋友嚟食啱晒！放題分三個級數，由最高級嘅龍蝦海鮮，第二級嘅潮汕牛肉同第三級嘅美國牛肉都有，今次第一次嚟，就食咗中間嘅潮汕牛肉放題👍🏻湯底都非常多選擇，我哋今次就揀咗佢哋招牌嘅牛骨湯，入邊有新鮮嘅牛骨，非常之香！一坐低佢就送一盤潮汕牛肉拼盤，仲可以圍住個爐喺度轉，好得意🤣呢個拼盤比利時齊佢哋有嘅部位，邊款啱你口味就可以encore，正呀！私心推介佢哋嘅五花趾同牛胸油，肉質非常鮮嫩，我都忍唔住encore咗五六次🤣👍🏻出面仲有自助區，值得一提係佢有唔同種類嘅手工餃子，即包即出，好好食呀！嘢飲方面種類亦都非常豐富，除咗普通嘅汽水啤酒，佢竟然仲有紅白酒任飲！超驚喜！食到咁上下仲有唔同嘅甜品，雪糕有我兒時最鍾意嘅孖條添😂$300左右有咁多嘢食，食足150分鐘，性價比極高！同深圳不相伯仲，鍾意食牛嘅你一定要嚟試吓啦👍🏻👍🏻👍🏻私心評分食物質素 ⭐️⭐️⭐️⭐️⭐️性價比 ⭐️⭐️⭐️⭐️⭐️#food #foodie #foodiehk #foodporn #foodphotography #foodblogger #hkfoodie #hk #hkig #hkfoodblogger #hkfood#hkfoodblog #hkfoodlover #openricehk #hkfoodpic #yummy #delicious #香港美食 #香港好去 #香港旅遊攻略 #香港探店…Read More

香港終於有得食啦，唔使返深圳都食到潮汕手切牛肉火鍋放題，仲可以食150分鐘全部套餐可以任飲紅酒、白酒、啤酒，近百款火鍋配料自助區、各式小食、飲品雪糕…B.潮汕牛肉放題 先送上手切牛肉圈及海鮮拼盤，牛肉圈有齊切五花趾、吊龍、匙柄、雪花、牛胸油，之後都可以任點，手切牛色澤靚，好新鮮最愛雪花，肉質鮮嫩、牛味香濃。海鮮拼盤有鮑魚、桶蠔、海蝦、沙白，全部都好新鮮，特別係個桶蠔，超大隻，又有蠔味！沙白都好大粒，冇沙又飽滿，自助區可以任拎。自助區有多款火鍋配料，蔬菜新鮮，一定要食手工餃子🥟，好多款口味，又足料！我食咗鮮蝦水餃同埋韭菜鮮牛肉餃都幾正😋小食都唔錯，仲有鹹蛋魚皮飲品種類非常齊全，多款酒類飲品、普通飲品、自家製養生飲品，最驚喜係雪糕竟然有笨Nana雪條🍌呢晚超多人食，全場都坐滿…Read More

今日同朋友黎呢間主打潮汕牛肉嘅火鍋，一上到去已經勁多人排隊，好彩有訂位，好快已經安排到座位，睇睇佢地嘅餐牌，都有分A,B,C餐，我地選擇咗B餐，呢個餐有得任食潮汕牛肉唔同嘅部位，包括有五花趾，吊龍，匙柄，雪花牛，胸口油，仲有唔同嘅炸物同熟食。首先上個呼拉圈牛肉拼盤，有不同部位嘅潮汕牛肉，食落d牛味好重，唔同部位質感都唔一樣，每款牛都幾有特色。鮑魚都好大隻，蝦都好彈牙爽口。呢個餐仲有海鮮拼盤，d海鮮都幾新鮮，d蠔熟咗好仲好脹卜卜，好鮮甜。除咗QR code叫野，出面仲有大量蔬菜，火鍋配料，飲品同甜品任飲任食，種類都幾多。…Read More

喺網上留意到有一間新嘅火鍋放題店，即刻試下呢個海鮮潮汕牛肉放題，招牌潮汕牛骨湯湯底 湯色清澈但牛味十足，淖完牛肉飲返一啖湯，成個胃都暖笠笠牛肉有雪花肥牛、吊龍、牛胸油、五花趾、匙柄、美國牛板腱、美國肥牛。牛肉即切即上，夠晒新鮮。雪花肥牛油脂分布靚，輕輕一淖就食得，入口即化。吊龍肉味香濃，口感軟嫩，點少少沙茶醬已經好正刺身拼盤有齊鮑魚、生蠔同蝦，生蠔入口Creamy,蝦肉質爽甜，幾新鮮。南乳炸雞翼係驚喜之作，外皮炸到金黃香脆，咬開肉汁爆出嚟，南乳味醃得剛剛好，唔會太鹹黑松露蝦滑落足料，食到粒粒蝦肉，黑松露香味好出，爽口又彈牙出面拎嘅食物特別推介醉雞件，醉雞件酒味香醇，唔會苦澀，雞肉滑溜雪糕方面有唔少選擇，包括有coco berry､雀巢等品牌，好啱打完邊爐降溫…Read More

第一次食潮汕牛肉火鍋 居然吾系北上食😆 而系旺角新開手切潮汕牛肉火鍋放題既「牛牛鮮 」🇨🇳🐮 牛肉每日新鮮運到 可以睇到師傅即場手切😌潮汕牛肉放題 $338 / 1位湯底方面揀左清淡鮮甜原汁原味既「招牌潮汕牛骨湯」🍲 店員第一輪會先送上五款手切靚位牛肉「五花趾」、「吊龍」、「匙柄」、「雪花」同「牛胸油」🐮 教埋我地三起三落既涮煮方法 每款牛肉都極具嚼勁😬 而且更仲送埋海鮮拼盤tim🐚🦐另外同場仲有多款火鍋配料 仲有大量 小食 飲品 紅白酒 雪糕 任君選擇😌 …Read More

朋友話旺角開咗間潮汕牛肉火鍋，非常超值帶咗我去試。門面設計現代而吸引，店外大大的招牌讓人一眼就能認出。進入店內，整體氛圍輕鬆舒適，柔和的燈光，讓人感到放鬆。餐桌間距合理，既保證了私密性，又不會讓人感到擁擠。牛牛鮮潮汕牛肉火鍋的菜品選擇非常豐富。有各種新鮮的蔬菜選擇，如生菜、菠菜、金針菇等，還有豆腐、魚丸等配料，讓火鍋的口味更加多樣化。點少得雪糕做甜品，款式都唔少。潮汕牛肉手切牛肉由專業師傅手切，厚薄適中，保留了肉質的原汁原味。雪花油花分布均勻，燙煮後的口感滑嫩，搭配火鍋底料更加美味。吊龍這部分的牛肉非常嫩滑，適合喜歡牛肉的客人。五花趾油脂適中，肉質鮮美，豐富的口感令火鍋更加美味。脆魚腩口感非常獨特，脆皮帶來的香脆感與鮮嫩的魚肉相得益彰，令人印象深刻。鯇魚片魚片切得薄而均勻，鮮味十足，燙煮後口感滑嫩，是火鍋中的亮點之一。四式海鮮拼盤拼盤中包含多種海鮮，新鮮度高，搭配火鍋底料更增添了豐富的風味。美國牛板腱肥瘦相間，肉質鮮嫩，適合喜歡吃牛肉的食客，燙煮後的口感非常滑順。西班牙黑豚肉油脂分布均勻，肉質鮮美，帶有獨特的香氣，讓人回味無窮。潮汕南乳炸雞外脆內嫩的炸雞，醃製過的南乳味道濃郁，讓人食指大動。手工即製小食新鮮可口，還能讓整個火鍋體驗更加豐富。仲有多款自家製飲品，非常滋潤。…Read More

以潮汕牛肉做招徠，落戶旺角瓊華嘅火鍋集中地就去試吓佢嘅實力，畢竟响香港唔容易食到又平又靚嘅潮汕牛放題（正價$338/150分鐘，7:45PM前離座$298）坐低冇耐侍應呈上一大圈靚牛五花趾、吊龍、匙柄、雪花、牛胸油每款tag都標明淥幾多秒係細心嘅而吊龍係今晚嘅冠軍😋 鮮嫩而且手切刀功唔錯牛骨湯底鮮甜，有必配潮汕牛嘅沙茶醬跟餐送海鮮拼盤，鮑魚、桶蠔、海蝦、沙白任點咗手工墨魚滑，爽滑彈牙，推👍🏻想解膩可以叫泡椒藕尖、泡椒花生苗自助區有各款雪糕，海鹽、豆腐味好日本feel~飲品區有自家製茶飲選擇充足最癲係任飲紅酒、白酒！雖然是夜只有紅酒🍷，但味道不錯，酒鬼可以飲足兩個半鐘絕對番本咁食法$3百幾都抵玩，埋單後就見職員响店外安排排隊入座，所以早食早享受…Read More

旺角瓊華中心新開一間150分鐘手切潮汕牛肉火鍋放題，任食鮮味又肉質口感柔彈堅韌的手切潮汕牛肉，潮汕牛肉吃到飽！🐂聽店員講開業至今，基本上每晚不分時段都爆滿人流，建議提前預約！✍🏻J是日QR Code 點餐任叫任食，肉類主力食充滿口感又有肉汁的手切吊龍和手切雪花、有鮮牛香的手切五花趾、爽韌又有肉味的手切匙柄、爽口的手切牛胸油。另外，點了手工蝦滑及墨魚滑、酸辣泰爪、藤椒爽魚皮凍、避風塘粟米、好香脆的咸蛋黃炸魚皮，仲有每枱必食的潮汕南乳炸雞翼。📝 B. 150mins潮汕牛肉放題$338 （正價時段)$298 (7:45pm前離座)$288 (8:30pm後入座)🥘 湯底有8款選擇6人或以下每枱一鍋 $0鴛鴦鍋 / 加鍋 +$40有招牌潮汕牛骨湯、皮蛋芫茜湯、田園野菌湯、滋補藥膳湯、香濃沙嗲湯、蕃茄濃湯、重慶麻辣湯、胡椒豬肚湯選了有清甜白蘿蔔吸滿黑白胡椒香的胡椒豬肚湯鍋⭕️ 頭盤牛肉圈有吊龍、雪花、五花趾、匙柄、牛胸油🌊 海鮮拼盤每位送 1隻鮑魚、1隻桶蠔、2隻海蝦、2隻沙白🍻 任飲紅酒、白酒、指定啤酒、罐裝汽水及茶飲、自家樽裝奶茶、自家樽裝涼茶及茶飲🍨 甜品自取甜筒、雪糕批、雪糕迷你杯_______________牛牛鮮 (旺角)旺角彌敦道628號瓊華中心9樓_______________…Read More

🍲🔥 今次同朋友去咗旺角 牛牛鮮，試咗佢哋嘅 B餐 潮汕牛肉放題（$338/位，150分鐘任食），真係好滿足！✨ 先講海鮮，送嘅拼盤勁抵，有 鮑魚、沙白、海蝦、生蠔 🦪🦐，全部超新鮮，好正！🥩 牛肉方面就更加唔使講，手切潮汕牛肉任點任食，口感超嫩滑，每片都切得厚薄適中，涮一涮就好香濃。🍻 飲品選擇多，有啤酒、汽水同雪糕任飲任食，仲有最特別嘅 香蕉雪條 🍌🍦，真係童年回憶即刻返晒嚟。環境坐得舒服，服務都算快，加上時間足足有兩個半鐘，慢慢食慢慢傾計，絕對抵食推介 👍推薦…Read More

. ݁₊ ⊹ . ݁ ⟡ ݁ . ⊹ ₊ ݁. . ݁₊ ⊹ . ݁ ⟡ ݁ . ⊹ ₊ ݁. . ݁₊ ⊹ . ݁ ⟡ ݁ . ⊹ ₊ ݁.⟡ 手切潮汕牛肉火鍋放題 $298/位 (150mins)湯底選擇都幾多 今次揀咗最基本嘅牛骨湯底湯底有好多燉到稔曬嘅牛肉同牛筋 湯底清甜得嚟又唔會油膩～一坐低店員就捧住成圈唔同部位嘅手切牛肉包括 吊龍、匙柄、五花趾、雪花牛、牛胸油每樣試啲 鍾意邊款又可以再加單！我同友人一致覺得吊龍牛味最濃 不過偏有咬口少少自助區嘅items: 好多好多菜 唔同款式嘅菇菇 丸類s自家製鮮蝦水餃/韭菜牛肉水餃/芹菜豬肉水餃青口 沙白 花雕雞件 鴨血...辛辣麵 出前一丁 烏冬...手機落單嘅items:火鍋配料eg 牛板腱 鯇魚 黑松露蝦滑 ...小食/涼菜 eg南乳炸雞翼 鹹蛋黃魚皮 椒麻鴨腎 ...⟡ 海鮮拼盤 (贈送)2人份量有海蝦x4 鮑魚x2 鮮蠔x2 蜆x4 就不過不失啦~ 放題唔少得飲品同雪糕～飲品選擇好多 有各類汽水 唔同款式嘅茶 甚至有酒類！甜品有cocoberry嘅杯裝雪糕 最驚喜嘅係竟然有童年回憶--阿波羅嘅孖條！. ݁₊ ⊹ . ݁ ⟡ ݁ . ⊹ ₊ ݁. . ݁₊ ⊹ . ݁ . ݁₊ ⊹ . ݁ ⟡ ݁ . ⊹ ₊ ݁.˚₊‧꒰ა 牛牛鮮 ໒꒱ ‧₊˚📍香港旺角彌敦道628號瓊華中心9樓…Read More