Gyuhachi Wagyu Yakiniku Restaurant Express (The ONE) (Closed)

由於同事生日又是母親節尖沙咀到處都需要排隊等位，碰巧在附近本來打算登記輪侯，幸運地竟然可以即刻入座😅我們就選擇了最貴的Plan大概六百幾120分鐘任食，裡面座位寬敞環境舒適，格局就如機場離境感覺，每人有一張機票兌換雪糕🍦，落單係掃QR code 手機落單沒有限制數量，但是種類不多！沙律前菜少、小食少而且冰冷、炸物少、海鮮少、豚肉很多、雞肉都是一般正常種類選擇、食燒肉放題當然主攻牛肉啦，六百幾就只有一款黑毛和牛，其次就是美國牛😔牛舌就有好幾款其他部位選擇也不多每款都只有分鹽同醬油可供選擇，飲品方面也比一般平價火鍋店選擇少，醬汁也沒有，但一樣有提供湯和白飯，自取甜品得兩款，相信餐廳賣點就是機場環境，送餐用機場跑道由飛機送到你面前，當然這不是什麼新玩意啦！好多壽司店幾年前都玩緊火車送餐。所以整體來說六百幾就一定不值一試，得一款日本和牛，這價錢花多少少錢其他餐廳食物、飲品、和牛種類都多這裡好多。…Read More

剛有事情到尖沙咀處理，順道食個午餐，來到The One，周圍覓食，發現有一半食店暫停營業，其他食店雖有開門營業，但人流唔多。唯獨是牛八✈️我和友人在門外看餐牌時，一直都有人入座，於是我哋都決定試吓。由於在門外思考太耐，已經差不多全店滿坐，無哂卡位，只好坐長枱。午餐有定食，也有放題我哋揀了$148放題首先送上一碟拼盤自行開爐用手機自助點餐然後由飛機送餐連埋店內的佈置，都令人彷如置身於候機室肉類分醬汁或鹽燒我較喜歡鹽燒😋燒冬菇都好美味最後食埋甜品，很滿足🤗…Read More

行過見到平日lunch任飲任食都只係$148，仲要寫住無限時，一個人冇乜野做慢慢食就最啱！不過原來鼻謂號無限時都係會有限時，一點幾入座，三點幾就需要埋單啦！所以都唔係任坐。如果想食海鮮的話就要加多$30，不過$148嗰個其實都有晒豬牛雞，個人認為都好足夠。環境方面都算舒適，有籃可以擺袋。自助bar款或比較少，甜品都係得三款，味道亦麻麻。飲品方面基本上有汽水同茶，另外仲有一部咖啡機。至於肉方面，種類唔算好多，但質素尚可接受。牛類推介牛舌，薄片有牛味，其他牛肉都肥瘦平均，燒落唔會好油。菇類就太少，建議款式多少少選擇會開心啲。…Read More

「乘搭國泰港龍航空 KA378 前往沖繩嘅旅客現可以登機」相信好多人等呢句嘢好耐啦！雖然未有得飛！但係都嚟咗呢間餐廳度食下先！拎個感覺啦！成間餐廳係用機場做主題！都有創意！今次用餐最失望係，小編所坐嘅位置既枱面個跑道運輸帶就未有運作嘅！爭少少飛嘅感覺！但唔緊要啦！個環境都有氣氛嘅！服務員態度都有禮貌！至於嘢食方面，味道雖然醃嗰時就重手少少，但係都可以接受嘅！唔可以話差嘅！肉都好有質素嘅，叫咗個牛舌！都唔錯嘅！另外都叫咗啲牛肋肉！牛肋肉就比較容易咬，但係同牛舌有同一個問題！都係味道重手咗少少！不過都唔差嘅！仲可以話表現好過牛舌Tim！由於份量真係比較少！出邊自助吧啲選擇並不是太多！不過都可以接受嘅！最後加咗份豬頸肉，味道都OK 㗎！肉嘅質素都唔錯㗎！可以合格㗎！其實整體肉嘅質素都唔錯嘅服務方便都OK嘅！下次可能都會選擇返放題！可能有意外驚喜！…Read More

本身今日都黑仔 晏晝想打邊爐但去親兩間都摸門釘 就行返去The One 見到話運輸帶送燒肉做賣點 加上午市有85折門口裝潢又幾有心機 就滿足下搭飛機既心入去之前 一樣啦店員會問揀咩餐一共有4個 咁大多應該都會揀80品 比起74品 多三十蚊但多左海鮮(魷魚 帆立貝 蝦 三文魚)同炸物另外坐低店員會問飲邊款茶 綠茶/ 焙茶一枝再按人頭比張機票你 其實係用黎換雪糕都一樣可以揀焙茶或者Hagen daz飲品同熟食要自己出去拎 不過種類比較少:(熟食只有章魚小丸子同炸麥樂雞而沙律菜只有2款 配料只有小蕃茄同麵包粒飲品有果汁 種類有幾款 比較多元化落左單等左十分鐘 運輸帶就送上燒肉啦雞肉對比起牛肉同豬肉出色啲雞髀肉好嫩口好滑 有款係柚子鹽 咸咸地幾好味但燒肉質素比下去 竟然炸物比較好味炸豬扒同炸雞都好味 肉質唔鞋口 好嫩但牛尾湯拉麵就比較失望湯底似味精湯 唔似有熬過可能會話燒肉放題唔好咁高要求對配菜但貴舖寫得出依個名就要對得住啦用焙茶雪糕作結尾 係幾香 似普洱茶味道題外話 貴舖既衛生情況有待改善匙羹根本未抹乾淨 卡位又有食物碎 貴舖要注重餐具既衛生 …Read More

尖沙咀分店門外有個捲頭髮的職員，我查詢198同168的餐分別在於邊到。佢答我野食唔同叫我慢慢睇，完全無打算講解，無介紹。我睇到有分別就唔洗問你啦，完全唔helpful 。然後入座後用碟十分污糟，飲品杯每一個都好多銹漬，碗，醬油碟每一個都一定有污漬，我要親自抹過先可以放心使用。呢個疫情下仲可以保持呢個清潔狀態我真係好佩服。野食方面真係一般 出面的炸物唔知點解係凍的 汽水無乜汽，薯條一般 ，整體上都係抄牛角 我叫左168個餐 d肉都係一般般 唔會再去…Read More

偶然見到呢間裝修和設備都玩味十足的燒肉店 決定一試 提前定位好驚無位 結果完全好多空位…自助區有少量沙律熱食和紫菜飯可自取 試咗粒小丸子 微暖～紫菜飯自己放紫菜同蔥同燒汁 任君選擇～但當然要留肚畀燒肉啦今次食69品的牛八放題 最令人印象深刻的是豬頸肉 超級爽脆 牛舌都不錯 但不同調味只是將醬料放上去 所以嚴格來講每個味都約等於原味😂 雞翼和牛油粟米都好好食 encore咗好多次食到尾聲還試了芝士年糕和芥末薯條 都有驚喜 芝士年糕軟糯的口感很治愈…Read More

極上放題80品 120分鐘（星期一至四 $358 /人）肉類、海鮮🍖🐟賣相：🐧🐧🐧種類：🐧🐧品質：🐧🐧🐧賣相方面，擺盤尚算整齊，各式燒物大小尺寸相若，不會參差不齊。肉類普遍薄切小塊，方便燒烤，值得一讚。海鮮則隨牛油錫紙盤一起奉上。種類方面，358蚊套餐只包含基本豬、牛、雞、六款基本海鮮，沒有羊肉，醬料主要只有醬汁和鹽燒兩款，而且和牛只包含牛舌一款，個人認為有點不值。品質方面，肉類肥瘦適中，新鮮度可接受。餐廳推薦的上級牛肋肉和牛舌都易處理燒烤，兼有牛味牛香。但醬汁款肉食醬汁量偏少，難以試出醬汁味道。海鮮方面，牛油味不足，導致海鮮雪味表露無遺。熟食🍤🍜賣相：🐧🐧🐧🐧種類：🐧🐧🐧味道：🐧🐧🐧🐧賣相方面，炸物表面乾身，色澤金黃可口。麵食方面，伴菜麵條比例相宜，色澤新鮮吸引。種類方面，共有七款炸物可供選擇，但當天薯條缺貨，只剩六款。麵食則有冷麵、拌麵及湯拉麵三款，自助區另設白飯提供。味道方面，冷麵爽口彈牙，清新的質感可沖淡燒肉的肥膩味。餐廳推薦的炸雞外脆內嫩，不會過油，值得一試。反而炸豬扒炸粉太多，內裡豬肉較韌難咬，可以跳過。甜品🍦賣相：🐧🐧🐧種類：🐧🐧味道：🐧🐧🐧甜品只有四款：雪糕、泡芙 、銅鑼燒、馬卡龍。雪糕限一人一杯，只有綠茶和焙茶兩款口味選擇。其餘三款都可以在自助吧任意領取。泡芙忌廉香滑，泡芙皮軟身濕潤，令人躍躍欲試。銅鑼燒並無饀料，單獨食用會太乾身卡喉。馬卡龍屬迷你尺吋，本身味道欠奉，只有甜精的味道。飲料🥤種類：🐧🐧🐧🐧飲料可在自助吧領取，有茶、咖啡、汽水、果汁等無限任飲。環境：🐧🐧🐧🐧裝修以機場為主題，四處都能見到飛機指示牌，並使用類似行李運輸帶的軌道送餐，運輸小車上更有小型模型飛機作裝飾，頗特別有心思。座位寬闊舒適，桌面面積極大可同時放置多盆食物。唯一不滿是燒盤面積較小，火候亦偏細，二人使用一個燒盤勉強夠用。服務：🐧🐧🐧上菜速度：🐧🐧🐧🐧餐廳提供QR code 下單，方便快捷。如有需要，亦可按桌子旁的按鈴呼叫職員協助。送餐模式類似元氣，經運輸軌道直接送到桌面隔壁。令人失望的是，第一，它不像元氣設有返還運輸小車按制，小車一段短時間後便會直接歸還廚房，不管你的食物是否已拿取。第二，小車停放位置兩邊卡位互通，但標示食物所屬的彩光燈卻不明顯，容易有拿錯食物的意外出現。輪候時間：🐧🐧🐧🐧🐧在平日六時左右光顧，無需輪候便能直接入座，入座時眼見仍有過半空位。🐧❤️結語：對環境打卡有興趣可以一試，追求燒肉性價比可直接跳過。…Read More

🌃 餐廳環境以登機閘口為設計概念， 引入全自動飛機跑道送餐系統， 專用客機就會將燒肉直送桌上， 十分有噱頭。-👨‍👩‍👧‍👧以下為午餐無限時燒肉放題 由$108起.🤠 通粉foodie 就叫了牛八放題 ， $148 未加一， 任食4小時，包括牛肋肉、牛舌、牛五花、 牛肩脊肉、 豬頸肉、 豬腩片、 豬大腸、 煙肉、 雞腿肉、 雞翼、 紫菜飯、 蕎麥麵、 牛尾拉麵、 炸蜜糖芥末薯條、 各款什菌野菜、 不同的組合配上不同嘅醬汁( 醬汁、鹽醬 、味噌、紅酒醬、芥末醬、香草、 蜜糖 、柚子生薑、柚子胡椒)。.👉另外，特設嘅Buffet Zone有多款 食品、甜品同飲品任飲任食，俾你無限次追加心儀前菜、沙律、燒野菜、飲品及甜品等！.🤠 通粉 foodie 食評： 👉牛嘅質素以牛肋肉質素最好， 雪花紋理分明 ，肉味濃， 厚切有咬口。其次為牛肩頸 都是上等質素，牛舌正常，而牛五花最普通。.👉豬嘅質素 推介豬頸肉， 好厚切， 油脂成分高， 肉味濃厚， 而豬腩片一般。 .👉由於有充裕嘅時間， 通粉就研發創意料理🤣， 用了錫紙盤， 取了豆腐、泡菜、豬腩肉， 自製韓式豆腐泡菜炒豬肉， 味道不錯，好似係讚緊自己😛。 另外可以自製日式料理， 因為有大阪燒醬、紫菜粉等。 .👉另外推介 邪惡食品， 芝士年糕， 起初以為係韓式年糕， 上菜後原來是日式年糕片 配上濃濃嘅芝士 可以無限拉絲。.👉再講講飲品， 飲品有汽水機、果汁機、咖啡機， 特別推介有薑汁梳打， 坊間比較少有。.👉再講個甜品， 有士多啤梨泡芙、原味泡芙、銅鑼燒， 較少甜品選擇。 .👉 沙律吧可以自製凱撒沙律、油醋沙律 等。.👉 另有 野菜、菇菌類， 瓜類如南瓜， 粟米 等。.👉 炸物有麥樂雞、一口餃子等，味道正常。🕍 牛八和牛燒肉屋 Express (The ONE)尖沙咀彌敦道100號The ONE5樓L501號舖.此價格只供參考及以當時為準，實際價格或會與本文章有所差異。-…Read More

話說上次去開尖沙咀咁啱想食燒肉 但係去牛角發現超級多人就放棄左 行到THE ONE又咁啱見到有間牛八！咁一定係有關牛肉嘅餐廳 原來真係一間燒肉放題 仲要人超少 排隊等左一陣就好快入到去！入面裝修好光亮 空間感超強 而且牆壁都係飛機輪候牌 好似回到以前係機場等上機嘅日子🥺每個座位都好寬敞 入到去仲有兩張機票係for兌換雪糕的🤣而送餐每次都係有傳輸帶咁送到你面前 之後著燈自己拎😍都似自己攞行李gip🤣呢度都係用QR code落單的🥩牛八放題(69品)💰288(星期一至五)因為我地唔食海鮮同和牛 就選擇左呢個已經包羅萬有嘅放題套餐！單單係牛入面就有齊牛舌 牛五花 腹胸肉 肩脊肉 牛肋肉等等 佢有隻肉係好大舊要剪開逐面燒 但係超級軟嫩 而且肉質絲絲分明好細膩！其他肋肉都同牛角有得揮！豬肉都有豬頸肉 豬腩片 大腸 煙肉等 厚切同薄切豬腩片係兩種口感！個人更鍾意薄切 燒完之後一塊乾脆嘅口感好正！雞肉方面就有好多口味嘅雞腿肉同雞翼 但係我地主要食牛就冇乜嗌到其他燒嘅嘢就有芝士年糕 牛肉粟米粒 牛油雜菌燒等等 而蔬菜例如冬菇 翠玉瓜 南瓜 茄子等等就要出去攞 個人覺得呢幾隻蔬菜燒得都特別好味！但係芝士年糕就係成大舊白色嘅硬芝士同年糕一齊自己燒 好容易燒得過火唔好味😵‍💫前菜都有好多可以出去拎 例如牛尾湯 沙律 枝豆 泡菜等等 而對面就係炸物 有炸薯條 炸雞塊 最得意係香芋地瓜丸同埋章魚小丸子！可以自己淋醬 你都可以係電話上面嗌主食 有拉麵 冷面等等飲品方面出面有汽水機 果汁機同埋咖啡機可以任加 而我地一入去都送左兩枝茶幾解膩！甜品雪櫃就有泡芙 銅鑼燒 芝士撻同埋迷你馬卡龍 最後都會有兩杯Haagen Daze嘅雪糕收尾整體來講呢度環境好寬敞 而且融合左好多創新嘅元素 野食都好多元又可以自己拎都可以用電話落單 質素方面肉質新鮮 其他小食都幾唔錯 想食燒肉又唔想排牛角都可以試下呢間！📌 牛八和牛燒肉屋 Express (The ONE) (尖沙咀)尖沙咀彌敦道100號The ONE5樓L501號舖…Read More

上個週末食完燒肉，今個禮拜 encore 再來一次，揀了「牛八和牛燒肉屋Express」。原因？裝修主題有噱頭。是否好味？光顧之前已經有心理準備，信心一般。隸屬於和心飲食集團，旗下還有「牛八日式涮涮鍋」、「名代宇奈」鰻魚飯、「京都抹茶庵」、「梅丘美登利」等日式餐廳；當中有自家品牌，亦有從日本引入專營權的合作品牌。「牛八」就是自家品牌之一。與同系其他「牛八」不同，「牛八 Express」裝修較簡單，不似傳統日式燒肉店；採用飛機場候機室裝修主題，並從日本引入燒肉迴轉輸送帶概念。雖然整體風格有點奇怪，但又幾特別。更奇怪在門口放了一個類似日本神社的許願牌架，完全唔協調。與其他「牛八」一樣，只供應午市定食及日式燒肉放題。放題一律120分鐘，分成四個不同級數：「燒肉」、「牛八」、「極上」及「和牛」，由$228至$608（星期五六日及公眾假期價位）。前三款較「牛八」貴一點，最後一款就較「牛八」便宜一截⋯⋯ 不能理解定價策略及標準？叫了三份午餐定食，同一時間由迴轉輸送帶送上。還添加了一隻模型飛機，貫徹裝修主題。午餐燒肉定食也包括任食沙律吧、任飲汽水、任燒蔬菜及白飯，款式當然沒有驚喜。牛肋肉及牛腹肉定食（$105）可選醬汁或鹽醬，揀了前者，但就唔覺得有任何醬汁醃制。牛腹肉切角，顏色較深，沒有什麼脂肪。牛味濃郁，但肉汁唔多；肉質軟綿中略為偏硬，有少少韌。記憶中上星期吃過的另一家燒肉店的牛腹肉好食很多。牛肋肉賣相很差，質感亦唔似牛肉，有點爽口彈牙，差點以為是牛舌。雞肉及豬頸肉定食（$95）同樣賣相不佳，尤其雞肉，分不出是那一個部位。豬頸肉爽口彈牙。雞肉質感及味道一般，欠缺特色。A4黑毛和牛牛肋肉及和牛牛舌定食（$188）揀了鹽醬口味。不愧是A4黑毛和牛，肉質軟腍，入口充滿油花。和牛牛舌也很好味，不過太軟身，缺少了牛舌的口感，差點以為同樣是牛肋肉。好味道的牛舌始終應該是彈牙有咬口。上星期才在另一間真正來自日本的燒肉店吃過午餐，價錢差不多，但人家就好吃很多，還要有小食（係漬牛舌）、沙律及甜品贈送。雖然「牛八」有任食沙律吧及任飲汽水，但質素實在差一截，不會推薦。…Read More

想食燒肉，又想食放題。見到呢一間係機場主題嘅燒肉餐廳就去試吓。平日去，基本上冇人去食。間餐廳全晚都唔知有冇三分之一坐滿。揀咗$288。因為睇過其他食評都話佢哋嘅質素麻麻哋，所以就唔揀個貴餐啦。覺得就算比多啲錢質素都唔會好得去邊。尤其是係放題。雖然係最平嗰個餐而又有牛肉食嘅，但都有好多主食嘅選擇。有冷麵，有拉麵等等。豬牛雞方面，感覺好似有好多選擇。但其實只不過係同一塊肉有唔同嘅醃料。開頭煮嘅時候唔識得控制火候，燒到啲肉又乾又硬。但後尾煮慣咗之後，啲肉都煮得有肉汁。最鍾意食佢哋嘅牛脷。其實啲牛肉都唔係其他人講到冇味。我覺得其實都唔錯啦。始終都係放題。環境又好。主題又得意。最好就係因為冇乜人食，感覺地方冇咁嘈，冇咁迫。舒服好多。…Read More

📍Gyuhachi 牛八和牛燒肉屋express 🗺尖沙嘴彌敦道100號THE ONE 5樓L501號鋪呢間算係新開嘅特色燒肉店，係旅行飛機主題✈️，入場有登機證機票比你！每張檯都會有條高速線，上面會有架飛機衝過黎送餐🛫 好得意😆 今次我就揀左$358 極上放題80品，120分鐘～ 選擇其實都唔少，除左燒肉類，仲有炸物、野菜燒、主食、前菜等… 飲品、飯、沙律等都係喺出門自己攞嘅🙆🏻‍♀️一開頭就會比一盤牛肉拼盤，不過其實都唔係好分得清係邊款😅 個人覺得肉都係唔夠入味，豬肉雞肉都較普通… 試左兩個主食，一個盛岡冷面，一個牛骨湯拉麵，無咩特別🙈 另外自己整左個溫泉蛋紫菜飯，落左啲醬汁但係都無牛角飯咁好味😂 牛油粟米粒好食，炸雞塊炸豬扒都唔錯😋 甜品方面就有蛋捲仔同焙茶/抹茶雪糕，呢個就好正🤩 飲品方面就有汽水果汁機，咖啡機，有熱朱古力飲🥰 整體來講，燒肉方面個人覺得比較普通，唔係話好好食🙈 勝在選擇幾多，而且飛機主題幾有趣，當飛左轉日本😹…Read More

唔係好抵食，真係食裝修。個牛份量唔係問題，味道都可以, 任食部份只有湯同沙律，幸好有豉油同白飯同紫菜任吃，但雞蛋不包，蔥都得好少，要等好耐先refill. 食個豉油飯都幾好食。…Read More

成間機場設計，係冇得飛嘅時候扮吓去機場check-in都幾得意，坐低之後就會收到你嘅登機證，其實係之後食完可以用嚟換雪糕，之後你order 嘅食物會由好似行李運輸帶咁送到呢度環境開揚寬躺，坐位舒適，大男人坐都唔覺得迫，而且lunch time都唔會爆埸食物方面，多選擇得嚟，質素都唔錯，新鮮好味，重有Salad 同甜品bar總括嚟講，係食燒肉幾好嘅地方，環境同食物質素好之餘，望住佢嘅機場裝修，都會令人開心放鬆一下…Read More