爸爸壽司小料理 (Closed)

剛剛提起筆欲寫一寫這裡的吃評，才發現她已經結業了實在是可惜之至....太座跟我自從多月前第一次光顧過後便留下了一個良好的印象 (特別是那個鮮甜的海鮮粥，的確不俗)，之後隔了不久再去一次，雖然不是每一款食物皆令人盡如人意，但起碼在付出頗為公道的價錢底下能吃到普遍不錯的港式日菜，已是一個不差的經驗來了....好像侍者推介的那半份剝皮魚刺身連肝，賣相相當不俗，魚肉很夠爽彈，鮮貨是也:)；魚味本身雖是偏淡不濃，但伴着帶微鹹且滑潤的魚肝來吃，兩者配合得恰到好處。可恨的是當晚只賣剩半條，份量太少，一人兩三口已將之消滅殆盡，不然便能大快朶頤了....另一道酒煑花甲也很好吃 ---- 花甲肉肥美且沒甚多沙，湯底下了不少七味粉，入口微帶辛辣，但喝來喝去也感受不到很香很濃的酒味，是失色了一些。不過光是吃那些肥大肉厚又鮮味之花甲肉，已是值回票價....太太點的滑蛋鰻魚鍋就不太行了 ---- 初時以為整道菜是用一個圓型石鍋上桌的，怎知來時卻是將所有配料盛在一個圓扁不深的鐵板上，賣相挺古怪。上菜時是熱呼呼的，但這卻是唯一好的地方。味道就認真麻麻，主要原因在於汁好像有些過多，弄得那鰻魚肉濕漉漉，入口便漿成一pat pat似的，而且味也是過份的甜....處理得太濕還有那道海鮮炒飯。不過她們用的真確是肥嘟嘟的日本米飯去炒，而且材料極豐富 --- 熟三文魚粒、魷魚、蝦等全部有齊而且量數甚多。吃後很飽肚，亦很滿足....想不到就此要跟爸爸小料理暫且分別了，希望遲些能在別處有緣再見啦....…Read More

今日星期六收一點, 心血來潮想去下有一排無去的爸爸料理, 記得上次星期六去食lunch 都好爆, 一定要訂位的, 不過今次諗住得一個應該易d , 最多咪等下。點知一推開門, 得一枱客.......已覺得奇怪.......發覺睇樓面個阿姐又唔同左人, 又係一奇, 唔理, 食野要緊, 點左個set lunch 壽司set + 烏冬..............等...............等............等, 等左好耐至有碟前菜:煎雞翼上, 又等等等好耐, 至上個麵豉湯......又等等等好耐至上個壽司set.....平時working day 食lunch 爆晒場, d 野都上得好快, 今日得果兩枱客反而慢幾倍? 咩料呀?!一上左個壽司set 就發覺唔對路.........唔係下話.......其中兩件係蟹柳, 同玉子???以前唔係呢d 平野喎, 呢個餐我食左三次, 壽司飯上面全部係魚生類, 點解呢次會比左蟹柳同玉子我?? 價錢又無變喎, 但用料慳左..........跟住再食, d 飯散o既!! 一點豉油就散啦......不禁又問: 咩料呀???等個烏冬..........等左好耐......問佢, 我係咪應該仲有個烏冬? 個女人都仲係烚下烚下, 去望下個menu 至恍然大悟......最後烏冬上埋啦........又係細左好多.......埋單比錢時, 忍不住問佢, 呢度係咪轉左手, 佢話係, 唔知係咪一次過轉晒人啦.....新爸爸非常不掂........總結, 如果你未試過呢間, 我諗唔值得試, 以前$49 覺得佢貴,但物有所值, 比錢比得甘心情願, 而家我覺得最多值$30如果你係之前幫襯過舊爸爸, 你........忘記他吧.........舊爸爸......你去左邊呀??…Read More

小小的餐廳，收費也不便宜。中午十多個ＳＥＴ　ＬＵＮＣＨ都是跟飯（只有地獄烏冬餐是烏冬），如果想轉做烏冬，要多付五元我們兩人ＯＲＤＥＲ了　天婦羅餐，轉烏冬，和風沙律　地獄烏冬配三文魚壽司，炸雞翼每個餐都有醃螺肉和ＭＩＳＯ湯醃螺肉，和街邊賣凍撈麵的沒啥分別；ＭＩＳＯ湯也是稀稀淡淡的，沒甚麼誠意；和風沙律調味重手，但菜是新鮮嫩口的；炸雞翼超迷你，和我的大拇指差不多；烏冬是普遍貨色，不明白為啥要加五大元；地獄烏冬是擔擔麵味，只有點點辣，是另類的地獄。我們另外點了「冰火三文魚壽司」，見是此店特有，不可不試嘛。其實也不過是炸飯上放一片三文魚，口感味道也不見得有驚喜。沒有特價，十元一舊，好貴。不是難吃，但決吸引不了我回頭…Read More

一朝早先到中環辦點事，之後都只係早上十一點幾，即過海到紅磡拜訪這店，其實前晚已想好今日放縱一下自己一番…這個是前奏…由於參考之前的食評，大多都盛讚海膽鮮味。於是午餐我點了雙色飯套餐，其實只是我將三樣可選的刺身選了兩份海膽。套餐包了一個前菜，我選了三文魚，算肥美，好味！雙色飯來了，賣相佳。海膽味道是…怪怪的，放入口中竟有膠質很重（很黏）的感覺，鮮甜度尚可。我還是較喜歡板前的海膽，每次吃後真的像日劇情景般…有幸福的感覺！由於我來時時間尚早，只有我一人獨坐，幸好這店地方小小，又有電視可觀看，很有家的感覺。店員服務週到有禮…之後看見有一對夫婦點了天婦羅套餐，好像很好吃，以大部份套餐約四五十元的價錢，有前菜有雪糕送上，算是不錯…可再來！一點前結賬還有九折呢！可能只是我期望過高，才會失望…所以親愛的您，別對我的際遇有太高期望…老實講，我自己去不敢想呢！…Read More

聽說這兒的日式料理做得不錯，於是偕太座過來一試...平日的晚上人影也不見一個，交投淡靜得很。侍應及廚師是有空得可以走出來看電視節目的.....店子很小，很有家庭feel，主打的也是些日替小料理。魚生壽司當然也可以order，但要吃此類物事，還是要到正統的日本料理如壽司廣一類之地方吃才夠穩妥。所以是晚主力叫的，仍是這兒"店自慢"的小料理....海鮮粥應算是頗港式的 (印象記得在日本店子是沒有如此的做法，因通常日本人要在生病時才會吃粥的)。材料是蠻豐富的 --- 有三文魚、魷魚、蝦、白身魚、青口及蟹柳等。有着如斯多的海鮮配料，粥底自然是夠甜有餘了。說回粥底，綿滑程度當然沒有我們廣東粥的好，但也卻沒有想像中般的稀巴巴的，算是做得很不錯了。不知何解，太太好像吃喜歡這碗粥，不停的嗶啊嗶，轉眼已獨力吃了大半碗....想叫點燒物來送粥，來一條燒秋刀魚就很恰當了。時值秋冬時期，魚正肥美，肚還剩油，是美妙的:)。皮燒得帶點焦脆，不差；肉(特別是近胆的那位置)進口很見甘甜，好吃:)....再叫了一窩牛肉飯，份量甚巨，吃得之前的粥及燒魚，來到此處，已有點力有不逮了。飯用的是溝米，付出的只是區區五至六十個大洋，要求吃到純日本米的，當然是痴心妄想，不過被照燒汁浸過的白米，甜甜的吃進口又頗覺不錯；牛肉是碎濕濕的，但這樣卻更能嗦盡湯汁。所以雖是雪藏貨，倒也吃得津津有味，再加上熱度夠足及有大量的洋葱及芝麻粒墊面，這碗加大版的日式don亦令人甚滿意:).....價錢相宜，食物中上，服務也見殷勤 (茶是不斷地加的)。獲得不少的好評，也是理所當然吧....…Read More

心想以為這裡是一間全新的店，入到去才發現它的擺設跟 settings 都跟之前那一間盧屋一樣細細窄窄！我諗可能依家呢位老闆頂左之前間爐瑞燒黎做吧。好似只有再前前個間泰國菜做得比較耐吧，所以這一間會係度開幾耐真係唔知呢。說回食物：鰻魚抄飯 $40 - 唔覺有鰻魚 at all！只見到非常細塊的一塊鰻魚皮。抄飯倒抄得幾好味，好乾身，粒粒珍珠米都見到。泡鮮抄烏冬 $44 - 海鮮不多好像只有墨魚同三文魚粒，烏冬都抄得幾乾身，不過都幾油。牛油蒜粒抄雞腎 $48 - 有青色的辣椒仔，蒜粒，乾蒜，洋蔥，紅蘿蔔絲，芝麻抄雞腎，非常之爽，不過個中間其實仲係紅紅地色，唔知熟其實未架呢？overall，呢間野都用幾多油煮呢，雖然佢既味道都幾好，但我既 concern 都係佢既定價，因為佢仲會收加一服務費。附近有如此多選擇，競爭都幾大。服務都幾好。…Read More

差唔多放lunch time~呀head竟然問我有冇帶lunch box~原來佢想搵飯腳去食日本菜~哈哈~就帶佢去<爸爸>食full set 啦……雖然已訂枱, 但仍然等左成10mins~Lunch set 轉左款lu~ 再唔係之前$42 選兩個料理.改為<小食>四選一 + <飯類>十幾款選一, 而價錢就根據你所揀既係咩飯啦~我地要左三文魚生(兩片) + 海膽魚生飯 x2, 蟹籽沙律+ 海膽魚生飯 x1每個餐都有前菜, 味噌湯, 甜品今日既前菜係日式螺肉, 而味噌湯唔會太鹹, 味道唔差~先黎既三文魚生雖然只有兩片, 但肥美, 厚度剛好.同事既蟹籽沙律則比我上次黎差左喇~過多沙律醬, 以及份量比以前少左好多呢~海膽魚生飯登場~魚生擺放得整齊~:)用三文魚(x2),吞拿魚(x2), 墨魚(x1),八爪魚(x1)同油甘魚(x1)圍成圓形, 舖o係飯面,而上面葉子則有我地心中既主菜海膽、黑三文魚籽、三文魚籽先試少少海膽: 非常鮮甜! 估唔到o係呢度食到唔差既貨色.黑三文魚籽比普通既三文魚籽較重海水味, 亦較鹹, 但黑三文魚籽亦較罕有~唔係普通日式料理店會入既貨~:)而其他魚生水準都唔差^^~但吞拿魚較差~竟然食到有渣…驚喜係平時成日都食到韌既墨魚同八爪魚都一咬即開~飯係珍珠米, 黏黏地~配埋魚生一齊食~居然連平時唔食飯既我都消滅左大半碗~(抱歉今次冇影相~請參考其他食家既圖片)最後既甜品係白色雪糕(見到隔離枱)~ 但因為我地唔食雲呢嗱味~所以都問一問waiter有咩味可以揀~原來就只有椰子味~可能我地o個樣有d猶疑同失望~佢就話平時唔轉得架~比朱古力味雪糕你地啦~唔收加一, 一人$55, 超值~Happy Friday之驚喜---free of charge! 呀head請..^^…Read More

海膽魚生飯定食 ($54)有前菜-->炸三文魚骨(冇咩肉, 但唔腥)miso soup-->好多海帶, 熱辣辣, 咸淡適中海膽魚生飯-->好多款刺身鋪係面, 三文魚, squid, tuna, 墨魚, 立魚, 黑三文魚子, 海膽好鮮味!!! d飯暖暖地好有咬口, 真係好好味雪糕-->豆腐味, 好清唔太甜三文魚親子定食 ($54)一樣有前菜, miso soup,雪糕三文魚親子飯又係好多三文魚鋪係面, 三文魚子都幾多下, 但三文魚唔夠肥美overall, $54一個定食真係十個抵但由於得好少座位, (約20個), 好快full, 建議12pm去避開d OL…Read More

看到紅磡新開了不少店鋪，於是找個星期天，一連掃兩間。先來的是這間爸爸餐廳吃日本菜午餐。星期天依然有午餐提供，而且很便宜，又不須加一。我點的是sushi set($44)，男友點的是天婦羅set($40)。先來的是miso和前菜。Miso味道有點咸，而前菜是中華沙律，是我喜歡的一道前菜。Sushi set包括一小碗烏冬，不過我覺得湯底味道怪怪的，以致影響整碗烏冬的味道。因此，我們只吃了一半。Sushi set的賣相很好，可是味道只能就是中規中矩。三文魚味道正常，帶子聽是不腥，魷魚都算新鮮易咬口，北寄貝爽口，其餘的都沒多大印象了。天婦羅set除了天婦羅還包括一碗白飯。天婦羅的油份都比較多，有兩隻蝦和南瓜、茄子等。我覺得很熱氣，而男友就吃到很膩。餐後還有一球薄荷巧克力雪糕，應該是牛奶公司出品。整體來就味道一般，價錢便宜可取。…Read More

知道爸爸轉了師傅再去一試...餐牌改變了...似乎選擇比以前少了很多!!沒有那麼吸引!!叫了滑蛋豬扒飯...看不見有滑蛋...豬扒有點過火...飯...很硬!!貓爸食左少許就再無食...玉子小卷再沒有以往那些海台既香...變了!!玉子本身顏色帶點灰黑...煎得不好吧!!焗雜菇變成焗金菇...再沒有牛油的香只見一堆油在菇底...吉列炸蝦手卷...蝦細得可憐加上厚厚的粉...可惜!!帶子壽司...沒有那彈牙的口感...轉了師傅...味道不再...就算用更好的食材...還是沒有那份味道...況且...新鮮度也不再!!客人人流也不再...水準的確差了很多!!最不喜歡就是在等候時數盡舊師傅的不是...誰是誰非, 客人沒有興趣客人有興趣的...只有食物的味道能否滿足要求!!可惜...不能!!恐怕...以後都不能!!…Read More

食完雞蛋仔,行了一陣又去咗食dinner:)今次叫埋honey 朋友一齊食, 多d人食得多款d, 開心d三個人叫咗辣味酒煮蜆, 三文魚壽司, 帶子壽司, 鰻魚壽司, 炸蝦芝士卷(4件), 雞軟骨, 綠茶冷面(凍), 前菜($25) 螺肉拼八爪魚辣味酒煮蜆 個湯辣辣地幾好味呀~ 蜆肉都鮮甜~三文魚壽司d飯就好散, 三文魚係薄片,都ok既, 脂肪同肉質都平均架~帶子壽司 細件咗d , 但都新鮮架, 鰻魚壽司厚厚地又幾好, 都好味呀~炸蝦芝士卷(4件)無食到呀雞軟骨食咗二粒, 都ok, 有口感呀~綠茶冷面(凍)呢個超唔掂, 好似食橡根咁, 後來同waiter 講, 佢換咗另一個比我吔, 但都無用丫,唔好食又貴~前菜($25) 螺肉拼八爪魚呢個好好味~正呀基本上係好普通貨色, 但勝在新鮮者, 但一點也不平宜呀~這間舖很細小的, 坐得唔耐呀~…Read More

看了網路好評不斷, 因此前幾日前往一試, 沒想到居然裝修中! 為了避開洶湧人潮, 特別在今日中午二點左右才前往, 一進入 ,果真還有些空位, 點了午餐餐牌中比較貴價的海膽魚生飯. 前菜辣味螺肉很令我驚喜, 很大很新鮮,是我吃過很多日本料理中頗讓我驚喜的. 味噌湯也不弱 , 最讓人驚喜的是海膽魚生飯, 海膽清甜,其它不同種類的魚生亦讓人覺得有誠意 . 另外值得一讚的是服務頗好, 這位約六十歲的老婦人, 或者是年輕爸爸的媽媽? 就像家人般的親切, 臉上頗有微笑, 頻頻來添茶. 總之是一次非常愉快的午餐 , 五十四元可以吃到如此用料鮮品的日本食物, 算是十分回本, 這一家以後亦可列入可常來食的飯堂! …Read More

看食友推介爸爸壽司小料理，那個帶子+海膽+三文魚籽飯一看難忘，於是和朋友一起去試試!再看 openrice 食評，令人有點卻步，因為有位粗口師傅坐陣!致電爸爸壽司小料理，老闆娘諸太聽電話，我坦言我們 1500 才到，老闆娘說兩點幾落場，但問了師傅後說無問題。其實，心中有點擔心，師傅會唔會嫌我倆太耐先到呢.....最後，我們在紅磡乘的士到達，抵達時間差不多 1500 啦!因為已經落場，我們又包場啦，全場只有我們兩人!由於包場關係，可以一邊食一邊與老闆傾計，原來粗口師傅走了，他們曾關門十天，直到近日才再開業。怪不得他們在桌上放滿雞、燒肉等食物，原來是開業拜神。 看了餐牌，沒有帶子+海膽+三文魚籽飯了，就叫海膽魚生飯定食和壽司定食各一啦!海膽魚生飯先來，一看食指大動，唔想 share 食呀，馬上和友人提議一人一個海膽魚生飯定食啦! 壽司定食就 share 食啦! 於是決定兩個人食三個定食! 每個定食包括味噌湯、前菜和雪糕。平心而論，以$54一個海膽魚生飯定食來說，真的超值! 最好味的是在那塊葉子上的海膽、黑三文魚籽啦! 吃了一口海膽，嘩! 很鮮甜呀.....估不到以 $54 這個價錢，可以嚐到這麼鮮甜的海膽和黑三文魚籽呢!魚生有八爪魚,油甘魚,吞拿魚,三文魚都是新鮮，飯是用秋田珍珠米，日本飯則普通啦，但以 $54 的價錢，雖然魚生未夠甘美，但只吃葉上那些海膽、黑三文魚籽已經物超所值! 44 的壽司定食，有 8 件壽司，一碗烏冬、味噌湯和雪糕! 好抵呀! 以帶子壽司最肥美，我和友人都爭吃此帶子壽司，結果一人食一半，哈哈! 但始終日本飯差了點，所以海膽魚生飯和壽司的米飯覺得普通而已。但以如此超值的價錢，師傅已經交足功課，簡直是 more than enough la! 由於海膽太鮮甜了，於是我和友人決定來一客馬糞海膽! $148一客馬糞海膽，沒有異味，非常鮮甜，是味覺的最佳享受呀!食完主菜，當然食甜品啦! 嘩! 是薄荷脆朱古力雪糕呀! 我們叫了三個定食，理應只有三杯雪糕，但師傅比多一個我們，讓我們一人兩杯呀! 食食下，我們問師傅點解無蒸蛋？以前的定食都有蒸蛋的! 原來現在定食無包括蒸蛋了。師傅還說，您們食得太多啦! 夠食啦! 激死人啦! 哈哈!…Read More

紅磡既有媽咪雞蛋仔,在紅磡黃埔新村內的民泰街,亦有爸爸壽司小料理.見到個店名,第一時間想起在暑期轉倉,惹起風波的香港一哩馬王"好爸爸".這個爸爸,個子不高,十幾人已經坐爆整間店.中午十二點半前,剛好是午飯前的最後寧靜,一個人也找到自己的空間,午市一律賣set lunch,價錢便宜,大多定食四十幾便有交易,今天小弟吃的是海膽魚生飯,貴少少,$54一客.包前菜,麵豉湯.前菜是辣味螺肉,都幾大粒,醃得入味,很爽口,比上周在明將吃的好出多倍.麵豉湯味道亦稱職,起碼喝下去味道濃厚,不是淡如開水般乏味.在港式日本料理來說,已經對辦.主體海膽魚生飯,碗內的主角當然是海膽,其他魚生有八爪魚,油甘魚,吞拿魚,三文魚等等.用料估不到地新鮮,油甘魚吃落油潤,八爪魚亦爽口,吞拿魚沒有渣,亦沒有雪味,至於我不喜歡的三文魚,都叫可以吧.主角海膽又是出奇地新鮮,味道鮮甜,沒有丁點異味.底下的日本飯,略嫌過酸,但以這個價錢,吃到新鮮的海膽,刺身,不能說不超值.午市的刺身已是如此,晚市的水準應該不會差,在紅磡吃平價日本料理,總不能次次都去三河屋,下一次再來紅磡小局的話,不妨諗諗這個爸爸.…Read More

紅磡最近多了一位“爸爸”，一位“媽咪”。先去“爸爸”那兒吃了小料理，午市十分經濟，平均一個餐$40-60左近，漏漏揀了其中較貴的三色井（可自選三款食材），鋪滿了帶子、海膽與三文魚籽的一碗，都不過$66。海膽與帶子都算得上是新鮮貨，前者甘腴鮮甜，后者軟滑細嫩，三文魚籽則帶點咸腥，不及新鮮貨色來得甜爽。米飯似乎不甚理想，不夠日本米一貫的軟熟黏口。跟餐也配了無味的煮菜一小碟、味噌湯與茶碗蒸，蒸蛋火熱嫩身，可惜鹽落得過多。朋友的$44套餐寧舍豐富，包兩個小菜，一份米飯或烏冬，此外亦有茶碗蒸、味噌湯及煮菜一小碟。壽司未試，看樣子算是普通水準，而豚肉炒雜菜著實不差，份量以1人份來講過多，豚肉的肥膏帶出了油香，使椰菜口感更豐。最尾的抹茶雪糕再普通不過，抹茶味薄如蜻蜓點水，雪糕偏甜，份量細微，不過對甜魔來說，聊勝于無不是嗎？“爸爸”的手藝不錯，不過一點小建議就是…可不可以少一點鹽呢？…Read More