Yin Taste (Closed)

今年生日晚飯想食蒸鍋。上網搜集資料發現大多食肆都係限時，我對限時進食完全無興趣。當我發現呢間蒸鍋私房菜無限時，即時好想試試。首先要預定套餐同埋繳交按金。我揀咗呢個$398。大門口唔係寫住《燕味館》首先蒸大連鮑魚，底下係什錦瓜菜。跟住蒸蜆(每人有兩隻)。蟹就每人得一隻，無乜肉。波士頓龍蝦每人半隻。(但係左右螯差別很大)蒸魚。(蒸鍋蒸法，條魚不過不失啦！)安格斯牛肉有點過熟。:(松茸杞子嘉美雞，都係無乜肉食。梅菜蒸菜心，未試過咁整法，味道幾特別。呢個元貝粥底加埋之前所有蒸過嘅餸汁，味道一流。甜品。…Read More

2月4日大年初八, 經朋友介紹下, 我哋一行10大4細嚟到位於大埔廣福道9號既一間隱世私房菜度食 steam steam鍋, 係我哋相識3個多月的第2次每月聚餐。未去之前, 朋友send咗3份菜單比我哋睇, 今次揀咗398。我淨係留意到第一行係steam steam, 當時完全唔知原來全程都係steam steam, 哈哈, 未食過蒸氣鍋, 大鄉里出城其實間私房菜唔難搵, 如果你蒲開大埔又識去廣福道既話。去到廣福道, 搵號碼會比較難, 未去過既可以搵呢個門口, 大埔鏢會x溢恒語言中心, 中間有條小樓梯行上去。(我諗因為好多私房菜都係有人去過, 一個帶一個咁介紹, 好少未去過就撞上去, 所以未必會系大街大巷有大招牌, 呢間食肆我就好似無見到個招牌, 見到一定selfie啦, 仲洗講咩)上去到一樓一梯兩伙, 右邊先見到嗰個唔係, 對面(即左邊)個門先係。係呢個門口喇, 㩒鐘啦!!地下入口、樓梯同門口都係舊樓嚟, 其貌不揚, 所以話佢係隱世呢, 估你唔到佢入面好鬼靚, 好時尚、簡約、舒適同好warm㗎(最鍾意係個厠所同個寶麗來wall)係咪好trendy呢? 坐系入面好舒服, 細路仔都有空間周圍走, 玩得好開心。今次專登p咗圖先upload, 因為人家影得太靚太pro, 我呢啲攝影二逼, 只好玩吓p圖搶吓鏡, 借寫食評機會乘機練吓P先到主菜喇, 首先係見到個元貝粥底系大圓枱既中間, 上面放咗第一味菜式, 有椰菜花墊底, 西蘭花同粟米圍邊, 上面舖半瞉鮑魚。食材好新鮮, 聽老闆娘講係每日9點去街市買既, 鮑魚好味唔在講, 粟米仲超級甜, 我仔仔食咗2舊, 叫晒 yummy第二味係叫刀貝蜆, 係外國貨喎, 都幾大隻, 一啖一隻啖啖肉, 好鮮甜, 完全可以唔點醬料。講開醬料, 唔記得講佢既醬料添, 簡簡單單幾款任你溝, 個賣相都好得, 要比讚左起係辣椒粒、葱花、蒜蓉同辣椒醬。仲有jar醬油的無影到。呢個蒸蟹好多羔又好多肉㗎, 唔係好識拆蟹, 雖然老闆娘有準備無數咁多把較剪同鉗, 但係我都唔識用, 最後要班救兵, 請隔離朋友仔幫我拆魚肚都吸咗味, 好好味。呢隻仲茜利, 啲羔同肉多到呢, 老闆娘仲教大家點分公乸。呢條朋友仔話叫呢2條叫沙巴龍躉, 我唔識㗎, 淨係知幾鮮甜幾好食囉。跟住到紅肉喇, 順序唔係好記得, 唔知係牛、雞、菜邊樣先。小牛排就咁蒸, 蒸牛排?? 好玄啊~~ 仲有橋妙㗎, 金菇墊底就梗係唔少得啦, 最重要係, 嗱, 有無睇到牛下面的小圖, 有手磨器㗎, 要落玫瑰鹽同胡椒食㗎, 未試過用手自己磨, 感覺超正, 估唔到咁好食。哎呀, 講咗咁耐, 唔記得講飲品添, 嗰度有飲品發售㗎, 不過今次我哋無飲一般嘢, 變咗去品酒。系嗰度嘗咗5支酒, 4支係專家朋友仔帶去既手工啤, 我完全唔識佢哋, 朋友講完我都係一頭霧水, 學另一位朋友仔話齋, 個口感係酸、苦、啡、黑(大嗰支開始順序數) 唔係唔好飲, 每款既味道都好獨特, 唔同風味唔同味道, 係完全四種唔同感覺嚟㗎, 係我個腦記唔到呢啲咁專業既野。(my favourite is the 3rd one, coffee taste) 啤酒送海鮮的感覺唔錯 我哋仲開咗支呢間店裡的香檳, 我暫且叫佢橙色銀河啦, 我都唔知係咩, 好靚, 都幾好飲, 好易入口, 似桃味汽水。嘉美雞係乜?? 我唔記得問, 食到呢度其實都已經8.9成 full, 所以食唔多, 松茸同雞都試咗少少, 雞好滑同好入味:)。哎呀, 呢味我無食到噃, 掛住去同阿仔換片, 哈哈~~最正既梗係要系最好啦, 個粥呀, 吸晒所有海鮮、牛排同菜既天地日月精華, 正到呢~~~~~~ 重要既嘢要講三次仲有呀, 仲有個糖水呀, 超鍾意食甜既我梗係唔執輸啦, 仲食咗2碗添, 下次試自己整先得。第1次食桃膠, 朋友解釋話係樹膠、樹脂之類的東西, 我第一直覺係, 風化千幾年同億多年後應該會變琥珀同蜜蠟, 哎呀, 比人話職業病添。唔係咩? 都係樹脂啫。總括今次的晚飯 係超開心、超好食、超輕鬆、超好玩, 今次試咗398, 但係我想食陳村粉喎, 下次一定要再encore, 叫老公開團試個498大滿足先得…Read More

朋友飯聚，初試蒸氣鍋，與出面不同的是私房菜形式，一進內感覺好舒服蒸氣鍋最緊要食材新鮮，這裡都俾到我上至龍蝦下至南瓜都非常新鮮，最後粥底非常好味，吸收晒精華仲有私房菜除了食品外最緊要服務，服務非常好小朋友10歲以下仲不收費仲有糖水食yummy…Read More

第一次食蒸氣鍋，呢間好私房菜感覺既食館好舒服，感覺好relax，私人空間好，可以與朋友暢所欲言，坐成晚都得，食物鮮味，價錢公道，下次再黎試另外一款價錢既餐，又可以介紹比成班朋友黎聚會一流。…Read More

見到有間新既食館，又見食評都好好，膽粗粗去試下，果然真如食評所寫食物新鮮，環境舒適，服務好，物有所值，連食物放落蒸氣鍋既賣相都講究要靚，視覺都照顧埋，真係唔錯，下次再來食過。…Read More

今次膽粗粗試左呢間新開既蒸氣鍋，好彩冇揀錯，呢度環境私人空間好足夠，唔迫夠寬敞，海鮮新鮮，食物好食，最尾個粥鮮甜好食到不得了。因只做訂枱唔會驚有人等位而追你埋單。下次可以再來。…Read More

今次與另一班朋友黎燕味館食飯，大家都覺得呢度食得好舒服，食物好新鮮，尤其是隻雞個個都話好好味，食物份量夠大，連好大食既一個都話非常足夠，個個都話價錢超值，希望燕味館keep住呢個水準啦！…Read More

朋友介紹黎呢度食飯, 初初到樓下冇明顯招牌心諗會唔會揀錯地方, 當上到去估唔到內裹裝修竟然比我真係好舒服既感覺, 好似去左朋友家食飯咁, 但就有人招呼你 . 而呢度既食物真係好新鮮, 佢地既豉油會煮過, 唔係買回來就咁比你點食物黎食, 蒜蓉係手剁蒜蓉唔係用攪拌機打, 真係全部用心去做. 蒸汽鍋最後食既粥真係非常好食, 朋友真係冇介紹錯, 價錢超值. …Read More

呢道啲食材真係好新鮮，早幾天同父母去食，雖然呢度地方唔算大，但估唔到環境咁舒服，坐位絕不擠迫，枱與枱之間距離非常寬敞，私人空間感好好，而且冇限時限刻，唔會好似有啲食市咁會限時，可以坐足成晚，成班朋友聚會最啱。佢地既服務好好，份量非常十足，食到要打包。真係好啦！咁又多個同朋友聚會既好地方啦…Read More