燒洒一族 (顯徑街市)

Open Now

Now Closed

今日落顯徑街市周圍望下，睇下有咩食甘啦，甘就行左一兩轉都無乜岩心水，而我成日都覺得賣豬手為主，而因為我又唔係甘好豬手，同埋以為佢係淨係小食，所以經常都直行直過多。而今次就因為自己又行晒街市，都無乜岩食，就停係到睇下個餐牌，一睇就發現，原來佢有叉燒，豬肋骨，雞脾等其他食物，而且仲有跟飯，最吸引我就係個燒春雞飯33蚊，燒春雞飯。可配四隻汁，蒜茸汁，黑椒汁，蜜味豉油，葡式咖喱汁。今次就點左黑椒汁，一個人食岩岩好，好夠飽。燒春雞係好脆身，而且真係啖啖肉，唔會⻣多過肉，雖然佢無跟其他飲品，但係33蚊一個飯，再睇埋個份量，真係好抵食，日後我又多左個選擇，不過可惜既係佢都係跟街市關門時間，晚上就關門了。但係我日後午市再覓食時，一定會再惠顧

專誠由屯門過嚟顯徑食呢間多人推介嘅食店， 排隊只係排咗五分鐘， 餐牌上面寫住40蚊一盒飯， 本來係去市炸豬手嘅， 去到咁啱炸豬手賣曬要等。 趕時間嘅關係冇等到，買咗兩個飯， 一個係辣腸飯配黑椒汁，另一個係燒腩仔飯配士汁， 兩個飯都咸到完全食唔到， 其中一個啲汁入面仲食到鹽粒… 腸太鹹，燒腩仔都係…雖然啲汁放埋一邊， 但因為沾到啲飯連啲飯都食唔到… 唔知點解啲食評話好好食… 大家去食嘅時候要記得喺其他舖頭買定食物， 如果唔係就會搞到好似我咁… 最後係乜都冇食過。

今天來買點外賣，為午餐加餸。顯徑站開通，相信是大圍居民一件大事，外出也不那麼遙遠了。而顯徑街市也來湊熱鬧，重新裝修，換來新景象。多了不少新店，也比以前闊落好行，始終新舊交替是必須。今天來到燒洒一族，我是冒名而來的。新店開張，頗有好評，說是燒味店，更像超市熟食檔位。冷盤凍食。外表精緻，有包裝有設計有擺盤，冷熱分開以免交叉感染。熱食也陳列有序。但以外表而言，靚仔係靚仔，但沒有燒的色彩，容後再說。買了一只香辣雞腿，由於碎上，也就不拍照了。包裝相當吸睛，內層是錫紙，有保暖隔汁功用。雞髀不是大號，主動翻熱。調味帶孜然粉，辣椒，蜜味，然而只在表面，中心的味道是淡淡的。也沒有燒的香味，雞皮依然肥膩。20元一隻。酒醉薰蹄，沒有為意有大小之分，隨便取了大盒。附上兩包醉汁，本身也略帶醉味，只是的確加一包比較好。薰蹄的底味滷水味單薄，薄片較好，頭尾較厚者見粗鞋，細嚼有豬燥味，前面手工處理馬虎。大份68元，真想試，建議買份小的就好。黑糖叉燒，店員有主動問半肥瘦，也有主動問這一條好不好，我沒為意就隨便。首先顔色，同樣沒有燒的色彩，自然也沒有香味，對比燒，更像用醬餣好，然後蒸焗而成。黑糖就不過是糖的一種，原材料羅

今日去左顯徑個新街市閒逛，見到有間餐廳叫燒洒一族，都幾多人幫襯，肉王既我又點可以錯過呢～店鋪門面放左好大個玻璃窗見到好多豬手，燒雞等等好吸引，仲有其他系列食物藥膳同酒醉系列。我叫左一隻香草法式燒春雞，肉質好嫰滑多汁，好香香草味，兩隻蜜汁雞脾都好好味，好大隻好多肉，切埋件，配有甜醬一齊食，仲有招牌必叫德國豬手，呢個超抵食，大大隻皮脆肉嫩，豬手炸皮超香，熱辣辣香噴噴，仲有醬汁同酸菜伴住食，一流。香Q韓式豬手都好多肉，放滿一整盒切得好整齊超開心，軟淋淋，配醋食好好味。

呢間位於顯徑既燒味店十分之正, 原本想講地理位置比較偏, 但又岩岩開通左地鐵!就係地鐵站格離,算係叫方便, 呢間我試完係一定會再去.最正既其中一樣野係ribs 大條既ribs先58蚊, 我地平時出去食西餐廳 一條都講緊150左右既價...呢到味道完全比起出面西餐廳水準差不多, 味道十分入味, 仲會整返熱比客人帶走, 味道濃之外, 口感方面肉感唔會太硬,都唔會唔新鮮, 都係正常肉感, 所以我覺我直頭係58蚊買緊出面西餐要叫成百幾蚊一條既ribs..下次我經過都會再幫親! 份量又多! 價錢超平.有時我地就咁望到d燒味都知道靚唔靚同新唔新鮮, 至少呢到d肉比人感覺係高質, 肉質都係靚.香腸, 可以當小食咁叫, 即叫佢即整熱就食得, 德國腸3條 38$我個人覺得份量係算好多, 價錢都係偏平既價錢,辣既德國腸係紅色, 內有小量黑椒, 小小辣, 辣肉腸既辣度, 我覺得比較好食.白色唔辣既有小小似豬肉腸既味, 我prefer 辣既腸.香草法式燒春雞方面味道照舊入味, 唔錯, 一隻58$肉感方面唔會老, 夠滑, 價錢都係偏平既位.味道算係入味, 但唔會太濃, 雞肉既味都係發揮到出黎唔會被擋住.黑糖叉燒

新的街市好像乾淨了很多，現在連現成燒味都有了呢，這間燒味都幾平，而且選擇滿多的有燒烤系列，像豬手燒春雞叉燒，又有酒味熏蹄系列，跟沙薑雞翼之類蒜香南乳燒春雞　一隻不算很大，但只要＄５８也算是很便宜了吧，甜得來肉很多，啖啖都是肉！沙薑雞翼＋豬耳＄４５２盒加起來份量也不算少，雞翼跟沙薑混合的風味比豬耳好吃，豬耳非常爽口，而且很多！酒醉薰蹄 半 ＄３８花鵰酒跟薰蹄好夾！小小的顆粒比較煙韌，一片片的則很比較傳統軟軟稔稔的酒醉花雕雞 ＄５８這個比好燒春雞要好吃吧！份量也不見得少了很多，吃之前翻熱一下會更好吃～

當由細到大，不論午餐、晚餐都食燒味的時候，有時候就沒有什麼特別的感覺。但我知道，燒洒一族老闆想在原有的燒味基礎上加多少少創新元素，而且街坊好評都好多。所以我決定斬料去試下。這裏的燒味有不同款式，我就特登去揀選我至愛嘅豬肋骨叉燒等。豬肋骨，經過20分鐘how焗後，豐富的醬汁，配上非常嫩滑的肉排🥩，如果配埋飯一起食，甜味、蜜汁加埋一齊，就非常正。不得不提的就是，他這裏的豬手，是最有名的，至今已買超過100,000件，街坊都知😆如果斬料覺得太多的話，也可以在這裏買一盒飯返去食，同樣都可以享受到這裏燒味的高質。而且價錢真係好相宜，$30一個晚飯，真係好抵食。老闆亦都好有良心。特色烤香腸，買的時候，佢會送埋芥末，香腸配埋芥末一齊食，濃厚的肉汁，配上預先醃製好的配料，就非常好食😋。如果食得辣的話，真係可以食辣嘅腸。最後不得不提的是他的叉燒，佢個汁好多人以為都係普通嘅蜜汁，但我可以說，這是與別不同的黑糖汁，是中日Fusion，而且一定要提嘅係佢嘅叉燒並唔會有乾爭爭嘅感覺，半肥瘦比例非常適中，這點要欣賞老闆及廚師在當中選材的用心。鯖魚柳也是一定不可不試的款式。我知道，老闆有三間分店，如此受歡迎，當中原

小弟住開既顯徑村街市岩岩新裝修完,開左呢間燒洒一族,每日經過都會有好香既燒野食味,一定要黎試試佢,我地叫左5樣野返屋企再自己煲飯當一餐,有燻蹄半隻,,燒豬手,五花腩,花雕雞翼同埋糖心蛋,第一時間一定要食既係佢照牌既燒豬手外皮勁脆,配埋蜜糖芥末醬同酸椰菜,真係可以食幾碗飯都得,之後既燻蹄同埋雞翼都好好食,加左花雕酒,冷盤黎講都幾開胃,份量超多,之後既五花腩亦都係水準之作,半肥瘦得黎個皮都好脆,再配埋糖心蛋送飯,斬料加餸以後唔洗煩

行過都會見到貨架好整齊～今晚唔煮飯，兩個人食！(右上)沖繩黑糖焗叉燒$38個汁甜甜地，肉質鬆軟，不過我中意食肥叉😂 落單嗰陣唔記得左講，咁啱呢舊瘦左少少😂。-(左二)酒醉雞亦$28呢個冷盤做前菜啱晒，雞亦夠大隻入味，食完唔會膩。-(右下)燒春雞飯$33呢度啲燒春雞唔會燒到鞋拾拾，黑椒汁仲好香，好快爬晒啲飯(左上)大招牌燒豬手$88外賣返屋企唔係即刻食，但塊皮都仲好脆，唔會太咸，夠大盒抵食，二人份其實叫小份就夠！(左下)酒醉溏心蛋$20蛋白都有酒味架！裡面仲要係流心半生熟蛋黃-鍾意呢度啲食物唔會一味太濃味，有埋湯飲就fit，今餐都係$200左右，就算煮飯都適合加料之選呀～

午餐 選擇咗一個大豬手，一盒五花腩飯，加一盒酒醉鴨舌豬手好熱好脆，仲會切好哂放盒，仲會配個蜜糖芥末醬，食到一半用黎點好解膩。約莫睇細既都夠2個人份量送下飯，不過我買大既醬燒五花腩飯($30)好夠一個正常人既午餐，個五花腩食落又唔算好肥膩，個飯係加豉油汁，簡簡單單就好，加咗個溏心蛋，幾好食鴨舌($38)份量算多，仲將個汁分開一袋仔，唔怕漏，不過如果個可以再多少少酒香就更好啦方便又不錯既選擇價錢都好合理如果晚餐加餸可以考慮

街市經多個月翻新之後，除煥然一新了之外，都有很多不同新店舖進駐新街市，最有驚喜給一班老街坊，就是這間「瀟灑一族」每天都有一大堆人圍住舖頭，他們的豬手非常之野味！亦係必選之物！希望改善排隊時間

顯徑街市新裝修完開左唔少新食店 暫時黎講環境都幾乾淨企理其中開左一間係賣西式燒豬手同燒味既舖頭 每次行過都好大陣香味早兩日就去買左個豐富既全"斬料"晚餐有別於一般燒味店 除左有燒豬手食之外 仲有埋花雕酒同沙薑類別既凍盤 款式都幾多元化 攪到揀下揀下就買到成枱都係第一次幫襯 小試刀揀左隻細既招牌燒豬手$75 配自家既蜜糖芥末醬同酸椰菜 雖然買完隔左成個鐘先開餐 但估唔到仍然係勁脆豬手堅係少少咸 多多脆 好好食五花腩又係幾好食 肉質好夠淋 味道唔錯 隻味幾獨特 花雕味冷盤全部都好香好入味 燻蹄好爽脆 雞就皮脆肉嫩最後仲試埋沙薑雞腎 又係好入味好爽好惹味買咁多都係$300左右 仲要食唔曬要食多餐 可以收歸為大圍懶師奶抵食之選

今日去朋友家食飯！又不想令朋友太辛苦！所以我們決定出去買燒味！朋友介紹去這一間新派燒味"燒洒一族"🤣😂個名好可愛！一去到人好多！因為網上看到不是傳統的燒味有韓國豬手😍😍又有好多不同的酒物酒雞，酒薰蹄......我們有6個人食飯，所以買了四款德國燒豬手（大）$88拿到手熱辣辣！好香，回到去還是脆的！韓國焗豬手 $68骨膠原蛋白😍好好食又入味！酒醉薰蹄 1隻 $68酒香濃郁，爽口彈力！👍🏻👍🏻👍🏻藥膳沙薑腎片 $25😈送酒超正！🍻🍻每款食物都好好食，價錢抵，包裝都不錯！咁多野都是$249 抵呀！

燒洒一族以新派燒焗美食為主，這個概念是希望打破墨守成規的傳統燒味，所以燒洒一族的負責人，由家族經營傳統燒味店，變身為新派西式燒味店，以廉宜的價錢品嚐到出色的烤焗食品，並會定期推出新款式及新味道，使沉悶的燒味注入新元素。******************************燒洒一族的燒焗美食已經不是第一次食了，食過都已經番尋味。最近發現大圍一個新裝修的街巿，開了燒洒一族新分店，當然要試一試新分店的食物味道和質素如何，食物味道和質素也是一樣高。在新閏張期內還有些食物有折購，更加優惠。凍櫃之內擺放了不少醉酒小吃和沙薑小吃，價錢由HKD25-KD68不等。玻璃櫃內就放滿了燒焗美食，包括了豬手、燒雞、叉燒、豬肋骨、鯖魚、鴨胸、腸，價錢由HKD18-HKD88不等。還有一個燒味飯，價錢優惠由HKD30-HKD33不等，還有學生優惠，更可以加錢加隻溏心,蛋，醬汁也有4款選擇，非常不錯。看完有什麼美食，不能不買鎮店之選，德式燒豬手(大) HKD88，已經賣出十萬隻豬手，當然有其吸引力。豬手每天即燒焗，所以絶對是新鮮出爐，還會把豬手切件，配上醬汁和酸菜，放入紙盒，以便外帶，確實不錯。鎮店之寶的德式

某日黎左大圍顯徑去街市揾野食，見到一間燒味店新開人龍不絕，之後見到個玻璃櫃入面有好多款特色燒味，連炸豬手都係新鮮即整出爐（大家要食記住留意問職員豬手整起既時間)，食物保證一定既新鮮，就排隊買左外賣回家吃。買左隻炸起既大豬手店員會即刻切落盒同埋將個盒面吉個洞位留反d空氣，等d水氣唔會整到隻豬手淋左唔脆。用心制作，而且醬料同酸菜會分開放。店員亦非常友善。酒醉系列同豬手凍熱食物亦會分開兩個袋放。豬手係店入面推介既招牌菜，所以就買左隻試下，個炸豬手真係好正仲要個皮好脆，咬落口已經"索索聲"甘，脆到一個點，皮脆肉嫩。小編推介而且價錢仲好抵食。之後仲叫左個焗叉燒，叉燒如果可以再入味d就好啦～都幾好食份量都唔算少嫁。如果變成蜜糖既叉燒唔知會唔會仲正。酒醉系列：😋酒醉系列溏心蛋好流心同特別~真係好流心嫁，仲有杞子配搭埋一齊。店鋪推介必食養生食品之一。酒醉薰蹄都好好味😄份量好多大大盒，凍食加點埋個醬汁不錯，薰蹄煙煙韌韌甘加埋酒味同杞子養生配搭都唔錯嫁。食物選擇多，凍熱養生藥膳都有，適合各種不同口味既食客，香脆又得，健康又得任均選擇。哈哈。