熹悅餐室

Open Now

Now Closed

店面簡陋，睇落其貌不揚，本來沒有抱着任何期望入去食。今次已經係第三次食，水準依然不俗。蕃茄湯真材實料，唔係純粹用茄膏整色整水，絕對有蔬菜嘅甜味。豬肉片唔鞋，醃得入味。今餐多士雖然唔係鬆軟，牛油幾香，冇牛臊味，不過不失。沙嗲牛肉麵，沙嗲味較到少辣有香氣，牛肉都好爽，唔似係用鬆肉粉拿到林哂！最重要係竟然有即磨咖啡，唔使加錢！唯一需要改善嘅就係人手不足問題，出餐比較混亂同埋慢呢！放假chill住嚟食就OK，趕時間就不能吃了🥹

早餐食菠蘿油餐，竟然職員去隔離麵包舖買菠蘿油。個包凍冰冰，買返嚟又唔加熱。阿姐仲大大聲講攞錢出去買菠蘿包。另外一個沙嗲牛肉麵，個麵底有D奕奕地，唔新鮮。下次都唔會再去。

環境雖小，大機會要搭枱，但早餐種類多，食物質素在沙田圍區算是最高. 姐姐都好nice. 一定會係我早餐首選. 我出名麻煩但都絕無投訴. 希望河畔一帶街坊支持一下，幫襯小店.

經過見到唔少人等外賣，望入去座位比較少，餐牌都係家常小菜，多數客人都係點蒸魚套餐，今次試左菜芯炒肉片，薑蔥霸王雞，味道唔錯，跟餐嘅例湯都好足料，下次會再嚟試吓其他小菜