今日約左寶貝們喺頭開餐~呢個商場有几間新的食店~所以今次來呢間一試~!一出電梯就人頭湧湧,但好快就有位~呢到格局用以紫色同水晶做主調,好高雅的感覺枱櫈擺得好迫,好似想密舖任何一個位置!! 即刻感覺差左~坐下服務員好快手咁放下碗筷同水,一邊問我地開乜野茶一邊走左去...我明要分秒必爭...佢地真係太忙了~我地睇一睇餐牌,菜式相當精緻,睇下樣樣都想食~最後我地點左少少心儀美食~招牌燒腩仔 - 賣相唔錯,皮肉均勻,唔會太肥似燒肉~入口肉質香嫩,可惜皮已經唔脆,而且一D溫暖都冇,有D失望黃金蝦 - 以呢個價錢的話~蝦的確夠大隻,整碟份量相當足夠,而且炸得好夠火候,成隻食連蝦頭都可以食埋~!可惜外層的炸漿食落只係一般的炸漿,咸蛋黃的份量就少到食唔出~令人失望~金銀蛋時菜 -簡單的菜式但求蔬菜夠新鮮唔會太老煮得太耐~食落唔錯~原汁原味~上枱時同係帶點涼意~失去左熱騰騰的感覺,燒豬仔脾 - 相信係豬仔脾烚到7成熟再拎去焗到全熟至少少燶燶地..再淋上燒汁而成~入口感覺唔夠熱氣唔夠惹味蒜泥白肉 - 相信係卷起左一段日子~所以白肉中間的青瓜已經唔脆了,感覺唔新鮮~蒜呢份量少左D,又加多左D豉油,所以好似得個咸字醋汁雲耳 - 簡單到唔會有要求的菜式~但求清清淡淡爽口~如可加多點蒜茸同帶點涼意會更好波蘿排骨 - 份量極少~波蘿只得三數件~青紅椒仲多過佢~排骨食落似係番炸過數次,又黑又乾身,原先係諗主同炒飯一齊食~點知食完炒飯遲遲先上~變左大家要硬食乾骨~!蛋白炒飯 - 清清地的炒飯~可能比人忘記多時~上枱分配好之後,大家食入口時先知係凍冰冰~若一早知的話就要換過一碟了~生煎飽 - 生煎飽定係生蒸飽?厚厚的皮,少少的饀肉,外皮雖然有少少煎過的痕跡,食落質感同食叉燒飽冇分別,蟹子燒賣 - 好味道的點心~難得佢熱辣辣咁上枱~面頭仲加多一大隻的蝦仁同几粒蟹子~!入口有香濃的豬肉同冬姑味~絕對係原汁原味~!唔錯~沙薑大鷄腳 - 食落一D沙薑味都冇的''大''鷄腳,服務員姐姐只放下點點沙薑汁,唔沾汁的話就如同白烚,且雖話係大鷄腳,但其大小真係強差人意~比醬汁鳳爪大一D...蒸龍躉魚 - 聲稱有一升的魚~可能講緊未劏前~上枱時睇落細條左少少~而且游完水再要游豉油~鮮魚蒸得啱啱好唔會過火,肉一D都唔鞋口,唔錯~!蔥油之麻大餅 - 令人傷心的出品~一睇就知係炸出黎而唔係煎出黎的,而且做法亦唔係麵粉加蔥粒一齊擠,而係喺麵粉餅皮包住D蔥粒舖上芝麻再拎去炸~成件事同預期中充滿出入~炸完之後又唔係即時上枱,到上枱時已經唔熱了~感覺就只得肥膩脆包腸粉 - 真係一味高難度的款式,要令腸粉皮柔軟又滑,又要令當中包住的饀保持脆卜卜真係唔易~食落就知佢地放棄了軟粉皮而要脆卜卜~最後我地都覺得兩者皆失~粉皮唔熱又帶點硬,中間炸過的不知名物體唔脆又唔熱~一路上服務員比我地的感覺都好唔客氣~放碟時弄得好大聲~感覺好街市大排檔~我唔係歧視,只係覺得呢D聲音唔應該喺呢到出現~店舖洗手間設備唔係咁令人滿意~雖則唔洗經過廚房重地,而且設計係商場提供,仍感覺迫迫細細濕濕窄窄,唔方便老人家之餘更唔方便傷殘人士…所以可以的話都係忍耐一下,搵另一個更好的解手吧~!總括黎講..算係見識過佢的出品~可見的未來相信唔會再見,真心希望佢地他日可以有所進步…Read More
