煌府婚宴專門店 (Closed)

用餐時間大概係朝早十點早圍食客都唔算話滿  同媽媽兩個人飲茶  先被安排坐到 1張 12 人枱度搭枱表示太嘈之後就被安排到 1張 8人枱   而呢圍枱有 6個大叔響度眼見全場至少有 7-8張 4人枱只係坐 2個人既再 3反對之下安排左張 4人枱正當以為有餐安落茶飲下就安排 2個大叔黎搭枱全場另外超過 5張 4人枱既食客己經用完餐響度吹水睇報紙呢個樓面偏偏要咁安排如果唔搭枱係無理或要多收茶錢我可以卑呢位樓面態度足以令 1個唔寫食評既人開 POST 指責就算免費請我  都唔會再想去呢間茶樓

成年冇黎呢間飲茶，今日再黎好失望。之前覺得係不過不失，宜家係中下水準。炸物上枱時微暖、唔新鮮；鳳爪勁鹹，重口味都頂唔順；牛肉球一夾就散；職員態度又懶散，唔想再黎

實在是忍無可忍先落食評，呢間食其實味道ok易搵位，但啲服務真係好差。我唔係因為佢一次既事件而燥，係我呢半年黎親呢間野都遇到咁既事1. 食食下野會有個著黑西裝既女部長會問你份報紙睇完未，睇完俾佢，但我屋企人係仲睇緊，開頭我屋企人話未，佢就走左，點知就係咁，一餐茶佢走左黎問4 5次，有次直情自己攞走埋，話以為我地唔要，大佬，我們地人都仲坐緊張係度，會唔會係問都唔問就攞走，我真係嬲左2. 類似既事就係佢會不停黎收野，聽落好似好快手好留意客人，但佢係係想收走向你餐具，有幾次屋企人去左厠所，佢地問都唔問收左啲餐飲用具，但我地仲有成枱野未食，我以為佢多客等緊想焗我地快啲走，點知我一睇，成間野坐得6成，仲要無客排隊等緊，請問你急咩野，一次半次都由佢，大佬你地下下都咁，真係抵唔順可能呢2件事都係我個別遇到既事件，但真係感覺好差，有試過同職員反映，但回應係零回答，淨係送贈左我地一個反眼既眼神，ok，唔會再黎

同家人黎飲茶，因為下面間潮江春無位，就上左黎飲。一如既往點心不過不失，唔會話好驚喜覺得好好食，其中比較令人失望既係叉燒，價錢貴但唔好食。其他點心都算可以，鳳爪同桂花糕值得一試，蘿白糕就太厚了，焦香的味道不夠。整體來說，呢到環境都坐得舒服，都唔錯既，但食物質素可以再加強，尤其是價錢和樓下個間真係差得唔遠...

放假同外母飲茶，去左上水匯煌府，貪佢快有位。好彩，一入到去就有！！二話不說，叫左一大堆特價點心。好快就黎到，四個人叫左八個點心。之後唔夠食，叫左round 2。最後一共叫左16個點心，食到好飽😋😋埋單計數，$300蚊就搞掂，算係非常良心價錢👍🏼👍🏼. 可以再encore😃

本來我們想吃美心集團的6樓的潮江春，而不是11樓的煌府婚宴專門店，入了Lift才知道搭錯Lift，結果將錯就錯去了煌府，反正我們只是想填飽可愛的小肚子。由於新年的關係，特別好招呼，我們也像貴賓被服侍一樣，一直享受尊貴的服務，但當叫菜的時候，明明有位經理姐姐向我們遞手回應，正步向我們之際，卻因為見到熟客，急速剎車，瞬間飄移向熟客收利是，我即時懷疑連周杰倫的頭文字D飄移技術也未夠她厲害，而故意忽視我們，可想而知，利是的威力是多麼的大。既是新年，且勸自己別怪她別怪她。金銀蒜蒸勝瓜$78：勝瓜清甜爽滑，連帶蒜絲滑入口，十分好味。翡翠炒斑球及清蒸斑頭腩(每份$258)：所謂隔離飯香，看見隔離枱也叫此碟菜，看來十分好吃，所以我們抹一抹自己的口水，忍一忍口，點了此菜式，原來所謂的翡翠此處指的是西蘭花，但也可以是指任何綠色的菜包括菜心、芥蘭、露笋或是西蘭花，以作伴碟之用。我喜歡吃菜和魚，一道菜式滿足我兩個願望，而且帶有濃郁香味，讓人唇齒皆楚留香。菜式既是可口，然而，服務仍有待改善。

因鄰近返工地點,上水就成了放工後晚餐/宵的首選地方;前一天晚上,接到姐夫來電,相約這晚到上水來個輕鬆的晚餐聚會!難得與姐夫兩人聚餐,各人都帶上葡萄酒,當然是要尋找免開瓶費又坐得舒服的食肆,似乎中式酒樓貼近主題,於是便用Openrice去搜尋一下,原來附近都有數間酒樓,經過兩人的商量後,就決定來試試這間--煌府婚宴專門店;上水匯這商場離上水港鐵站相當近,煌府就在商場的十一與十二樓;與姐夫在港鐵站會合後,便緩步地向食肆進發;期間共用了八分鐘就來到這食肆了;一開電梯門,先向咨客問了是否免開瓶費,得到正面回應後就由其帶引,於中堂的一張四至六人檯坐下;這裡面的裝潢與環境氣氛,都跟電視廣告的一模一樣,通透的白色燈光夾雜著紫色調,相對偌大的場面,檯與檯之間的闊落,高高的樓底,加上足夠的冷氣與抽氣,原本在外面感受的暑氣一下就消退了,感覺十分舒服!這裡面從餐桌椅到檯布到餐具,都相當新淨,說得上是加分的因素!與姐夫研究了一會餐牌,其實都拿捏不到重點,索性叫經理介紹,點些能配合一白一紅的葡萄酒的菜式;落單之後,先著侍應生拿來冰桶,將白葡葡萄酒冰鎮著;再將紅酒打開後,就一邊摸著酒杯底一邊聊天,同時等著菜餚上來

煌府比我既第一印象，一諗就會諗起婚宴擺酒，好少食晚飯會諗起佢，直到有一日爸媽對佢讚不絕口，話晚市小菜好味，所以今日專登抽空黎試下。作為一間咁大型既婚宴專門店，場地質量不論樓底高度及水晶裝飾都可以用華麗黎形容，而我最著重既，冷氣夠凍值得一提嘅呢度晚市有好多抵食嘅套餐， 既然呢度做得婚宴專門店， 小菜嘅質量應該有保證嘅， 而我哋坐低冇耐就有一位好殷勤嘅經理買嚟同我哋點菜， 仲推介咗我哋幾款好味必食既菜式。我哋點咗約一斤重嘅蒸沙巴龍躉， 賣相細美而且蒸熟嘅程度啱啱好非常完美， 更重要嘅係呢條魚除咗有口感外，仲食到淡淡嘅魚香， 畀我平時食到嘅沙巴龍躉更鮮味而之後送上嚟嘅伴芝士龍蝦伊麵， 非常之好味， 濃香嘅芝士配伊麵絕對冇得輸， 而且龍蝦肉全部大大嚿 ，非常爽口!淮山雪耳炒百合， 一味非常滋音嘅菜式， 值得一淮山非常爽口開胃 ，有清甜口感而我哋最後亦加咗一個原隻鮑魚配花菇， 鮑魚算幾大隻， 有少少黏刀效果! 醬汁配埋花菇鮑魚無得輸!而最後經理送咗一人一客桂花糕畀我哋食， 非常好味 清清甜甜唔會太漏!今次晚餐除咗晚市出色外， 更值得一讚嘅係驚經理嘅貼心服務，應該仲有機會再來!

今晚皇帝請皇后去上水的煌府婚宴食晚餐，食物當然不能寒酸。有龍龍蝦伊麵~ 一斤大的龍蝦煮上湯伊麵， 伊麵索曬上湯非常美味又唔油膩入， 有蒜蓉粒蔥花粒。 龍蝦肉爽脆彈牙。 龍蝦殼非常軟身，一路食一路吮龍蝦殼，因為 連龍蝦殼都有上湯味。有黃金奇脆豆腐~炸到外面脆口，裡面豆腐滑溜，面層加上了七味粉及炸過蒜頭碎，送啤酒一流。再用金色紙襯托炸豆腐，非常精緻吸引。有寶石琥珀芥末牛柳粒~ 牛柳粒好淋，wasabi少少攻鼻，仲有香脆蜜糖合桃貼上大量芝麻，有爽口鮮嫩蜜豆，三色椒。有寶石。有長生藥鮮淮山雲耳炒百合~ 食完以上濃味餸之後，再食一個清清地的鮮淮山雲耳炒百合。 淮山切片爽脆食匙索索聲， 西芹無渣， 百合鮮甜，木耳爽口。 這是一款養生餸菜。有養顏藥桂花糕~ 晶瑩通透，彈下彈下桂花糕，有好多桂花同杞子。甜量剛剛好。滿足了皇后的心願。

住上水甘耐，真係第一次食「煌府」。今日放假，決定帶媽媽黎飲茶。黎到上水匯11樓，一入去就有侍應熱情招待，酒樓黎講算好乾淨，望落整潔，加上好多吊燈增添華麗感。望左陣餐牌都幾驚喜，價錢比想像中便宜，而且仲有唔少特價點心、小菜。好多野都想食，尤其見到晚市優惠既5大精選，相比其他酒樓真係覺得超抵食。媽媽係個超愛食龍蝦伊麵同肉蟹既人，最後簡左個龍蝦伊麵，滿足一下佢願望。👏🏻🐉🦐上湯龍蝦伊麵 $138賣相吸引，龍蝦十分鮮甜，肉質厚實彈牙、滑嫩，唔似出面食開既冰鮮貨。伊麵軟硬度適中，吸收哂上湯，多汁好食。媽媽超級無敵滿足。食到甘上下，職員遞上兜茶比我地洗手，服務貼心。🍲皮蛋瘦肉粥 $13.8以切成細細舊既皮蛋同瘦肉為配料，質地黏稠，唔似D人用泡過既飯黎煲，口感順滑。平時媽媽飲茶都鐘意食下粥，但叫左龍蝦伊麵後佢一啖粥都唔食。😂最後比我清光。🍃綠茶芋泥餅，$48新鮮炸起，外脆內軟，外層芝麻香口，入面既芋泥又唔會好漏，甜左少少外都係一道唔錯既甜品。🍱五式點心拼盤 $24.8(蝦餃、叉燒包、燒賣、粉果、菜苗餃) 點心選擇好多，好多都想食，見到拼盤非常抵就叫嚟試下。五件點心一個大蒸籠上，賣相誘人。🍴蝦餃蝦肉夠

今天放假，做個孝順仔陪母親大人飲茶，向上水匯揾左間煌府試下，因為想環境好D，舒適D，來到我眼前一亮豪華裝修，多盞大型水晶吊燈，果然係香港飲食名店服務幾好，員工都好有笑容，環境干淨，食物方面有好多特別點心成日冬菇甘樣嘅冬菇飽，栩栩如生！龍蝦湯鲜竹卷，中西合壁生煎菜肉飽，成個煎pan出埋來，原來係器皿來，相當特別，俾個讚蝦餃大大粒燒賣熱辣辣脆皮燒腩仔，皮脆肉滑干炒牛河，夠鑊氣不太油，好功夫原來煌府除左婚宴名店，食物都好有水準，下次一定會再來，試下晚飯先

是日晚上昕昕爸爸在大埔收工後截的士去上水食晚餐，由於佢對呢區的煌府充滿好奇，我地就一齊去試吓見到餐牌有龍蝦，佢就立即話要，而我就睇中片皮鴨和燒乳鴿甜品價錢ok，而且有我喜歡的紅棗糕首先到係乳鴿，即炸的，所以熱辣辣，不過感覺部份位置炸乾咗d，但整體係ok的龍蝦我冇食，昕昕爸爸食到唔停口食肉外當然要食菜，呢個粉絲煲好大碗，d湯都幾好飲，昕昕主要食粉絲和飲湯片皮鴨最後上，我們剛好有切皮的位置附近，可以經常見到切片的情況~~~食果陣感覺隻鴨冇乜肥膏，肉唔算多，感覺好一般呢間煌府面積唔算好大，但都有個台，靚靚假蛋糕和三角鋼琴~~~雖然睇無聲電視，但昕昕爸好用心咁睇電視劇大結局內容~~~清晒枱面就食甜品，太多倒汗水，用叉拮好風乾幾秒才放入口，味道不錯埋單價錢跟前星期一晚去百樂的差不多，下次都係去返百樂好d

上菜勁耐 態度簡直極品～座位套勁起粒粒～穿短褲的女士們小心吉肉仔話說我媽飲到一半就要多壼「保厘」所以同服務員講「唔該幫我倒左杯茶呀」答：「邊到有位掉呀！」就勿勿走左來了一碟鳳爪，鳳爪心是冬的～可惜已咬了就費事難為人地～就不換了我又叫左牛肉同叉燒腸，牛肉腸先來～首先碟系完全冇溫度～牛肉腸上面有好多水珠～我媽覺得好似5熱就掂下條腸～之後開始同個點心姐反映5熱等等～丫姨好5情願甘拎反去換～幸好換反黎系熱終於到叉燒腸黎，又系冬既～叫呀姐換～呀姐覺得我地甘煩就叫左經理黎～最搞笑既系個經理🙈一幅吾耐煩既樣～「吾可以甘加～個個客甘整廚房米有排忙」我頂吾順叫佢點下個叉燒腸，冬既叫我點食～其實期間我都聽到隔離枱刀圍內人話腸粉系冬既～最後個經理叫我cut左個個去～真系趕客甘既樣甘既極品酒樓，仲要好似賣個廣告下～只想說今時今日甘個服務態度又5好食～真系成世刀5想再去 😄

星期日，家庭樂，一早去搵位同屋企人飲茶。不過上水茶樓真係無乜邊幾間，所以每次等位都好耐！依家有啲餐廳，可以係apps度攞飛，唔使突登來排隊都幾好，不過啲number叫得好快，好多時係屋企行落去，張飛既號碼已過左好遠今日本來去第二間飲茶，就係因為張飛過得太遠，唯有試第二間。見煌府唔使等好耐，就試下。講真野食好一般，服務員也不夠，成日要叫好耐，先有人執野/落單，啲點心仲出得好慢！不過有少少喜出望外，個豆沙窩餅好好食，皮薄又脆口，仲好多料

今日父親節，一家人好傳統咁去酒樓食個飯，由於上水冇咩選擇，所以去左煌府。煌府婚宴聽得多，但食飯都係第一次。我地book左好早6點鐘，入到去個感覺唔錯，餐具都好乾淨(好多時酒樓d餐具都唔多乾淨)😂 我地一家6個人叫左個8人餐食，個餐包括有燒味拼盤，紅燒竹笙海皇翅，野菌炒花枝蚌片，鮑魚聚寶盆，清蒸沙巴龍躉，豉油雞，海皇炒飯，壽包。落完order等左一陣就上第一道菜燒味拼盤，都係例牌野有雞鴨叉燒海蜇仲有青瓜，個拼盤水準唔錯，係全晚最好食既一道菜。所以一開始對煌府感覺唔錯，點知食完第一道菜之後，等左起碼20分鐘都未上其他野食，咁唯有吹下個侍應啦，吹左兩次先有餸黎，一次過上左個湯，野菌炒花枝蚌片，鮑魚聚寶盆同豉油雞，依幾個餸水準一般無咩特別，而鼓油雞水準同頭盤燒味差好遠，雞肉好「鞋」。當食完依幾個餸之後，又係繼續等冇菜上，等左15分鐘迫於無奈又要吹，吹完先上條魚，條魚雖然係龍躉，但蒸得過火，肉質老晒😩食完條魚又係要再等...... 其實只係差個飯同壽包未黎，吹左成兩次，黎左個壽包飯又唔上，食完個壽包個飯都仲未黎，搞到又要再吹...... 最後個炒飯係冇食到雖然父親節人流多d，但我地已經揀最早既晚