No Boundary (Catchick Street) (Closed)

知名💛💛💛店📍No Boundary食左咁多次都係第一次的起心肝寫食評今日去荃灣見客見客前同自己撐下枱腳😗食個個意粉chill下半開放式嘅No Boundary就好適合喇門口有幾枱客帶埋狗狗黎食lunch🐶🐶望住佢地好治癒🥰✅菠菜汁雞肉忌廉野菌扁意粉💰$108🍝個汁好creamy好濃菠菜味雞肉都多嘅不過有少少鞋所有唔係普通意粉嘅意粉我都勁鍾意開心佢係用左扁意粉黎做個底👍🏼✅Shakerato💰$32仲以為意粉配野食都係計套餐 可以平啲💸點知係當散嗌🥲呢個係冰搖嘅espresso☕️🧊啡味叫做過得去啦…Read More

同朋友係高先電影院睇完戲，朋友指定要食呢一間，自己冇食過就一齊去試試佢。當日6點半到達，已經有3台客人，望下set dinner既選擇，好快就落左决定：朋友嗌左個全素全日早餐，啲擺盤同餐具都好modern, 朋友話好好食😆我自己就嗌左個鴨胸意大利粉，份量都算多既，一般好食啦，不過不失。嗌左兩杯熱柚子蜜，個杯好靚，味道都正既。幸好早去，我地後來既客，個個都充滿住怨氣甘離開餐廳，唔係漏單，就係坐足半粒鐘無人理，不過成間餐廳得一個樓面，都辛苦左職員，希望餐廳捱到低潮啦。…Read More

位於西環的這間分店，平日下午經過見店內人客不多，而且有開揚的環境，座位看來也非常舒服，決定來這間店吃一頓悠閒而且豐富的午餐。午餐選擇很多，我選了紐西蘭肉眼扒加沙律薯菜 （$128）。雖然全部食物都即叫即做（開放式廚房，可以望見員工即煮），但上枱時間都幾快。上枱時，牛扒已經幫我預先切好，好方便我即刻食。而且牛扒份量都挺多、薯條又熱又脆、沙律配上芝麻醬又新鮮又好味。南瓜湯用杯上，很特別。最後飲埋凍檸茶，為完美的一餐畫上句號。…Read More

去Gold Scene睇戲前，過幾條街就有No Boundary；樣樣都即叫即煮；但要最長時間整嘅係個沙律，入面有豆，有包，有蛋，飽肚得嚟，仲有好多顔色🤭。『忌廉汁煙肉卡邦尼意粉』$78『菠菜汁雜菌意大利飯配菠特菇』$88『紅腰豆雜菜素食沙律 配牛油果 煎蛋 法國麵包』$98。📍 無邊 (吉席街) (西環)西環吉席街70號地舖。好味指數：🌕🌕🌕🌗🌑回味指數：🌕🌕🌕🌕🌑…Read More

叫左3樣嘢，菠菜汁意大利飯、炸雞粒同BBQ ribs。炸雞粒正常，新鮮炸，份量多，但味道一般般。意大利飯應該唔係用真係意大利飯嘅米，可能用普通白飯煮，煮得比較稔，同埋唔夠鹹。最伏係BBQ Ribs,硬到切唔開，又咬唔到，睇得出啲肉好乾，應該雪左勁耐，仲要收得唔平。…Read More

中午過黎西環食all day breakfast, 點咗個knight breakfast 同六隻雞翼。餐廳環境比較昏暗，餐桌亦採用黑色雲石花紋，估計夜晚以賣酒為主。Knight breakfast食物用無邊嘅六角形碟載住，擺得好好睇。上面有兩隻煎蛋，兩條腸，兩塊煙肉，茄汁豆，炒菇，蕃茄同埋牛角包。煎蛋蛋黃流心，但底部略嫌燶咗啲， 已經食到些少苦澀味。牛角酥酥脆有牛油味。茄汁豆內拌有洋䓤，口感唔錯。腸仔夠唒粗，有咬口，煙肉都唔會話過鹹。雞翼六隻炸得酥脆，尚有肉汁。 整體嚟講都唔錯， 但未有話留有好深刻嘅印象。…Read More

呢個商業午餐 包湯同飲品因為咁啱撞正星期二 有免費飲品優惠 所以無論揀咩嘢飲都唔使補錢相當抵食😍▶️ 餐湯- 南瓜湯呢個南瓜湯又幾好飲 用真南瓜攪拌出嚟嘅 所以味道天然南瓜夠蓉 本身又夠甜另外落咗啲香草 🌿飲落唔會太鹹又唔會好稀▶️ 雞扒煎蛋飯 ($78)有超多件雞扒 一隻香煎太陽蛋 一啲炒磨菇配車厘茄 白飯 (如果揀意粉 可以揀埋配咩醬汁)🐔雞扒厚肉連皮冇骨 皮煎到勁香脆🤤肉質juicy滑嫩食得出用新鮮雞髀肉整 調味亦啱啱好 好耐冇食過好食嘅雞扒！太陽蛋煎到白色部份脆口 但係蛋黃仲係生生地 成漿狀🍳蘑菇同車厘茄都調味到好夠味 車厘茄爆汁🍅🍚白飯雖然份量多 但飯則偏乾同硬身▶️ 新加坡白咖啡 Singapore white coffee 帶少少堅果味 飲落唔會太苦 可能咖啡因比較少冇加糖但係有微微甜味 都係好飲嘅咖啡☕️-整體成個set都好食 最緊要係足料👍🏻相當豐富同飽肚 賣相都吸引不過朋友點嘅呢一個鴨胸炒意粉就偏鹹環境坐得舒服😌座位夠闊落服務都幾好嘅 價錢就好睇你叫乜嘢 如果要班尼迪鬆餅嗰啲可能偏貴 但係呢個商業午餐絕對抵食！…Read More

dined in dinner tonight with my family. ordered a burger with chips on top , burger fountain. the burger came, it tasted like it came out from a fridge. asked to heat it up and wondered if the burger should be served cold like it.... the expat waiter said it is made fresh..... I followed him to the kitchen and asked the chef how it is made, how fresh it was made. the chef showed me a jar of sauce, chilled. and insisted there is nothing wrong with it but if I want to heat it up, it is OK. I answered if this is the way it should be served, I would take it but we won't be repeat customers. a MacDonald burger is served in a much higher temperature. the expat waiter showed very POOR ATTITUDES. Anyways guys, if you wanna try a cold burger, go try it and don't dare to comment about it coz the waiter would not agree with customers. good luck ....by the way, the other waiter, a local HK guy is much more customer oriented....…Read More

門口有盞🤚燈，對住一盞👆燈，非常耀眼。店內有不少🇬🇧咕𠱸，一幅貼滿Memo紙的牆，另一側磚牆罅隙填了金色，原以為是象徵黃到金的心，誰知舉起相機竟然發現香港二字，餐廳的視覺藝術設計很有心思，還有這個無邊招牌Logo，打側看就是餐廳的英文名No Boundary！① 挪威煙三文魚白汁野菌意大利粉 $108野菌幾多，煙三文魚都有三大片，好Creamy既白汁意粉，面頭加左芝士粉再燒一燒，賣相口感都同裝修一樣用心，性價比高！② 太陽雞堡 $98雖然隻蛋熟咗少少，賣相好似爭啲啲，但隻蛋都仲有蛋汁，而塊雞扒幾大塊兼肉質嫩滑。加埋薯條我朋友表示幾滿意。晚餐跟一杯南瓜湯以及餐飲，南瓜湯味道似曾相識，但我說不出是什麼味道。除了裝修，餐廳所有食具都有金色元素，正黃到金碧餐廳推介上OpenRice才知道原來有幾間分店有機會可以再去食。…Read More

13/9/2022同朋友慶祝生日(+farewell)食飯, 因為之後會去高先戲院睇戲，所以選擇咗喺隔離街嘅 No Boundary我哋叫咗兩個主食同一個小食：香蒜白酒蜆肉扁意粉：一上枱都幾震撼，因為出晒煙同埋真係超多蜆肉，我數過總共有30隻蜆😂😂其實呢個個味道係幾好嘅，可惜就鹹咗少少國王All day breakfast: 呢個就正路all day breakfast 嘅味道囉，不過都好食嘅。3 x 3 chicken wing : 九隻雞翼，都係炸雞翼，有兩款係加咗醬汁。好吃。遇上星期二優惠，叫主食free drink (我）薄荷青蘋果青瓜smoothie : 勁清新嘅味道，我幾鍾意。(友人）接骨木熱情果青蘋果smoothie: 朋友話甜到傻咗😂😂包兩個餐湯，飲落似係蘑菇湯，幾好飲。用兩隻靚靚杯裝嘅。話說朋友其實都已經食過呢一間餐廳，我叫咗兩樣嘢食之後話想叫一個小食，佢初時想制止我，因為佢話真係會好飽，咁我就唔信邪，覺得兩個主食都唔係好飽啫，反正雞翼我一定冇問題啦。點知⋯⋯⋯⋯⋯我居然淨係食到四隻雞亦就已經好飽🤪🤪🤪🤪🤪Service 勁好，會推介食物比客人，中途又會問吓d野食o吾ok . 👍🏻👍🏻👍🏻👍🏻…Read More

今日去到西區最尾，堅尼地城食晚餐點解會揀呢間無邊餐廳呢？因為坐電車總站就係正間餐廳門口落，揀都唔使揀，諗都唔使諗，就直接呢間啦裝修環境全黑色，配金色裝飾品，都幾有格調，個vibe 👍🏽👍🏽再睇餐牌原來都幾多嘢食，今日打算食晚餐，見到原來有ADB同班尼狄蛋嗰啲，下次可以日頭嚟食😊我同老公揀咗兩樣嘢食，一個意大利粉同一個海鮮拼盤share，冇諗過嚟到超級大份😱呢個牛Risotto 配蕃茄汁，酸酸地，好開胃，上邊仲有一隻太陽煎蛋，切落去流哂心，好正🍳重點嚟啦，呢個龍蝦海鮮冰本身係大份到呢，食到我哋兩個好忙碌，因為入邊有好多種海鮮，大家知道海鮮都要剝殼，所以食完出嚟呢啲都係一大碟😂入面嘅海鮮有蜆肉，帶子，虎蝦，青口，仲有大大隻龍蝦🦞真係一次過滿足晒我好多願望😀不過有啲海鮮就可能煮過頭，有少少乾，但係味道都唔錯…Read More

🍔 太陽雞堡漢堡包裡面夾住太陽蛋、煎雞扒同埋生菜麵包好好味好鬆軟而且搽左牛油增添香味隻太陽蛋夠哂誘惑最中意流心既蛋黃了💛雞扒煎得幾香亦唔會乾而且味道岩岩好😋整體成個漢堡包都好好味同埋其實都幾大份呀👍🏻只係難少少去拎住成個黎咬嚕食完野坐係度Hea下都幾舒服呀😌…Read More

堅尼地城呢頭都好多西餐廳，海旁有間幾出名嘅炸魚薯條，但每次都排晒長龍食唔到。今次行返入電車路搵食😙呢幾日天氣唔錯，特地搵間有戶外位錯嘅餐廳吹下風都好，最後揀咗呢間無邊。佢午餐餐牌都幾多選擇，仲有all day Breakfast，但我今次叫咗個白汁三文魚意大利粉🍽🍽午市套餐有跟一杯嘢飲同一個湯，今日個湯好似係南瓜濃湯，飲落非常濃郁，感覺飲一杯都有飽足感餐飲叫咗杯ice Americano，正常水準冇乜特別☕️不過值得一讚嘅係佢個三文魚好足料！除咗意粉上面嗰個三文魚玫瑰花之外，意粉入面都有好多煙三文魚，夾埋啲蘑菇一齊食都幾清爽，唔會特別漏👍🏽…Read More

呢間CP值都高！西餐來講算好大份，而且飲品回頭率超高！👆🏻粟米湯😻濃郁粟米味，加埋少少香草，掂曬👆🏻國王全天早餐😻呢個餐真係飽到痴線，個蛋炒得好滑，加埋充滿肉汁嘅豬肉腸，香脆牛角包同埋焗好嘅大啡菇！大滿足👆🏻焦糖朱古力奶 & 特濃朱古力奶😻面頭塊焦糖慢慢溶，加埋朱古力奶，果然好味嘅東西都係肥胖，另一個朱古力味真係超級濃！ 大推喜歡巨甜嘅人...⚠️非進食時記得帶口罩⚠️除左口罩再消毒雙手💸.消費. $122🈵.回頭率. 8.5/ 10…Read More

一大早好Chur地行完山，喺堅尼地城搵間餐廳坐下回氣，電車路附近都好多餐廳，亦都好多人😅最後入咗間食All day breakfast 既 No Boundary🍳 今次坐戶外位，繼續感受大自然嘅空氣。今日天氣唔算翳焗，坐出邊都唔太熱，頭頂都有兩部風扇🌬我叫咗一個班尼狄蛋，一個全日早餐，上到枱真係冇辦法唔影相，啲餐具好鬼靚😂班尼狄我叫咗三文魚，額外轉左一個做牛油果，好似加$18🥑牛油果都俾得幾足，半個放上去，幾大份下👍🏽All day Breakfast 叫咗個有煎蛋嘅，因為多數出邊都係得炒蛋，呢度有煎蛋仲有兩條腸仔，真係滿足晒我呢啲食肉獸🍳🍳…Read More