無辣不歡 (Moved) New Location

我叫左個$25冷面 加多$8 比左一舊鳳爪我咁大把本身已經唔係話咁多份量特別加多個餸啦 $8一舊你都比得出味道已經唔係話咁好食都唔知你想點….我有影埋片 絕對無食完再影老屈你！

成舊生雞擺左落口，希望注意下，用手撕應該會睇到唔熟其他都冇乜嘢都算大份！！！！！！！！！！！！！！！！！！！！！！！！！！！！！！

Wuwu 超級失望😖😖滿心歡喜去同朋友買左涼皮，手撕雞蕎麥麵，蒜泥白肉share食！但好失望😮‍💨我地本身要求都唔高呢！佢份量係偏少，涼皮係災難😹 食落唔知食緊咩，似腳皮咁🤨 個口感奇怪！而重點係個汁，得個辣字🥺無香味，我同個朋友食完都唔知食左咩。。笑死😂😂手撕雞好啲，佢都算比得闊佬少少，味道都正路，個蕎麥麵同樣都係冇乜味，但至少質地正常啲而蒜泥白肉好失望😞，個豚肉唔知係咪好唔新鮮，完全冇味！同樣得個辣字。都無啲麻香味。。未試過咁既蒜泥白肉，佢都唔平呢

荔枝角多野食，今日就黎試新野~ 叫左冷麵系列的手撕雞撈烏冬~佢係稻庭烏冬麵底，辣度有得選擇，辣度有分大、中、小辣，職員話如果未食過呢間的話，就先試「小辣」，食落口係胡麻醬+秘製麻辣味。雞好入味，醬汁都夠，可以返兜！

本人都係第一次難食到寫食評⋯本身店面都冇人幫襯 以為可能係價錢較貴所以先冇人食 點知原來係大家早已經知道呢檔野係咁本身諗住今日食好少少就買貴啲嘅外賣食53蚊份嘅口水雞飯 係冇野飲冇湯冇任何配菜 其實真係好貴咁係買之前本身都知道 所以就覺得53蚊嘅飯應該都唔差得去邊度但真係估唔到口水雞竟然只有一堆嘅辣油同雞骨同雞屁股😔真係食到後面見到雞屁股都想嘔啦🤢最後係靠啲辣油黎撈飯食 極度懷疑係咪啲雞肉拎哂黎做手撕雞 搞到冇哂雞肉咁樣嘅貨色真係可一不可再比錢買難受

啲野食幾好味，不過佢少辣已經好辣，可以多少少肉，可包埋飲品。同埋個收銀無禮貌，問多句都唔中意，令我再唔想幫襯。行過荔枝角見到好多外賣鋪，最後揀了呢間，食物，價錢 ok, 但人就麻麻。過得去咁

平時係呢區食嚟食去都係碟頭飯，又貴又唔好食，今次試咗呢間新開小店買返公司食，好有驚喜，價錢又實惠食個手撕雞撈麵$30蚊有交易😙竟然有蕎麥手撕雞啱哂有時想清清地嘅我，另外撈烏冬都好正個麵好彈牙，辣度又夠，又多個新選擇了🎉