Grill mp (Closed)

去探住大圍嘅朋友，佢就帶咗我哋去食烤點。烤點係食 grilled seafood 為主，朋友仲預先訂咗個番茄蟹煲。原來同斜對面嘅 Oyster MP (蠔點) 係同一老細，喺嗰度揀D蠔，仲可以拎過嚟食。佢地介紹嘅法國、Scotland、南非同 New Zealand 嘅都通通叫齊，D蠔新鮮又甜又肥美，各有特色，配返支自備 Chardonnay，真係講返烤點，食咗幾樣海鮮，有烤有蒸有煮，都唔錯:)個戲肉嚟啦！就係要預訂嘅蟹煲。嘩！隻🦀都幾大隻！D膏先勁，慢慢喺我地面前煮熟，D🍅味好香，我地個個已經忍唔住，煮得參唔多，我地先食左D蟹肉，阿姐話最好留返D膏，一陣撈埋個飯落去先慢慢品嚐。D🦀肉好正，啖啖肉，好鮮甜留返落嚟嘅精華就係番茄同🦀膏，阿姐就扲D飯出嚟撈落去，仲埋灑D芹菜，超香嘅番茄🦀膏飯咁就誕生咗！名副其實，汁都撈埋，超我地個個都好滿足，寫堅食評嘅我都喺度回味緊…Read More

第一次寫食評。實在係火都嚟，去到這間店坐下發覺大部份海鮮都沒有，店員同我地講只有三款海鮮，最後點了其中一款花甲，但後來又說沒有，態度又差，店員覺得這是理所當然。之後連燒烤中最基本嘅雞翼都沒有!!! 已經坐低都冇辦法啦，叫咗10幾款食物，但等左30分鐘一樣食物都未到!!!!😡 之後只來左一碟四條又濃又乾又細嘅多春魚。之後問店員請問其他食物幾時來，他說有三款燒緊，即係其他都未開始燒!! 😤 全店內只得一半客人，都可以等30分鐘還沒有食物，超離譜!! 再過份係隔離枱遲我哋15分鐘叫的雞煲已經上菜，這是什麼安排!!! 總括：大部份餐牌食物都可能隨時沒有，食物質素差，店員態度懶理，安排不知所謂，一定唔會幫襯。…Read More

我和my boy一早已經計劃今晚一定要吃串燒，便搜羅了屋企附近有什麼串燒店，結果我就選了這間在我家一街之隔的烤點~~ 我們沿路走過來時，沒想到這條街已開了很多新食店，真是個大發現呢! 看見門口的裝潢也很利落，感覺乾淨。 坐下來時，才發現近廚房的位置有個很大的風車，令我不禁懷疑店家有這麼不順嗎? 店內座位不太多，大約可以坐20人吧~ 今天是星期日，但晚飯這個鐘數，還不是坐滿人，嗯~ 看來買大風車真的有原因。桌面也預備了鹽和辣椒鹽，以供客人使用~~~ 店員除了介紹今天的海鮮外，還說這裡的雞煲不錯，其實我對一家餐廳的定位頗在意嘛! 明明叫烤點，幹嗎搞雞煲呢? 讓我在這裡點東西吃有點迷失~繼上次吃串燒原條不熟，今次決定再點燒原條茄子$45，上碟時發現很多汁在茄子面上，把茄肉撕出來時，看到白如雪的茄肉，第一口吃下去時入口即溶，不過感覺有點像先把茄子淥熟再燒一樣。蒜茸沒有增加太多味道，結果要利用旁邊的辣椒鹽，才能真正提升到原條茄子的味道~ 本來對這串燒荔枝豚肉卷$25還滿有期望，因為秋天這個時節還能吃到荔枝本來就難得! 可惜，荔枝竟然讓豚肉的葷味全跑了出來，荔枝怎麼看也不夾豚肉，感覺很臭，賣相也不好，色香味都全部沒有。至於我覺得沒什麼理由不好吃的燒韮菜$18，即使放了鹽還是沒把味道滲進韮菜裡，又是要加辣椒鹽才能幫補一下，我吃到這裡已經想問: 我是不是每道菜也假設要加辣椒鹽? 幸好這店裡有這客燒墨汁墨丸$19，外層已烤得軟軟的，吃下去不但有墨汁的甜香，也有墨魚粒令墨魚丸變得有咬口，煙煙韌韌，讓人想再吃多一粒~(可惜膽固醇已爆標...=_=")這串海鹽雞軟骨$15就普普通通，沒有咸味，但算有咬口。這次的燒雞皮$13，終於不像上次般濕轆轆的，真的燒至乾身，半脆半煙韌，也滿有雞油的香味~ 不錯侍應生一來已介紹蟶子王$110兩隻，蟶子王無疑是大，要用刀和叉才能完全起肉，可是除了有沙外，還有點烤得過熟，沒有了爽的口感，換來的只有韌~唉..... 沒想到砸了$55，只是能吃到這樣的口感而已。後記，看來沒有再來下次的必要了，除非大圍的食肆全都爆滿，而我又非要吃串燒不可啦~ 否則，我寧願在家煮個麵好過~…Read More

大圍有間新開串燒店，好有日式居酒屋feel，忍唔住我同朋友入去飲杯酒，食串燒relax一下。先叫咗燒雞泡魚干，燒蒜蓉牛油元貝，燒原條茄子，燒荔枝豚肉卷，見到串燒下有吸油紙都幾細心。我樣樣叫少少，可以試到唔同款式。坐坐下，唔夠飽再食個牛肉火鍋好滿足！雞泡魚干，餸酒一流。燒蒜蓉牛油元貝，大隻得黎又鮮甜，值得一試。燒荔枝豚肉卷, 咸咸地又甜甜地，幾好味道。昆布湯汁煮花甲，湯底有濃郁的清酒味，花甲肉質新鮮而且無沙。牛肉火鍋材料有薄片肥牛肉，洋蔥， 豆腐 ，紹菜（大白菜），紅蘿蔔， 鮮冬菇 ，金菇 ，扎蔥燒原條茄子 ，大大條，好好味燒脆玉瓜好juicy!燒冬菇用汁燒，幾好味道。評分（以5* 為滿分）食物：***服務：***環境：****地址: 大圍積福街8號地舖電話：5533 9030…Read More

今次係有生以來首次寫食評。因為此店太差了。點了燒牛舌（$36兩塊5蚊銀size）、燒牛仔骨（$38約半隻成人手掌大）及陪隊窩（$158），等了三十分鐘才來一客燒牛仔骨⋯仲要係得微暖温度⋯之後嘅牛舌都夠熱嘅，但好難𡁻⋯陪隊窩等了又等才到，但完全未食得，再滾多5分鐘⋯餓壞人⋯料很差，20蚊成本，細細窩（約吉野家牛肉窩size)。總括：食物差、出品慢及價格偏不合理。…Read More

慶生何止一晚，這晚是媽媽請食飯。涼涼地又想燒兩燒，唔想戶外自己BBQ，那就找找串燒店吧。串燒店於近年掘起一股新食力，開得成行成市，所以質素有參差。不是孜然粉落太多，蓋過食物本味；就是燒得太焦，吃後也怕即生癌。聽聞嘴嚵舅父去了也覺不錯，這間老媽子選定餐廳固然信得過。大圍近年食店林立，多虧建了幾個豪宅樓盤吧（雖然我極力反對屏風樓與將樓價推上的豪宅概念），一條食街由此建起。烤點位於較遠地段，處村屋底層，裝修骨子，冷清點帶來些少優閒感覺，在外看來有點鄉郊小店感覺。剔紙式點菜是常規，一看之下，價錢合理。燒原條茄子原條燒的茄子不可不點，有五大要點分析：（我是茄子狂，故宣揚茄乃神級食材）1. 風味獨特「燒」把食材原味帶出來。燒出的水份與蒜味相匯，令味道深入茄肉，將茄子原味毫無保留呈現。2. 軟硬口感蒜蔥粒帶少少硬配以燒得軟軟綿綿的茄子，用筷子一拉成絲，捲起食用，咬落零舍滋味。（我還會把皮一同吃下）3. 油膩感大降茄子索油，平常煮定要加大量食油去令其入味軟身，燒的不用那麼多油。4. 美觀、完整性條切角切常見，很少有食品可見整條茄子吧。整條上菜有一種不會浪費而完滿感覺，看上去也相當精緻。5. 茄子營養茄子有多種食療功效，含高量類黃酮（又稱維他命P），性寒解熱毒，促傷癒防瘀血。此道菜貴於用了適當調味，沒加味精，食材不會浪費了。我是吃茄子，不是吃味精粉。吃罷也不致令人口乾。燒冬菇、黑椒燒牛脷黑黑圓圓的外表被中間劃上一個小十字，很有日式感覺，美觀而且令燒的時間減短。菇鮮，重菇味，燒得軟而沒焦。牛脷只有兩片不算抵，但勝在厚切，帶香黑椒味。一樣沒焦，但風味足，質素高。燒多春魚、燒雞腎媽媽與女友也是多春魚喜愛者，不點這個，會被襲擊。我們炭爐燒烤也愛燒多春魚，好味道卻很多時魚肉會痴在燒烤叉上；去燒物店就免除此問題囉，呵呵。味道正常發揮，反而整條食沒破爛，很滿足。雞腎，沒鴨匾的大小令人攝不了牙罅，反之應該叫雞軟骨仲正。燒菠蘿菠蘿燒起怕酸，可幸沒有也沒焦。整碟是六份一個菠蘿，具一定份量。燒羊架羊架件頭比一般的小，不帶膻味，令我媽媽開心，我與女友傷心。這三件的火侯控制有點問題，出現焦燶情況，不過情況尚可接受。牛油蒜蓉燒美國石蠔曾試一次恐怖經歷於某日本食店點燒蠔，而蠔身與殼是不用餐具已可分開……雖然價格非常便宜，但一看就知無限次使用之蠔殼，配上桶蠔扮作鮮蠔。所以燒石蠔，「I am watching you」。對蠔著魔的我，無論生與熟，也有股執著。看見白白乾乾的蠔殼，已略知一二。蠔燒得好，具蠔香鮮味，不會熟過龍縮哂水。蒜蓉切得很細很細，令其深入蠔身每一分吋；燒得微焦，香口而不過火。再一并送下燒出來的蠔汁，美哉美哉！鮮茄蟹煲是晚重頭戲，竟然不是燒的食品，而是一煲由火爐煮出來的菜式。蟹於上菜前被老闆娘(好似係)拿到跟前，如像海鮮酒家放在膠袋中讓我們看看足両否與新鮮否，好有貴賓feel。確認蟹隻無誤後，菜式才會正式烹煮。青蟹浸於紅色茄湯中，慢慢浸熟，已是視覺享受。茄湯香濃，有大量洋蔥，帶出蔥甜味。蟹肉鮮，用茄湯沾以拌吃，將蟹甜帶出。湯亦煮出蟹的鮮味，令其美味非常。當打算把湯盛出來喝兩小碗的時候，被老闆娘制止了，然後最神奇的一刻出現了。 老闆娘提議加碗飯於煲中，「加飯？」是我衝口而出的反應。誰不知，這碗簡單不過的珍珠米飯，帶來意式風情的美味。濃湯在煮過蟹後帶有鮮味，又變得更稠。飯倒下後伴勻，我們都看到賣相已食指狂動。這不就正正是意大利飯(risotto)？飯、蕃茄蓉與洋蔥粒炒熱，茄湯包著每粒米，散發出炒飯味，色香味美。加些黑椒食用，既暖胃且飽肚，完美。本是日式食品的燒物，如今被大陸式孜然粉燒烤取替不少，幸得有些著重食材真味之士，開立保留傳統烤法之食店。我想，烤點也算是其中之一。看過網上早些許的食評，說烤點之食物沒有烤味，也想替它平反一下；沒焦不等於不正宗，沒過多調味不等於不是燒烤，正正這種燒法，才吃到食物自身的美味。另外，驚喜的是，吃到最美味的，是近乎義大利飯的鍋物加米飯。套於這間燒烤食店，這是缺點還是優點？吃，只為美食罷，認真你便輸了。…Read More

今晚是訂咗位所以不用等位,我們兩人都喜歡食海鮮,店員說這裡海鮮是日日新鮮運來,不是冰鮮貨,所以我地就點咗幾款海鮮及串燒.一出場是花甲....個花甲是鮮甜而沒有沙個湯仲好好飲.跟住是蟶子.....好肥美,掂.......鮑魚及元貝.....是相當鮮甜及大隻龍蝦煲一出已經有很香濃的蕃茄味,煲放係檯上還見到龍蝦輕微的動,店員還提意食完龍蝦,仲有湯可加白飯變成RISOTTO,聽落就知道不錯,試咗之後真係覺得好好食,超掂仲有芝士年糕,牛舌,台灣腸等等價錢不算貴,可以一試無妨!:)…Read More

見門口有曬雜誌介紹，又口痕就去試下啦一坐低就係咁介紹海鮮，感覺不太好，介紹到比人有hard sell的感覺比左呢種感覺我後，我更加唔會order海鮮啦曾經在紅磡食過好正的燒韮菜，想重拾呢份美味可借事與願違，除左食到孜然粉味之外，好似冇咩韮菜味條條韮菜都好長，一半已吞入喉嚨，更一半仍在口中，有種想哽親嘅感覺好彩韮菜唔老冇渣，另外串燒下有吸油紙都幾貼心，食落好似冇咁油秋刀魚唔太得，冇味的，反而用來點秋刀魚的汁好好味雞翼燒到乾過秋天的皮膚，得個鹽的鹹鹹地雞軟骨同雞腎又係冇味同好乾台灣黑豬腸就好味道，但價錢唔親民細細條要成30蚊原條燒茄子非常yummy加埋蒜粒同蔥粒非常惹味燒得啱啱好，仍然食到juicy的茄子是日愛人想飲杯熱飲舒緩不適，呢度竟然連一杯熱茶或熱水供應都冇就算想比錢order都冇一間餐廳只供應凍飲，會唔會奇怪左少少，我就order支唔凍烏龍茶，愛人唯有order個泡菜豚肉鍋，飲住湯當熱飲啦個鍋反而幾得喎，酸酸地辣辣地的湯底幾合我胃口賣相又好精美，有好多豚肉泡菜同洋蔥食極都仲有，豆腐雖然係盒裝豆腐，勝在夠滑啦份量太大啦，2個人根本係食唔曬的店員服務都幾好，好快清理左食完的碟同垃圾令張檯有多D位放其他食物仲會主動幫個鍋較細火，要讚一下總括食物就麻麻地啦，服務除左hard sell嗰一部份同冇熱飲外，其他都可以，再回頭幫襯的機會不大啦…Read More

一行十幾人去了大圍吃飯,走左去食间新開串燒店yeah,我一直燒烤都至鍾意啦坐低即刻叫了啤酒啤啤佢先haha夠凍呀,爽,如果啤杯雪凍佢甘就完美啦:)首推1664呀好少地方見到有大啤架見到餐紙點野食先,叫了好多款先來海鮮先,聖子皇夠大只,食到本身新鮮鮮甜味燒元貝,好大只味道鮮美,吾會乾爭爭:)燒虎蝦,吾算大只,燒香點更好,肉質好爽燒蟹羔蟹蓋,好好味好濃蟹羔味,面有少少芝士,燒得夠香重口味朋友like燒青魚,好味,也是燒香點好些,吾系驚喜多春魚ok,之前吃的差不多:)開始吃肉啦燒雞心.雞腎,,過火少許,冇左肉汁明太子雞翼,好味,好多明太子,這个吾錯:)特別呀煙肉京葱串,吾夠香脆呀煙肉燒羊肉ok,有肉汁,:)另外仲叫左个肥牛煲仔,日式湯底飲啖熱湯對飲酒的人好好,牛肉多的,吾系得一,二塊吾錯日式煮蜆,鮮甜,蜆肥湯清good:)燒韮菜,吾夠香料吾夠味,應重味點好d燒脆肉瓜,這个好味呀有本身瓜甜味,清新又好味燒豆角也好,食甘多肉食燒菜清返曬燒波羅,好味好甜,當甜品好香,又特別重点記得燒香d地方雖小,企理,乾淨吾算坐得好迫,吾会好熱同好大煙的,ok la:)小店在一條靜靜的街,吃串燒几有風味呀…Read More

其實知道鬆弛帶我去大圍晚餐，我已經立刻想起之前在雜誌看過一家串燒店，在開飯看過評語也不差，所以前一餐沒有吃太飽，而且由田心村步行到積福街那邊，可以消化一下，況且串燒的份量比較好控制，不會點過頭。到達的時候差不多九點，店裡面都有八成滿，似乎生意不俗。店內有個大電視，我們正好坐在電視下面的一張檯，好像全部人都看著我們，有些奇怪。店員拿來一張點串燒的紙，一放下想說服我們吃海鮮，又鮑魚又扇貝，雖則我看雜誌也說他們最推介的是海鮮，每天都由廚師到街市親自買貨，價錢都不算特別貴，不過我們就是不太喜歡這樣硬銷，我想吃的就自然會點。串燒的種類不算很多，我們點了大概五六串，還是先試試水準如何再決定要不要追加。昆布清酒花甲。這款是小花甲吧，和普通蜆的size沒差很多，還好的是肉質都算新鮮而且無沙，份量也不少。昆布湯底都不錯，另外清酒的味道都幾濃，只是略為鹹了點，都可以當湯喝的。牛舌。鬆弛知道我不吃牛舌，所以吃串燒的時候很少會點，今天來到新串燒店，就點了一串，結果讓他很生氣，因為這串牛舌實在是太不抵吃了。牛舌切得極薄，和三文治裡的火腿差不多，而且一串才兩塊，賣$18實在有點貴。雖然我不吃牛舌，可是做串燒的話應該要厚切吧，薄切的通常比較適合烤肉時吃。煙肉車茄厘卷和煙肉青蔥卷。一向都喜歡吃煙肉包著多汁的車厘茄這款串燒，不過這次試青蔥卷也不錯呢，青蔥燒得夠腍又有汁，比包著車厘茄更特別，不過外層的煙肉烤得不夠香脆，不香口。燒蜜糖粟米。由我們落單到粟米送上來差不多有二十分鐘，不明白為何要先烚熟粟米才燒呢，因為從粟米完全濕透的莖就能看得出來。我明白店家可能擔心粟米要燒很久才熟，可是都不是一點烤過的感覺都沒有，除了那幾顆烤焦了的粟米粒可以證明真的有烤過之外，吃感和吃白烚粟米沒分別，一點也不香口。沒牛油味、沒蜜糖味也就算了，就連鹽也沒有加，所以我加了少許放在檯上的辣椒粉，不過都幾辣，幾乎流眼水，可惜店裡面沒有茶或水，我們又沒點飲品，只好喝昆布湯解辣。燒菠蘿。燒菠蘿也有同樣的問題，隔了將近三十分鐘才來，大概是覺得我們想把菠蘿當甜品吧，不過這個燒菠蘿也沒有烤過的感覺，只是有少少烤焦的黑色。我自己去燒烤時也曾烤過菠蘿，直接由生菠蘿烤，出來的結果並不是這樣，吃過很多家串燒店的烤菠蘿都不是這樣，菠蘿幾乎完全熟透，像用水煮過一樣，而鬆弛就說可能先用焗爐烤過再燒。無論如何，我不覺得這東西會叫做燒菠蘿咯。整體上不可以說是難食，因為都只不過是串燒，可能是那個爐的火力實在不太夠，燒得不夠香口，我們都覺得甚至比我們自己用燒烤叉叉著燒還遜色。價錢方面其實不算貴，除了那串牛舌的份量，不過款式不多，不太對味，看來會再光顧的機會很微。…Read More

剛看到雜誌的介紹, 即晚和友人們一試這間新開的串燒店!一行三人七時多到達, 不用等位, 店舖裝修帶點簡約日式居酒屋feel, 是大圍少有的decent感!! 感覺不錯!食物方面,-蒜蓉元貝(帶子)> 比想像中還要大, 鮮味, 牛油味香濃, 勁like 個蒜蓉泥topping!! 抵食!昆布湯花甲> 花甲配昆布湯好match, 鮮甜!!燒原條茄子>好juicy! 友人忍不住問經過的chef呢個點整, 一d都唔乾身燒倉魚>見枱枱都食, 應該ok啦! 原條倉魚上枱,淋上豉油, d魚肉好滑, 有趣好味過蒸魚燒韮菜 / 翠玉瓜>chef在傾計時介紹食呢個韮菜&翠玉瓜, 雖然覺得燒韮菜有d奇怪但都可一試, 友人試過後勁buy,有孜然粉調味, 本身不好此味的我都surprise, 味道幾夾, 韮菜冇渣,翠玉瓜juicy>煙肉大蔥/車厘茄好Crispy香口!! 好味!另外仲有食牛舌, 牛仔骨同雞翼, 質素都ok! 一定會再幫襯啦!!…Read More

尋晚有兩個朋友响荃灣駕車出嚟大圍搵我同男友食宵夜，於是我哋就去左屋企附近呢間新開o既串燒鋪度食嘢。可能因為已經12點幾，間鋪冇咩人。我哋四個人點左以下o既嘢食：由於我唔食辣，對嗰啲麻辣嘢冇意見，但男友話個麻辣鳳爪好味，辣得幾過癮。我必食o既燒韮菜，個味道唔錯，唔會勁多孜然粉。呢個好好味，我好鐘意。份量好足，比起平時响日本鋪食o既大好多，味道都唔錯。好多金菇，都幾大包。車厘茄好多汁，面層黑豚肉好香，個配搭幾好！另外仲食左幾串雞肉、牛丸、鴨棒、鴨胸、雞腎，本來仲想食鮑魚同扇貝，但已經賣晒:(有樣嘢幾值得讚，枱面上有辣粉比客人自己加，男友話個辣粉好正！:)總體而言，大部分食物都唔錯，而且坐得幾舒服，又有電視睇，以後除左飲夜茶，食宵夜又可以多個選擇…Read More