可能因為已經12點幾，間鋪冇咩人。
我哋四個人點左以下o既嘢食：
由於我唔食辣，對嗰啲麻辣嘢冇意見，但男友話個麻辣鳳爪好味，辣得幾過癮。
我必食o既燒韮菜，個味道唔錯，唔會勁多孜然粉。
呢個好好味，我好鐘意。
份量好足，比起平時响日本鋪食o既大好多，味道都唔錯。
好多金菇，都幾大包。
車厘茄好多汁，面層黑豚肉好香，個配搭幾好！
另外仲食左幾串雞肉、牛丸、鴨棒、鴨胸、雞腎，本來仲想食鮑魚同扇貝，但已經賣晒
有樣嘢幾值得讚，枱面上有辣粉比客人自己加，男友話個辣粉好正！
總體而言，大部分食物都唔錯，而且坐得幾舒服，又有電視睇，以後除左飲夜茶，食宵夜又可以多個選擇
