瀧一 (Closed)

去左佐敦上堂，一落堂就去搵食醫肚，天氣悶悶焗焗，想食日本野，呢間不算起眼，叫瀧一，入去試下。入去地方不算大，不過都好舒服，要讚一下呢度呢手捲，我同朋友都讚，分別一人一個手捲，我地嗌左軟殼蟹手捲同海膽手捲，傾下計一陣就有得食啦。軟殼蟹手捲嘅軟殼蟹好大嚿，仲要係熱啦啦嘅，好香脆，又唔會太鹹，啱啱好，好好食。海膽手捲都勁正，足半板嘅，真係上菜時勁多海膽，仲要勁新鮮，好甜美丫，軟軟嘅海膽加左珍珠飯同脆脆嘅紫菜，好夾，超好味丫，而家諗返都好想再食。呢間真係吾錯丫，幾好食，又吾貴，下次再食。…查看更多

那天週末下午，我獨自走去位於近佐敦上海街的瀧一日本刺身壽司專門店，以品嚐日式午餐。店內面積雖較小，但廳內設計櫃面座位方面非常別具日本特色。而我當天叫了兩味餐款，分別是中華冷麵及火灸三文魚飯。中華冷麵以新鮮蛋絲、蟹柳絲、蝦絲及蟹子粒等作配料，蟹柳絲和蝦絲是幾開胃，連埋顧名思義的冷麵一起吃，便有如吃沙律冷盤般那麼樣涼快可口美味， 冷麵質地滑身是我愛吃的類型，食落幾清爽。至於火灸三文魚飯，則以數塊鮮味的火灸簿三文魚塊配以蟹子粒作主餸，並再加些鮮醬油於三文魚作調味，這樣每啖熱辣香飯連三文魚一起入口，嗒落味感質感上零舍係不同，惹味滋味。食飽後再感受食堂的飲食氣氛，休閒一陣，見店員有好的服務態度，我朋友都是滿意的樣子。…查看更多

返夜班要5點食飯，最近天氣熱，想食下日本野，但最麻煩莫過於未到晚巿時間唔開門，今次先上openrice搵下發現呢間瀧一。價錢定位唔算太貴，午餐推介大約50，但今日目標係魚生，所以叫左個極上魚生飯，口痕加多客炸軟殼蟹。魚生飯上枱，用托盤盛載，有種在日本食飯的感覺，賣相幾好，總共6款，刺身件件厚切又大塊，生鮮唔洗講係必定，口感都十分好 其中最like係油甘魚輪到炸軟殼蟹，即叫即炸，蟹唔細隻，炸好後原整一隻切成4件，外脆內軟，咬一口仲有蟹膏流出，掂到無得彈水放在櫃枱自助自斟。整體黎講，質素真係唔差，仲要免收加一，只係堂食得8個位，好在有外賣服務，送貨範圍都唔細。…查看更多

去左佐敦覆診，睇完醫生好肚餓去左附近條街搵食，俾我搵到間日本小店，叫瀧一，又好食又平，一定要推介丫。先點左個厚切三文魚，38蚊，有四塊，好新鮮，一上碟就見到佢新鮮嘅光澤，入口鮮甜肥美，好正丫。再嚟點左碗滑蛋鰻魚飯， 先68蚊， 上碟畀佢嚇親，因為鰻魚勁大舊，仲好厚肉，超正丫，配菜滑蛋，洋蔥同冬菇好食，加上鰻魚醬汁好甲，飯係珍珠米熱辣辣，全部加埋好好味丫，68蚊超值丫。飲埋杯可樂爽丫，下次覆診都嚟呢度開餐先，好味。…查看更多

原本想去廟街掃街食下嘢，但天氣太熱 ，打消念頭 ，去咗附近一間 日式餐廳，佢係外賣為主，鋪頭都有幾張枱，可以在餐廳內堂食。 雖然舖頭細細哋， 但係刺身，手捲，壽司， 拉麵，定食樣樣都有價錢中相當實惠添油甘魚刺身 睇到個色澤就知有幾新鮮，塊塊厚切 除咗肥美之外 ，食落仲有口感添帶子刺身，又白又滑，爽口鮮甜日式海鮮炒烏冬， 真係有不少嘅海鮮喎 :有魷魚啦， 北寄貝啦， 蝦啦。。。仲有厚切嘅冬菇絲添啲烏冬都好煙韌彈牙，唔會炒到一pat嘢咁咁嘅價錢，咁嘅味道，咁嘅材料，除咗講一個抵字，我真係唔知可以講乜嘢喇…查看更多

晏晝去咗佐敦嗰度做嘢，見到有間細細地嘅日本鋪頭，佢嘅嘢食又唔係太貴，仲要唔使加一添叫咗吉列豬扒滑蛋飯，同埋一個軟殼蟹卷因為得1個師傅整嘅關係，都要等15分鐘左右有得食豬扒飯嘅份量都幾大，上面整塊豬扒鋪滿飯碗，好香，可能因為沾上蛋汁嘅關係，外皮冇咁脆，但係都好有咬口，豬肉唔會太硬食緊嘅同時就上左軟殼蟹卷，軟殼蟹炸到好脆，配埋壽司飯一齊食，啱啱好食完兩樣野都好飽鋪頭嘅座位唔係太多，但係入邊都坐得幾舒服，佢哋仲有外賣服務添…查看更多

睇完戲，到了朋友樓下的壽司舖買外賣食，咁熱費事煮了嘛店很小，只有八個位左右，但一入去啲冷氣超勁，涼到唔想離開！本來打算食埋先走的，但有事做就買外賣啦，無估到店細細都有bb櫈喎，不過一家大細真係夠位坐？等了十分鐘左右就有得拎了，效率都幾快喎。外賣兜是發泡膠的，跟一般壽司店用的透明膠兜不一樣，呢種發泡膠通常外賣車仔麵、酸辣粉醬燒三文魚飯（$48）朋友點了火灸系列，怕天氣熱買刺身丼行到返去就變壞喎，穩陣啲食個半熟的三文魚。一碗都有好多片三文魚，火燒過迫哂啲魚油出黎好甘香，上面仲有一層沙律醬，入口口感更滑了。飯有加醋的呢，夏天食特別開胃，一口飯一口三文魚好滋味啊中華冷麵（$45）自己點了冷麵配麻醬，天氣熱嘛，食點涼的。撥開睇下有乜先，有蟹籽，豆皮，蟹柳，蛋絲，青瓜絲，同熟蝦，都幾多料。麵條煙韌有咬口，撈埋麻醬無得輸，份量都幾大碗喎，一碗就夠飽好味好味，價錢幾抵食，除左係唔環保食完個心有啲唔安樂外……下次都係堂食唔好要外賣兜了。…查看更多

原本只係有外賣咋~而家有埋堂食， 即係外賣價舖頭食 好抵呀鋪頭唔需要太大，因為個個都係街坊做街坊生意嘛，個個食飽就走啦鋪仔細細刺身，壽司，手捲，拉麵，定食樣樣齊刺身嘅新鮮程度都可以媲美日本餐廳油甘魚腴盈肥美， 色澤紅彤，脂肪分佈平均，入口滑溜柔軟帶子刺身，口感彈牙，鮮味無窮赤貝色澤亮麗，肉質爽甜，海水以及鮮甜味濃郁鰻魚炒飯 鰻魚嘅份量一啲都唔少粒粒鰻魚都有返咁上下厚度咖煙煙韌韌，好有口感飯粒軟硬適中，食左又冇口渴兩個人食左$176，又吾使加一，真係好過去食快餐店…查看更多

上星期約六點幾嚟食。一開門，個女人師傅喺度寫緊塊board,見到人入嚟，眼尾哨你一眼，又唔講嘢又冇笑容，好似欠咗佢咁。我係第一枱客，叫落單又唔行埋嚟，剩係粗聲粗氣講咗一聲”講吖”。落咗單後佢仲繼續喺度寫board寫左兩三分鐘。成間舖得佢一個師傅，其實如有客人在，而且得我一枱，可否尊重客人整咗食物先，要個客坐喺度等你慢慢寫。食物方面叫咗一個海鮮丼加幾件壽司，質素一般，要比分我只會比合格。價錢其實同元氣差唔多，但壽司size 比元氣細件。總括來說，服務零分，食物質素一般，價錢不屬便宜，相信我以後應該不會再幫襯了。…查看更多

位於佐敦的瀧一，是一間港式的日本菜餐廳。餐廳供應多種丼飯，手卷，小吃等等，價格超級便宜，難怪吸引不少附近的街坊光顧。由於店舖不大，供堂食，但也有供外賣咖喱豬扒飯$50飯類只需$40-50多元，實在不貴，選擇又多，飯量又足，超值哦。吉列豬扒頗大一件，炸得金黃香脆，外皮脆卜卜，麵包糠乾身脆口，內裡的肉質結實，只是略乾。有不少客人也選擇這個飯阿。米飯淋上甜甜的微辣咖喱醬，更有薯仔粒和紅蘿蔔，味道不錯，甜而不辣，拌飯一流，快速完成午餐啦。…查看更多

一心諗住食個靚飯先去返夜，晚飯時間我地係舖內第一個入座客，落完order七點（因為要睇住時間返工，所以好清楚幾點落order）, 等左半個鐘，起身問佢地請問仲要等幾耐。點知個職員話間店得佢一個廚師喎。咁即係叫我等？等幾耐呢？咁我同朋友唯有走人。行出門口，個廚師仲講話，佢都要揾兩餐呀。冇錯，你要揾兩餐，我都要揾兩餐。但點解唔可以做好D呢。其實我都係叫左兩個飯，唔係叫八、九、十樣野。要咁耐時間，唔通個飯係落order先煲？我知呢間舖新開唔係好耐，希望佢地可以改善下效率同服務啦，短時間內我都唔會再踏入佢間舖呀啦。試唔試到呢間野既食物，就睇以後了。…查看更多

這間店從門面看没什麼特別，那天比較趕時間吃飯，看見不多人於是就進去了。雖然店內不是很大，坐位也不是很多，應該主要是做外賣，但食物的款式很多。。我這種有選擇困難的人，想了很久才決定要滑蛋鰻魚飯，但又好想吃海膽手卷，最後又叫多一個自訂手卷，我選了三文魚籽，帶子，海膽手卷。。😋😋😋這鰻魚飯真的有驚喜，鰻魚很大塊而且很厚肉，喜歡吃鰻魚的就覺得值了。😋😋鰻魚的肉汁被鎖住，當咬下去就覺得很嫩滑。👍🏻👍🏻很多時候都是眼闊肚窄，點菜時候就興奮什麼都想吃，當我吃完這個鰻魚飯再吃手卷真的太飽了。…查看更多

我的外賣晚餐@瀧一 佐敦上海街137-139號地舖 阿妹長時上班不定時，所以唔忍心佢仔女經快食快餐零食或微波爐食品，間中我會買飯盒上去和他們一起食晚餐日本菜少油健康，一於買回去食得好點健康點。嘩，主力做外賣都有多款飯麵，令人心思思呢，看菜單已開始流口水。酸薑牛肉飯 ，外賣膠盒餸拿回家依然漂亮，日本珍珠米濕潤糯性高，薑汁牛肉肥瘦分明，肉片落了薑汁去腥但唔會辣，仲有點甜吊味添。自己就外賣份醬燒三文魚飯$48，三文魚幾大塊，因富油脂煎完都好香，個燒汁入面幾入面，撈飯一流。雖然是外賣，但即叫即做架每個飯都唔過50蚊，真在是物價高昂的香港地，一個經濟選擇。…查看更多

After going to the market to buy some groceries, it was already lunch time so i just walked around nearby to see if there is any nice food around. Walking along Shanghai street, i saw this board displaying outside the shop and seeing that the price was quite reasonable, i decided to give it a try. Besides offering lunch set, they served snacks, hand roll, sashimi, sushi, rice and noodles etc. For such a small store, their selection was quite impressive. Grilled eel with rice - For the pricing, the serving was quite huge. The grilled eel was covered with the sauce all over and was juicy and tasty. Eel was grilled till soft and smooth. Rice was soft and fragrant as well. Deep fried soft shell crab - It was fried till very soft and crispy, like eating crispy seaweed. It was abit salty though. Mayo cream was provided to enhance the flavour. …查看更多

本人妻今日同小鮮肉老公一齊去佐敦探一探朋友新居，行行下佐敦街頭附近，見到一間日式料理！名字都幾特別叫瀧一 小鮮肉老公見到話好想試喎咁就比佢做一次主角 ～話一次事喇😂 入去之前本人妻先睇一睇門口個餐牌，有冇咩岩人妻胃口先～～對於魚生控嘅我就比極上魚生丼深深吸引左😍一入去鋪頭雖然唔係好大～但本人妻不嬲都係注重食物質素，所以就坐定定等野食😂 小鮮肉老公真係一如其名點左個日式肥牛炒烏冬～可能時間好早鋪頭得一個師傅冇其他職員，所以要少少時間等野食～～好彩我地又唔係肚餓同埋又唔趕時間 等左大約十分鐘，我地叫嘅極上魚生丼同埋日式肥牛炒烏冬終於登場喇！！首先最吸引本人妻嘅眼球就係魚生丼 嘩 D魚生好新鮮比得上日本魚生舖 😍咁大碗魚生丼仲要魚生咁新鮮～先得果$68 ，如果唔係小店真係唔只呢個價囉 之後要小鮮肉老公嘅肥牛烏冬 聞落去有好大陣菇味～食落口又估唔到夾到肥牛同烏冬喎～睇落去以為好細碟！食落去都幾飽肚，你會有一種好彩有叫呢碟！！！好滿足嘅感覺唔叫會有種莫名嘅失落感😂 你唔好以為睇個樣好清淡！食落口嘅時候～有濃厚嘅 菇味～ 一啖烏冬一啖牛簡直係最高嘅享受人妻覺得雖然呢間舖頭隱藏於鬧市之中毫不起眼～～ 但其實他僅僅是欠缺一個宣傳和讓大眾認識的機會！ 大家有機會都可以去支持一下呢間有質數有實力的小店～成為他的風雲…查看更多