潮 . 囍薈 (The ONE)

該食物沒有提供也不跟顧客說，等了很久開口問才說沒有，請問怎麼能夠這樣？如果沒有供應該看食物應該跟我們說一聲，而不是什麼都不做以及找藉口。藉口是廚房的人沒有說，但是各位都是領着薪水…Read More

同屋企人聚餐揀咗尖沙咀呢間酒樓食中菜，地點方便，環境都舒服，仲有海景睇添。重點係有龍蝦、蟹、牛呢啲貴價餸，有晒擺盤，價錢都好親民，味道亦不錯。金不換雪花肥牛龍蝦擺盤幾有心思，龍蝦已經斬件，有六大件肉，新鮮爽口，金不換配海鮮係幾夾，唔會冚咗海鮮嘅鮮味，又有啲特別嘅香氣。肥牛粒肉質鬆軟，一啲筋都冇，牛味香，油花比例唔會太肥，用金不換調味幾惹味。黑白胡椒年糕炒蟹呢個黑白胡椒蟹超級有鑊氣，勁香勁惹味，辣得過癮，肉蟹絕對新鮮，肉質紮實鮮嫩，特別係蟹鉗嘅肉好爽滑，食得勁滋味。配襯嘅年糕要記得趁熱食，因為凍咗會變硬，熱食的話又香又煙靭香糯。勁蔥雞半隻 $98呢隻雞好有驚喜，擺盤已經好吸引，真係勁多蔥，遮住晒啲雞，我見到勁開心，因為我係好鍾意食蔥油嘅。講返主角隻雞好嫩滑，真正皮爽肉滑，佢係連雞胸肉嘅部份都可以用滑嚟形容，雞髀位更加唔使講，食到舔舔脷，配埋上面嘅蔥同埋調製嘅砂礓汁，超級香。伴碟嘅蝦餅唔係吸晒油味嘅，佢係乾身脆卜卜，點嗰個沙薑汁食好好味。…Read More

從網上得知，這間酒樓正推出點心優惠 : 早、午、茶市，星期一至日及公眾假期都有。今天帶同喜歡嘆茶爸媽來大快朵頤。酒樓在居高臨下，可遠眺維港景色。大堂裝修得富麗堂皇，一列落地大窗，美景盡覽無遺。還設有多個廂房，空間寬闊，加上特高樓底，沒有侷促感，坐得舒適。舞臺裝上龍鳳雕刻，金碧輝煌，別具氣派。7/8/9元特價點心款式選擇多 :“翡翠香茜餃”，一籠有三隻，爽滑粉皮配芫茜，又香又爽。“奶黃蘋果包”，賣相有心思，把奶黃包造成蘋果形狀，十分神似。包皮餡料味道都不錯，表裏一致，是必食之選。“香煎手工韭菜餃”，外皮煎香煎香，滿滿饀料，香脆口感。“叉燒焗餐包”，饀料稍為遜色。“鮮鮑魚燒賣”，原隻鮮鮑魚，肉質彈牙，配上蝦滑，鮮味十足。“生拆手工蝦餃皇”，大大隻蝦餃，蝦肉鮮甜爽口，保持高質。再來一碟推介菜式 “勁蔥雞”賣相不俗，有蝦片伴碟，加上大量香蔥。半隻大肥雞，雞肉鮮嫩滑溜，加上蔥油，味道更上一層樓。這裏的超值點心及菜式絕不欺場取巧，而且環境優雅，認真超值。爸媽都吃得開心滿滿❤️❤️…Read More

潮．囍薈位於The ONE 12樓，地段方便，裝潢走現代雅緻路線，落地窗引入自然光，座位寬敞不擠，適合家庭或朋友聚餐，整體氣氛舒適而帶少少高級感。🪴 食物質素穩定且有驚喜香芋鮮牛奶包外層鬆軟，內餡香甜奶黃蘋果包甜度平衡，非常精緻XO醬蒸鳳爪入味有層次，醬香帶微辣；香煎韭菜餃及鮮蝦蒸韭菜餃皮薄餡鮮，煎品外脆內嫩馬拉糕彈性好，口感鬆軟黑松露野菌包與鮮鮑魚燒賣各有亮點，前者香氣高雅，後者海味真材實料香煎蘿蔔糕和香脆炸饅頭炸得乾身不油膩白灼時蔬清爽解膩葡汁海鮮炒飯米粒顆顆分明，醬汁帶甜鹹，海鮮配料充足，整體份量足夠分享且性價比高。👍 假日茶位16蚊，特價點心7元8元9元 , 星期一至日, 紅日, 早市午市下午茶都有提供 😍 非常抵食…Read More

📍 潮.囍薈-尖沙咀呢一間位於The One 12樓嘅酒樓，可以坐窗邊望住維港嘅景色食飯，其實都幾滿足，呢一方面已經喺我心目中係滿分💯依一度仲有特價嘅點心，竟然特價7蚊、8蚊、9蚊點心都有，仲要係冇限制數量，最深刻嘅係$9\3件煎蘿蔔糕，本身以為縮水版，點知原來係正常版，真係喜出望外😍但係留意呢啲特價點心係有時限供應嘅～（星期一至日，紅日，早市午市下午茶都有提供）✨ 黑毛豬叉燒腸黑毛豬叉燒本身都已經非常大嚿，口感方面會比較好，一條腸粉切開一半，食得好方便，叉燒肥瘦適中，腸粉皮非常透薄，點少少豉油同埋辣椒油就已經夠晒味🥢✨ 金勾珍珠雞懷舊荷葉香，珍珠雞是香港飲茶經典點心，用荷葉包著糯米、雞肉、香菇、蝦米等餡料蒸製，米香混著荷香，一打開就是熟悉的港式味道！每隻手工包製，真材實料！✨ 本菇雞絲煎麵煎麵嘅麵質係幼身嘅麵條，所以特別爽脆 ，一塊麵餅淋上雞絲，入邊仲要好多冬菇，醬汁淋到上去之後，麵餅即刻變少少淋咗，但係仍然酥脆，$98都算抵食嘅🤭✨ XO醬蒸鳳爪係少少豉椒加醬汁蒸鳳爪。今次炆嘅火候到位，軟滑入口好快骨肉分離的口感。非常入味，夠哂濃香惹味。✨ 鮮蝦蒸韭菜餃又有鮮蝦，同時又有韭菜真係第一次食，入面大大隻鮮蝦🦐餃皮薄透、內餡飽滿，愛韭菜口味🩷✨ 叉燒焗餐包個餡做得幾好，唔太甜，包夠鬆軟，酥皮非常酥脆，大推👍✨ 香煎蘿蔔糕用煎嘅方法整嘅 仲要煎到每一面都脆卜卜超級惹味🥢✨ 鮮鮑魚燒賣個樣已經好吸引 🤩大大粒鮑魚，係真正嘅鮑魚包住啲燒賣，豬肉份量肥瘦適中，唔會只有大粒肥豬肉，蒸得靚冇過火🔥…Read More

今日去咗The One 對住個無敵大海景嘆點心，最正係一啲都唔貴，就已經有靚景同美食。鮮鮑魚燒賣真係有隻鮑魚仔！鮮味濃郁，底部有燒賣，夠晒特別。牛奶香芋包口感柔軟，入面嘅芋蓉香滑可口。潮州蒸粉粿有家鄉嘅味道，外皮滑嫩，餡料豐富。香煎手工韭菜餃外皮金黃酥脆，香氣濃郁。麒麟馬拉糕柔軟蓬鬆，口感如棉花般輕盈，甜味適中。鮮蝦蒸韭菜餃蝦仁鮮甜，充滿韭菜的香味。香煎雞粒韭菜粿加左雞肉，多咗啲口感，煎至金黃後更顯香脆。香脆炸饅頭識食炸饅頭嘅一定要加煉奶，超正！松露鮮菌包有香噴噴的松露味，唔錯！叉燒焗餐包表層令立立，未食已經垂涎三尺。香煎蘿蔔糕蘿蔔糕煎得好好味。生拆手工蝦餃皇蝦餃皮薄透亮，內餡的蝦仁鮮甜，口感極佳。特上湯蟲草花牛肉球牛肉球鮮嫩多汁，仲要用蟲草花做湯汁，味道鮮美。養生北菇棉花雞雞肉鮮嫩，底部有好多魚肚，健康又美味。韭黃鮮蝦腸腸粉滑嫩，蝦仁爽口，仲有個爐熱住等啲腸粉唔會凍咗，夠晒貼心。…Read More

喺openrice見到今時今日竟然仲有價錢個位數嘅點心，即時帶媽咪過海試吓呢個價位嘅質素先餐廳樓底高，落地玻璃採光一流香煎蘿蔔糕（三件）$9～煎得幾靚，食落比較粉香煎韭菜餃（兩件）$7～賣相同味道都好白灼時蔬$8～爽！呢個價錢，抵:)生拆手工蝦餃王（一件）$9～正常發揮潮州蒸粉果（一件）$7～味道同餡料配合得好好麒麟馬拉糕$8~必點唔太甜又鬆軟XO醬蒸鳯爪$7～必點估唔到有呢個份量奶皇蘋果包（兩個）$7～必點賣相口味都一流紅豆沙$9～甜到適中，又㷛到起晒沙👍🏼淨係叫個位數嘅點心，都食到好飽同滿足，加上呢個環境真係勝價比唔知個位價錢嘅點心會唔會定期更新菜單呢？…Read More

潮囍薈推出左個優惠點心（優惠點心 - $7/ $8/ $9）[] 牛奶香芋包(1件)[] 奶黃蘋果包(2件)[] XO醬蒸鳳爪[] 潮州蒸粉粿(1件)[] 香煎手工韭菜餃(2件)[] 麒麟馬拉糕(1件)[] 鮮蝦蒸韭菜餃(3件)[] 香煎雞粒韭菜粿(2件)[] 香脆炸饅頭(3件)[] 黑松露鮮菌包(1件)[] 叉燒焗餐包(1件)[] 香煎蘿蔔糕(3件)[] 鮮鮑魚燒賣(1件)[] 生拆手工蝦餃皇(1件 x2) 唔知係未因為點心優惠關係點心質素真心麻麻地香煎雞粒韭菜粿唔夠熱香煎蘿蔔糕太鹹蝦餃皇無咩味...比較好食有馬拉糕，炸饅頭同潮州蒸粉粿呢個系列黎講其實以這種質素真係未致於係好高cp反而一款有3件就真係抵嘅總結地方樓底高位置寬敞高層有景睇又有自然光服務質素都唔錯如果你重點係想坐得舒服對點心質素無咩要求，又係尖咀附近純粹嘆冷氣，飲口茶，吹下水，磨時間呢個優惠點心都可以一試#潮 . 囍薈📍尖沙咀彌敦道100號The ONE 12樓#dcb食在香港 #dcb吃喝玩樂 #dcb香港 #食在香港 #香港美食 #美食 #尖沙咀 #尖沙咀美食 #點心 #酒樓 #優惠…Read More

喂喂喂，大家冇聽錯🥳🥳🥳！而家只要$7️⃣ $8️⃣ $9️⃣ 就可以嘆住維港靚景，食住精美嘅靚點心啦！尖沙咀[潮囍薈]以家推出咗 $7️⃣ $8️⃣ $9️⃣ 嘅點心優惠!優惠仲要系星期一到星期日,午市、下午茶都有，真係？ 大把時間都可以歎到！而且點心嘅種類仲好多，絕不欺場!💕我哋今次就揀咗十款右左嘅精美點心！$7️⃣- 潮州蒸粉棵(1件)- 手工韭菜餃(3件)$8️⃣- 牛奶香芋包(1件)- 奶黃蘋果包(2件)- 白灼時蔬- 香煎雞粒韭菜棵(2件)$9️⃣- 鮮鮑魚燒賣(1件)- 陳村粉蒸排骨(1碟)- 生拆手工蝦餃皇(1件)- 手工榴蓮酥(2件)除咗以上優惠點心之外，其他精美點心都好值得推介：- 養生北菇棉花雞$55- 韭黃鮮蝦腸$55- 玫瑰紅棗糕$40整體所有點心都非常好味，即叫即蒸，上枱嘅時候仲熱辣辣😋而且酒樓嘅員工非常熱情友善，同我哋有講有笑！一路嘆住靚景，一路食靚靚點心！真係好啱一家大細或者同朋友嚟聚餐！夠曬平靚正!！😊…Read More

大癲‼️$288/位可以食到魚翅餐！真係一試無妨😱 首先，前菜三款：有脆皮豆腐、涼拌青瓜🥒及沙薑豬手。脆皮豆腐香脆嫩滑；涼拌青瓜清新爽口；沙薑豬手皮夠爽口。之後有紙包骨拼砵仔焗蠔。紙包骨夠鹹香；砵仔焗蠔外皮脆脆，內裡juicy! 主角濃湯大碗翅，湯底金黃濃郁，有雞絲、翅，份量十足😍而頭水紫菜浸時蔬，紫菜嘅鮮味更加提升咗整體嘅味道。脆鱔飯煲仔飯一人一煲，鱔魚肥美。最後是日甜品有紅豆沙。$288呢個價錢，有翅食又豐富，可一試！…Read More

大癲，超級抵食必食尖沙咀點心‼️仲要係K11高層，望住藍天白雲邊嘆茶🫖爽啊‼️星期一至日，紅日，早市午市下午茶都有提供嘅特價點心，只係$7、$8、$9‼️可以一粒一粒咁叫，食多幾款‼️🥢手工韭菜餃 $7最抵係呢個啦，$7 有三件，仲要好大粒‼️入面爆餡，勁多韭菜，有蝦粒～🥢麒麟馬拉糕 $8份量適中，質地軟熟好食，一人食咗一籠🥢生拆手工蝦餃皇蝦餃大粘，入面有原粒大蝦，好食🥢鮮鮑魚燒賣 $9有成隻鮑魚，好正，整體好食🥢陳村粉蒸排骨 $9好多陳村粉，冇乜汁不過有啲油份都幾滑，排骨好食醃得夠味🥢叉燒焗餐包 $7$7 一件，唔算好大，手掌心左右size，飽肚之選🥛杏仁茶 $7勁平，食得過…Read More

好少寫食評，更少寫差評！相約老友食飯，原本開開心心的飯聚，換來一場閙劇。我哋叫左$388/人的套餐，埋單$7**。 等成半個鐘先上一道菜，我哋自娛在食法餐。見到正餐仲有三道菜未上，無啦啦已上甜品。之後追完又追，半個鐘後先上左菜。其中一道菜餐牌寫住烏魚子烏冬，但上的是青瓜伴涼面。我問侍應，「點解不是烏冬？」侍應回答是幼的烏冬，答案令我拍手叫絕！好難忘的一餐好難食的飯！😤😩☹️😔😏…Read More

週末和朋友到尖沙咀潮囍薈吃飯，氣氛熱鬧又滿足！一上桌的脆皮燒乳鴿讓大家驚喜，鴿皮烤得金黃酥脆，肉質嫩滑，蘸點梅子醬，味道更豐富。清蒸鱸魚是全場焦點，魚肉鮮嫩多汁，蔥油香氣撲鼻，幾個朋友搶得不亦樂乎。試了 XO 醬炒芥蘭，芥蘭爽脆，XO 醬的鮮辣提味，簡單卻好吃。瑤柱蛋白炒飯也很受歡迎，飯粒鬆散，瑤柱的鮮味融入其中，吃起來輕盈又滿足。另一道椒鹽蝦外酥內彈，椒鹽調味香而不膩，連蝦殼都忍不住咬一口。甜品點了芒果布甸，口感軟滑，芒果香濃，清甜不膩，大家都吃得開心。潮囍薈的圍菜份量足，味道地道，適合朋友聚會時慢慢分享，期待下次再來！…Read More

尖沙咀中午食飯時間，到處都人頭湧湧！今日朋友提議試吓潮囍薈飲茶。喺The One 12樓，地方寬敞光猛。食物質素一般，但咁嘅價錢喺尖沙嘴，仲可以要求啲咩！其實味道ok㗎！👍🏻油菜$7；兩隻BB鴿$68喎！仲想點！😄👍🏻最貴係碟班球炒河$98，魚肉都係結實嘅，唔係用啲「豆腐」魚。👍🏻…Read More

家人吃飯訂了一圍，晚餐圍菜展現了粵菜的精緻與功力。首道椒鹽鮮魷入口酥脆，魷魚彈牙，椒鹽香氣撲鼻，調味恰好不過鹹。清蒸東星斑是重頭戲，魚肉嫩滑，蒸得火候精准，蔥油和豉汁提升鮮味，令人回味。瑤柱燜冬瓜簡單卻出色，冬瓜吸滿瑤柱的鮮甜，口感軟糯，清爽不膩。試了豉椒炒牛柳，牛肉滑嫩，青椒爽脆，豉椒醬汁帶出濃郁鑊氣，讓人胃口大開。另一道是菠蘿咕嚕肉，外酥內嫩，酸甜醬汁調得平衡，菠蘿的清香為菜式加分。甜品選了雙皮奶，奶香濃郁，口感順滑，甜度適中。…Read More