潮福蒸氣石鍋 (Closed)

仍然是最出色的蒸氣火鍋比較過香港多間蒸氣火鍋，始終都係覺得呢一間最好，無論係食材，價錢，服務水準，都優勝於其他蒸氣火鍋，今次我又嚟潮福食海鮮蒸氣火鍋啦，食完之後覺得仍然係我心目中最出色嘅蒸氣火鍋店鋪！首先，價錢相當抵食，不論是散叫或是套餐，我都比其他平好多，今次我散叫，點了番薯蜆，花螺，檉子等貝殻類食物， 尤其是番薯蜆，特別特別好食，好大隻，好新鮮，蒸完之後，一啖食落去，嗰種海鮮味出晒黎，緊係正！價錢可以接受，侍應推介得冇錯。另外，花螺都好新鮮，用支籤了佢出嚟之後，點小小辣豉油，也是絕配，檉子也是，吾需要蒸好耐，否則會太硬，連埋喺個殼入邊嗰啲汁一齊食落去，好有滿足感！當然唔少得龍蝦，好多膏，尺寸大小都唔，啲龍蝦肉質好爽下，一啲都唔霉，食到流晒口水，仲有鮑魚，一般來講都會有啲硬，但係今次冇，好爽口彈牙，正呀！最後仲有桂花蚝，特登專門叫的，果然冇令我失望，新鮮之餘仲好大隻，我真係食到好開心滿足！點了個雜菜，有三款菜喺入邊，分量超多，最好食粥嘅時候，啲米好棉，又係比其他的優勝，吸收晒全部海鮮精華，可以食三碗！

今天是我近半年來第四次光顧這間分店了，對上一次應該是十月份。每次來這裡，我都喜歡點$338的任食套餐。之前所以來完再來，是因為忘不了那半邊有大鉗的龍蝦、巨型大元貝，蝦肉釀冬菇，釀豆卜和釀涼瓜等。清蒸的鮮甜味道實在令人齒夾留香，一試難忘！但是，這些都已經成為過去。今天可以説是來個大縮皮！就龍蝦而言，以前的大小，我會比喻為一只香蕉一樣大，而現在的龍蝦就只有半只香蕉大，而品種是沒有鉗的。元貝方面，已經縮至五元硬幣一樣的大小。而任點任食的類別，很多手工出品例如釀菇釀涼瓜等，都已經沒有了。換來的是加了很多不同類別的蔬菜菌類。總體來說，今次的用餐經驗，有點像進入了一間很便宜的日本放題，每樣少少，以付出每位差不多四佰元的價錢來看，實在吃不出以前的快感，like list又少了一間。

星期五的夜晚，講好的4朵金花每月一聚終於見面啦！位於厚福街既潮福蒸氣火鍋係金花J recommend的！ 入坐後等齊人㨂好食物後馬上開爐，店員先倒了一碗米落鍋内做粥底，然後逐樣蒸我地㨂既海鮮，每樣食物都有蒸既時間，鬧鍾一嚮，店員就會過來夾食物給我們！另外仲有汽水任飲同竹蔗茅根！我地既海鮮分別有蜆、大花甲、龍蝦、鮑魚同龍躉等！食材冇任何調味即蒸即食，好新鮮亦好好味！另多仲有少許肉類蔬菜包點可揀黎蒸！本來一心以為黎食海鮮，其他食物都只是配角，但令人驚喜的是牛肉同牛柳粒都好好味，牛肉味濃而且蒸既時間剛剛好吧，肉質夠嫩又夠腍！反而最後食的粥集各種食物精華所在應該是最好味的吧，我反而覺得不太好食，這亦可能是由於已經太飽的關係啦！金朵J介紹不錯不錯，單從食物來說是不錯，如服務可上調一下，價錢可下調一下就更perfect....我這種香港人真的不容易服侍呢！😜😜

本人皮膚過敏而不能進食不新鮮的食品，要測試新鮮與否，本人一試便知龍與鳯！或者蒸氣火鍋這種食法是比較健康的吧！皮膚不但不敏感而且有美容功效，或許是心理作用？我不這樣認為！這個除了海鮮之外都是任食任飲的蒸氣火鍋全程都有專人服侍，所有新鮮食物都絕不會被我這種只懂食不懂做的人所破壞！有雜菜籃照了相但不知所終，都是很新鮮的菜！粥底也不能上載因只能上載12張相片！我選了鮮淮山雞粥，鮮甜！值得試！小提示：粥底有雞肉的話不要再叫雞肉！

蒸氣石鍋系香港已流行多年，很受歡迎，今天一家人咁啱去到尖沙咀行街，天色己晚，够鐘食晚飯，我知道（潮福蒸氣石鍋）糸尖沙咀厚福街有分店，環境寬濶，舒適，每張大元枱中間有個尖頂草帽，好得意， 話咁快我地點ge海鮮蒸氣鍋套餐配料己經擺糸枱邊準備料理，有龍，大元貝，象拔蚌，美國桶蠔，龍躉，總有乳鴿，等……睇落好新鮮，呢個套餐除左以上D海鮮之外，總有其它好似打邊爐ge配料任食，任飲， 蒸氣石鍋特別之處~糸會有專人伺候等你由頭食到尾為你服務，幾好呀，打開個尖頂草帽就系一個蒸氣鍋，鍋底層用呢㷛粥，首先放米粒同配料然後放返一層'托盤，再將海鮮放在托盤上然後蓋上尖頂草帽，等蒸氣將海鮮蒸熟，經過高溫蒸氣，海鮮就會跟住D水蒸氣流出海鮮原汁原味流到鍋底裏面D粥度，令粥底帶有鮮味清香，其實蒸氣鍋ge食法冇潻加任何醬料，正宗天然原汁原味，聽我講到呢度，有冇流口水呀！不如約埋朋友一齊試下，

宜家呢個世代，如果想食出食材嘅鮮味，途經已經唔多，好多時，都比調味料等等嘅其他角色去取替左本身食材嘅嗰種鮮味。如果真係想食嘅話，以下落嚟所講嘅所有野，就絕對絕對係一份肯定🤓👍🏿位於尖沙咀厚福街嘅呢間潮福蒸氣石鍋，絕對係不二之選😀一個價錢吃到飽，加上啱啱經過重新裝修嘅佢，煥然一新，絕對食得舒服❤️先俾大家睇睇餐廳嘅環境，枱與枱之間都尚算闊落，夠晒光猛，望遠少少，一個大型開放式嘅魚缸位，除咗可以睇到新鮮嘅海鮮之外，有啲食法仲可以親自出去揀選海鮮添🙈(不過今晚小編冇得禁做😂)睇睇個餐牌先，上面呢張紙其實就已經係餐牌，任飲任食嘅意思，其實最主要係講右邊用黎後期追加嘅配料👌🏿左面嘅位置，其實可以由上方開始睇起👀最上方，可以先揀粥底。因為上層係用嚟蒸食材，下層就係一個粥底👍🏿今晚小編所揀嘅就係瑤柱鮮淮山粥😀揀完粥，可以睇右一格，就係揀每人一碗嘅滋潤燉湯😀小編所揀嘅就係姫松茸燉螺肉😍不如就有呢個湯開始慢慢講啦🤗呢個就係啱啱所講嘅燉湯啦，大家可以睇到入面嘅食材一啲都唔馬虎！ 細細個原隻燉盅，入面除咗有螺肉之外，當然仲有啱啱講嘅姫松茸，兩者嘅份量都唔少，不過食落味道就唔太濃烈，螺肉嘅味道都比較淡身🤷🏿‍♂️

上星期五一行4人同個同事farewell, 原本訂左厚福街另一間蒸海鮮餐廳8:00，點知去到佢話要8:30先有枱，無計啦唯有等，順便睇下佢個餐牌，一睇就知中伙了，任食餐原來唔係任食的，只係以半價優惠點野食！性價比極低，二話不說即刻去搵其他餐廳！望過斜對面就見到潮福蒸海鮮，即刻行去睇下有無位！在門口睇下餐牌先！ok喎！8:30後入座$348蒸海鮮餐+任食和牛+火鍋配料+任飲汽水、啤酒、䉀水！一入去已見好多人在門口等（當時大約8:20），有個疑似老闆娘話8:30開始會陸續有枱埋單。好！就攞左9號飛排隊，叫埋其他3個同事上來等！等左大半粒鐘目測有幾張枱埋左單，當時已過左9:00，滿心期望會好快輪到我😌，再問下個老闆娘，點知佢話最快下張枱埋單係9:30😱！無計啦，等左咁耐唯有再等！但真係好肚餓，於是問老闆娘可否俾我地飲住野先！「當然可以啦！」太好喇！Feel到佢有少少唔好意思！佢即刻搵人攞野飲俾我地，算佢識做啦！😊等到9:40終於有得入座喇！一坐低急不及待submit order (好耐之前已填好🤣)好快就來左蜆、螺，有專人幫我地set時間，時間到又來幫我地開蓋，服務都唔錯！跟住再來蒜蓉扇貝、

好耐之前, 同母親試過潮福蒸氣石鍋已經覺得又抵又好食今日, 朋友想食蒸海鮮我就推薦黎潮福喇今次我地簡左尖沙咀呢間8點鍾來到全場爆滿等左一陣先有得入除左蒸氣鍋外,打邊爐亦係呢到另一個主打客人可以自己簡海鮮另外醬料需自己去醬料吧自己掍而我地就食任簡任食海鮮餐因為我地8:30前入座一位338而8:30後入座就$298位而呢個餐.. 有三款食品係必送的包括每人半隻龍蝦半隻乳鴿同貝殼盆另外再自選海鮮4款我地選擇排骨粥而每位亦會有一客燉湯我地就選擇簡左螺肉湯味道岩岩好而唔覺得有味精個餐入面每人會送乳鴿半隻乳鴿燒得皮脆肉嫩不錯而自選海鮮我地就選擇左 蠔、元貝、聖子及魚每一台都有一個計時器好讓客人唔會因為蒸得太耐而令到食物肉質變老而指定送的貝類海產亦很新鮮龍蝦肉質好厚啖啖肉口感鮮甜彈牙超讚!蠔大大隻又是鮮味無窮元貝肉質鮮甜彈牙而蒸出黎既汁鮮甜到飲完之後有唔捨得感覺其實, 食完海鮮類食品都已經飽了7成但來到緊係又要試埋其他配料而其他配料亦不錯馬拉糕有淡淡既黑糖味清甜鬆軟手打丸口感彈牙最後要試埋另一個主角 但呢個粥不單止吸收哂海鮮既精華仲有吸埋肉既精華而不用加調味已好有味道超讚任點飲品有埋asahi今次介

一早訂了枱, 再有員工confirm個booking, 準時去到但個班員工話張枱俾左人, 問要等幾耐, 員工又九唔搭八, 冇解釋原因又冇講要等幾耐淨係俾張飛叫你成班人企係度等, 咩服務

Made a reservation for 7:30. Arrive at 7:20, no table available. Waited for an hour. To the restaurant staff: what is the point of having a reservation system if you're not going to honor your customers' bookings?Food wasn't great either. Recommend other users avoid unless they enjoy unnecessary queuing and mediocre food.

最近流行食蒸海鮮，我同朋友都嚟咗呢間食海鮮。由於係酒樓，所以佢有游水海鮮欄，任由客人選擇。有海鮮display, 你可以一路望一路揀，感覺上比較有趣味。我地選擇左龍蝦、扇貝、鮑魚、聖子等常規海鮮。。。成盤上，好型。另外叫左個燉湯。例排燉湯都ok. 味道幾濃。鮑魚加左果皮蒸，鮑魚始終都硬身，係比較難咬開，雖然佢有人睇住火，會提醒我地，自己整，畢竟冇廚房啲大爐咁容易掌握，容易過左火。甘就衰左。蜆都唔錯，因為夠新鮮，所以清蒸左之後蜆味突出。記住要自己睇住火，因為一過咗火，又係會太硬，所以只要見到有啲蜆彈開殼，就好即刻食。其實由於我哋唔係太專業去睇啲海鮮熟唔熟，所以自己整嘅問題係唔熟又驚肚疴，整得太熟又失去左去海鮮最靚肉質嘅時刻，最後係樣樣都煮得過熟。為左安全無計。蒸海鮮呢個玩意，真係要有識睇火既朋友一齊吃，會穩陣啲。

一班朋友原本想食水老榮但冇位就黎咗呢間食，條街仲有另一間但朋友話呢間正d，海鮮新鮮肥美多肉好食，就決定食呢間喇！8:30後價錢平d，$298 ，海鮮就非任食，但其他丸類菜類就係任食，野飲亦任飲，最正係有日本asaki 酒喎任飲😍😍😍😍以下分享野食：一大盤海鮮準備蒸😍餐前送既湯同乳鴿，湯好熱辣辣剛燉出爐，乳鴿脆香，海鮮會確保蒸得剛好而用計時器，有人係汁邊隨時reserve 👍🏻👍🏻有海底撈既感覺👍🏻👍🏻👍🏻

以前成班人出去食飯，我地鍾意打邊爐，依家我哋鍾意去食蒸海鮮。一來感覺蒸海鮮比較原汁原味，食起黎比較健康，我哋至愛食海鮮，成班人如果去鯉魚門或者西貢，又遠又要洗好多錢，潮褔既蒸海鮮二三百元一個人頭，就搞得掂！今晚覺得最好食嘅就係呢個蒸籠蝦。蒸完嘅龍蝦，蝦膏依然豐富，蝦膏又鮮甜又好味，由於非常新鮮，蝦肉咬落去十分爽脆，抵讚！蜆都非常鮮甜，而且份量夠多。一見到佢打開殻，就可以即刻夾黎食，既開既食係最best timing !!

上次有朋友帶去新蒲崗那間潮福蒸氣石鍋吃過之後，一直念念不忘，它的燉湯和新鮮海鮮。但始終新蒲崗對我來說是交通不便啦！但原來發現在尖沙咀厚福街也有一間，故今次就相約朋友來到。當然又再飲那火侯十足、鮮甜香醇嘅姬崧茸蹾螺頭湯啦！湯色清澈、𥚃面有雞肉、排骨、姬崧茸和螺頭，唔怪得啖湯咁甜，飲完喉嚨好舒服，絶無添加味精！飲湯期間，服務員哥哥把貝殼盛盆拿去蒸，蒸好時發現其中有4隻有沙！但係服務員哥哥二話不說就同我地講嗰這四隻有沙嘅我同你哋換過！之後就攞咗四隻大大隻嘅同我哋再蒸過！真係冇得頂！跟住就上每人半隻嘅BB鴿，一樣肉嫩多汁，好味！能夠保持水準真係非常好！接着呢就見到我哋order嘅海鮮拼盤啊！其實就有得揀嘅，我哋揀咗龍蝦、北海道大元貝、北韓嘅蟲草蒸鮑魚和象拔蚌！每一種食材都會有服務員哥哥幫我地蒸，所以時間啱啱好，每樣呢都非常之鮮味無窮！但今次嘅北韓象拔蚌就差啲，都不是原隻上，切開上感覺有一點奇怪！海鮮拼盤食完之後，就有可以再order嘅手打鮮蝦丸、手打牛丸、鯪魚球、釀苦瓜、釀冬菇等等都係唔錯嘅選擇！還有味道適中、口感鬆軟嘅馬拉糕，一蒸好就襯熱食啦！大胃之王也唔怕會唔飽。最後，食埋點滴鮮味累積而成

同朋友行開尖沙咀，大家聚在一起，不是行街、看戲、食飯、聊天，都是我地聚會的例行活動。聽朋友講開，她最近去過一間蒸海鮮的酒樓食全蒸宴，聽落好健康，健康是每個人都想要，既然是食得健康，今晚就來個健康的晚餐吧！走上一樓的酒樓大廳，每張檯面上都放著一頂頂類似的草帽子，原來是用在蒸海鮮時透氣的，都幾特別及特色。基本上是一人套餐，二小時內任飲任食，隨意選四款海鮮、燉湯、乳鴿半隻，龍蝦半隻，只可一次，其它食物及飲料則是任飲任食。滋潤燉湯，姬崧茸燉螺肉，滋補養生湯水，用料分量十足，有瘦肉、雞肉、杞子、元肉、淮山、湯清濃味，唔油膩，入口甘香鮮甜，是滋陰補品湯。脆皮乳鴿，每人半隻，燒得好香口，但鴿子比較細小一點，但仍保留了肉汁，勝在肉質鮮甜嫩滑，骨都好甘香。四款自選海鮮，北海道北寄貝、北韓鮮鮑魚、北韓象拔蚌、生猛大元貝。龍蝦開邊蒸，時間上調較得好，蒸得則好，不會太耐，而令到蝦肉嚡，熱辣辣，又鮮甜有口感，肉質結質，爽口彈牙。大元貝，粉絲吸收了大元貝的鮮味，元貝厚，有嚼口，一口咬下，鮮味爆出，嫰滑味濃。清蒸牛丸、蝦丸、肉鬆釀苦瓜、魚肉釀冬菇，肉丸的肉質鮮味，彈牙爽滑，唔需要點醬汁，一樣鮮味。排骨粥，粥底吸收了