潮福蒸氣火鍋 (Closed)

行完高登電腦城，轉個彎，見到有得食蒸氣海鮮火鍋，就睇下價錢，驚太貴。。原來打邊爐只係$249！（8:30pm前入座)包曬醬油，花生，加一！湯底係濃湯花膠雞窩，佢係用上湯，十分清甜，仲比左一隻雞同5,6嚿花膠。侍應會自動幫你倒入去，等佢慢慢熬製。每人都有一份定食(只可叫一次，但份量都好足料)-海鮮拼盤都幾新鮮特別係隻蠔，超大隻。海蝦啲肉都好彈牙。大元貝好爽，仲有粉絲！鮑魚就吾夠大隻，同咬吾開，肉質中等質素。-安格斯牛肉不用多說，薄身，肥瘦均衡，6一陣就好快食得 ，可惜冇得仼叫，如果，應該會狂加單。-脆皮燒乳鴿依家好少食到乳鴿，特別得2個人，好少食到bb size。所以份量剛剛好，個皮非常脆！加少少華鹽同醬油，十分惹味～打邊爐仼食環節今日好可惜，竟然冇羊肉片😕有大概65款食物，墨丸蝦丸必叫！好彈牙！蔬菜都好多選擇，特別係雞脾菇，白蘿蔔，勝瓜都好推介！炸句值得一提:有水晶粉！不是間間火鍋火鍋店有。酒水仼飲！竟然600ml嘅啤酒係無限仼飲！吾岩酒類，仲可以揀橙汁，竹蓆茅根。最後，仲有送西瓜🍉做飯甜品。

22/5/2029 星期五， 到深水埗潮福蒸氣火鍋，與朋友慶祝生日，任食放題！$450 (五星級酒店價錢), 以為會隱陣！但只有震驚的 "震" & 嬲到震！晚上8:30 入座， 10:15 last order.其間，叫10 樣出兩樣！庶水唔甜兼無味！服務態度極差頻頻埋檯問食完未？ 問點解d餸唔齊？答： 無就唔會再出貨！又不斷提出要準時11:00 收工！總結： 價錢$450/位 (無資格收呢個價錢)無下次！ 免費都唔會再幫襯！

近來疫情稍為緩和，係時候約下友人出來聚下食下飯先，大家決意要我決定去食D咩，諗左一陣後，就決定去食番個蒸氣鍋先。晚上收工後坐地鐵到深水埗，只需步行數分鐘，黃金商場內有一間潮福，專門食蒸氣鍋，這是我第二次幫襯佢地.一入店內，職員即時上前招呼問你想食咩，如想食蒸氣鍋會安排一張枱俾你 由於大家想食得自在D，唔想就住就住，於是乎我地揀左任飲任食，每位$394已包加一茶介醬油可先行揀選粥底，我地揀左南瓜排骨粥，另外有三款指定食物，有紅燒乳鴿（每位半隻），蜆盛（大花甲同蜆仔），半邊龍蝦呢度會有專人幫你手蒸埋，調較好時間，鐘響跟住食得另外，每位一盅燉湯，蟲草花螺頭湯自選四款海鮮，見佢地即時係魚缸撈出黎啤酒都可以任飲，我地飲左多支Asahi其他任食配料

今早和家人一家4口，到深水埗潮福分店飲早茶，未食已經一肚氣，因限制4人一枱，我們只好等待應安排入坐，當我們見到有一張卡位枱的客人埋單離開，負責安排座位的待應竟然安排兩位客人坐一張可以坐4人的卡位枱，我們和安排座位的待應理論，她會這兩位客人是不搭枱，我們說:我們已經人齊為何會有這樣的安排，最後，我們等了10 分鐘才安排座位。當我們坐下的時候，開卡的待應没有告訴我們，因為你們一家人坐一張枱，没有其他人搭枱，茶位會貴$2，當我飲完茶埋單對單時才知道，我問經理，他說你們一家人坐一張枱屬於不搭枱，如此不老實和管理服務差的態度，相信以後也不會再幫襯。

這店一做都應該超過三年了, 見好多同佢同期在同區開嘅酒樓起碼有超過一半轉名或者摺咗, 而佢重可以喺度企得住咁應該係佢有佢存在的價值同本事啩, 如果用佢個牌子在開飯網內搜尋嘅話都見佢開過唔少分店但最終餘下三間, 其中一間就在我們家附近, 這距離老媽子可以步行過去所以耐不耐就來一次, 招呼好難用細心去形容,但負責俾枱嘅阿姐見有老人家到都會盡可能俾張櫈佢坐住先, 點心質素唔差嘅但外觀就唔太講究囉, 而這亦理解嘅主力做深水埗街坊生意, 首要被要求的應該是"份量"而非"質量" , 外表更加是大路就可以了, 今次叫咗個臘味粒西施炒飯$66 雖說是臘味粒但食落無太多油, 而兩個點心是(早優)的計有鮮蝦菜苗餃$22.80同蟹籽燒賣皇$18.80, 粥腸粉孖寶$28.80以一般老人家計淨係呢個已經夠佢地飽至中午吧! $11/茶位, 係呢樣較為高咗d,其他嘅都係街坊價了

新嘅一年 爸爸出花紅請食大餐～今日食阿媽想食好耐號海鮮塔一嚟到啲姐姐都好好招呼我地叫咗自選蒸氣火鍋，大元貝，鮑魚，象拔蚌刺身。呢個餐呢就係一開始會跟三個定食嘅，有龍蝦啦、乳鴿啦、同埋一個例湯而一開始呢度嘅侍應服務態度都好好嘅笑容滿面，仲會主動過嚟幫你整嘢食。但係去到中段後，佢哋嘅態度就開始變差變黑面。而咁多樣嘢入面我覺得好食嘅就有象拔蚌刺身，例湯⋯象拔蚌刺身真係好鮮甜嘅同埋好爽口，例湯我哋叫咗鬆茸湯我唔識點形容總之就好飲啦但係乳鴿就冇肉唔脆皮，龍蝦就剩係得半隻有辱嘅，但係就冇味。大元貝得啲蒜蓉好食，鮑魚冇味好難咬⋯而任食嘅就得馬拉糕好食，佢呢度啲和牛牛味唔重，似平時啲點心蒸牛粒咁嘅味⋯而去嘅蝦丸係幾好食嘅，其他就一般啦總括而言呢度價錢收得唔係平，食物質素麻麻。我唔會再嚟食

一大伙人慶祝生日 打邊爐係最佳選擇 要吃當然要吃海鮮鍋啦 近年新興 $350 任飲 有一粥底 一滋潤燉湯 一脆皮乳鴿 一貝殼盛盆 一生猛龍蝦 再揀4款海鮮 2.5小時都夠吃一輪《姬崧茸燉螺肉》味道帶點藥材感 不苦亦不甜 沒有螺肉😅《脆皮乳鴿》不錯 肉質挺嫩的《貝殼盛盆》每人都分到5-6隻 沒有沙 而且挺鮮甜《生猛龍蝦》只有半隻 失望 但算容易起肉 肉質爽口《加拿大象拔蚌刺身》第一次吃這種 左邊的比較有口感 爽脆的 左邊的又薄又通透的 感覺很新鮮《蘇格蘭蟶子皇》蒜蓉味強烈 配粉絲一流 主角較韌《生猛鮮鮑魚》這更像擦膠 需要牙力才能咬開😅《生猛貴妃蚌》挺一般的 沒有飽滿 不多汁吃完這堆海鮮仍不夠滿足 再吃《淮山雞粥》之前一直蒸海鮮的精華流進粥中 又挺好吃😋而任點任食 比較推介 手切和牛粒 馬拉糕 甜粟米⋯

今日係深水埗附近做完嘢想飲茶，所以就即刻OpenRice有咩茶樓啦~見到呢間好似有幾多好評咁，所以就決定去試試！雖然佢個名係蒸氣火鍋，但係應該就夜晚先係食蒸氣火鍋既😂平日就係一間普通茶樓👀值得一讚嘅地方係佢星期六都有優惠點心😍而且選擇非常多！好多我鐘意食嘅點心都係優惠點心，好抵食啊！🙌🏼我哋一行兩個人嗌咗五樣嘢🤤包括杞子燒賣皇、蜜汁叉燒腸、鮮蝦長春卷、鮮蝦菜苗餃同生煎菜肉包👀杞子燒賣皇皮薄饀靚🤩每粒都有3隻蝦，而且非常爽口，無雪味👍🏼蜜汁叉燒腸就麻麻地...叉燒好乾身，腸粉皮好厚，一啲都唔滑🥺鮮蝦長春卷都幾好味，雖然係炸，但口感唔會好油膩😛鮮蝦菜苗餃大推！超足料，夠哂漲卜卜😍味道非常好💯而生煎菜肉包就一般般，可以唔洗試🙊買單$109....又平又食得飽，而且整體味道都可以😛抵！

因安排近門口非常熱的位置，所以要求換枱，之後安排了近茶水間位置，我們查問已提早3星訂位，而當時酒樓內有很多枱未有人坐，點解不能安排較好位置，其時此酒樓安排位置的女經理衝過來用很兇的語氣說：（座位是我編，有咩問題），其態度之惡劣，令人難以接受，基于不想影響心情，便忍下去，想不到食物是一般，最難食的是鮑魚，居然是淡而無味，如此這般的服務和食物質素，不會再有下次。

老爸老媽今天越洋來找我，逛了好久深水埗等我下班。因為太累了，想找坐久一點的餐廳，所以就去了這間。星期一6點進場，所以是394一位，無加一！坐下來就交給老媽選，因為海鮮她比較多想法。到上菜時間！先上乳鴿還有燉湯！乳鴿好吃，一人半隻。燉湯就一人一份，太心急，湯超熱，差點燙到。等著等著，上菜了！擺盤吸引！馬上加分！每個食材都分開蒸，侍應都會計時，時間到就會打開蓋子，不會蒸過頭。每個海鮮都新鮮！也是有加分。吃完海鮮就吃了一些和牛，蔬菜，不過不失吧，當然最後就吃粥底，甜甜的，還ok！整體就還不錯

海港集團近年來創立多條新既品牌，從前拓展自己既有既競爭性及吸引度。「潮福蒸氣火鍋」😊😊確實是一個蠻創新的飲食概念，主打客人即叫即蒸海鮮，吸引一班年輕人😊😊是日晚上再與家人聚餐，吃的不是即蒸海鮮，而是家常小菜，始終老人家對即蒸概念是沒有的，倒不如回家自己蒸就可以😂😂簡單點了3款潮福優惠海鮮1. 芝士上湯龍蝦伊麵🦞🦞 $188（芝士加$20）芝士上湯味濃，絕不馬虎，龍蝦雖是件數不多，肉質夠口感，尚可接受😍2. 蔥爆海蝦粉絲煲🦐家人愛吃蝦，來個薑蔥海蝦煲，粉絲入哂味，略嫌海蝦太細，但味道香口😊3. 生炒龍躉斑球🐠🐟即炒龍躉斑球，夠鍋氣，金黃色，非常好食😋😋

今日同班同事尼食蒸氣火鍋，但就有啲失望喇佢個蝦丸、豬肉丸都係手打個啲，尼兩個都好味，但係鯪魚果個就好一般另外牛肉粒都唔錯，都係好鮮我地夠八個人，佢都有送白酒同乳鴿至於啲海鮮就一般，無咩鮮味，初頭預期會好有鮮味，但係就無咩，煲粥都係無咩味咁樣唯獨就係個豬頸肉就真係好好味，完全唔使點豉油都好味同埋服務都抵讚，好主動好願意咁樣尼幫手，都完全唔使自己落手整落手夾，個晚都好多客，但係佢地都照顧得好，夠哂醒目

同屋企人喺深水埗上飲茶其實都冇乜特點揀 晏晝大概十二點三到嚟潮福 等咗大概半個鐘就有位喇 如果肯搭枱就快啲有不過我哋五個唔想搭枱 所以等耐咗少少環境就一定係迫迫地㗎啦今日開嘅冷氣亦都唔係好夠感覺啲味都唔係好散少少唔好聞嘅感覺燒賣呢度，蝦肉較多，冇乜豬肉，有啲肥肉，但都幾好食嘅小朋友想食齋腸粉， 所以叫咗 ，老實平時真係一定唔會叫生煎包，包皮比較厚，肉餡比較少，亦都冇乜水份鮮竹卷，是一般的鮮竹卷好食鮮蝦餃， 皮黏黏的，一夾就會爛叉燒腸是一般的叉燒腸，好食叉燒飯，呢度啲叉燒半肥瘦幾好食，不過叉燒多過飯 😂😂😂湯伊麵，呢個係成餐茶我覺得最好食嘅 估唔到伊麵粉湯煮係可以咁好食鹹水角，不過就唔係好熱，唔似係即炸總括而言每人80蚊，正常飲茶價錢你話好好坐，又唔係好好坐好好食，又唔係好好食 不過當你住喺深水埗其實飲茶真係冇乜選擇局食

今日跟家人去深水埗黃金商場買電腦，上午下大雨，下午就放晴，家人突然想飲茶，就見到高登隔離有間潮福蒸氣石鍋，就決定上去吃個下午茶，記得讀書時，是一間網吧，每到假日就會和同學來網吧通宵。酒家面積不算大，而且內裡很擠迫， 取票輪候大約20分鐘，我們不搭枱，所以等的時間比較長，我們四人坐卡座，點心紙有超特價蝦餃優惠，只售$11.8，我們點了兩籠，還點了雷沙湯丸、古法馬拉糕、棉花雞、燒鵝瀨、流沙包。總評：食物不過不失

今日同朋友 lunch hour喺深水埗嘆下午茶， 今日係去食中式嘅傳統點心， 呢間位於深水埗嘅潮福， 一上到去已經人山人海， 可能係禮拜日嘅緣故， 我哋都要等咗十分鐘， 睇佢嘅menu中式點心種類都算多， 我嘅至愛係蝦餃皇當然唔會放過！呢間酒樓嘅茶葉都算香， 餐具亦都算乾淨， 地方都算裝修企理， 同以前印像中嘅深水埗酒樓有很唔同嘅感覺！蝦餃皇，皮十分薄， 蝦肉新鮮、 而且夠大，入口彈牙！豉汁排骨味道亦好，但略嫌肥膏太多。腸粉亦都十分之滑。