潮爆水煮魚超級雞煲 (Closed)

蚊滋多到無法食到安樂茶飯！Happy Friday, 一d都唔Happy, 變得勁燥爆！問伙計為何有這麼多蚊滋？伙計回覆： 都唔知點解咁多？ 並提供A5 size, 含有黏力的膠紙給食客，用來趕走蚊滋 及將蚊滋黏到膠紙上！伙計都有一齊用膠紙趕蚊！其實，呢間鋪連最普通既滅蚊燈都唔裝，就知唔會有改善！攪到無啖好食！無下次！免費都唔會再幫襯！

落雨天凍凍地，叫左個小辣烤魚，有大條細條，大條多30蚊 心諗應該都抵，甘就落條大條啦。拎到返屋企一打開，簡直震驚！！大條？288蚊？？成條街市80蚊老鼠斑大細，大佬，你一條288蚊魽魚甘迷你會唔會食水太深啊！ 睇下個魚頭魚身 就知道有幾細條。難以想像 甘細條咪成條金魚甘？？？兩個人吃完好似無吃過甘…配料多數是姜蔥蒜，總之就係無第二次。2021年仲系188，2022年就288蚊，哇你呢個通脹真係驚人。。。。。。

心血來潮想食水煮叫左份水煮魚外賣超多骨！！！片片魚都有骨我之前食過幾次水煮魚都係冇骨架喎！唔知佢用咩魚會多骨到咁長骨都可以接受，但係好多細骨食到吉到個嘴味道ok嘅，但叫小辣唔夠辣配菜亦都好少

之前經過潮爆見啲人食得好開心，今日特登過來試下。我叫了細份水煮魚烏江魚四個小菜。魚肉好滑，水煮湯底味道都幾香😽😽😽雖然我叫了小辣唔夠辣，都食過番層味～食得辣記得要叫中辣！美中不足係魚肉偏少，168蚊俾多少少，就真係perfect啦～火鍋配菜比起出面都便宜大份！小炒幾好食，唔洗下下好似大排檔/酒樓要叫7,8十蚊大大份。呢度40蚊一碟左右，份量啱啱好，兩個人可以試幾碟小食/小菜，真係好啱女仔過來食😝撈魚皮，炸大腸好值得一讚椒鹽鮮尤，九肚魚係不錯，可以再少多少少炸粉，口感會好啲。同埋呢度服務不錯，又坐得舒服夠闊！以後會常來

超好味嘅小食同海鮮令人回味無窮！致愛椒鹽九肚魚，雞軟骨，椒鹽豆腐！小炒，胡椒豬肚雞煲，醉雞煲，亦都好出色！坐位寬躺！已成為咗朋友聚會既飯堂！老板好有心，CP值極高！極力推薦！

經過朋友大力推介，我地一行10人有大有細就試下有咩雞煲啱小朋友食。開胃小吃: 生腸，魚皮都係必食推介，口感爽脆。沙薑雞腳夠大隻，慢慢啜。雞煲本來打算叫唔辣就4隻小朋友，點知餐牌上有個芝士無骨雞煲喎。其實我都係一個芝士控，的雞仲要無骨，當然要叫一個試啦！結果係非常滿意，老板仲話可以加芝士湯用黎打邊爐，不過小朋友都飽晒，唯有下次再試。大人就叫左個小辣雞煲，對我來說就唔夠辣，不過最驚喜係的蒜頭，煮到好似薯仔蓉甘林，我食左一大碗添。之後用辣雞煲落湯打邊爐，的配料真係無得頂。肥牛，鵝腎，牛柏葉，豬粉腸。樣樣都新鮮大大碟。最後老板仲送左個好好味既甜品，炸番薯波。呢餐埋單超抵

昨晚食晚飯，職員態度好好，推薦: 1） 豬肺燉雞湯，料多，湯清不油膩 2) 潮爆豬手煲，好香，味道一流 3) 蔥爆炒鵝腸， 味膿，4) 支竹炆鱔， 鱔夠晒新鮮，無醒味 5)炸倉魚，6)最後值得推介甜品係炸湯丸，多脆，內軟， 餡料係南瓜，芋頭，好特別o既組合，一定會再光顧。

呢間野前身叫 「潮皇」舊舖喺青山道，之前見佢結業不知幾失望，前排有朋友無意中發現佢喺順寧道重新開業，好興奮！ 未食前都擔心會唔同左，點知同之前一樣咁正！！！今次食左水煮魚片BB 辣，例牌撈魚皮同埋蒜蓉蒸蟶子，賣單都係二佰幾！ 比呢個價錢，大家對環境要求都唔好咁高，會比較嘈，同埋坐得有小小逼，有D 大排檔feel~~~ 喺地鐵站行過黎最小都要十分鐘果個撈魚皮真係喺第2度食唔返，食魚皮嘅朋友必試～ 佢仲有好多其他小食選擇！下次會再試～～！

今晚突然好想食雞煲...咁岩經過見到呢間「潮爆」雞煲，都想試試。於是即刻睇睇食評，點個發現一個食評都無，不過心諗雞煲應該點煮都唔會難食嘅，於是就決定去試一試。 入到去坐低，我地兩個人點左半隻雞嘅雞煲，選擇左bb辣，然後滿心歡喜地睇定火鍋配料，我地點左肥牛、芝士腸、貢丸同埋黑栢葉。 雞煲嚟到，個煲擺左喺碟上面，侍應話先食哂啲雞，先再加湯煮熱食火鍋，然後佢就順手收左我地火鍋配料嘅紙，於是我地就開始食雞。其實聞落都有香味，不過食落就覺得自己入嚟食係錯嘅選擇。😭一食落口，就發現啲雞係炸過，口感好差，而且完全無雞味，感覺唔似食緊雞煲，極度失望。 無奈係...佢已經收左我地張火鍋配料紙，唯有寄望加左湯食火鍋會好味啲。可惜，加左湯味道依然係好淡，火鍋配料都要點豉油先有味，而且佢一直都無俾肥牛我地，我地見唔好味，都無提佢拎（侍應喺我地差唔多埋單，先問我地肥牛嚟左未明明店內得兩枱客）埋單時發現「火戈轉雞煲」的一項，好奇怪，食雞煲打邊爐唔係應該一齊架咩？咁都要收十蚊🤷🏼‍♂️不過我地都無問佢直接俾錢。假期的晚餐就毀在這餐廳