漢發麵家 (大南街)

Open Now

Now Closed

今朝又再戰漢發！樣樣都好好味~牛腩河粉 - 又淋又入味牛肉豬潤麵 - 一樣起曬沙，依個麵真係無得彈牛肉麵 - 都好味，不過無o左豬潤d鮮味奶醬多 - 都係o甘好味o既新鮮多士***我o地數過牛肉豬潤麵有6片牛肉，而牛肉麵都係6片，證明佢o地兩拼真係唔會減少d餸~

我因為工作關係成日都要去深水埗布行，尋晚兩老講起話依家d奶茶無茶味，已經搵唔番以前茶檔o既絲襪奶茶，o甘我介紹佢o地深水埗有woo…今朝就特登同佢o地帶埋亞囡(狗狗)出o來深水埗茶檔嘆茶~- 豬手河 ($17)- 豬潤牛肉麵 ($24) x 2- 奶醬多 ($7)- 奶茶 ($10) 少甜 x 1, 少甜少奶 x 1豬手河唔係各位師兄講o既3隻豬手，只係得兩隻細細隻~可能太早所以唔夠入味都淋身，河粉ok~我同媽o米都係豬潤精，非常喜歡食豬潤…要求爽脆又香，之前覺得堅記係最好食，不過依家要改朝換代啦~~~漢發豬潤牛肉麵超正，個湯起曬沙，豬潤爽脆大片仲好多…起碼有6大片~唔似維記細片又薄切切…仲有6至7片有口感又唔un既牛肉，湯鮮甜麵彈牙，依個麵真係滿分~~~奶醬多奶醬真係好多，多士又香又脆唔會un！奶茶夠茶香，成家人都認為少甜少奶最好飲，因為d茶味唔會比奶蓋過~依個茶檔連發哥都幫襯，大家食既除o左係食物o既味道，當然仲有唔知幾時消失o既香港大排檔風味~

在網上漢發麵家的評語一直很不錯，直到今天我和老公才有機會試一試‧到達時，我們已經見到不少食客，但幸運地仍可在有冷氣的室內找到位子‧我們點了以下食物: 1. 豬手水餃麵：豬手有三大件，而且真是豬手，不是豬腳代替，所以吃落啖啖肉，而且炆得又淋又入味‧至於水餃則有三粒，餃料正宗，內見木耳，味道又唔錯‧還有麵條沒有梘水味，但比起河粉則差一點‧2. 雲吞牛腩河：雲吞有五大粒，可能擺放時間耐了，所以吃落較實一點，但味道都不俗‧至於牛腩數量則較小，主要是牛筋多，雖然不太肥，但是又淋又入味，而且湯底加了腩汁，味道濃郁，吃落有濃厚的果皮及八角味道‧還有，值得一提是其河粉，粉條幼滑，比起吃麵條感覺好得多‧3. 涷奶茶：沒有茶味，奶味亦不夠，是唯一這餐不合格的東西‧

在深水步泊好車辦完事, 老虎錶還有廿分鐘, 記起還未吃午餐, 下午三點鐘, 又酷熱.一眼看見這檔麵店, 正中下懷, 正所謂飢不擇食, 一坐下便叫最基本的牛腩麵, 因為大多數食店也很難做得差的, 原來這裡就是. 五分鐘後, 麵來了, 份量不多, 牛腩有四至五件, 是泥黃色的, 很少見, 全瘦, 賣相甚不討好, 一試果然, 味道可接受, 很重南乳味, 但黏牙到極, 是雪貨, 麵是爽口的, 但有梘水味, 湯底是味精水.怱怱吃完, 在三十多度的天氣下, 在街頭吃滾燙的麵真不是說笑的, 埋單後取車, 剛好還有2分鐘.

豬手牛腩麵鮮牛雲吞米粉奶醬多可樂合共$67.00睇咗（飲食男女）專訪介紹，個老細好似好自大個位置幾吊腳，見佢係鐵板檔，特登搵日冇咁熱先去，原來佢都有冷氣位豬手炆得幾淋，牛腩唔韌，唔過瘦，兩樣都入味，麵冇梘水味鮮牛比想像中好食，有肉味，雲吞皮薄，餡香口，係舊式味道佢啲辣椒油幾好食，唔會死辣，係有陣香，冇燶味　最好食係奶醬多，真係奶醬……多，係搽滿晒塊麵飽，邊位都有奶醬，多士又烘得脆，喜出望外 攪到我第日都想食，佢唔開星期日，就求其咁去間茶餐廳食，唔得呀！真係冇佢整得咁好食

蒲完鴨寮街 , 掟個靚彎幾條街 ,漢發腩撈認真 High , 完全係超級新景界 牛腩撈麵 - 牛腩軟硬適中 , 夠口感 , 配合辣椒油 , 簡直天衣無縫 ,柱候腩汁及湯較同區 '' 長發 '' 清 , 但亦夠味 ,生麵彈牙 - 正 , 辣椒油用細煲仔飯煲裝住 , 任落唔嬲 , 唔怕辣的話 .食完就兜左出新界

到深水埗採購布辦, 行經漢發。十分懷舊的大排檔, 座落於不起眼的街角, 在香港已經十分罕見, 心中不期然湧起一絲感動。看看腕錶, 五時許。雖不餓, 但看到頭髮花白的老師傅正在下麵條, 沒多說話便找了個位子坐下, 點了個雲吞麵。不消一會, 麵已弄好。五夥小雲吞伴著黃澄澄的麵, 湯上散著點點蔥花。心下正自奇怪何以不用韭黃？否則定會更為好吃。喝了一口湯, 味不很鮮, 稍淡。咬了一口雲吞, 蝦仁混和了肥瘦豬肉, 味道恰到好處, 是我小時候常吃到, 但已久遺了的味道。麵是爽口順滑的, 彈牙而無鹼水味, 令人可喜！遠勝過許多著名的麵家！十五塊錢的一碗麵, 不消多久已祭進五臟廟裏去。沒有喝過任何飲料, 也沒有口乾的感覺, 是沒有下過味精明証。相較佐敦的麥X記, 或是中環的麥N記, 小可還是喜歡漢發的不做作, 不浮誇, 平實的就是好吃。更令我覺得特別好吃的是那份情懷, 那個小小的舊店舖, 那個在爐頭前的華髮老頭, 以及賣力收拾碗筷的老婆子們...

下午三點去已經勁多人......叫O左生麵勁彈牙~水餃好味!!! 從未食過O甘有水準O既水餃麵........炒牛肉....超好味又夠火喉!!!見到豬潤麵好多人叫...下次一定試O下...最後差不多五點走....仍然好多人.....有佢O既道理....一定會再光顧!!

又一次睇完飲食男女之後黎試食 女友叫左云吞牛腩河 + coke 而我就叫左牛筋牛腩撈米 + cold tea云吞細細粒... 都唔錯... 如果有多D肥豬肉做"HAM"會好咬口D ~而我既牛筋牛腩撈米... 非常之正 牛筋質感好正... 黏黏地又唔會太腍/太硬...牛腩好腍又夠入味... 牛腩汁浸落去D米粉度更是一絕....... 而杯凍奶茶都值得一提呀... 奶同茶既比例都十分好... 沖得十分香滑 湯底... 就反而有點失色唔太夠清香..... 不過都算係上品 ^^睇番其他食評... 見到有人話呢度既牛腩係全港NO.1...我自己就食得唔太多... 不過以我食過既牛腩黎講呢間都可以算係其中一間最好的鳥 不過我最愛的... 都係佢既牛筋... 應該都係ONE OF THE BEST架啦...!!提示: 各位如果想黎呢間店食野既...有得揀既... 千祈唔好坐D靠石"博"既位因為....... 食完之後... 我目睹幾隻蒼蠅... 係我隔離既石"博"飛黎飛去玩捉迷藏........Orz如果早一點發現既話... 相信有再好食既野都未必有用... =,="結賬... 56蚊!! FIN

前陣子偶而翻翻飲食雜誌，看到有關這裡的專訪，忽地想起都已有好久沒吃她們的牛腩。於是找了個日子再去光顧....人客是比從前多了，可能是受那些報導專訪使然吧。小弟當然不會受這些影響，因自己已經在這兒吃過多次，對她的水準自然是心中有數....又是招牌的根腩麵。麵是依舊的有咬口而且帶韌勁，鹼味是處理得一乾二淨的，很出色；牛根很入口，夠膠口且腍糯，是一貫的高水平；牛腩反而有點失色，吃進口有些"黐牙"，帶點嚡口，不過仍是挺入味的.....貪心一些，再order些雲吞吃吃。這裡的做得頗小粒，是傳统風格。蝦還是佔了餡的大部份。依照小弟的個人喜好，多一些肥豬肉作饀更得我心。不過這顆小雲吞，還是美味的....湯底依舊有很濃的蝦殼及大地魚香，無可挑剔了....二十多大洋換來如此口福，夫復何求 ?

我最鐘意去尋找一D舊式既大排檔,因為已經買少見少,要多多支持!!而且大部份大排檔都有自己既特色,有自己既味道~~~凍奶茶奶跟茶比例好好,好濃好香茶味,不過少D冰就仲好牛腩麵麵就好爽好爽,梘水味唔會好勁,最好食係牛腩,望落去有坑紋,但係一咬就好淋,好軟綿綿,個湯底係深啡色,好重腩汁味~~~奶油多除左好脆卜卜之外,就煉奶少左DD.淨雲吞都算闊佬一碗有9粒,用新鮮蝦做,好香麻油味,雲吞皮都好滑嘟嘟,湯底清清甜甜.埋單$46

食完長發意猶未盡,再向另一麵家漢發推進,大熱天時坐響街邊雖然有把牛角扇對住但係都好熱,竟然發現有鬼佬幫襯,果然識食,唔怪得請咗個類似賓妹或泰妹嘅伙計.食咗又係好多食友推薦呢嘅牛腩撈,一樣係先嚟碗湯,一樣有落葱花但係有D湯腥腥地,長發勝一籌.跟住牛腩撈麵嚟喇,牛腩果然好香陳皮味,牛筋超淋又入味不過牛腩有D鞋,又有好多菜,抵讚.食晒D餸先原本係想D麵索晒D腩汁,點知D麵好重梘水味,又唔係生麵,好淋,絕非我杯茶,真失望,今次真係衰收尾.

一直認為，食柱候牛腩一定要配沙河粉，廣東雲吞嘅最佳拍檔則非銀絲細麵莫屬。是日，又獨個兒來到漢發，品嘗一碗價亷物美嘅筋腩河...一直又認為，自從龍城陳南記解甲歸田後，就以這裏及麥文記嘅柱候牛腩最出色。這裏嘅牛腩色水沒有陳南記嘅深，但論入味程度卻係不遑多讓。最好嘅當然係牛根，絕不會吃到韌到咬不到嘅貨色，相當的膠口；切腩部份亦炆得淰糯，食完絕不需用牙簽响牙縫挑來挑去...食食吓有時還會吃到八角之類嘅配料，足料乎 ?河粉雖不算十分滑溜，但撈埋腩汁一齊食，轉眼間已吃至碗底朝天....

漢發每次去深水埗做野，想食牛腩麵一定黎尼度，好鐘意佢地個變形金剛鋪頭，好有風味，正宗大排擋，呢度冇冷氣，得兩把牛角扇，中午一般都好多人，幾難霸度風位。食嘅選擇，得麵同多士，大部份人都係叫牛腩，呢度D牛腩同其他地方唔同嘅係好重果皮味，坐底已經聞度，好好味，而且每次水準都係保持得好好。唔好睇少佢地方細，好多布行大老細都鐘意係度吹水。好值得去試下

今天lunch 我食餐\\\\\\\\\\\\\\\牛麵+凍奶茶... ... 牛肉夠鮮出前一丁夠彈good!! 為食的我再食個水餃麵...