漢發麵家 (大南街)

Open Now

Now Closed

好多人諗起要食豬膶麵，都會諗起另一間係同區嘅鋪頭。但係，其實漢發先係臥虎藏龍！有好多明星專登揸車嚟呢度食佢嘅豬膶麵㗎！兩個女人仔，出嚟買布整嘢，行行吓又好肚餓，就決定不如食啲嘢啦！問吓朋友仔，原來佢未食過呢間嘢，就梗係要帶佢嚟食吓好嘢啦！每次去親呢度食嘢，我必定會帶一杯凍唂咕，因為出邊而家已經好少有得飲啦！其實唂咕可能都有好多人唔知係咩嚟，其實取名自Cocoa，真係純正朱古力粉沖成嘅飲品，本身唔會話好甜，加啲淡奶，但係飲落去就好香朱古力味！叫咗個豬膶豬扒麵，豬膶好味就唔使講，厚厚哋。唔係出面有啲薄到唔知食緊咩咁，爽口，唔會有一陣味咁！啲厚切豬扒炸到啱啱好，咬落去入邊仲係會有肉汁㗎！有陣時出街食豬扒啊雞扒啊牛扒呀呢啲，真係好怕醃到太濃味同埋乸到佢淋晒，但係呢度真係真材實料。雖然食完個粉都已經好飽，但係都忍唔住叫份西多士配煉奶。呢度嘅西多士，充滿着蛋香，加埋邪惡嘅牛油配煉奶，真係肥多兩磅都抵呀！

我承認自己對漢發有少少情意結，由細食到大，當中都同過好多朋友黎，食過都冇再去另一家麵店。而今日同呢位朋友黎食過豬潤麵，佢都覺得滿意。呢度冇套餐，一律散點，我地一人點左個麵、飲品。豬潤炒牛麵 $41我例牌點呢款豬潤炒牛，豬潤一律大塊、厚切，大嘅三，細嘅都有兩塊，炒牛幾件。豬潤啱啱好熟，輕輕浸番入湯食得，入口爽滑，唔會鞋口、冇渣冇筋，最重要係冇腥味。可能好多人唔食潤就係怕陣餲味，咁漢發嘅豬潤可以放心食其實好多年前我喺石硤尾街啲大排檔，我已經睇過佢煮麵，焯豬潤時會加入啲磨好嘅薑汁，剛熟就會撈起。所以豬潤唔會老，又可以僻去腥味。聽講係而家嘅老闆當年反覆試驗而整出黎。當然啦都聽過有啲人嫌佢豬潤太大舊，或者覺得唔好食，咁本來口味呢樣野就係主觀的事。個人就好鐘意呢度嘅潤麵其實除左豬潤出色，都好多人鐘意佢地嘅豬扒、豬手、西多。不過呢度逢紅休，加上下晝賣哂就冇，我都要就啱時間先黎到啊。餐牌：

星期六的下午，朋友知道我喜歡吃西多士，說要帶我去一間西多很好吃的地方，我們開車到了大南街漢發麵家，門口已經聚集了一大班食客在等，原來這裏的招牌菜是豬潤麵，可惜我個人不喜歡吃豬潤，所以沒有點，我們點了一個蝦子薑蔥撈麵，它的賣相非常精緻，看得出師傅很有心把蠔油拉花再上面，加上上邊大量嘅蔥絲和下子，已經很想吃，朋友說這是竹升麵，所以特別爽口，蝦子跟雲吞也很配合，飲品方面我們點了奶茶和凍檸茶，他們家的奶茶很香滑，跟我喜歡的感覺差不多，而今次的主角西多士也沒有令我失望，外表脹卜卜的，加上牛油和煉奶，麵包吃上去很鬆軟，可惜它是在九龍區，不能常來吃，小妹住港島區，不然的話，它應該也會是我常常來幫襯的小店啊。

一間食店可以在香港站立幾廿個寒冬，一定有佢既吸引力係到。職場新鮮人一至五都忙著上班，星期六緊係要搵地方去醫下自己既五臟六腑星期六下午，去到餐廳門口見到好多在門口排隊。我同男朋友二人大概排左10分鐘就到了。入去之前下做定功課。呢間既炸豬扒，豬潤，西多，奶茶都十分出色。一於食呢幾樣啦落單個時姐姐話豬扒已經賣曬，咁唯有叫豬潤麵，牛肉蛋麵，西多，熱奶茶，熱菜蜜。豬潤麵既豬潤係用左厚切黃沙豬潤! 咬落口唔會好硬。最緊要冇煋味!又爽帶有豬潤既甜味牛肉蛋麵牛肉唔會"鞋"口，蛋仲會流心呢.西多內脆內軟熱奶茶好香入落去到喉嚨都好滑熱菜蜜就一般啦~呢到食物好好，一定會再黎架!

之前食過豬潤米，豬潤超厚又嫩，懷疑自己係咪食緊生既豬潤，好鮮美，好食過x記好多，但湯底就x記好味得多。豬扒麵都好食，豬扒啱炸好，彈牙，啲油同汁熱得嚟好正令人想一下食曬佢。個湯就同豬潤麵一樣好寡，好似水煮加啲鹽咁，個湯可以有進步空間囉⋯⋯啲料就好好味！

牛腩香濃入味，肥瘦相間，一口咬下又軟又多汁，有點像牛肉味道的豬軟骨，河粉也軟滑可口，還有豬幹河粉，豬幹切得很厚，一大碗，但軟滑香甜可口不食豬幹的我也喜歡，很用心去做的小店，已經四十多年歷史，就是味道食材新鮮。

最近看生果報講上環新開餐廳「豬膶麵參照漢發麵家的做法」很有趣, 漢發豬膶麵彷彿成了城中好食豬膶麵的ISO(標準). 我以前吃過, 特意再去試試那美味. 周中十一時半到, 唔洗等位, 點了豬膶牛肉出前一丁及熱奶茶. 嗒著先上的奶茶, 麵也很快上了. 豬膶(超)厚切酒香撲鼻, 浸得真係好滑, 牛肉切得大大塊也好鬆軟, 而丁麵底確有丁味 (唔好笑魚有魚味啦, 好多丁麵底真係冇丁味冇咁好食㗎 ) 的確係一個極出色的膶牛麵. 好多人常把它與深水埗那家比較, 小弟愚見係, 漢發食精緻, 深水埗食湯底, 一個麵兩個做法, 各自各精彩, 各有捧場客, 香港百花綻放, 不好嗎?

為了小女生一大清早就來到深水埗來，好姊妹說在深水埗有間吃豬麵很出名的餐廳(不是維x),那麼我倆就決定為著這碗初麵而出發！由深水埗A 出口走著走著，找到大南街，不過大南街真的很長啊！行了十多分鐘，最後我倆也找到了這間漢發。兩人二話不說就是點了碗豬潤麵，當然也要找杯飲品襯托一下吧！當豬潤米送上枱時，兩人都不約而同說很大塊的豬潤啊！未吃已經興奮起來啊！整碗米粉，沒有其他的花巧，焦點就是數片厚切的黃沙豬潤上。豬潤又軟又香，沒有苦澀，加上少許麻油，實在是香溢四射，回味無窮！愛吃豬潤的朋友們，有機會必定要來試一試！

深水埗特別出名豬膶麵😀今次呢就食咗漢發嘅豬潤麵，佢嘅豬潤呢系好大嚿好厚好厚嘅🤪同埋嗰個豬扒都幾好味😆不過呢呢啲比較出名嘅鋪頭呢，都係冇餐要散叫！今次去食呢就撞到阿叻添🙈我每次都係食豬潤豬扒麵👅

一直好想食好肥好腍嘅豬潤，對上一次食已經喺去生記，今日經過深水埗，記得漢發豬潤好出名，特登去一試。間舖距離地鐵站都成10分鐘路程，平日12點9去到，2個人唔使等位，明明有4人枱都唔俾我坐，迫我同另一個客3個人坐2人枱。初初唸住齋食豬潤麵，但見隔離枱碗雙併麵有成4、5塊豬潤，所以併埋牛肉加丁麵。碗麵一上枱非常吸引，豬潤肥厚，有好多片，牛肉都大件。一入口，豬潤好腍，雖然仲帶少許血水，但每件都好腍，如果有辣椒豉油點就正，牛肉亦都好腍，比我同區另一間我幫襯咗好多年嘅潤牛麵更出色。見另一枱叫豬扒好似炸得幾香，下次會試。

8點半到 已經差不多滿座點了岀名的豬潤拼岀前一丁$49好多豬潤 件件厚切好有咬口👍🏼豬扒大大件 又係厚切又真係好正配埋岀前一丁 2個字: 絕配食到9點 已經full house想食的要早d黎

食完新香園仲未拎得車就繼續行住尋食， 行行下到左大南街，估唔到而家呢頭變左咁多。 有好多新潮既皮革舖頭。 行行下見到有間茶記門口好多人，八掛一睇係漢發。 佢以前係大排檔，而家係左呢度開舖。 而家呢度坐得舒適好多。餐牌好多完化，有好多野食。 但由於頭先已經食左D有d飽， 所以叫得唔多。 茶記先試試佢既奶茶先， 凍奶茶($16), 茶味夠香，不過甜左少少，但都係好既奶茶。 西多士($32), 呢度係呢期最hit既梳乎里西多士。 望落色澤金黃， 用鮮牛油。 鬆軟，味道ok.見佢都有蛋牛治，都叫左一份比較下。 鮮牛肉蛋治($23) , um但係2 回事。 見好多人叫豬扒麵， 下次黎試下先。

如果唔係渣車，一個女仔自己來都幾危險，附近多南亞裔，店鋪都幾難搵。呢間營業至5:30，有幾次摸門釘。今次放假就早d同男朋友來啦。我點了豬潤麵，男朋友就點了潤牛麵，同一杯奶茶。豬潤麵有幾塊厚切豬潤鋪在麵上，嚇死我，平時食開為基，得幾小塊豬潤。厚切豬潤剛剛好熟，入口好爽口，公仔麵係出前一丁，非常爽口。奶茶奶茶夠滑，有茶味，讚！

一直聽人講，話深水埗有一間豬潤麵好好食，但一直都冇試過，所以我決定要去一次，店內環境都唔太差，裡面d人都好好禮貌，我朋友介紹我，話一定要試個豬扒同牛肉，但一定要炒牛，所以我叫左豬扒炒牛肉米粉，而我老公就叫左個豬潤豬扒出前一丁，個豬潤係出色既，切到好似五餐肉咁大，都仲好夠味同好爽，好香酒味，而個牛肉我都覺得係要炒，不太差，最後到豬扒，唔太差，但我認為冇其他人講得咁好食，如果要食，一定要叫有豬潤既，因為碗湯會好飲好多，而佢地d茶，我覺得唔麻麻地

本身自己未曾試過另外幾間同樣係深水埗的豬潤麵名店，第一次就獻給漢發。明知此店星期天休息，特意星期六12點半前就來到，怕1點時人多，要大熱天站街安排入座！點了名物豬潤牛肉麵（$39），價錢真的不便宜，但處理豬內臟得宜亦非易事！豬潤份量頗多，而且每塊也像午餐肉厚切，十分誘人。豬潤很爽嫩，煮的時間剛剛好，沒有過熟，豬腥味亦很少，絕對是高質的豬潤！反而牛肉就比較失望，不至於不好，但相比之下，豬潤完勝知道大家未必人人愛吃豬潤，這裏的豬扒麵亦是不錯的選擇！豬扒已炸好碎上，肉質軟軟，不會太肥，調味亦得宜。兩款的麵底都是出前一丁麵，加上原汁原味的麻油湯底，十分好吃，真的是香港地才會吃到的味道這裏的名物還有西多士，三十多元才有交易，但跟外面吃到的不同，由於做法異同，漢發的西多口感較為軟綿，有點像多士界的梳乎厘，大家一定要留肚吃！！這裏的食物都吃得到是用心烹調，令人感到滿足，相信很快會再來的。