Toretore Hamayaki (Closed)

尖沙咀真係一個美食天堂，絕對唔怕搵唔到美食，至怕你唔知自己想食啲咩！今日朋友就帶我去食海鮮，唔係一般嘅海鮮餐廳，而係日本「浜燒」海鮮，當然餐廳就唔係喺海邊旁，但這裡的海鮮就係每日新鮮運到，夠晒生猛！餐廳食物款式多，除咗浜燒外，仲有日式料理小食、刺身、壽司、熱食、甜品等等店員先送上芝麻醬椰菜，椰菜非常新鮮爽脆，混合了芝麻醬，很開胃惹味！朋友最愛吃刺身，刺身盛合六款就夠晒份量，有呑拿魚、呑拿魚腩、三文魚、油甘魚、帆立貝、赤貝。一睇D刺身色澤鮮豔，款款都非常新鮮肥美！吞拿魚腩同油甘魚，刺身味道夠鮮甜，真係令人回味今晚最期待嘅當然就是浜燒環節，店員還會為我們炮製每一道海鮮，簡直是皇帝餐，只需乖乖坐喺度就有得食二人浜燒盛合＋花竹蝦，所有海鮮都好新鮮，未開始燒已經知道會好好味額外仲叫咗個清酒渡蟹花蟹錫紙燒，錫紙打開後清酒香味撲鼻，加上花蟹夠鮮甜，真係原汁原味最後甜品我哋就叫了兩個雪葩柚子雪葩入口好清新，一啲都唔甜，啱晒食到飽飽嘅我朋友嘅椰子雪葩，清甜濃郁的椰子奶香，用半殼的椰子盛著好特別…Read More

同朋友一齊去到尖沙咀覓食，走進這間日本浜燒，整間的裝修也很有日式的風格。參考的選擇很多，而且也很多元化。香煎蒜片厚切牛舌 98這個牛舌是我們大家一致讚好，擺盤已經非常漂亮，每一片也是厚切的，餐廳特別挑選了牛舌中心部份，為了控制食物的質素，老師的其餘部份也不會用作其他的食材，雖然有點浪費，但是很欣賞餐廳對食材的執着。香草醬汁也有畫龍點睛字句，是讚好Facebook 送原板韓國海膽 呢個真係冇得頂，雖然好細瓣，不過都幾creamy唔腥，重點係免費。二人浜燒盛合精選 $398生蠔魷魚大蝦黃貝貴妃貝北寄貝餐廳提供左三種不同嘅醬汁，分別是柚子胡椒、美珍醬、同埋海鮮醬。整個海鮮拼盤整齊的牌在盤子上， 10分吸引眼球。海鮮非常新鮮， 生蠔是非常的大隻，差不多有手掌心這樣大，個人最喜愛就是貴妃貝和北寄貝，因為真的是10分清甜，而且也非常厚肉。六點三文魚壽司 各種不同烹調方法的三文魚壽司，各有特色。。特製黑松露炙焼平目魚邊沙律 $138這個沙律真的不錯，黑松露味非常濃郁，很喜歡平目魚油脂豐富，加上份量也不少呢…Read More

好耐冇食日本野 就約朋友試下浜燒 朋友介紹左呢間係厚福街 H8 既日本餐廳入到餐廳 都幾有日本風 枱之間距離又唔會太近 坐得舒服我地叫左兩款刺身 三文魚同魚子刺身 讚好某社交平台仲有海膽送 超抵啊！另外仲叫左海鮮鍋 入面有三文魚 帶子 八爪魚 豆腐 菇同蔬菜 我同朋友連湯都飲埋 正啊最後當然叫左個龍蝦浜燒 店員仲幫我地燒埋同拆肉 岩哂懶既我呢個龍蝦浜燒除左主角龍蝦 仲有貝類同鮑魚 全部都好新鮮 又燒得岩岩好 同埋店員好細心 會主動幫我地加茶 所以好食又有服務既餐廳 真係要再黎食啊！…Read More

上次浜燒意猶未盡， 今晚再嚟浜燒盡興， 近期晚上大多數浦老尖， 漁獲浜燒系尖沙咀為食街 ~ 厚福街，地理方便。日本酒居屋裝潢， 簡單舒服。今日忙到甩轆過曬時， 遲大到， 上到嚟影兩張相，急不及待食.食.食， 餐牌欠奉。今天巧熱, 趕到黎熱到爆汗, 先來杯生啤降降溫先。芝麻醬椰菜沙律為食友叫咗個浜燒2人套餐，加配升級龍蝦，再加多條燒喜之次，Like Facebook 送多一板我至爱的。。。海膽，好著數。原板韓國海膽 (送)雖然係免費, 但一啲都唔差， 除咗size細小小 ，海膽色澤金黃， 入口軟滑甜美， 淨食滑口， 亦加紫菜食則脆口, 兩種口感。鹽燒喜之次好耐冇食喜知次， 見到你香噴噴上枱真係好感動， 感動到想即刻食曬落肚喜之次係日本貴價魚， 除特別日子，平時真係唔捨得食的極品魚。食喜之次最好就係食燒， 燒得皮脆肉嫩， 喜之次肉質出名嫩滑， 油份又高， 原條燒能保存其豐富魚肉汁， 又香又滑又鮮味, 本身鹽燒己夠味嘩! 今晚朋友叫的2人套餐 好豐富呢， 海鮮包括；黄金貝北寄貝西班牙蠔貴妃蚌魷魚筒龍蝦**黄金貝 ~ 初嘗黃金貝，鮮及甜兼備， 仲又爽口非常。 **北寄貝 ~ 甜度無黄金貝咁高，口感亦偏向有咬口， 冇平時食自助餐嘅冰鮮北寄貝咁爽口, 但就比冰鮮貨鮮甜好多。**貴妃蚌 ~ 貴妃蚌厚肉甜美， 連汁都飲埋， 有少少清酒香，好甜喔。**西班牙蠔 ~ 加少許清酒及上湯燒，蠔肉脆口鮮爽，海水喊度不高，能食出蠔的鮮甜，估唔到西班牙蠔也不錯噃。**大魷魚 ~ 真系勁大隻，幸好燒完唔韌， 原味燒，拈芥茉豉油食幾正， 口感彈牙。原隻龍蝦龍蝦塗上一層龍蝦膏醬，龍蝦膏醬由龍蝦膏、龍蝦肉粒及日本淡味噌組成。初初入口好有淡芝士feel，之後食出蝦膏的甘香，可能用上日本淡味增， 富鼓香而唔鹹口。而龍蝦肉我覺得燒得過火咗少少， 幸好龍蝦夠大隻，蝦肉比較厚， 所以過火少少都唔會令蝦肉太乾， 仍有龍蝦嘅甜美及微爽。…Read More

呢排社會氣氛緊張，我都好耐冇同朋友出街食飯啦！咁啱有個好朋友生日，我哋就決定出嚟聚一聚，好好放鬆心情。我同佢一向都好鍾意食海鮮同埋魚生、壽司之類，所以就決定搵一間可以同時滿足我哋兩個願望嘅好餐廳。結果，我哋好快就鎖定左一間日式餐廳呀！啱啱到餐廳嗰陣，我哋發現正門掛左唔少相片吊飾。仔細一睇，原來係好多香港明星同老闆、員工嘅合照呀！哈哈，我哋唔覺意揀咗一間咁受歡迎嘅日本餐廳。我哋一坐低，即刻有一個好靚仔嘅侍應走黎我哋身邊，為我哋推介一個個深受大眾歡迎嘅拼盤。佢又特別提到，「浜燒」喺日本嘅意思，正正就係喺海邊即捕即燒，保留海鮮原始風味。而呢度嘅海鮮全部都係喺日本新鮮運黎，所以完全符合浜燒嘅意義架！我同朋友考慮咗一陣，就一致決定order「二人浜燒盛合」，細嘗何謂最新鮮嘅海鮮。食正餐之前，侍應拎咗碟開胃菜「芝麻鹽醬椰菜」畀我哋。爽脆可口嘅椰菜，配上塗有芝麻醬嘅蒜片，真係非常惹味；朋友話佢仲食到淡淡嘅辣椒粉味添！登、登、登、櫈......上正餐喇！先上台嘅，係一盤擺放咗6件精美壽司同海膽嘅拼盤。既然呢晚係朋友生日，我就讓左心愛嘅三文魚同拖羅壽司俾佢。件件壽司都好肥美嫩滑，非常juicy.....真係食多兩盤都無問題呀⋯⋯另外，朋友又特別鍾意食海膽。我見佢不停用匙羹將大片大片海膽擺喺紫菜上面，然後瘋狂鯨吞，我就知道佢係幾咁鍾意呢份拼盤喇！好啦，重頭戲黎啦——「二人浜燒盛合」嘅海鮮拼盤上場啦！海蝦、北寄貝、貴妃蚌......所有海鮮都係以一對對嘅方式呈現，咁我同朋友就唔使互相禮讓啦！呀，差啲唔記得講，呢間餐廳有個特別之處——每位侍應都會按照指令，專門為屬於佢哋嘅一枱客人親自服務，等客人有一種賓至如歸嘅感覺。侍應首先用火槍直接燒魷魚筒。你哋睇下，成隻魷魚有我半隻手臂咁粗架！當魷魚筒燒到金黃色之後，侍應就親手將佢剪成一個個圈圈⭕️，然後繼續燒、燒、燒.......魷魚口感煙韌，爽口十足，配埋酸味味嘅醬料，簡直一流。正當我地品嚐緊魷魚嘅時候，侍應哥哥就開始燒兩隻色澤明艷嘅北寄貝啦！過程中，佢鼓勵我哋呢班年輕人要對未來充滿信心......佢講左好多正面嘅嘢，令我哋非常之感動。侍應燒左北寄貝一陣，就將佢哋攞入廚房進行清理，包括：去掉裙邊同內臟；然後先再繼續用火槍燒到佢哋100%熟透。Okay，食得！食完北寄貝之後，就到肉香肥美嘅帆立貝登場啦！燒咗大約4至5分鐘，兩隻帆立貝就以唔同味覺效果呈現人前。左邊嗰隻係用日本清酒烹調過嘅帆立貝，裡頭嘅帶子味道清香鮮甜，質感夾脆。難怪侍應會叫我哋先試呢隻帶子。右邊嗰隻帆立貝就用左牛油同香草烹調而成。兩種佐料都完美發揮作用，令人食過翻層味。下道菜，就係火焰炙燒海老！兩隻海蝦事前已經經過「開背」處理，所以絕對唔擔心會食到沙之類。經過猛火「怒燒」，兩隻海蝦燒到金黃色，外殻脆卜卜。一搣，蝦殻就好容易剝走架啦！哇......蝦隻肉身厚厚，蝦頭裡面更加收藏咗非常鮮味嘅蝦膏添，食到人舔舔脷......朋友對呢一餐生日海鮮宴非常滿意，仲話下次到我生日個陣，會再請我食返多次呢個「二人浜燒盛合」呢！…Read More

吃海鮮有很多不同方法，蒸炒燒焗都可以，但日本以浜燒方式，把新鮮海鮮烤熟而吃，可以吃出海鮮原汁原味，是為一種享受。漁獲浜燒就在尖沙咀開了分店，在銅鑼灣享用過之後，便肯定漁獲浜燒的高質素海鮮和浜燒烹調，能保存海鮮的鮮美，所以要重新享受美味海鮮，也要來到尖沙咀分店，確實沒有讓人失望的一夜。******************************漁獲浜燒就在大廈的檈層之上，從電梯而出，便已經看著漁獲浜燒的名字。漁獲浜燒地方不算很大，但也有充足座位，也坐得舒適。巨蜂提子炭酸飲品，單看賣相有點像是冰水一般，但喝上口有著巨蜂提子味，口感有點像梳打水地有汽，味道不錯，也能解喝。芝麻鹽醬椰菜，一般日式餐廳都以麻醬配上野菜，作為前菜小吃。這夜所用的是新鮮日本椰菜，所以口感非常爽脆，味道又清甜，吃著都把胃開了。只需要Like 某社交平台，就免費送上海膽一客。海膽是來自韓國，色澤光亮，味道清淡，口感也很滑溜，無論直接所吃，或是配上紫菜也一樣好吃，如此優惠，當然要來個Like享用。二人浜燒盛合配龍蝦，盛合當中包括了黃金貝、北寄貝、貴妃蚌、生蠔和魷魚。盛合配上龍蝦一份，還把龍蝦膏取出，加入麵鼓醬勻和，準備浜燒之用。生蠔用上清酒所燒，燒得剛剛熟，口感爽口，味道不會很重海水味，清酒味香，一樣鮮甜又好味。黃金貝，都幾大隻，所以便把燒起黃金貝剪開成三份量。第一次吃上黃金貝，爽口無比，味道鮮甜，加入清酒所燒很香清酒味道，好吃。北寄貝，相對平常所吃的刺身為細小，但這樣也不失北寄貝的鮮美味道，而且清酒味也很突出，味道做得不錯。鮮魷魚原隻所燒，然後剪'成圈狀，這樣的賣相有點像花，又幾有心思。魷魚燒得很香口，魷魚又有咬口感，用來送酒而吃也是不錯的。貴妃蚌，一隻貴妃蚌有2隻北寄貝相加地大隻，也是很簡單加入清酒而燒，便可以帶出貴妃蚌的鮮甜味道，而且口感也很爽口，確實新鮮好吃。龍蝦，先把龍蝦的蝦膏取出，加入麵鼓醬拌勻，以備後用。先把龍蝦燒熟，然後把龍蝦膏醬放在龍蝦肉上，然後用用火槍燒熟，便成了黃公色澤的龍蝦。龍蝦肉爽，把龍蝦膏醬而燒過，香味十足之外，又很惹味，每吃上一口龍蝦肉，都充滿著龍蝦膏香，變得味道豐厚無比，非常滿足。喜之次，不算很大條，但絶對不會讓人失望。把喜之次燒得皮香肉滑，每吃上一口肉都滿有著油份在其中。皮上加了點鹽而燒，燒得香脆無比，雖然配上醬油，但魚鮮味十足，直接而吃已很足夠。整條魚都燒得火喉剛好，讓人吃得滿足又難忘。…Read More

朋友由日本返到香港之後，成日都好掛住日本美食，壽司、刺身、海鮮全部都好想食，所以同朋友喺尖沙咀買完野之後，佢就去搵日本餐廳 😍😍我地最後選擇左呢間堯富特色既浜燒日式餐廳。餐廳設計風格同日本當地既餐廳好相似，彷如置身於日本一樣。門面掛有貝殼裝飾🐚，餐廳擺設用具都以木材為主。細芝麻鹽醬椰菜呢個前菜沙律選料簡單而味美，有鮮椰菜、脆片等等，配埋香濃醬料，唔單止口感好爽脆，味道都好有層次感，咸咸地、甜甜地，十分開胃👍🏼食完沙律之後，首先打頭陣既就係呢道色彩鮮豔既壽司盛盒，餐廳精心挑選左六種高質既刺身壽司組合而成。佢既賣相非常美觀，未食已經令人垂涎三尺。除左醬油之外，仲有其他醬汁提供，更能提升刺身壽司既鮮味。帶子一向都係我既最愛～ 呢片珍寶帶子就緊係冇得彈，食得出佢有一定既質素，鮮嫩細滑，加上少少青檸汁，香氣四溢 😋韓國直送原板海膽海膽名貴大家都知，而且靚既海膽難求，數量亦有限～其實我對海膽有陰影，因為曾經食過非常劣質既海膽，從此都好怕～但呢到食既海膽丼令我刮目相看，佢好鮮甜，完全唔腥，海膽味道濃郁，口感較豐腴，入口即溶，我完全愛上海膽既味道😍二人浜燒盛盒浜燒即將展開！有原隻魷魚🦑、鮮帶子、海蝦、貴妃蚌、北寄貝等等。 😍店員首先將巨型魷魚放上爐端，用火槍將魷魚外面燒至紫紅色。等到魷魚內部都燒至半熟既時候，店員將魷魚剪成一圈圈，然後分散慢燒。期間再開始用火槍燒北寄貝，海鮮香氣撲鼻。燒魷魚筒 🦑呢個就係魷魚上碟既樣，非常精緻～魷魚質感唔會太韌，口感爽彈👍最喜歡魷魚頭嘅部分，帶點焦香🤤用浜燒呢種方法烹調出黎既貴妃蚌同北寄貝味道非常新鮮，而且北寄貝既肉厚實，裙邊爽口彈牙，呢種鮮味真係好難喺普遍餐廳食到。佢既帶子好新鮮，店員首先微微燒左燒表面，再拎入去廚房去除不可食用既部分。上圖係清理完畢既燒帶子，可以見到帶子好大隻、圓鼓鼓，色澤光亮。用浜燒既方式可以令食物更原汁原味，店員分別用左兩種方法烹調帶子。第一種係右邊既日本清酒燒帶子，清酒香醇，可以品嚐到帶子既鮮味。第二種係左邊既香草牛油風味，店員用左少量牛油同香草，將帶子燒成金黃色。不但保留左帶子既鮮味，仲非常香口惹味😋火炎炙燒海蝦非常有名堂，餐廳店員係我地面前用火槍將巨型紅蝦燒熟 🦐 變成上面吸睛既樣 😍 爽口彈牙既紅蝦肉質鮮嫩，食落啖啖肉，真係好正。再將蝦醬擠出，濃濃細滑既蝦醬好有風味 😋呢餐日本料理令我食完後會心微笑☺ 餐廳用料上盛，食材新鮮不在話下，連料理師傅都製作認真，重視料理既質素同食客既滿意度。我真係覺得呢一餐好難忘～希望不久將來會再去呢到品嚐海鮮！…Read More

最考驗食材鮮度就是日本的浜燒了，之前我在銅鑼灣食過這間漁獲浜燒，食物驚艷道令我甚為想念，故此選擇了在尖沙咀店Encore一次。餐廳空間不大，一邊是料理台，一邊是客人席、魚缸、木製裝飾......有點海邊居酒屋的感覺。🍃香煎蒜片厚切牛舌牛舌中心的肉最厚最韌，精華全在於此，薄切後烤製，Q彈不腥，肉香十足。把一塊牛舌夾上蒜片全塞進口裡，外面沾上醬，剛入口鹹甜香，慢慢的鹹味變淡，牛舌本身的香味和淡淡的甜味就更明顯了。🍃原板韓國海膽食完牛舌，登登，正式進入海鮮大餐！餐廳有個特別優惠，如星期日至四點選二人滨燒系列可以送一板韓國海膽。這個優惠都算大手筆，這樣一板平時去餐廳點也要$100吧？！海膽是種很神奇的食物，與其說它是一種食材，不如說它是一種味覺形態。這裏的海膽口感綿軟細膩，但又略帶一種蟹膏的固體感，用舌根輕輕推開，在口中回味悠長。如加上紫菜包住，則海水撞海水，鮮也。但我也略有批評，紫菜不算脆，口感做不到一脆一軟的極端對比。這裏的海鮮都是現撈現燒，浜燒食的就是原汁原味，師傅是不會給你調味的。看著這些海鮮到光澤和活躍感就覺得開心。店裡準備了3種醬 - 海鮮醬油、柚子胡椒和七味味增，完全可以按自己喜好來。🍃清酒貴妃蚌看著貴妃蚌在滋滋聲中冒出汁水，心中的小火焰也隨之起伏，因為加了清酒，蚌肉彈牙多汁，非常爽口。一口幹掉，這才是夏天應有的感覺。🍃牛油烤帆立貝同一種食材，原來可以做出兩種感覺。首先第一種是加了香草牛肉去烤的帆立貝，因為有牛油加持，有種爆炒的感覺，非常香口。🍃清酒烤帆立貝而清酒烤帆立貝則清甜無比，且酒精完全揮發所以不會有刺激的酒精味，只剩淡淡的酒香與鮮美的甜味，而肉的口感要比貴妃蚌更厚實。🍃伊勢海老這個是尤其令我驚艷的一道，也是我今晚的最愛。師傅用味增、龍蝦肉和龍蝦膏混合炒製了特別的醬料，然後再塗在開半龍蝦上，再慢慢烤製至熟。這道的驚艷感在於每挖一口味增，都有粒粒龍蝦肉，放入口中用舌頭磨平，粒粒沙沙質感兼帶腴香，蝦膏與味增交疊出是膽固醇的肥美。🍃柚子雪葩而在食完重口味的燒龍蝦後，最後挑了柚子雪葩作為這餐的結尾，酸酸甜甜的味道令之前食太多海膽蝦膏的膩感都清走了。總之漁獲滨燒真的是讓我很驚豔的一家日本料理呀，每一道都很讓人滿意，甚至有些還想站起來鼓掌，主要生食類的新鮮度是滿分，東西一新鮮就很難不好食，所以如果再有想食海鮮的念頭，我也是會光顧漁獲浜燒呢！…Read More

約了好朋友吃飯又不知道吃甚麼好，幸好有同事介紹了這間主打燒海鮮的日本餐廳給我✌🏻細芝麻鹽醬椰菜:椰菜好爽甜，醬汁微酸很開胃👍🏻六點壽司盛合:三文魚新鮮但略嫌唔夠肥美，帶子勁厚肉又鮮甜，赤蝦爽口又彈牙✌🏻清酒昆布煮花螺:花螺上桌時還會動，非常新鮮😍侍應會先點火揮發酒精，再放花螺，湯底清甜有酒香又不會有苦澀味👍🏻活帆立貝:2種煮法各有優點✌🏻清酒煮鮮甜🤗牛油煮惹味😋時令活蠔:跟手掌一樣大😍蠔肉鮮甜又肥美，蠔味極濃❤黃金貝:口感柔嫩，完全沒有沙😋文蛤蜆:蜆肉結實彈牙，十分鮮甜👍🏻📌這裏的海鮮全部都很新鮮，而且會有侍應幫手把食物燒得剛剛好，不用擔心會有把海鮮煮得過熟或是未熟的情況發生❤服務值得一讚👍🏻…Read More

約左朋友食飯，諗左好耐都唔知食咩好，最後鎖定日本菜，上網搵見到呢間有磯燒海鮮食，而且仲有專人幫你燒，岩晒我地呢d鍾意食好西，但又未必燒得好既人XD●細芝麻鹽醬椰菜點好餸後，店員就會送上前菜，就好似去日本居酒屋此前菜係一定要叫的，椰菜十分清爽，而且好甜，加埋芝麻鹽醬真係一啖接一啖。●壽司拼盤(6件)所有壽司都十分新鮮，大大件，絕不欺場，但款式應該係師傳按季節簡選最新鮮同當季既海鮮。帶子超大件，加埋松露點聚新鮮好味。三文魚子唔會過咸，好食。●清酒昆布煮花螺店員先點火令酒精揮發，湯汁會留有酒香而唔會過苦，再放花螺煮兩分鐘就可以食了。 湯非常清甜，帶有酒香，螺肉唔會煮得過熟，呢個價錢十分低！●活帆立貝全晚最期待的，店員用左兩種煮法，一種原味煮法令帆立貝帶有少許海水咸味，食出帆立貝本身鮮味。 另一種以牛油磯燒，牛油香味令帶子更鮮，兩種食法各有特色。●時令活蠔超大隻，成隻手掌，未食已經好興奮！ 只加少許檸檬食用，蠔味突出。●黃金貝和文蛤蜆貝類表現出色，兩者都十分新鮮，個人較喜愛黃金貝。整體海鮮美味，好似花螺未煮時仲識郁，可見非常新鮮。其店員服務非常到位，除左會幫手煮海鮮，仲會講解煮法同食法，令你有得睇有得食。…Read More

漁獲浜燒有時食得大型連鎖店多，都會想捐窿捐罅，咁啱朋友介紹左呢一間樓上日本料理，果然冇介紹錯。裝修十分和風，每台都有一個燒爐。韓國海膽呢個只要喺Facebook like佢哋個page就會送。海膽鮮甜， 口感比較實，可以大大啖咁樣食海膽，好幸福哦。特製黑松露炙燒平目魚邊沙律沙律以黑松露混合和風醬汁調味而炙過的比目魚邊油脂滿溢，帶微焦的味道。牛油果和比目魚令整個沙律層次提升。壽司八款壽司最重要係啲魚生夠新鮮而呢度就做到呢樣野，海膽同蔥吞拿魚蓉壽司尤其鮮甜。二人浜燒盛合有貴妃蚌、蝦、魷魚等等嘅新鮮海鮮，更令我欣賞嘅係佢哋嘅侍應會幫我地燒同慢慢介紹一下每樣食材，有佢哋幫我燒就唔會俾我呢啲唔識煮野嘅人浪費左啲咁新鮮嘅食材，總括來講每一樣海鮮都能夠食到最原本嘅鮮味所以都唔使點樣調味，只係落少少鹽就好好食。味增蟹甲羅燒浜燒梗係要食甲羅燒。甘香嘅蟹膏、香蔥、鵪鶉蛋、麵包糠拌勻，軟滑的膏無論是單吃或配多士都可以充分感受到蟹膏幼滑嘅囗感。柚子雪芭 / 椰子雪糕柚子酸酸甜甜，清新得來唔濟最，啱食到好飽之後食。椰子雪糕椰子味好出，喜歡飲椰子奶昔嘅人可以一試。…Read More

作為一個勁鐘意食日式燒物嘅人黎講 一有新嘅日式餐廳當然要去食下啦！今次同細佬一齊去食下呢間漁獲兵燒 岀名海鮮又鮮又甜~嗌咗二人浜燒餐：有蠔、海膽、魷魚、仲有元貝！好豐富😍新鮮不在話下，有店員幫手燒外，擺碟都好有心思，食日本野真係味感上嘅享受仲有視覺！仲叫咗個壽司拼盤 都無令人失望，有多款壽司可以試，最緊要係好新鮮，真係物超所值 👍🏻 另外海膽亦係超推介，好香好滑入口即融唔會腥，連海膽嘅細佬都想嗌多客🤣味噌蟹嘅甲羅燒加上多士 真係一試難忘，蟹膏超多勁香濃！最後嗌咗個沙律係特製嘅黑松露炙燒平目魚邊沙律！一上到枱就好香黑松露味 加上魚油嘅香真係令人心情大好😍甜品嘅柚子雪芭同椰子雪糕都係好好食！！今晚嘅晚餐我同細佬都好滿意！環境都幾唔錯仲坐得幾舒服👍🏻…Read More

今晚想食海鮮，突然諗起有間日式磯燒海鮮一直想試，約埋朋友一於去試試。餐廳位於尖沙咀厚福街H8大廈。餐廳設計好有日本feel，裝修簡潔地方闊落，坐得舒服！我們選擇了一個刺身盛合6款，全部都係厚切，有三文魚、油甘魚、帆立貝、赤貝、呑拿魚、呑拿魚腩，非常肥美特別係赤貝，食落肉質爽厚、味道鮮甜原板海膽， 鮮味到不得了真係好新鮮 ，金黃色帶光澤，海膽味非常突出，好滿足既感覺真心推介。食完冷盤之後就輪到食熱食啦🤣二人浜燒盛合 + 花竹蝦出埸了🦐...大大隻花竹蝦一般燒蝦都會令到肉質很乾，這𥚃沒有這情況，肉質依然爽口。 店員還即場剝去蝦殼，很貼心清酒渡蟹錫紙燒~蟹鉗肉很飽滿，連🦀腳都啖啖肉。 酒香恰到好處地帶出鮮甜，很回味。燒生蠔，生蠔大大隻連殼燒熟，店員起肉, 生蠔肉肥美、鮮甜，蠔味濃郁！黃貝，貴妃貝 ，北寄貝… 全部好厚肉，好新鮮，燒完一啲都唔乾身燒原隻魷魚筒，魷魚質感不會太韌，口感爽彈，帶點焦香！最後食埋甜品就最開心喇，椰子🥥雪葩 ，估唔到超濃椰子味，十分滿意的一餐！下次一定會再黎。…Read More

平日跟朋友食野食得多，今次黎到自己決定試新野啦。見比較就腳，一於揀尖沙咀，食呢間漁穫浜燒，食日本野。浜燒琵琶蝦。好大隻，巨型大細。上碟時香氣逼人，果然入口充滿鮮甜味道，蝦肉燒得恰好，並唔會太乾，令人好滿意。活象拔蚌刺身。擺得花枝招展，十足靚仔，賣相已經加曬分。食落好彈牙，又唔會太靭，做到剛剛好平衡。花蟹錫紙燒。將原隻花蟹埋入錫紙，燒完汁完全鎖在中間，完美地保留鮮味。二人浜燒盛合。內容都好豐富，上到蠔、貝類、下到魷魚筒都齊備。魷魚筒量多又彈牙，可以自己調教燒熟程度。花竹蝦蝦肉鮮甜，蠔又充滿海水味，可喟各有特色，唔會令人悶。漁穫浜燒果然燒物非同凡響，可惜今次人少，下次一於開枝清酒，約返三五知己黎放肆食。推介比大家！…Read More

尖沙咀係美食之區，成日都轉唔同新店，其中日本野又最多。今次同朋友第一次試新野，叫漁穫浜燒。先上細芝麻鹽醬椰菜開開胃，芝麻醬酸酸甜甜，令人醒神。另外店內做緊推廣，送左原板韓國海膽，簡直係意外驚喜！海膽顏色鮮豔，而且非常新鮮。清酒昆布煮花螺。好大陣仗，用煲煮花螺，一落清酒冒火，超級過癮。而且花螺鮮味十足，清酒同昆布更加吊出鮮味，提鮮。塩醬墨魚鬚漬。小巧精緻，墨魚鬚白雪雪，散開黎擺，賣相夠靚，入口爽口彈牙。雖然睇落好淺色，但其實煮得好入味，咸度適中，又保留鮮味，唔錯！今次漁穫浜燒體驗唔錯，可惜人唔多，下次叫埋朋友黎，可以坐耐啲，同試更多新野，期待下次！…Read More