滿記茶餐廳 (Closed)

師傅前前後後都黎左呢間食店第三次, 每次嘅感覺都係一般, 但又唔知點解會再黎? 既然臨別秋波, 就黎埋最後一次啦!入到去坐底即刻睇下有咩好野食啦, 見到個午餐, 幾款都唔算吸引, 把心一橫就柯打碟炒飯, 於是就揀左西炒飯, 等左一陣就有得食喇!西炒飯炒得都幾乾身, 味道唔錯加上料又幾夠, 都幾好味, 可以啦! 如果師傅冇記錯埋單都係三十蚊, 算做抵食啦!總括黎講食物質素可以, 價錢都唔算貴, 但師傅短期內都唔會有機會黎喇, 今次個炒飯, 笑飯絕對可以比到, 第三次光顧竟然今次係最出色!

尋日師傅一條友去左食晏, 忽然間好想黎多次呢間食店, 食多一次, 所以就向住呢個目的地進發!入到去一坐底即刻柯打野食, 師傅睇下有咩好食, 見到個午餐, 有幾款都好吸引, 真係樣樣都好想食, 最後諗左一陣要左A餐, 今次就揀左白湯同凍檸茶!等左一陣就有得食, 先試下個湯, 忌廉湯都幾忌廉下, 而d料係火腿蓉, 味道唔錯, 唔會太咸幾好味; 主菜係蒜蓉雞扒火腿飯, 賣相唔算特別靚, 試下個蒜蓉汁先, 味道都唔錯, 而且唔會蒜蓉味唔算特別濃, 啱晒師傅口味; 火腿就冇咩特別, 但雞扒就值得一讚, 皆因斬件上, 唔使切免麻煩, 更加啱晒師傅呢d懶人, 雞扒都煎得幾香, 加上好滑身, 唔錯; 而凍檸茶就一般d, 比較甜, 麻麻地!總括黎講食物質素可以, 地方幾細, 服務殷勤, 價錢都唔算貴, 三十蚊有湯有飯有茶, 都算幾抵食; 再次光顧都冇令師傅失望, 下次有機會師傅一定會試下佢d炒野, 所以一定仲有下次, 可以啦! 師傅覺得有時喺冇咩要求嘅情況下, 係會特別易滿足, 而呢一餐正正做到呢樣野!

上星期又比同僚捉左出去食晏, 又係漫無目的咁行, 不過咁啱行到黎呢間食店, 師傅見到個午餐都幾吸引喎, 於是就決定入去試下啦!入到去一坐底即刻柯打野食, 師傅二話不說即刻叫左個午餐, 要左豉椒牛肉飯, 而午餐有餐湯同餐茶, 師傅就揀左羅宋湯同凍咖啡!等左一陣就有得食, 先試下個湯, 羅宋湯就好清, 唔算好辣, 坦白講似雜菜湯多d, 味道一般啦; 而豉椒牛肉飯都幾好味, 豉椒味幾濃而牛肉都幾鬆, 送飯一流, 確實唔算差; 而凍咖啡味道一般, 不過不失啦!總括黎講食物質素可以, 地方就幾細, 不過服務都幾殷勤, 加上價錢唔貴, 三十蚊有湯有飯有茶, 都算幾抵食; 師傅起初見到呢間食店個名仲以為係甜品鋪, 點知原來係茶餐廳, 不過都算唔差, 可以啦; 有機會一定會再黎, 不過就未到可以比笑臉, 可以啦!

之前成日去食早餐, 但近來少左, 因為佢地的早餐款式不夠多, 通常一般茶餐廳的早餐會有牛肉麵配腸仔煎蛋加麵包, 但係佢地唔比麵包, 不單早餐如是, 連下午茶都係咁, 無麵包所以近來少幫襯, 但無論如何, 佢地的食物係好食既, 我尤其鍾意食佢地的麵餐, 就算唔改"一丁"都煮得好食, 豬扒夠熱 麵夠彈牙, 本來公仔麵之類好易煮, 但係其他茶餐廳的水準都無呢間咁好食, 可能大多數都係煮定先, 另外, 佢地個士頭婆幾惡, 見過佢鬧人,