Manya Japanese Restaurant (Closed)

裝修非常有特色 食物種類款式很多 而且佢出咁多都是精心設計的 不暇給琳瑯滿目 ， 食材感覺都新鮮好食 有用心炮製 ，建議大家提早訂座 因為都幾多人光顧的 順便要讚一下 服務員 招呼得不錯 有賓至如歸的感覺。…查看更多

爸爸生日就緊係佢話事！今次佢講明想食放題，又要就大家港島區收工，揀左陣就決定食滿屋。滿屋真係勝在款式多，壽司質素比其他放題好，多款式多到係額外一本簿。刺身新鮮亦都無漏單，但係咁啱嗰日寫住無甜蝦就令大家都失望左。熱食方面有好多唔同嘅選擇，最好就係全部都係即炸！不過正正因為壽司同埋熱食都係即叫即整，所以其實都等得有啲耐，頭一個鐘都冇食啲咩😂不過當我地催單嘅時候，啲職員都好好態度幫手跟，呢樣幾難得。最後，值得一讚嘅係佢有一人一杯雪糕，牌子係Häagen-Dazs同movenpick，屋企人都食得好開心🥳下次慶祝生日會再黎！…查看更多

今晚同朋友兩個人到滿屋吃放題，很失望地離開，沒有吃到放題應有的份量，枱面只有2呎×2呎，放下自己的杯碟、飲品後，連一個基本大小的碟也放不下。枱面少，再加上侍應沒有把空碟攞走，當有食物來到的時候，枱面上的東西擺滿整個枱面，每每擔心食物和碗碟會一同掉到枱下，吃得一點也不安樂。除此以外還有：所點的東西沒有到、侍應們的招呼惡劣、食物到的先後次序也錯誤等等，我們是在極失望的情況下離開。寫到這裏，我懷疑你們的評分之前是如何弄得出來。對不起我這樣的直接，我是極少作批評的，這次我是忍不住要發聲的。…查看更多

臨時起意想食放題附近幾間都爆晒棚得佢一間唔使排隊都算係知大概咩事入到去一眼睇晒幾張大台無人坐夾硬要我地坐細台同隔離台幾乎搭台貼住坐出面啲野食選擇少又補得慢落單用Order紙啲伙記經過又唔收收左紙每輪都會漏單要自己追一輪要等大約半個鐘兩個鐘落來食左三輪仲要來唔齊野食方面味道吾算差刺身唔多有雪味壽司飯唔細舊+凍手卷塊紫菜唔脆熟食之類少點但上台既都得既有溫度有味道整體而言未試過食放題都食唔飽既總之一定無下次…查看更多

同女友屋企人黎食晚飯因為人多所以俾左間房我地未坐低已經見到張老鼠膠紙放左係張櫈之後就見地下都好多老鼠膠紙未開餐已經冇乜胃口刺身第一轉已經好普通第二轉同第一轉一樣level吞拿魚望落似"西瓜魚"冇食到其他冇特別串燒唔係微溫就係凍應該係一次過燒哂先出貨蟹肉翅係冇落鹽既碗仔翅拉麵難食炸物坐低就落單過左一個鐘後先送到仲要漏單晚飯時段都幾多人幫襯只可以話呢間餐廳d 錢攞哂去做宣傳其實出面大把選擇 建議大家唔洗黎試…查看更多

只可以說幾點⋯⋯不太認同1.位置太窄2.🍣無論你寫一件或兩件，都唔會理全部有點上四件3.吞拿魚刺身,不要客氣，同咬濕毛巾既口感一樣4.早50分鐘俾＄，全程得90分鐘，仲要30分鐘前last call 5.最後一道羊架，其一不熱，其二很難咬開唯一可價錢真係ok 星期六398兩位加一…查看更多

好耐冇食放題，今次就午餐時間去食個放題。位置好方便就喺銅鑼灣嘅中心地帶。一坐低我哋就被安排去一個卡位度，枱面有齊餐枱俾我哋點食物。點好之後可以出去出邊揀飲品，又有啲熟食可以食，例如春卷、爆谷、冷盤前菜、當然仲有甜品啦。放題食物我哋第一時間點左刺身，有三文魚、希靈魚、油甘魚、甜蝦等等，味道都幾新鮮，用咗冰保鮮，入口感覺良好。另外我哋點左碗仔翅、炒雜菜、花膠。另外仲有我幾喜歡嘅炸物，有非常流心嘅芝士年糕、脆身嘅雞翼、榴槤炸彈。飲品好驚喜，除咗有普通汽水啤酒，居然有熱飲維他奶、黑豆漿！最後每人可以揀一杯Häagen-Dazs雪糕，好抵食呀。…查看更多

是日年初四，心血來潮突然好想食放題，去到銅鑼灣只有呢間仲有位，就馬上book 左。去之前上網米略比較過，比起同區放題，壽司刺身款式少左小小，。而當日無海膽同燒海蝦，價錢183一位未加一，食兩小時，對我黎講都係可以接受。然而首先我想講，並唔係的野好唔好食，而係出菜非常慢，餐廳只坐滿2/3間，約20分鐘先有第一樣野食。我一開波入左四張紙，都係壽司同刺身，壽司三張紙有兩張無黎到，隔左一個鐘左右我問職員係咪漏左單，漏左我就再叫過。點知佢check 完之後覆我話的單係度，不過仲有十幾張排。刺身就不用說，數量唔啱叫左無黎係常見。不過後來我叫左個香蔥吞拿魚軍艦，軍艦無左的蔥。同一張紙劃左五種串燒最後只黎左一樣，仲有的成張紙到我走果時都無到。唔知係上菜真係好慢定漏咗。我諗佢廚房可能真係好唔夠人（可能新年呢）。不過亦因為咁，好多時我都係等而唔係食。另外想講下佢部新既熱水機，相信係因為係大陸買，所以部水機淨係講的好沙既普通話同簡體字。（即係較到勁大聲都聽唔到佢講咩果的）。斟熱水要長按個掣解鎖先禁得，咁啱餐廳有其他外籍人士同長者，結果佢地完全唔識斟水，企左係度好耐。其實係咪可以貼返的Labels，user friendly少少？食物方面，只能說一般。刺身不肥美亦無味。但未至於唔新鮮食唔落。解饞可以但好食就未到。無乜特別令人印象深刻既野食。所以試過就好了。不過如果要數難食，佢既海鮮粥就非常唔建議大家叫。海鮮粥有蟹膏八爪魚元貝，不過碗粥無味。如果腸胃炎食就好適合啦。整體黎講就無乜太大驚喜同印象，不過可能因為食過旺角有間好多好評但極難食既放題，所以覺得呢間還好。但就唔會去第二次。…查看更多

情人節想同老公一齊食下自助餐，約埋好友兩人一齊慶祝情人節。見滿屋的食評都幾好，於是訂位黎試下，點知真係一次唔好的體驗！約左兩點，但入座已經差不多兩點半，侍應生人生嚴重不足、上菜速度超級慢，落單等左30分鐘以上，仲要一催再催先黎一個刺身拼盤。張台擺左一個拼盤之後就擺唔落其他食物，飲品櫃長期無人補給，跟住再落單，再繼續等！至於食物就平平無奇，無咩驚喜，除了刺身，其他嘢都唔好食！唔明白點解咁多人好評，下次不會再黎…查看更多

諗住係港島食日式放題，之前食咗大喜屋、碗屋，今次試下滿屋。我嚟之前都係睇咗依度嘅食評，見唔係差就試下喇。一嚟到安排座位，唔係講笑，真係俾佢嚇一跳，估唔到疫情期間仲可以坐到大髀貼大髀咁滯（sorry，我講緊係同隔離枱三九唔識七嗰啲食客），一路食一路驚。算喇，揾餐廳經營困難，完全明白嘅。好喇，講嘢食之前講下落單，今時今日仲用紙嚟落單其實真係幾懷舊，不過老實講，從左右前後嗰幾張枱急驚怒罵咁催order就知咁樣落單法，唔單止唔環保，仲會好易漏單（事實證明，我地落嘅壽司、刺身等咗成粒鐘都只係嚟咗幾款...)。如果啲嘢好食，咁等下都好應該嘅，可惜就唔係好得囉。鮑汁花膠我勸你就唔好嗌，因我有健全牙齒嘅都咬唔開，至於刺身我唔咁講，我淨係見到我隔離枱嘅小情侶成盤刺身食咗一兩件就擺咗係度，仲要食咗唔夠一個鐘就走咗，我斷估唔係好食得滯呱...去返個題目，我唔明嘅係，點解會有咁多好評，點解依間嘢仲可以咁多人幫襯，真係唔係好明。…查看更多

由於禁左晚市堂食既關係，好耐無食日式放題。今日年三十晚，想食餐勁既，不如就食返餐午市日式放題啦。地點就當然係我最鍾意既老銅滿屋。午市12點至4點，任何兩個鐘任飲任食，收費$183+10%，平過晚市之前$238+10%。驚喜地發現原來午市同之前晚市黎既order紙係一摸一樣！Order紙一共有14張，種類都非常多。1）刺身13款最愛北海道帶子，厚身啖啖肉兼鮮甜甜蝦必食，鮮甜，蝦頭有汁大赤蝦唔算大，但係非常爽脆日本油甘魚厚切，食落魚香四溢三文魚都好新鮮肥美赤貝雖然細塊，但係好爽脆象拔蚌大部分都好脆仲試左吞拿魚同北寄貝，其他刺身有希靈魚，松葉蟹棒，彷鮑片同酒煮榮螺片2）壽司6款池魚王必試，質素可媲美omakase，只係比較薄切仲試左廣島蠔同柚子油甘魚腩，其他壽司有京蔥三文魚腩，黑松露吞拿魚醬油漬同黑松露赤蝦3）火炙壽司4款同芝味系列3款辣汁燒三文魚試過都唔錯，唔太辣仲試左鹽燒左口魚邊，其他火炙壽司有蟹油蒜香燒帆立貝，秘醬厚燒玉子火炙厚燒芝士鰻魚既鰻魚的確幾厚，加一小塊薄薄既芝士係上面都幾好食仲試左醬燒芝士鮮蝦都ok，其他芝味系列有芝士長腳蟹棒4）創作壽司4款海苔牛油果醬伴鮑汁元貝鵝肝伴帶子忌廉芝士玉子燒海膽吞拿魚茸呢張order紙入左，但係可能miss左，所以試唔到。5）手卷三款北寄貝沙津龍蝦沙律  海膽5） 軍艦 4款香蔥吞拿魚茸軍艦雖然唔見左d香蔥，但係吞拿魚茸都好滑，如果份量多d同紫菜脆d就更好仲試左三文魚籽軍艦，其他軍艦有海膽魷魚同蟹子6）卷物6款花之戀都唔錯雙重芝士鰻魚卷鐵火卷芒果蟹卷加州卷海鮮火焰三文魚卷漏過一次單，之後再落就有黎7）串燒6款燒新鮮菠蘿係必食，非常juicy，食完成塊面都係汁鹽燒牛舌調味唔錯，有d咬口但係都算淋牛油翠玉瓜爽脆又唔算太油鹽燒海蝦鹽燒鷄翼沙爹鷄肉串8）一品料理6款避風塘炒雞軟骨只有4粒雞軟骨，肯定唔會過飽，調味一d都唔辣和風汁牛柳粒牛油炒粟米泰式炒梛菜七味醬燒墨魚仔鐵板和風牛舌9）燒物6款西京比目魚必食！魚肉超滑魚皮超脆仲燒得燶燶地好香，味道甜甜地，加d沙律醬更好味蒲燒鰻魚撒上白芝麻粒，又香口又彈牙，加上濃濃既鰻魚汁，上檯時仲係暖暖地，好正燒羊鞍唔係每一轉d質素都係穩定，但係好食個轉真係燒得外脆内嫩，唔會過熟，肉汁仲可以鎖得住，調味亦好好味道鹽燒雞軟骨燒得乾身，有少少燶邊，粒粒都脆口，又唔會過咸，好好味黃金焗蠔七味燒三文魚鰭變左燒鯖魚10）煮物6款鮮茄蝦湯海鮮鍋，鮮茄湯底超清甜同濃厚，蔬菜量超多，好多娃娃菜，鮮茄粒，小棠菜，一隻大冬菇，仲有粉絲同金菇。叫左走蝦真係全走但係加左好多連殼既蜆肉，想食得健康d必叫瑤柱海鮮粥喇沙海鮮鍋日式黑蒜油拉麵雪花肥牛窩牛肉烏冬11）厨師推介6款辣酒煮東風螺真係幾辣，一共有大概十粒東風螺，肉質新鮮好食香辣雞翼尖四川風味炒鴨腎串燒和風牛肉竹笙瑤柱蟹肉翅御品鮑汁燴花膠12）天婦羅5款虎蝦唔算細隻，新鮮炸起，肉質鮮甜爽脆，可以encore試左溫室南瓜，蕃薯同苦瓜。另外仲有蟹棒13）炸物5款最愛榴槤炸彈！外皮薄薄，裏面超多榴槤醬流出黎，超辣嘴，連唔食榴槤既我都encore左3次自家製吉列炸蠔必試，炸皮唔算厚而超脆，入面蠔汁豐富，好食芝士年糕有d似榴槤炸彈，但係有dQ彈，中間係流流地心既芝士，食完唔覺膩水牛芝士中間咬開超拉絲芝麻雞翼14）雪糕每人只可以揀一杯雪糕，全都係大牌子包括Haagen Dazs，Movenpick 同 Dreyer's。每個牌子都有幾款揀。Haagen Dazs今日有Belgian Chocolate， Caramel Biscuit & Cream 同芒果。净係呢杯雪糕出街食都唔少錢。除左Order紙，仲有其他自助野食同飲品自己攞。有Sake任飲。有沙律，日式前菜同壽司卷物，款式比之前晚市少，都理解既，價錢都平左。有炸薯條同麥樂鷄。有韓國泡菜，車厘茄同popcorn。有熱食如青菜，湯水，炆牛腩等等。但係無左我最愛既芝士撻甜品有好多唔同口味既蛋糕仔，慕斯杯，布丁杯等等。款色比之前晚市好似少左d，不過我地都無試lu。水果有蜜瓜同哈密瓜，不過我太遲先攞，已經清左。飲品櫃有好多不同種類既飲料，啤酒汽水果汁茶維他奶都有。維他奶仲有熱既！呢個我最欣賞，旺角分店無架！最愛熱黑芝麻豆奶！總括而言，食物款式衆多，好食既食物好多，夠你大飽口福。雖然無可避免有漏單既情況出現，不過兩小時絕對夠時間食飽飽。座位舒適，兩個人霸佔四人座，足夠私隱度。$183+10%呢個價錢都幾抵食，食完仲有半日慢慢消化。生意勁好，基本上滿座。…查看更多

好耐無食放題，今日揀咗銅鑼灣呢間日式放題，食得好豐富好滿足。刺身夠新鮮，平日必食嘅帶子刺身，超大粒，又肥美...好少放題食到呢種size😍炸物都值得推介，唔太油，炸粉又唔會好厚...正。燒牛舌好味...仲有必食燒菠蘿，啖啖都勁多汁。甜品同飲品夠多選擇，有Haagen-Dazs同Moven Pick雪糕，仲有好多野都好想食😍可惜個胃試唔哂咁多款...店員好有效率，全無漏單。遲d放寬晚市，一定要再嚟食🤗…查看更多

滿屋有三間分店。質素有番甘上下。為食妹👧🏻已經唔係第一次幫襯架啦😆。刺身嗌幾多黎幾多。唔會出到黎款款得二三片😬。必點油甘魚。勁肥美🤤。大愛❤️。燒比目魚～每次食放題必點😛肉質鮮嫩。魚皮仲好香口Tim👍🏻。牛柳粒～為食妹👧🏻係牛魔王。哈哈。一人一碟唔洗爭。羊架唔會太so。味道都唔錯。一人一杯雪糕是常識吧。記得留肚丫🤩。我好鍾意飲綠茶😛解膩必飲😍。出面仲有好多甜品拎。甜品控要留意丫。等刺身黎之前。其實我已經喺美食區拎咗小小熟食同沙律慢慢嘆🤣。飲品款式都幾多。清酒梅酒都有提供👏。…查看更多

放假既中午就會想大吃一頓所以就約左閨蜜黎食放題依家中午可以由1200食到1500，食足三小時！！！係餐廳中央，除左有不同既凍熱飲同甜品櫃外，仲有多款沙律前菜同熟食添點左第一輪既食物之後，我地就出去夾左d熟食同沙律，食住等不過呢度上菜都好快，眨下眼，我地既食物都陸續黎到先黎多款刺身刺身中最愛鮮甜既甜蝦熟食既質素都有正常發揮愛食鰻魚表示好滿足xppp而壽司更係意外地多款式特別推介火炙同軍艦系列，真係非常唔錯最後食埋我超中意既雪糕，開心開心…查看更多

今日1月10日2021 無無聊聊 同朋友又想飲下燒酒 又想食魚生 就去附近 銅鑼灣第二期食，今次是第二次食 ，但又可似 話食咗好多次，因為佢嘅集團係好多，食品差唔多，佢哋分別魚生有好有差，今日剛食是不過不失，又係食服務好，本我想飲凍水，經理說出面有，我已為自己去取.其實出面取 真係待應有權叫客自己去取凍水， 估不到經理取了一柸凍水比我，所以服侍得非常好。最重要食了3個鐘…查看更多