添飯餸 (Closed)

應該未結業架 其實所有兩餸飯都差唔多味架啦 依間的確正常味 價錢又比旁邊的平 而且選擇多 d人態度又好 你諗果陣唔會嫌你煩 我會優先選擇佢不過我最近都只係喺門口望一望就走 因為佢「只收現金」 我明八達通好貴 佢已經「壞機」壞咗好耐 早排明明收apple pay 應該又係想慳手續費 我又唔想找錢袋一大堆硬幣 咁咪索性唔食囉 咁難做 不如唔好做囉 希望大家一樣盡量抵制依種慳手續費就造成大家不便嘅鋪 慳手續費吖嗱 依家冇埋單生意！ 一定有人話我唔幫襯仲有大把人幫襯 我知 最少我做咗自己果步

今日冇帶飯，一於試下呢間兩餸飯， 同事成日都幫襯， 應該唔會差。叫咗番茄炒蛋 ，個汁剛剛好唔會太酸或者太 甜。甜酸豬扒, 即係咕嚕肉味道，只係用咗豬扒. 我見同事上次食蒸水蛋,不過今日可能已經買曬😔總括嚟講味道係ok嘅 ，呢個價錢真係超級超級抵食👍😍兩餸飯$34 番茄炒蛋+ 甜酸豬扒

一星期都有幾日會食呢間野，平時飯同餸既份量都係又多又足料，味道都好好，最鍾意食佢既麻辣豬耳同雞翼尖。但今日唔知咩事，飯得平時既一半（冇叫少飯），餸既份量都同樣減少，唔知係米因為轉左做一位男士裝飯既關係。最後係食唔飽的…唔好話兩餸飯，平時食個晏都好少食唔飽，而食唔飽的兩餸飯感覺有啲兒差。兩餸飯賣點係大件夾抵食，如果食唔飽的話都唔知點解要幫襯，因為番到去打開先知得咁少，有一種被欺騙的感覺個位男士係想趕客定點，下次見到你都唔會食

少飯到咁⋯ 我完全無叫過少飯囉⋯比人食過咁😣😣😣😣其實我地都覺得唔太差 。但好唔穩定，一時多一時少。一時甜一時咸☹️☹️☹️☹️☹️但至少食得飽囉 。可唔可以問清楚人地系要幾多飯先比人呀？

最近銅鑼灣渣甸坊開咗間新嘅雙餸飯叫添飯餸，就一於試吓😂 首先，呢間雙餸飯嘅性價比真係好高！三餸都只係$38，真係無得輸！對於窮人嚟講，真係係一個大大嘅恩物呀！💰 其次，佢提供嘅選擇真係好多，你可以揀到好多唔同嘅菜式。無論你鍾意炒菜、鷄煲定係咕嚕肉，佢都有滿足你嘅需要！🥦🥕🍗 佢嘅味道都好出色！菜唔會太鹹，亦唔會太油，原汁原味。十分開胃！👌🍽️ 仲有一樣要大讚一下，就係份量！佢嘅份量真係好足夠，唔似得其他銅鑼灣嘅雙餸飯唔夠食！😋🍽️ 總括而言，添飯餸嘅雙餸飯真係物超所值，價錢實在，味道出眾，份量足夠。如果你想食得又好又滿足，真係值得考慮添飯餸！👍🍚🥘