BBQ Night (Closed)

同女友去食夜晚,叫兩串豬肉包露筍, 雞軟骨, 牛柳粒各一,一個焗雜菌,再加一個照燒雞柳烏冬 + 吉列豬扒三色撈。首先係焗雜菌無哂, 算。然後係照燒雞扒烏冬, 唔見皮唔見燒汁, size 同片竹輪差唔多...跟住係四串串燒除咗雞軟骨合格,牛柳太韌 + 露筍係凍嘅...最後係我地食哂所有嘢,個吉列豬扒都未出現,要問佢先話整緊。全單181, 平時出街食除咗 +1,都會比兩三蚊貼士,尤其是情人節夜晚,但啲嘢食質素同服務去咁...都費事比貼士,另外, 永不錄用。p.s. 你黃我黃都係咁話...…Read More

尋日同三個朋友一齊去左深燒食晚餐，比較早到，未夠七點，就唔洗等位。不過之後食食下都開始多人，晏去就可能要等下位。我哋尋晚嗌左燒茄子，雜菌，明太子醬薯條，雞翼，羊架，千層肉，木魚玉子燒，大啡菇，雞軟骨等等，仲有好多好多！都有好幾種蔬菜可以嗌，唔會全部都係肉咁膩。燒茄子係原條上，上面鋪滿蒜容，好惹味，好正！雜菌都好入味，大啡菇上面鋪左粟米同芝士，食落好滿足！木魚玉子燒都好好食，成枱人都話要encore! 每樣都即叫即燒，要等下，不過都出得好快！價錢都好平！好適合幾個朋友落去聚餐，可以叫多啲野試下，整體而言係樣樣都好食！發掘到好野食好開心，會keep 住去食!!!…Read More

呢一間深燒係屋企樓下開咗有一段時間但係從來都未幫襯過，其他連鎖嘅餐廳已經食到好厭，今晚就決定試一試！竟然係出奇地好味！叫咗個豬軟骨拉麵，本來都係抱住一般嘅期望去試吓嘅啫。點知湯底有濃厚、豬軟骨仲要入口即溶、就連配菜嘅粟米都好鮮甜，從來未食過一間嘅豬軟骨嗰啲骨係林都可以入口即溶嘅，啲肉又唔會鞋颯颯，真係覺得好好味！配埋汽水或者茶都係$48同隔離同樓上嘅連鎖餐廳價錢差不多，但係以小店來講算係好好食！下次要試埋佢嘅烏冬聽講係讚岐烏冬同其他串燒！…Read More

人大咗，工作有時需要去到天南地北，放工後難免經常趕唔切一啲聚會。而今日咁橋趕唔上家族晚餐，無奈地必須自行解決，所以一個人食飯，我通常都會以夠平呢個條件去決定食乜好。呢一間位於朗屏邨嘅小食店，我呢種咁岩無飯食嘅孤獨精最適合不過喇。唔好以為所有串燒店下下都要幾百蚊埋單，其實要平食，呢到40蚊都可以有找兼飽飽添咖！小店長期都有套餐供應，通常都係兩款小食加一碗拉麵送汽水，大概40至60蚊；又話40蚊有找？咁就要有策略咁去食喇！餐牌內分別有$18大/$12細拉麵選擇，我兩個尺寸都食過，大嘅份量係細嘅Double，小胃女生可以柯打碗細再加兩串小食，夠哂飽；然而怕唔夠就叫大碗就實無死。如是者，我呢啲頹爆少女當然隨意柯打少少就食完個晚餐，於是就一碗細拉麵、芝士腸、一口蕃薯再加多罐可樂解解渴，就係咁簡單，夠平夠飽！不過都題外話講番，個人覺得大細碗拉麵嘅份量好似有啲唔穩定，感覺上次細碗嘅麵比較多，唔夠飽真係唯有叫多串串燒。至於曾經喜歡柯打嘅蒜蓉茄子，最近比較遜色，初期開店時茄子用嘅蒜蓉量係相當豪邁，蒜蓉同牛油平均分佈係整條茄子，十分入味！可惜最近調味料一次比一次少，取而代之係增加咗好多味粉，但味道始終不及從前，希望小店會有所改善啦。…Read More

昨日和3位朋友去咗朗屏村商場【深燒】食野傾偈，個度環境舒服，服務周到，交通又方便，地下就係巴士總站和的士站。等我同大家分享下，個度嘅食物款式多，味道吾錯，在食物中揾到驚喜。我地傾下傾下點咗好多野食，有明太子餃子雞翼，特色蒜茸燒茄子，秘製燒豬頸肉，芝士燒蠔，串燒蟹子沙律，燒秋葵，玉子燒，汁燒煙鴨胸，燒露筍，翠玉瓜，日式拉麵，岩鹽牛仔骨，蒲燒鰻魚……值得推介嘅係明太子餃子雞翼，將雞翼去骨把明太子餃子讓入去雞翼中味道超正，老闆娘推介串燒蟹子沙律，味道清新，爽而不膩，正! 仲有燒茄子，芝士燒蠔，秘製燒豬頸肉，都好好味。吾覺吾覺點咗超多野食，埋單都係$500，好味，抵食!一定要推介俾其他親朋好友去食。…Read More

走入元朗搵食，近近地就喺朗屏商場內覓食，見商場第一間係串燒舖，口水即流，諗都唔諗走入去試下先雖然小店只得20個座位，不過啲食物滿有驚喜。 車厘茄釀入話梅肉，串燒蟹籽沙律，串燒糯米雞，味道特別新穎。仲有雞泡魚乾，明太子雞翼，魚腐，茄子，無一不歡喜，味香濃又多醬，啱哂重有味既我，海鮮方面又叫咗芝士焗蠔，隻隻肥美飽滿，愛不釋手。略嫌飲品選擇較小，剛好有隔離涼茶舖補救，熱氣後清一清，大滿足。下次會再幫襯試下其他野食…Read More

夜媽媽又有少少肚餓，樓下得間M記，唔知食咩好，醒起樓下開左間串燒，就約左個FD落去食宵夜吹水喇。叫左蟶子、煙肉車厘茄、燒雞泡魚乾、秘制燒豬頸肉、串燒蟹籽沙律、 .... 傾下傾下都唔知叫左幾多野食。串燒蟹籽沙律配搭得幾好，味道不錯。要特別推介秘制燒豬頸肉，口感一流，因自家醃制，味道獨一無二忍不住encore左串叫左蟶子同咁多野食，埋單每人都係$90左右，對比出面都算抵食! 個環境幾舒服，好適合幾個朋友聚埋一齊吹下水，聊天好地方。…Read More

環境不錯，坐得很舒服。食物很不錯，價錢也不貴。燒烤食物類別很多花樣。特别難忘的食物有燒雞泡魚乾，煙肉車厘茄，特色蒜茸燒茄子，串燒蟹籽沙律，燒蠔，燒千層肉。鄰近涼茶鋪，飮杯廿四味菊花茶，不用擔心熱氣問題。…Read More

麵餐好低食，朗屏少有特色色店，款多，最重要價錢平，金蒜𧐢超美味，串燒蟹子沙律非常出色，原條茄子難得美味，牛舌同牛粒好有牛味，比起連鎖店，多了一份人情味，會再去的。…Read More

朋友約食燒烤，心諗會唔會好熱氣?點知一啲都唔熱氣，其中有四款蔬菜，真係好驚喜。首先係燒茄子，以為係切開一碌碌燒，原來係中間劏開加調味料來燒，一絲絲茄肉咁夾起食，我以為自己食緊魚好特別。燒車里茄冇草腥味，又多汁。燒大啡菇(有芝士，茄膏，蒜蓉...)又係好juicy，好香。最特別係燒蟹籽沙律，心諗蟹籽沙律點燒呀?! 原來係靑瓜包住黎燒，燒出黎味道好夾好清新!我地仲點左半打蠔，都鮮味。仲有雞泡魚乾,薯條同雞翼差啲講漏個烏冬超扺食，湯底又正，一定要點!食下傾下就飽了，仲有好多款未試…Read More

位置在朗屏商場顯眼位置。環境不錯，坐得很舒服。晚餐時段去，感覺沒有平時餐廳那麼逼。食物很不錯，價錢也不貴。燒烤食物類別很多花樣，有牛肉，豬肉，雞肉，魚肉，海鮮，菜類等。特别難忘的食物有燒雞泡魚乾，煙肉車厘茄，特色蒜茸燒茄子，串燒蟹籽沙律，燒蠔，燒千層肉。烏冬拉麵也很好吃。麺類其實可以有更多花樣，例燒叉燒拉麵，燒牛肉拉麵等，會吸引更多喜歡串燒以外的麵客。鄰近涼茶鋪，飮杯廿四味菊花茶，不用擔心熱氣問題。…Read More