深井陳記燒鵝海鮮酒家

Open Now

Now Closed

去到深井，一定要去陳記食燒鵝，簡直係信心保證，食咁多次燒鵝都冇話失準，每次都食到捧住個肚走人。呢度燒鵝，肥瘦適中，皮脆肉滑，通常仲會有小小微溫，真係冇得頂👍🏻連骨都有陣陣煙薰香味，冇得輸。記得要order埋酥炸生蠔，外皮炸漿唔會太厚，炸得好香脆，內面隻生蠔又大隻，蠔味又重，正👍🏻但係今次碟干炒牛河就有小小失準，唔夠味，而且牛肉有d韌。

深井燒鵝由細聽到大，但咁大個女都未食過，心思思想試下，掟起心肝帶埋屋企人一齊食。馳名深井陳記燒鵝（半隻）$290上枱速度非常快，賣相相當吸引，油亮又脹卜卜既表面，加上粉嫩既鵝肉，而且燒鵝汁佈滿成碟，上枱時香味撲鼻，同燒味舖見到既燒鵝差天共地，口水簡直流不停~食燒鵝點都要連皮食，每口鵝油流出來，極度邪惡，肉質鮮嫩又多汁入口微溫，而且皮脆肉滑，食完竟然唔油膩！再配埋燒鵝專用酸梅醬，微酸帶甜既酸梅醬令到燒鵝更惹味！食燒鵝點可以唔配燒鵝既絕配-瀨粉？瀨粉彈牙爽口，湯本身有調味，配上香滑燒鵝同燒鵝汁，簡直一流！無得彈！一碗瀨粉既份量唔多，配燒鵝剛剛好！啫啫通菜煲$72大粒蝦米配上醬汁一齊炒過，非常香口，通菜爽口唔太淋，上枱時熱辣辣非常惹味！脆皮炸大腸$72份量不少，外層炸得金黃，底下仲擺左菠蘿，另外仲配備左一個醬汁炸大腸肉非常厚，但外皮略為唔夠脆，配上醬汁又有另一口味，中規中矩既小食蒜蓉粉絲蒸扇貝$30/1隻粉絲份量非常多，而且粉絲上仲佈滿大量炸香既蒜蓉，一上枱蒜蓉既香味撲鼻，非常吸引！扇貝唔算大隻，肉質新鮮彈牙，撈勻左蒜蓉同豉油既粉絲係成隻扇貝既精華所在，香味同調味都剛剛好，食到碟上既蒜蓉粒同

今日老媽子話想食燒鵝， 即刻就車咗佢去深井試下啦呢間陳記有代客泊車店舖有分戶內同戶外， 戶外地方比較大🌌 馳名深井陳記燒鵝 半隻 $290🌌大家都知道燒鵝嘅味道係好過燒鴨好多㗎啦， 事實上係因為燒鵝嘅肉質肥厚而又比較嫩，所以相比之下，燒鵝係較為優勝😁燒鵝外皮非常光滑又有有色澤脆脆地， 肉質細嫩， 有少少油香😛👍🏻👍🏻🎇 蒜蓉粉絲蒸扇貝 $30/1隻🎇蒜蓉非常香，加上粉絲的醬汁及扇貝鮮甜味， 令粉絲有少許喧賓奪主嘅感覺😁🌠 韮王瑤柱羹 $118🌠瑤柱羹有大量嘅肉絲，味道發揮正常🎆 啫啫通菜煲 $72🎆啫啫通菜煲有蝦醬嘅香味，啫得非常惹味🌌 脆皮炸大腸 $72🌌脆皮炸大腸嘅份量都幾多，大腸外脆內彈，不錯總括而言呢個深井燒鵝都係非常值得一試， 因為普遍食開嘅都係燒鴨肉質比較實同埋粗糙， 而燒鵝嘅肉質明顯不同，唔錯👍🏻

為咗要唱一堆神沙又免手續費，我決定搵咗神沙車幫忙， 睇咗時間表今日佢泊喺深井，七點前入到去都仲可以找換， 就係咁樣我就入咗深井， 去得呢度一定就係食燒鵝。印像中我都成年冇入過嚟， 但一講起好食嘅燒鵝一定係諗起呢度， 事關我個老友之前係住喺深井村， 我每個星期探契仔，都會入嚟呢度食飯， 但隨住契仔要就返學 ，搬返出九龍，我就入少咗黎。一向怕肥嘅我，通常好少食皮， 但食呢度嘅燒鵝真係不吃不快， 仲唔覺得自己食緊一層脂肪， 因為食落去係皮脆肉滑， 你唔會覺得好油膩， 最正係嗰啲燒鵝汁熱辣辣， 出面真係好少有咁樣嘅上菜方式， 啲燒鵝肉真係滑到痺， 而且食得出香料嘅味道， 所以咁遠路入嚟食係值得嘅， 因為佢真係燒鵝中嘅鵝王。食咁多肉，真係要叫返個啫啫通菜煲黎中和下， 呢個煲仔菜相當惹味， 超多蒜頭同辣椒， 未上檯已經香噴噴， 送飯一流。既然都已經豁出去， 唔爭在叫埋豉油皇鵝腸， 呢度啲鵝腸都好高質素， 新鮮同埋好長下， 而且相當有鑊氣， 真係要試過先識得形容。再試埋黃金中蝦， 蝦再加上蛋黃去炒， 連蝦殼蝦肉都食得出蛋黃味，讚！無論幾時入嚟呢度食飯，都覺得價錢合理 及相當高水準， 希望呢間傳統老店

說到香港的燒鵝，事必要數到深井的份兒了。小時候的星期六，到深井吃燒鵝然後再到元朗遊玩是一個很好的節目呢！今天晚上，難得友人駕車，當然就選了無車很難去到的深井吃燒鵝去。半隻燒鵝，$290我們選了戶外有坐位的陳記燒鵝分店，風味十足。先上的半隻燒鵝。皮很薄，沒有太多肥膏，鵝肉夠甘香，肉質結實。而且師傳刀功好，鵝件乾淨利落，不會像其他店的師傳切得角邊都連在一起，想夾一件時，就夾了一串，十分尷尬。 酥炸生蠔，$138生蠔口感粉粉的，充滿蠔味又大隻，而且份量不少。炸漿夠脆口，一咬下去便「卡查」一聲。豉椒炒蜆，時價侍應誠意推介，來到原來是大大隻的蜆，每隻蜆有半隻手指般長，怪不得待應推介。炒蜆最重要是鑊氣，大火炒的蜆肉吸收了滿滿醬汁，味道鹹鮮，很配合坐路邊的大排檔風味。薑蔥豆豉雞煲，$88最後點的，發現又是濃味菜，看來我們這班朋友口味都很一致。雞肉滑得來沒有那陣粉味。豆豉份量不少，把雞件爆得色香味俱全。飲飽食醉，而且貌似經理那個人很有禮貌，吃得開心。

爸爸生日，我們一家專程到深井中吃傳說中的燒鵝。 一坐下店員就馬上給了小菜 又推薦我吃的 服務不錯陳記燒鵝 半隻 份量大得嚇人，4個人也吃不完。上台時還熱熱的，皮脆肉滑。配上甜甜少少酸的酸梅醬讓人減少油膩感。自家養的鵝特別有鵝香味，吃下去能感受到牠的新鮮。椒鹽鮮魷炸物乾身沒有多餘油分，口感爽口彈牙。的確是新鮮的魷魚，值得一吃啫啫通菜煲肉碎蝦乾都藏在下面 十分驚喜 非常足料通菜配搭蝦醬十分好吃 喜歡蝦醬的朋友千萬不要錯過鑊氣又足 實在是必點的菜啊👏🏻👏🏻菠蘿咕嚕肉即點即做 上碟時咕嚕肉還是熱辣辣脆卜卜的。味道稍嫌不夠酸 以甜味為主 不喜歡酸的朋友可以試試整體而言 喜歡中菜的家庭一定要來深井試試❤️

香港人表示 講起深井一定係燒鵝因住屯門 常常想食就坐車入深井平常習慣 一家人去吃某一間燒鵝今次特登試下另一間 有點名氣嘅-🦃馳名燒鵝 半隻$290比食開嗰間平 半隻份量都好足夠賣相吸引油油亮亮 馬上引起食欲入口微溫 肉質嫩稍嫌外皮不夠脆鵝肥而酸梅醬偏甜 也能解一點膩-🦃豉椒鵝腸 $108每次去食燒鵝店 必叫一定是鵝腸貪佢鵝貨源足 鵝腸會肥美同新鮮這次也沒有失望 豉椒炒落好惹味鵝腸也不少 美中不足是油有點多-🐟蜜汁鱔甫 $128名字引起了我的興趣 因我愛吃鱔鰻魚白鱔都喜歡 蜜汁反而未食過原來是炸鱔 外脆內嫩的口感不錯味道甜 個人比較喜歡吃海鮮原味反而妹妹喜歡香口 對這碟頗欣賞-🐟秘製檸檬蒸烏頭 半隻$78又是出於好奇 秘製做法到底咩味見竟可以蒸半條而且不貴 就試試半條唔細賣相吸引 食落有點驚喜酸酸甜甜帶一點點辣 即時好開胃連媽媽也不太食出醬汁材料 神奇-整體味道唔錯價錢正常 可以一試

兩口子想食得豐富少少 第一時間想到深井的燒鵝 - 陳記燒鵝海鮮酒家第一時間就點個例牌燒鵝$170😃先點一個例牌燒鵝$170雖然例牌但份量係可以食到2人都飽肚皮脆肉厚，有少少薄脂肪層，不但有口感而且油香多汁！食過最好味既燒鵝！配上瀨粉食！個瀨粉湯又唔會無味，夾埋燒鵝食係超正！海哲$78因為我倆都唔食燻蹄所以叫全海哲好爽口，加上沾滿海哲既汁，酸酸地，好開胃竹笙扒雙蔬$78老婆最愛食竹笙草菇同西蘭花，呢個小菜一次過滿足到佢所有願望汁清而不淡，仲好大碟tim！黑椒牛頸脊粒煲$108熱辣辣滾住上枱，好香黑椒味！好惹味，肉質鮮嫩，又多，食到停不下來！

去完長途旅行返黎， 特別掛住香港色香味俱全的燒鵝， 所以去咗深井食下燒鵝餐。陳記燒鵝都可算係老字號了👍必點例牌燒鵝燒鵝肉質厚嫩， 薄薄嘅外皮表脆， 配上燒鵝酸甜醬，正!! 啫啫通菜煲一上菜就聽到啫啫聲， 新鮮熱辣，香味四捨通菜煲配白飯👍薑蔥生蠔煲爆香咗的蒜頭薑蔥興生蠔真是絕配😍主角生蠔肥美好吃之餘，還有香口蒜片😍配飯一流之選again😂👍大大隻肥美滑嫩的生蠔蠔煲分量十分足，我們一行三人都十分滿足😋十分滿足的一餐 ，食物味道有水準店員感覺都好友善， 侍應替我們下單時還打趣我們吃那麽多~🤣

好多人都覺得深井好遠，但家住美孚嘅我，其實入深井非常方便，只需搭一個站巴士就到，所以間唔中都會入來食下燒鵝😋😋😋我大多會幫襯尼間地下嘅陳記，鍾意佢環境似大排擋😍😍😍戶外地方好闊落呢！室內有卡位同大枱😊😊😊食物方面當然主打燒鵝啦！仲有其他燒味同多款小菜，海鮮等等....餐牌已簡單分類，非常清晰👍🏻👍🏻👍🏻燒鵝，我地兩個人叫左個例牌已經好夠食，我地要求鵝要比較瘦，真係好瘦無肥膏，仲好多肉添，正😍😍😍鵝皮又薄又脆，鵝肉夠嫩滑，啖啖肉👍🏻👍🏻👍🏻熱辣辣好新鮮👍🏻👍🏻👍🏻西蘭花🥦花姿片，好大碟，夠鑊氣，花姿片新鮮甜美，口感爽脆，調味剛好，不錯吃的😋😋😋花姿片分量好多，大大塊有口感👍🏻👍🏻👍🏻中式牛柳，大大碟，香噴噴，酸酸甜甜好醒胃👍🏻大大件牛柳，口感嫩滑有肉味，好味道😋😋😋

在深井陳記燒鵝飯店晚餐環境不錯，剛巧下了一埸大雨，氣溫涼快，選擇在室外用膳。店舖標著燒鵝為招牌菜，仍有很多其他小菜可選擇的。招牌菜燒鵝，一個例牌，足夠三人慢慢吃，再來杯啤酒消下暑。燒鵝味香濃，啖啖都是肉加上啤酒，是一流配搭。蜜汁鱔甫豉汁蒸鱔吃得較多，蜜汁味鱔甫，又幾特別。甜甜蜜汁包著炸得香脆的鳝甫，鱔魚另類吃法。晚餐，大魚大肉，定要有菜才能平衡一下健康飲食。啫啫通菜煲，上枱時仍有熱滋滋的聲音，陣陣香味撲鼻，翠綠的通菜 ，大大隻的蝦乾，未吃已經在享受它的色和香。吃飽了，喝杯茶，一大享受啊。

呢個地方平日晚唔多人，涼涼地，幾舒服。呢度有幾間，縱然有間泰國餐廳，當然想食燒鵝，唔係咩！兩個人食嘅選擇唔多，因為要平衡下先食得開心，所以唔可能亂叫一通。以下係我地叫嘅餸。呢個分量足而且味道夠哂，牛肉都算嫩滑。想食下海鮮又想有酒味惦下嘴仔，就叫左呢個。重酒味而入味，係花左功落炒度，只係蜆無洗得好，有沙。燒鵝不得了，不過可能我太少食，但係我朋友都話唔錯。咁應該幾有質素。夠哂份量，肥仔。一提，拍車唔易，不過見好多都拍後面斜坡位。

第一次堂食深井燒鵝！！🤣記得幾年前食過外賣一次。馳名深井陳記燒鵝(半隻)$290好大碟！！係四人份量，我哋發覺總之叫例牌啦，細碟啲😂食到好飽🙈燒鵝好多肉！肥嘟嘟咁🤣肉質夠嫩，冇咩油膩感👌🏻兩個醬都好好味！🤤.薑蔥生蠔煲 $138好多蔥呀🤤好香口，生蠔肥美！不過可以再惹味啲🤣芥末沙拉骨 $68抵食！排骨大大舊，芥末幾好味，不過有啲難咬開🤣啫啫通菜煲 $72勁多菜！！😂食極都仲有！呢個都算平！下次會再同屋企人嚟食。

今日去深井探朋友 去得深井當然要試下馳名既燒鵝 深井陳記已經開到港九新界都有一間 但要食當然要食最正宗既陳記啦 唔講唔知深井入面原來都有兩間陳記 朋友話依間帶我食個間係陳記老店 最先有依間 宜家改做琦哥號 另一間係總鋪 我就唔太識分啦 總之跟實朋友去食🤪依間老字號分開兩邊 一邊係室內 一邊係戶外 戶外其實幾有氣氛 但因為天氣太熱啦 加上有毛毛雨 我地就坐室內室內地方不太大 沒有浮誇既裝潢 樸實既一磚一瓦 用上舊式吊扇 更顯老店既舊味道 坐低無耐 店員奉上小菜 係蕎頭同准鹽花生 蕎頭係上一代人到酒樓必會吃到的頭盤 宜家甚少地方食到 略酸又帶甜甜的 好開胃 嘴饞既朋友就好鐘意食花生🥜食得陳記當然要帶佢地呢度既招牌 燒鵝🥰 我地得兩個人所以就嗌咗例牌 咪以為例牌細細份 其實都好大碟 侍應仲特登俾咗份有埋燒鵝髀既比我地❤ 燒鵝外皮夠哂脆卜卜 油香係上面呈現超有光澤 一咬落去 除咗有好濃既鵝肉味之外 仲有滑嫩既口感 部份既肉油脂較多 食完之後成口都係鵝油香🤣 每一件既燒鵝肉配上酸梅醬 我覺得簡直係精華所在☺識得食既我地嗌埋小菜當然要嗌個湯 咁先係最完美既一餐 點左一個粟米海皇羹🌽 味道就正常 唔

25/5/2019 星期六，好好彩，天氣唔似預告話落雨，我哋可以去深井食燒鵝！好耐無嚟深井喇，快快坐低，叫隻燒鵝先。好快，香噴噴的燒鵝上枱，大家急不及待，起筷，燒鵝皮脆，又夠肉汁，大快朵頤！不得不提 豉油皇炒麵，夠鑊氣，下次都要encore!原本好想飲樽裝可樂，以為佢哋一定有啦，點知只有罐裝汽水，真的有點失望！希望老闆考慮一下，入D樽裝汽水，咁就正晒喇。