海連茶樓

奔走燒鵝系列第三部！！終於去左港九新界 食左3間燒鵝啦！！入到去有舊式屋村酒樓架感覺同裝潢！！好正燒鵝 例版下裝 皮唔夠脆 有肉味 唔太淋 鵝汁 有鵝香味 同帶點點甜味 中和反鵝汁架咸 ！！薑沖豬雜煲 黎到個煲冇 炸炸聲 冇d失望。。。d內臟清洗都干凈 冇異味！！good 豬肚唔夠淋 肉片ok 唔太淋 有肉味 豬潤發得唔夠漲身 可惜 琵琶豆腐 手作野 豆腐加魚肉 炸完再埋反個汁上面 出到黎仲有d脆口 冇淋晒 可以叫e個 80蚊！豉油王虾球 有豉油香 香脆 唔咸 值得叫！！！100蚊短期內唔會再食燒鵝lu!!…Read More

幾年前巳光顧，早午茶食點心阿仔最like抵食夾大件我就可以接受或麻麻啦（腸粉皮好似棉皮咁厚但阿仔覺得夠大份），午飯碟頭飯正又大碟抵食，晚餐食過幾次，今次係同埋女婿親家一齊食咪帶佢地黎見識下舊環境風味（佢d價錢牌都係我細過去街市丶搭小巴⋯用手寫的舊式價錢牌，好多人唔識又可教下d後生仔女）叫左燒鵝超丶涼瓜炒牛肉丶豉椒鮮尤丶咕嚕肉肉吾得菠蘿就好好食丶炒菜苗⋯尼度地方也可以食物也偶有驚喜，對比酒樓要加一＆連鎖式歺廳,是多一個選擇的地方。…Read More

慶祝冬至，今年想懶一懶，於是便假手他人，出外用膳。雖然餐單沒有，但我們預訂了半只炸雞。皮炸得香脆，不過略咸。最好吃的要數雞絲翅，$55有一盅，熱騰騰香味濃郁。海班菜芯的菜芯香甜，海班則是新鮮剛劏的。椒鹽鮮魷非常惹味，師傅炸得又脆又香口。看到別的顧客都在打邊爐，下次再來時必定要試一試。值得一提的是茶樓果然是茶樓：它的鐵觀音非常香濃好喝，絕非一般食肆有色無味的茗茶可比。假如大家是愛喝茶之人，不妨到此喝個早茶甚麼的😋😋…Read More

同屋企人飲茶，就揀間懷舊啲既細間茶樓，無點心紙、佛系式出點心、無限搭枱，只要張枱夠坐就得啦！珍珠雞一啲都唔珍珠，好大隻魚翅餃、糯米包，懷舊點心不定時放送味道都真係好幾好，食到小時候的味道和情懷，值得一食…Read More

對唔住 我要寫呢度第一篇負評 在荃灣工作超過20年 海連耐唔耐都幫襯下 但次數由以前1個月3-4次 減到而家唔會再幫襯 原因有幾個 1 老闆好似硬性規定一定要開茶 $6一位 有一次話唔使開茶就比左壺水 埋單照收$6 2 出品真係麻麻地 簡直可以用差來形容 永遠碟頭飯個”顯”打到成Pat野咁 3 每碟飯的份量越來越宿水 試過叫涼瓜牛肉飯 成碟得5片牛肉 重要唔大片 星洲炒米好似食齋米 旦 叉燒 其他配料份量極少 4 味道認真麻麻 次次食完都口渴到爆炸 5 價錢係太興級數 但無裝修乜都無 重要係屋村夠膽收呢個價 最近一次食碟星米 一食D米粉硬到好似鐵線 叫左老闆攪 出返黎變左碟星洲炆米 我諗佢係加水煮淋D米粉再打個”顯” 食落硬係覺得有D唔妥 唔知係咪加左料 食完成個晏奏都唔舒服 諗返轉頭唔知點解會食？ 但唔知點解佢地好好生意 好多熟客 而我就永久BLACKLIST…Read More

Boxing Day 既早上 我地訓到十一二點先自然醒 男朋友話好想食鵪鶉蛋燒賣 係openrice揾揾之後就揀左呢間街坊茶樓:)踏入茶樓個時已經係1點幾 當時食客唔多 自己入去隨便坐低就可以了 無人會帶位 但d阿姐係熱情又好客的 我地問有咩點心可以揀 點知侍應話點心阿姐已經放左工 我地可以行去門口個蒸籠自己睇下 點知岀到去乜都無淨了 好失望啊賣淨既春卷 好似放左好耐咁 係無得揀既情況下唯有試下啦 食落口 雖然係凍左 但係咬落係好豐富既口感 啖啖蝦肉 用料1 d都唔馬虎 而且仲好脆之後有個阿姐行過黎問我地食唔食番個排骨盅飯 睇到d排骨咁靚我即刻要左個 食落真係無乜肥膏 又易甩骨 個飯又蒸到岩岩好 唔會太林 又唔會太硬我地仲叫多左個乾炒牛河填飽個肚 河粉係比較幼身個種 都ok 但係太過油膩下次真係要早d黎食點心啊 阿姐話十點幾都仲會有好多點心揀 期待…Read More

福來村呢間老牌街坊茶樓, 都開左幾十年啦, 係一間比較傅傳統的屋村酒家仔, 有自家製的點心, 所以日頭都有唔少街坊客捧場!平日的晚市明顯地好少人幫襯, 只係得兩三幾枱客人,  其實除左冇咩海鮮外, 其他的食物的種類都幾多, 望下餐牌都睇到眼花撩亂, 而價錢方面唔算街坊價, 而係大酒樓或接近九龍區部份有些少名氣的中菜館的價格, 可能呢個已經係令到人客減少的原因之一, 始終只係街坊小店!! 話雖如此, 但佢地d小菜其實水準唔錯可能人客唔多的關係, 上菜速度算快,  首先我地點左半隻燒鵝,  一般預訂左會比較穩陣,  奉上時暖暖的, d皮微脆而且唔肥, 正! 有淡淡鵝肉香味, 雖然賣$250半隻, 一隻則$500, 但真係幾有水準的!!另外點左兩個香口炸物, 分別係椒鹽鮮尤同蒜香骨, 因為兩碟都係即叫即炸, 所以香脆可口, 鮮尤唔算大舊, 而蒜香骨d排骨又唔算太肥, 整體來講算幾好!!蔬菜方面點了蒜蓉炒豆苗, 份量唔多, 但唔算太油膩,算幾好了!! 因為坊間真係有d炒得非常油!仲有點左一碟菠蘿生炒骨俾小朋友食, 排骨都有唔少肉, 唔會浄係得d骨, 但用新鮮菠蘿, 汁亦酸甜適中, 仲點左碟貴d的菜遠炒班片, 呢碟就油dd, 但用因為用新鮮的海班片, 有大概6-8片, 大大片又夠厚肉, 走油後生熟程度亦剛好, 新鮮得來D魚皮又彈牙, 可惜每人只分配得一片, 有d唔夠喉仲叫左幾個白飯, 埋單八百幾蚊!! 整體來講小菜係有水準, 尤其係燒鵝, 不過可能近年上傳媒比較多左, 所以價錢就已經開始唔係屋村價, 但服務又唔錯, 晚飯又唔駛加一, 應該都會間唔中幫襯佢地!! …Read More

相約中學同學食飯, 星級大廚朋友推介了這家酒家。室內都算有足夠空間, 由於我哋18:45就到, 所以人未算多。一睇個裝修格局就知唔係來食氣氛啦, 想知食物質素如何? 繼續睇啦！先來個 豉椒炒蜆, 蜆唔算大隻, 但勝在飽滿, 肉嫩滑, 而且都炒得勻循, 隻隻都有芡汁。味道偏咸少少, 唔算好辣, 有椒香氣。涼瓜炒豬雜, 呢個有少少失色, 涼瓜仲有草青味, 再煮耐少少會好啲。豬雜呢 由於我唔太好, 淨係食豬肚, 所以不詳細介紹。不過豬肚幾好味, 口感輕嫩唔韌, 又夠味。燒鵝半隻, 燒鵝唔似X記的嗰啲, 呢道嘅燒鵝的皮比較薄, 不會是酥脆的那種。但鵝肉的味道就好好, 肉質實淨但唔韌。脂肪唔算多, 以燒鵝來講, 佢係健康嘅燒鵝,所以食多幾舊都唔怕。炸大腸, 你見得一張相就知咩事。如果我同你講話好好食就一定你坤你。但又唔係話好難食, 係炸得比較乾身啫, 個人喜好啦。鍾唔鍾意自己試下先知嘅。好似女人咁, 樣靚唔一定正, 相貌平平都可以好有驚喜。完p.s.其實仲有食到其他小菜, 不過唔想電話打字, 就講住咁多算。溫馨提示, 如果想食燒鵝的話, 最好早一日電話預訂。…Read More

已經唔知幾耐無食過師傅新鮮手製既點心了。而家既茶樓為左節省成本，通貨都直接買點心番黎，傳統手作點心真係買少見少。今日黎到屋邨既舊式茶樓食番真正點心，非常回味～一個個排列整齊既啡色茶壺，好古色古香~呢度仲係採用點心車咖！好懷念呀～想食邊籠可以自己揀～手快有，手慢就無咖啦～哈哈我當日去到已經下午1點了，鵪鶉蛋燒賣同蘿蔔糕等已售罄 >_< 所以越早黎點心款式越齊呢~ 要注意茶樓經典－蝦餃 $25餃皮滑嘟嘟，褶口清晰，晶瑩剔透。一看便知道是老江湖 XD餡係打成蝦膠，非原隻鮮蝦，但我更愛呢種製法。爽口彈牙，蝦肉夠鮮！燒賣 $19燒賣好少肥豬肉，呢樣係我最愛既地方。點心車上所有點心都熱辣辣，好味到停唔到口～香茜餃 $19香茜餃主要材料都係莞茜，豬肉同蝦。同樣都係用料新鮮，餡料足，隻餃脹卜卜。唯一小問題係個餃皮較薄，好易爛。點心車每次推出既食物都唔同，好有驚喜，點心姐姐一黎到我就會好興奮去望呢一輪既點心車全部都係飽野～ 我叫左銀針粉試試銀針粉 $20銀針粉比較普通，有叉燒、蝦米、冬菇等，清清地，配埋豆瓣醬食。豆瓣醬唔會過咸，微辣，有剁椒既香味。神級排骨飯 $26呢個飯好！好！食！呀！原盅蒸飯將排骨既精華同肉汁滲曬入每粒飯中，粒粒分明，軟熟，火侯啱啱好。食落真係好有飯香飯粒粒分明，軟熟，又有肉汁茶芥 $6普洱醇厚，飲落唔乾涸，無柴味～ $6/位茶錢算係超值呢～呢度好似食壽司店咁，係食完後跟大籠小籠數量黎收錢的～簡單直接前往方法由好多食店呢條食街開始，沿住海壩街直行入去，一路唔洗轉彎行多段路會見到小巴站，跟住上蓋一直向前行大約5分鐘後，右手邊就係海連啦好想快啲再番去飲啖茶~食個包~…Read More

OPENRICE好似有點問題, 寫好了儲存左但轉頭唔見左篇文, 呢篇寫第三次, 唉!朋友推介呢間海連茶樓, 我成日經過都無留意到, 係一間舊式中菜店, 早巿食點心, 午巿食飯, 望入去感覺幾麻甩, 一個女仔唔太敢走入去, 今日同埋兩個朋友去試下。午巿有飯盒賣, 款式唔係好特別, 價錢唔貴, 同普通茶餐廳差唔多, 但相信質素會比較好。餐牌都在牆上, 我地睇唔明個價錢, 因為唔係用平時既數字, 以前讀書教過點睇, 但已唔記得晒, 大約知道價位後, 就照選食物了。今日例湯係粉葛赤小豆豬骨湯, 十零蚊好抵飲，煲到非常濃, 係老火湯, 連埋渣上, 好真材實料, 湯好甜, 無味精, 亦無需味精已夠好味, 豬骨好淋可以食埋。鴛鴦飯做成太極標誌, 好有心機, 份量好多, 2-3人食都夠, 兩款汁料做得好好, 特別白色部分, 蛋白花超靚, 好有水準, 茄汁係用蕃茄整成, 甜甜酸酸好開胃, 兩邊都咁好食, 汁料豐富, 蝦同雞肉都夠多, 底下炒飯有好多蛋絲, 由頭食到尾都撈到汁到有餸食到, 好正。老店人情味十足, 職員同客人閒話家常, 對我地呢D大鄉里出城的生客也都好NICE, 介紹野食比我地, 呢次感覺好好, 下次會再黎食其他!…Read More

呢日去咗開業幾十年嘅海連茶樓飲早茶。牆上菜牌嘅價錢都係用幾近絕跡嘅花碼字表示，仲有提供唔少懷舊點心。由於係舊式茶樓，少不免要同其他人搭檯，茶客以街坊同晌附近做嘢嘅人為主，當日見有唔少人晌度互相寒暄，別有一番風味。我哋坐低咗就開咗壺普洱，都幾香濃。早上茶市仍保留手推車叫賣點心嘅傳統，雖然唔係細個嗰陣有保暖設備嗰種，不過都算係佢哋嘅一大特色。從姐姐手上接過一籠熱辣辣嘅燒賣，佢哋嘅size比某啲新式酒樓嘅出品大，餡入面嘅豬肉無太多肥肉，同埋加咗啲冬菇，咀嚼起來比較實在，仲有少少肉汁。乾蒸牛肉，即係牛肉版嘅燒賣，仲加入咗馬蹄粒，令佢幾爽脆，味道同平時食嘅山竹牛肉相似。魚翅餃，可謂坊間少見嘅懷舊點心之一。質感彈牙，肉餡入面有甘筍同韭黃等等蔬果粒，口感豐富，但就完全想像唔到佢同魚翅有乜關聯。鹹魚肉餅缽仔飯，肉餅非常非常非常多汁，底層嘅飯粒粒分明，仲吸滿肉汁精華，配上鹹魚同帶甜味嘅豉油就更惹味。麻蓉包，呢個都係坊間少見嘅點心，外表呈橢圓形，比我之前食過嘅略大，不過餡料嘅比例就偏少，麻蓉質感較稀身，好彩包身唔癡牙。馬拉糕，好耐無食呢種無餡嘅傳統馬拉糕，入面嘅氣孔較多，甜度輕微，鬆軟唔嚡，接近底部嘅位置就偏乾身。…Read More

人越大，就越懂得珍惜同家人一齊嘅時間!一家人最緊要齊齊整整!食飯食乜都無所謂!今晚嚟咗海連食晚飯，綠色格仔枱布配舊式茶壺，好懷舊~~佢哋嘅燒鴨好好食，而且小菜鑊氣好夠，而且價錢唔貴~但係要留意一下，晚飯時間幾乎全場滿座，所以每次都會6點左右就到，或者訂定枱!椒鹽鮮魷 - 內軟外脆，夠乾身，配上准鹽，正!菜心炒牛肉 - 夠曬鑊氣，菜心脆嫩爽口，牛肉唔會過林~八珍豆腐煲 - 好足料，煲入面最好食係牛柏葉同豬潤，牛柏葉夠入味，豬潤好爽!燒鵝(半隻) - 聽聞係菜館自己燒，皮脆肉嫩，晚市會出爐，所以一定要襯熱食!…Read More

我父子二人間中都會到呢間茶樓飲茶。呢間茶樓應該有三四十年歷史，比我還要大。仍然用緊傳統茶壺，人手推車叫賣，人手寫花紙埋單，牆上貼滿人手書寫菜式，以花碼寫成既價錢。寰顧四周，大部分茶客都應該係四,五十年代既熟客, 又或者係附近既勞動力者。女士同好似我呢代既人真係少之有少。不過唔難明環境方面 地方簡陋，用具古舊，四周都佬味十足，坐得又唔係舒適，同人搭枱係必然既事。坐你格離果個分分鐘係個騎呢/難頂既人。相信大部分女仔同我呢代都未必接受到。價錢方面 唔好睇佢地方簡陋，對比附近食肆，價錢唔平架。如果唔介意以上因素，又或者以食為先，可以試下。推介(早上~10點):叉燒腸，牛柏葉，馬拉糕。呢度d腸粉唔似出面d 咁滑，出面係將d粉漿溝稀黎蒸令到皮薄滑d,但呢到d係厚但熟,'傑傑地'有口感d。d叉燒又足料，點埋d鼓油就perfect池。牛柏葉爽口夠大碟~馬拉糕好大件。推介(午市~12點):燒鵝飯,有別於其他燒鵝,d皮脆而且有d油。通常太肥既我會唔食中間果層油脂。口感香嫩, 飲埋杯濃普洱消消滯。趁還健在，一試冇妨.…Read More

早上7點,茶客大多都係50,60後,或職業司機.由開始時1-2個人,慢慢就坐滿一枱6,7人 :) ,睇得出他們是風雨不改的熟客.大清早，食個熱辣辣盅頭飯夠晒皮,牛肉飯及雞飯最搶手.腸粉反而普通左少少:(仲有炒銀針粉,(很少可在茶樓吃到), 點心款式和味道,跟中環老牌茶樓不惶多樣. :) 論價錢,唔好以為地方簡陋,會價錢相宜.難得租金驚人的香港,此等屋村茶樓仲有生存空間.…Read More

福來邨老式茶樓,無論早晚客人也以叔叔伯伯為主,尋常女生沒有男伴好少會到此吃飯,可是這兩個女人身男人心的女子卻幾天裡都選了上茶樓吃午飯,只因比其他地方容易有位置。 海連仍沿用舊式啡色茶壺配以玻璃盅清洗食具,無耳茶杯更具茶居風味,店裡都是手寫字體工整的菜單,大大隻的連我這老花眼也看得清楚,對叔叔伯伯們同是方便。想不到平時在門外的點心車仔,這天中午由阿姐推入來推銷點心,從其數量款式不多來推算,蒸籠裡的都是早市的剩餘貨尾,上茶樓不來些點心總覺有憾。豉汁排骨沒有剛蒸起的鮮明肉色,連骨肉排多肉少肥膏,肉質不會太軟但味道的確一般,豉汁排骨的基本味道今次就欠奉了,用作排骨飯有豉油相伴,效果應該較好。車仔裡還有幾碟以圓型鐵蓋蓋著的腸粉,那些年曾在此買叉燒腸作早餐,水準令我難忘,今次午市來訪卻中伏了,由早市開始蒸了好幾小時的腸粉,由煙韌有勁的變為軟淋易碎,幸好裡面的叉燒仍有點蜜味,加上濃味豉油也仍可入口,當然跟早市不可同日而語嚕。二人分享鹹魚雞粒炒飯,只因場內叔伯大多點廚房炒粉麵,而且送出來的各款粉麵也很對辦,我們的炒飯也真的炒得乾身,飯粒分明的有彈性,只是雞粒沒甚味道,木木獨獨的凍雞肉不吃也不是損失,反而只佔少量的鹹魚不但帶出香氣更能調味,稍淡炒飯在點點鹹魚提味下變得精彩,炒飯裡加入不少爽脆生菜絲,多點纖維也減少油膩感。第二天的雞絲粉卷像未賣出過似的,大蒸籠裡都是粉卷粉卷和粉卷,今次的粉卷沒腸粉般糊爛,跟腸粉厚度相若的河粉皮保持完整仍有彈性,餡料是傳統的豬肉甘筍絲,味道也跟一貫的粉卷相若,這碟飽肚點心也沒有失手。 應是老闆說所有點心都是自家製,所以今天多了一條鮮竹卷以$5賣給我(好呀!!)以軟軟腐皮卷著如粉卷的豬肉餡料,沒有蠔油汁調味下,這條多餘的鮮竹卷食味一般,要是整碟也是如此就有點不值了。茶樓裡除了炒粉麵很受歡迎外,燒味檔的燒味飯也是很受歡迎,想試多一點就來碟四寶飯,平時通常只有半隻鹹蛋,這裡卻有一隻,鹹度足夠又漏油的鹹蛋送飯一流。叉燒肉質鬆化有點甜香,五花腩燒肉皮脆肉香,還有我自己永遠也覺得很好吃的紅腸,加上2條青綠菜心相當豐富。澆上豉油的白飯爽口不爛,算得上是好吃的白飯,只是我們這一碟總不及其他的壯觀?!難道女生點的飯量會少一點?? 其他叔伯的碟頭飯是好多飯的唷。 不但牆上的餐牌是寫著傳統花碼數字,連結帳單也一樣,年紀大的月巴人順道讓年青妹妹認識這種花碼數字;兩次午餐連茶錢$87及$70,其實比在香車街食肆或附近食肆都稍貴一點,只是這種街坊茶樓愈來愈少,趁著還健在的時候就要嘗試了。…Read More