Victoria Harbour Supreme (Kornhill Plaza North)

因為，方便同事放工趕來聚會，於是，放棄灣仔分店，揀選呢間分店怎料….去到人山人海，枱與枱之間十分狹窄，背貼背，四周都有擺放輪椅。心諗個市好番嗱，人人出來食飯消費！後來，知悉原來是長者團體聚餐會！經侍應催促去揀蟹，因怕稍後人多要輪候，匆匆忙忙之下，揀選一隻7.3斤的大蟹@$298一斤（全個魚缸最大啲），我哋有6個人，可以盡情享受！半個鐘左右，蟹擺上枱，外觀頗正常，size 龐大，剪開分享時，水汪汪的，肉質非常林，撕開蟹殼，肉係一塊塊狀，沒有一絲絲的，冇鮮甜味，而且，帶酸味! 氣憤！點叫冬瓜盅，成個鐘頭都未上枱，多番催促，原來，張單搞亂咗，上枱時冇個冬瓜，只用湯碗裝 - 冬瓜湯，湯只有小量冬瓜….. 唉！其他小菜，味道普通！下次，不會嚟！貼錢買難受！分店水準很大差距！…Read More

家庭聚餐既好去處，環境寬敞舒適，非常適合一家大小同樂。清蒸長腳蟹是必點招牌，蟹膏豐腴，蟹肉飽滿鮮甜，每一口都是海洋的恩賜。除了蟹，乳豬皮脆肉嫩，蒸魚火候恰到好處，肉質細滑，其他菜色也毫不遜色，味道都在水準之上。整體而言，無論是食材品質還是烹調技藝都令人滿意，絕對是值得再訪的中菜館。…Read More

只係打電話去問有冇得訂枱第一個女職員聽完電話聽到我話即日訂午市就叫我等等等到一陣第二個女職員就話：小姐你6位過黎walk in 想再問其他野就直接cut 線如果唔比book位就一早講啦…Read More

叫了個什麼花龍蝦，肉質是霉的，好像是急凍的，醬汁味道淡而無味，加 100 元加了個煎米粉底，淋的，吃過最難食的龍蝦。😡😡😡😡😡😡在魚缸選龍蝦時，店員明明說是 1斤半，已再三確認。埋單時竟說是 1斤15兩。估不到這麼大的酒樓這樣不老實。吃到一肚氣，大家小心。😡😡😡😡😡😡還有腸粉蟹煲，說是煲，竟然是碟上，過份到一個點，蟹肉也是霉的，香港的餐廳就是這些不良商家害死😡😡😡😡😡😡😡😡穿黑色衣服的經理，部長成晚都在傾計，叫他們加水好幾次，也裝作看不見，最後要個傳菜的幫手找人加水😤😤😤😤😤😤😤😤…Read More

康怡海港薈晚飯不快經歷叫咗個長腳蟹套餐, 點知上枱嘅係一隻死蟹, 蒸完啲肉溶曬淨係得個殼, 同夥記投訴, 雖然最後都比過第二隻我地, 但一開始擺明搵笨係, 已經食到一肚氣。對於堅持留港消費嘅我真係一個大打擊。(相中係等咗45分鐘嘅第二隻蟹)…Read More

剛於四月一日重開的海港薈，經過全新裝修後，給人耳目一新的感覺。寬敞舒適的座位設計，適合任何嘅聚會，讓人感到輕鬆自在，讓用餐體驗更添幾分愜意。點心選擇不算多，但菜單上有不少經典款式，例如川芎白芷蒸魚雲、灌湯餃、蜆芥鯪魚球和蛋散等，勾起了不少懷舊情懷。我們點了幾款點心，首先上桌的是川芎白芷蒸魚雲。這道菜以中藥材川芎和白芷入饌，蒸魚雲散發出淡淡的藥香，魚雲本身口感嫩滑，入口即化，搭配湯汁食用，味道清而不膩，令人回味無窮。另一款灌湯餃同樣令人印象深刻，餃子皮薄而韌，咬下去時湯汁四溢，鮮美的肉餡與湯汁完美融合，展現了酒樓對傳統點心製作的用心。此外，我們還試了蛋散，這是一款經典的港式甜點。蛋散外層酥脆，內裡軟糯，撒上白芝麻並淋上蜜糖，甜而不膩，口感層次豐富，讓人忍不住一口接一口。雖然點心款式不算多，但每一款都能感受到酒樓對傳統味道的堅持。整體而言，食物質素屬於中上水平。點心製作用心。…Read More

有朋友英國回香港出差，又有另外一個朋友年尾嚟講，大家順道聚聚。適逢依排係食長腳蟹嘅旺季，趁人多就去食依排最hit口嘅$208一斤長腳蟹！ 好似十月尾都仲係$188一斤，十一月就調升咗價格。不過$208一斤已經平過自己去街市買好多好多，街市一般都成三百蚊一斤；依家幫你蒸埋（唔計叫其他，當作只食蟹加茶芥及加一；都好抵食）入座後立即去蟹缸揀番隻重少少嘅，一般都係4-5斤，好彩搵到隻五斤十二両，八個人食好足夠！蒸蟹大約需時半個鐘，等蟹期間再點其他小菜，咁就時間啱啱好！先來兩個餐前小食，水昌肴肉不錯:)涼拌爽脆魚皮$78 有驚喜，雖然辣度大過BB辣，但個辣汁調得好好唔會太鹹又夠味，魚皮份量唔少，的確又爽又脆，仲有紫洋蔥、花生、青胡椒等等混在一起，花生也好脆口，大家對這個小食好滿意！因蟹蓋承著蟹羔上檯，大家都唔想打番所以無將蟹蓋反轉影相😂 睇相完全唔覺大隻但實物好大㗎！粗而長嘅蟹腳極吸引🤩不用加錢蒸蛋的已經好好味好新鮮這個新鮮菠蘿咕嚕肉$148，質素絕對對得起個價錢，炸脆嘅肉排均勻地掛上咕嚕汁，仍脆身肉不會過熟也不鞋口仍有肉汁咕嚕不是死酸死甜，還吃到山楂的酸味，酸甜度調教得恰到好處！半隻雞係晚飯孖寶A （$288）連4隻蒜茸粉絲蒸蟶子皇，因為8人關係，另外再加點了4隻蟶子皇$228蟶子皇蒸嘅時間恰當，不過略嫌粉絲硬了一點點，可能浸時間唔夠吧。蔬菜點了三款：頭水紫菜炒菠菜苗$128（食緊蟹無影相）、這個金瑤扒豆苗$148（原來瑤柱外還加了金菇）西蘭花帶子珊瑚蚌$168這個用和白飯同吃勁滿足還有韭菜蠔仔水晶粉$138，鍋上的，熱騰騰又有點點香辣惹味，都幾特別，不錯⋯可惜食蟹都佔了半胃，所以只吃了兩小口。這頓飯大約每人$380好滿足:)…Read More

和家人慶祝生日，預訂了一台，沒想到是趕鴨式的糟糕體驗。晚上6:30到達，被告知需要八時交枱，有點錯愕。（訂枱是沒有通知此安排。）想說生意難做，餐廳需要返枱，所以也配合。沒想到，體諒是沒用，服務一般，上菜速度很慢。我們訂了五斤半的阿拉斯加長腳蟹（套餐是包四斤半，另外加錢約$280 ），7:25才上蟹。此時服務員已提醒要八時前交枱。我們告訴他們還有四道菜未上，但店員並沒有給予體諒。然後7:30一次上了三樣菜（包括鮑魚扣花菇、脆皮醬烤雞、櫻花花蝦海皇炒飯），7:45再上壽包。半小時內，拼命式吃完以上四樣菜實在不可能，想說付錢買難受，體驗真的很糟糕。是家人生日，也不想破壞氣氛。最後我們自己帶過去的蛋糕也原封不動帶回家切。埋單4500多元.或許市道很差，酒樓想多做生意，但如此的體驗，多少明白為什麼愈來愈多人不想留港消費。海港海鮮酒家，老實說食物質素不差（當然價格也不便宜），但這種的體驗不會再光顧了…Read More

和家人到此晚饍,叫了燒雞,龍躉兩味和柚子蝦球等,蝦完全沒蝦味,雞是雪藏雞般肉質實實,所為龍躉兩味,蒸的那味油有一寸厚,魚就只幾件,炒的稍為好一點,但全碟也只有幾片薄薄的,孤寒得可以.最最令人不快的,是用餐時間兩小時,但一個半小時後已經在催埋單,那長髮女員工態度惡劣,像我們欠錢一樣,將夾有單的黑色file一下“隊”過來說“埋單”,我都只是check 了兩秒再將信用卡給她,她就像嫌我慢般一手搶過去！而且整間酒樓噪音爆錶,和家人談話都要超大聲才聽得到,整體給人很緊張很噪很煩的感覺！和家人已有共識,不會再幫襯！…Read More

食物味道正常，但好唔抵食，咕嚕肉同農村炒黑豚肉大部分都係配料，肉比較少，有啲寒酸，味道就正正常常。偏貴而服務差就好大罪。叫咗半隻乳豬同燒鵝隻碟大到以為自己食緊法國嘢，都無所謂，問題你就算只係食剩三幾件都唔會有侍應幫手轉細碟，結果張枱就俾兩隻超大碟佔住，到第三碟嚟嗰陣因為落唔到菜，個侍應會企埋一邊等個客騰空個位俾佢落。好喇都算喇，咁下個要落菜嘅侍應又繼續發現無位，佢點處理呢？將啲大碟換細碟？唔係呀，佢將個客隻飯碗移到枱嘅邊緣，想塞碟嘢落嚟然而都係唔夠位，明明有另一個稍空嘅位佢唔落，但佢好似行多步都唔想咁。除咗上菜嘅問題，佢地唔叫都唔會換骨碟，一係就錯手收埋個客隻碗。全程無沖茶，俾咗個水壺你就要take care yourself!寫菜唔知個code要等個西裝侍應慢慢搵，都係電腦落單真係唔記得個code寫低個客食咩之後再慢慢搵啦。我知有時啲酒樓都唔會帶位，但問個知客訂咗張枱喺邊佢望都唔望答我又真係第一次見。睇得出間嘢唔憂做就Hea客。啲服務茶記都好過佢。咁嘅價錢，咁嘅資素真係有待改進。…Read More

呢間店龍蝦做特價，叫了龍蝦餐：一份斤半龍蝦上湯伊麵、一尾瓜子班、四隻Garlic蟶子皇、紫菜湯小水餃。伊麵品質唔錯，不會一Pat Pat，西澳龍蝦不是很甜，但啖啖肉很是滿足。瓜子班肉帶微甜，蒸得剛好，夠嫩滑。大蟶子用Garlic和粉絲清蒸，很是惹味。埋單 $959。…Read More

想叫咩冇咩打電話訂位預留長腳蟹唔係最緊要係要留冬瓜盅已經係食早個輪都話冇哂叫乳鴿都冇乳鴿長腳蟹唔會冇嫁貴好多呀一心諗住黎食長腳蟹已經揀隻大隻少少但係真係唔新鮮d肉梅到爆所有餸都好普通海港個價都唔係低炒豚肉得5小塊成碟炒青椒真係唔係用大陸黎比較但係基本水準要有囉咕嚕肉每塊肉都手指尾咁幼仲要人落訂真係唔明有咩咁巴閉心諗你有冇咁爆場就真係唔抵食嫁啦…Read More

例牌都係排大隊，不過無論等幾耐，我都覺得值得。呢次仲等到卡位，坐得闊落舒服😌個人必點→XO醬蘿蔔糕：軟滑，蘿蔔味重,最主要唔會太多粉，臘肉、臘腸、蝦米、配料充足，加X 0炒香辣惹味👍焦糖燉蛋：極推，媲美出邊所謂大品牌🤭極滑，蛋味極濃，奶香十足，回味無窮⋯⋯ （食淨少少先記得影相，真係停唔到口）翡翠蝦餃王：皮薄，晶瑩剔透，蝦肉彈牙水晶鮮蝦腸：蝦肉彈牙，粉皮薄，夠滑仲有點蜜汁叉燒包、醬汁蒸鳳餃、蟹籽燒賣王都係百吃不厭🤗全部野食，好食得來，仲有賣相，一D都唔馬虎👍👍反而小籠包普通D，似超市果D急凍貨…Read More

今日和老公去飲下午茶。小、中、大點一律$25，可是大、中點選擇不多。比較名貴的點心都係精點以上。點了：咸肉糉： 體積不大，但味道唔錯，有一隻靚靓的咸蛋王，綠豆和糯米比例可以。牛肉腸粉： 粉皮過厚但口感不算差，牛肉餡料一般。潮洲粉果： 內饀係沙葛花生，粉皮合格。炸鯪魚球： 鯪魚肉好味彈牙，正。蝦餃： 蝦餃皮一夾就散，不大合格，好彩饀料蝦算新鮮味道唔錯。…Read More

餐廳有四人卡位選擇，星期一坐滿客人。Booth seating for 4 is available in the restaurant. The restaurant is full house on Monday. 🥢上湯龍蝦伊麵 Baked Lobster with E-Fu Noodles and Superior Broth.新鮮，份量夠It’s fresh with big portion. 🥢清蒸東星班 Steamed Coral Trout 蒸得剛剛好，夠滑身。It’s just cooked well-done. The meat is tender and smooth. 🥢3頭鮑魚 Steamed 3-Head Abalone蒸得剛剛好，是大連鮑，新鮮。It’s just cooked well-done. It’s fresh. 🥢金銀蛋蒜子浸菠菜Braised Spinach with Golden Garlic and Duo Eggs不錯的 Nice✏️ 四人套餐價錢包括茶芥及加一後 $1267。The price of the set-dinner for 4 including service charge is $1267.總括來說服務一般，食物品質好，性價比高。In short, the service is so so. Quality of food is good and value for money.…Read More