Victoria Harbour Roasted Goose Seafood Restaurant

屋企人生日，住開附近，近近地落去食餐飯，睇吓啲餐牌，咁就選咗個12人套餐，覺得個價錢都算合理，好抵食咁，龍蝦伊麵，個面比較少， 12人餐來講，每位食得少少，乳豬都係卜卜脆，帶子桂花蚌，味道算正常，炸蟹鉗，蝦肉都彈牙，石斑蒸得啱啱好，魚翅羹味道可以，鮑魚鵝掌，味道不過不失，當紅炸子雞，雪味比較重，雞皮都算係脆卜卜最後壽包係鴛鴦味道，算係咁，喺個地方坐得比較迫，當晚生意唔算太旺，坐得一半人左右，服務尚算可以…Read More

海港燒鵝海鮮酒家（美林）服務態度極差。一家人開開心心去食飯，本身都無乜特別，點菜時著黑衫嘅識員（可能系部長）極力推介我地點燒鵝，咁見燒鵝比較出面又有咁多人食就叫左個餐同燒鵝啦，我地由19:20左右開始上菜，食到20:10左右燒鵝都未上（其他菜已經上晒，基本上都食飽），咁我地就問下著黑衫嘅職員就，第一次問職員嘅態度已經系愛理不理當睇我地唔到咁啦，可能太忙啦。第二次問另一個職員，一句就話唔好催啦，幫我地催緊廚房，20:30到會出爐，好啦咁我地都照等啦，咁到左20:34分左右啦，咁我地就問個職員幾時上碟燒鵝？我地都準備走啦都未上，禮貌地同佢理論啦，但竟然無啦啦話我地好惡，好大聲（做出一個頭痛咁嘅動作），大佬我地開開心心黎食飯仲要比錢買難受？同埋大聲唔代表無禮貌，只系問下你幾時會上，口口聲聲話20:30我就當你地落左單先開始燒燒鵝，當你地好多單啦，問你地3次3次都敷衍，同你地理論又轉個頭好似變到我地問題咁樣😂今時今日唔系咁嘅服務態度下話？仲點樣吸引人地下次再黎你到食呀？都唔系話道唔道歉問題，服務業一句唔好意思都唔識講，一黎就說啲客加隻燒鵝，食晒準備走都未上得？仲好似變到啲客嘅問題咁樣。真系比錢買難受，最後賣單嘅時候仲離譜，想話問拎個投訴電話，個職員竟然話唔知，好啦咁算啦，咁嘅服務態度都好難好生意嫁啦，真系唔會再試。…Read More

早排去咗海港酒樓食飯，為友人送行，叫咗啲小菜同埋蒸蟹。啲小菜好豐富，有涼拌海蜇、椒鹽魷魚、魚柳等等，個個都好正好好食。不過，我覺得啲小菜嘅份量有啲細，要叫多啲先飽肚。至於蒸蟹，啲肉好鮮甜，味道好香，蟹膏又夠濃郁，真係好正！價錢就一般啦，一隻蒸蟹千幾蚊，少貴。餐廳嘅環境好舒服，好有氣氛，啲服務員都好有禮貌，好細心。不過，服務有啲慢，要等好耐先有人幫你處理。整體上，我覺得海港酒樓嘅食物質素算係唔錯，不過價錢就唔平啦。總括黎講，我好鍾意今晚嘅用餐體驗，啲小菜同埋蒸蟹都好好食，環境同服務都好舒適。下次可能會再食嘅…Read More

一家人聚餐家庭聚餐必去，新鮮 ，大碟又抵食紅燒乳鴿乳酪皮脆肉嫩，爆汁，啱啱上枱夠熱夠新鮮，秒清。椒鹽魷魚鬚炸粉唔會過多，好味，椒鹽比較重手，如果少啲會更好味。例牌燒鵝必食，啖啖肉，唔會乾真真，皮好脆，又唔會好咸，有有隻脾，相當高質。粟米斑塊斑塊好多，小朋友至愛，連埋粟米撈飯一流。啫啫通菜褒份量超多，而且好惹味，有XO醬同肥豬肉一齊炒，送飯一流。帶子貴妃蚌炒時蔬不過不實，味道適宜，唔會太咸唔會炒到過龍。薑蔥香煎生蠔褒今次生蠔縮水，不過味道都仲keep 到，薑蔥夠多，每次必食。椒鹽爆大蝦蝦好新鮮，又大隻，有小小辣，惹味。芝士焗龍蝦伊麵第一次食，一驚喜，啖啖大蝦肉，好多芝士，好滿足，又唔會好漏。鹹蛋黃魚皮鹹蛋黃醬好香，魚皮夠脆。…Read More

此店本人曾多次買外賣，質素平常，沒有特別。最近中午買了外賣自取，包括：澳洲龍蝦外賣一隻（約1斤）開邊上湯焗連伊麵沙爹金錢肚豬腳薑醬汁鳳爪打開時見龍蝦開邊左右大小不一，明顯是不同的龍蝦開邊併合一起。更大問題是龍蝦不新鮮（霉肉），明顯是雪藏過，不是新鮮。下單時餐廳沒有於菜單中標明龍蝦是雪藏或不新鮮。（龍蝦以外的）其他食物品質屬正常，分量偏少。俾佢D咁質素的龍蝦嚇親。列入黑名單，永無下一次。（另，是次是食用一段時後仍覺得感覺好差，才寫食評，所以沒有附食物相片，只上載單據）…Read More

💥新年飲茶是必須的📍海港燒鵝海鮮酒家｜大圍📍人均消費 $ 9 X#CL大圍 #CL四圍食 #CL中餐 ⚪️⚪️⚪️⚪️⚪️⚪️⚪️⚪️⚪️⚪️新年流流個個都去飲茶食點心🫖坐埋一齊食嘢傾計都開心啲😀食左幾樣點心唔錯👍🏻講下有咩推介啦✨💟 鮮蝦菜苗餃🥈💟牛肉腸粉🥉💟蘿蔔絲酥餅 🥇💟叉燒包🤟🏻不負責任點評好味道🌕🌕🌕🌕🌕🌕🌕🌗🌑🌑性價比🌕🌕🌕🌕🌕🌕🌕🌘🌑🌑回頭率🌕🌕🌕🌕🌕🌕🌕🌘🌑🌑（十粒為滿分）⚪️⚪️⚪️⚪️⚪️⚪️⚪️⚪️⚪️⚪️…Read More

前個星期日，我想吃龍蝦啦，家在附近，又見食評都不錯，之前沒去過的，去到門口，那個櫃檯拿位的大媽，我準備入座，去掃安心啦，咁就揾部機，點知佢就大聲兼無禮貌的大喝，喺𠴱度𠴱度，我都忍一下，隨後而來的另一檯客，人家有老人，反應慢唔出奇，佢又用罵人的語氣在呼喝，我登時火了，就罵她這麼沒禮貌的，不用給錢的嗎？她連道歉都無句，我就連要都掉回，不吃了，吃了也一肚氣，好似返大陸咁，以為自己係官一樣的，呢個集團點會請呢啲人把門㗎，趕客，以後都不會幫襯呢個集團…Read More

今日和朋友往美林海港燒鵝海鮮酒家食晚餐,我們點了例牌燒鵝,小炒王和薑葱龍蝦烏冬,燒鵝賣相吸引,肉質啖啖肉,皮十分香脆,佐酒一流,小炒王材料十足,材料有韭菜,萵笋,蝦乾 ,五花腩,腰果和油條,韭菜和萵笋食落爽口,蝦乾,五花腩和油條食落惹味,腰果食落爽脆,整碟小炒王材料豐富,份量十足,最後薑葱龍蝦烏冬龍蝦新鮮彈牙,肉質鮮甜,烏冬食落爽口,整份薑葱龍蝦味道吸引,口感十足,酒樓職員飯後送上紅荳沙,紅荳莎温度適中,食落香甜,酒樓座位舒適,適合家庭和朋友聚會,食物美味,份量十足,價錢合理,我和朋友很滿意,很滿足,食了一頓豐富晚餐…Read More

今日我地去咗點左三個餸，一碟鹽燒南非八頭鮑，做得幾好，一盅白玉海皇冬瓜盅，呢個超正，另一碟係美林小炒王，但係我哋大家都覺得偏鹹，所以都冇食晒，最后四隻豉椒炒巨型蟶子王，都唔錯…Read More

慶祝所以到海港燒鵝海鮮酒家食晚飯首先黎一款菜，瑤柱金菇扒豆苗。豆苗上面舖滿了瑤柱，令到豆苗不會淡而無味，不錯。黎到燒鵝海鮮酒家，咁就一定要試下佢嘅燒鵝啦。佢嘅例牌，有原隻燒鵝髀，皮非常之脆，相當高質素。其他部位亦都挺好食，個人認為嚟到應該每枱點一份。薑蔥香煎正宗台生蠔。每一粒生蠔都是大大粒，咬落去很飽滿。印象中價錢不貴，上枱之後發現原來一桶有成10粒咁多，真係好抵食！必點之選。如果不太鍾意薑蔥，可以改為酥炸都OK。芝士焗澳洲龍蝦伊麵。原本menu是寫上湯的，不過一問之下，可以加HKD 48變成芝士，所以就改為芝士焗伊麵。個人不嬲都麻麻地龍蝦，所以沒有特別評價。…Read More

我成日用海港個App，見到有個一品鍋，乜都有D又吾貴，298蚊有鮑魚，鵝掌，冬菇，豬皮，西蘭花，炸鯪魚球，蘿蔔，腩肉，白切雞，腐竹皮，簡直係一個盤菜，四人份量，真係好抵。不過宣傳廣告相好豐滿，但實際嘅分量得一半（睇相），作為海港美林邨Fan，我一向以海港美林邨同其他酒樓比較，坦白講美林邨係所有海港中質素最高，燒鵝比中環嗰間好出名嘅老至好好食好多，經理蓮姐服務水準又好，所以我以海港美林邨為我的飯堂…Read More

今日叫咗個套歺，一魚兩食，其中一個係翡翠龍躉班球，味道係唔錯，不過就油咗少少，另外一個係陳皮蒸龍躉頭腩，勁香陳皮味，仲有有紅燒乳鴿兩隻，啲乳鴿比較瘦同埋有少少乾，但係$288，價錢合理…Read More

海港燒鵝海鮮酒家 (大圍)大圍美田路30號美林商場2樓S1號舖豉椒炒蟶子皇蟶子皇大隻，爽口彈牙，洗得乾淨，完全無沙👍🏻每隻蟶子皇都有接近7、8成前臂咁長🤩豉椒汁好惹味！ 啱晒重口味嘅我😋芝士焗龍蝦伊麵底份量多，伊麵大碟，龍蝦肉爽口，肉與唔梅，但可能焗得過火(?)，龍蝦殼同龍蝦肉有d位黑色🙈焗芝士茨汁算香滑，味道一如往常酒家一樣芝士味淡海港脆皮燒鵝王(半隻)燒鵝大隻，肉厚啖啖肉，足料，又唔會過肥👍🏻但有dd鹹四川麻辣口水雞花生醬味比較重，有花椒油香味，但無麻辣味，怕辣嘅人都食到西蘭花炒帶子正常，調味適中酥炸雞軟骨有驚喜🤩上枱時熱辣辣，仲炸得真係好酥脆！而且比想像中份量多～百花釀蟹鉗外皮炸得脆口，內裏是蝦肉餅，彈牙東昇斑 (1斤半)唔足秤，上枱時條魚細到完全唔覺得夠一斤，而且有一小邊魚肉位未蒸熟，呈透明魚肉色….🤦🏻‍♀️佛跳牆湯幾清，唔油膩，螺味重，料多，有花膠筒…Read More

好難食 唔脆 無鵝味 曬錢曬時間佢啲鵝好似無燒過咁 純粹係上咗色完全食唔出燒鵝嘅味道 要148蚊 唔算貴但係都唔應該係呢啲質素咯差到咁 疫情之下 唔係應該做好個招牌 吸引客人回購咩？…Read More

中午放飯，我有時喜歡同同事去飲茶，公司附近的海港酒樓出名的便，靚，正。每次我都會叫藥膳鳳爪，貪它的湯好好味，藥材十分豐富，有黨心，杞子等材料，吃落暖笠笠，雞腳煲得很淋。 蟹子燒賣 大大粒，蟹子很多。腐皮 鮮竹卷裡面的材料很足，鮮蝦水餃也幾好吃，裡面有木耳和蔬菜，感覺很清爽，彈牙。我們還吃了雪山叉燒包，熱辣辣的，很好味， 金銀炸兩腸，軟軟的腸粉包裹著的脆脆的炸兩，加上甜豉油, 啵啵聲好好食。 …Read More