D'lite Veggie (Closed)

荔枝角地鐵站行8分鐘左右就到呢一間素食餐廳，外面門面擺放了不少裝飾，一入到去感覺好舒服。餐廳俾人感覺好舒服係好重要，因為可以坐耐d，而且背景音樂好舒服，服務員招呼好週到，亦都好有禮貌。竹笙上素呢一碟竹生上素好足料，有大量竹生、冬菇、木耳、菜、雪耳等等，口感豐富，竹笙吸收晒素既精華，仲有筍添，又爽又軟又香菇味香，正到不可開交。紅燒豆腐充滿惹味的一道菜，沒有肉類也可咁惹味，豆腐好香，味道不太咸，剛剛好，而且有好多材料，例如雜菌之類呀，好豐盛！椰汁杏仁露上枱非常熱辣辣，香噴噴的杏仁味，加上淡淡的椰汁，好夾好香。口感仲非常滑溜添呀。近年興健康飲食，所以呢間素食餐廳非常適合著重健康的你！而且價錢合理又好食，一定要幫襯。…Read More

之前聽住長沙灣既朋友講開有間素食舖晚餐好食兼抵,一於帶埋女朋友一齊試試。入到去見到間餐廳裝修簡樸得黎非常乾淨，亦有好幾個觀音雕像同佛經掛牆，感覺好實而不華。 侍應見我地兩個人入黎，就二話不說介紹我地點個好抵食既二人套餐。$168晚餐 包湯包飯包自選三款小菜之餘都仲包埋是日甜品，認真抵食。 湯方面我地揀左飲金湯海皇翅。 侍應一窩咁呈上黎，個份量真係多到令人驚訝。 金湯入面既橙黃色主要係源自南瓜，再佐以金菇， 粉絲，蟹柳等等既配料，飲落鮮甜可口，再點醋飲風味尤佳。小菜方面我地首先叫左個菠蘿咕嚕素球。 其實姐係齋版既咕嚕肉。呢味菜無論係味道抑或口感，都同原版咕嚕肉極為相似，我女朋友食第一啖仲問我究竟係咪真係齋黎，因為佢都分唔清。呢味杞子雲耳浸淮山可謂可口非常。廚師將鮮淮山切到薄薄地一片片咁， 淮山食落去既口感首先係脆，然後滑，最後先有粉既質感，層次豐富，加上爽口既雲耳同上湯餵煮，清淡得黎亦好入味南乳家鄉齋可以話係傳統齋舖必有菜式，一間齋舖功架掂唔掂睇佢南乳齋質素都已經睇到端倪。正如前述，呢間野質素都有返咁上下，大家試過就知。甜品方面有紫米露。我女朋友個日興起好想食椰汁杏仁露，所以我地另外再叫。提提大家，呢度杏仁露既杏仁味超濃，杏仁控必點！…Read More

早幾日經過呢間泰有營，原來係間食素既餐廳，於是今日就搵埋個平時唔多食肉既朋友入去食下素先，我同朋友原本都想叫二人套餐，但因為我鐘意食香口野，而有些小菜又心思思想食下，所以最後決定一於散叫，我地叫左豉汁南瓜蒸排骨、黃金豆腐、椒鹽雜菌、同干燒雜菌伊麵。伊麵比想像中大份，食落唔油膩，加埋香菇、芹菜、芽菜、蘿蔔絲等黎燒都幾香口。黃金豆腐，個脆漿皮好薄，豆腐非常嫩滑，可以成粒放入口食都得。椒鹽雜菌上左層薄粉炸，食落幾香脆，椒鹽味道唔會搶過鹽既味道，不過可能素食標榜健康，所以調味都會輕手d, 等我地食到食物既原味道，而我最欣賞就係個豉汁南瓜蒸排骨，排骨外觀模仿得好似，食落豉汁味濃，南瓜清清地配埋豉汁就岩。呢度雖然係長沙灣，但環境都幾清靜，樓底高又古色古香，邊食素邊呷口麥茶，食左餐寫意既素食。…Read More

出黎食飯餐餐大魚大肉，係時間如下素，搞搞新意思。呢間餐廳吾係朋友介紹都吾知原來長沙灣有間樓上餐廳食素既，環境乾淨企理。呢度既餐廳既有古代特色，賣相加分。海皇翅味道有別於街頭既碗仔翅，有素蟹柳金菇。有口感得黎，有陣類似雞湯既味道，吾錯。菠蘿咕嚕素球：無論賣相口感味道都同真既咕嚕肉有7成似。仲要難得佢炸得吾油膩，外層微脆。豉汁南瓜蒸排骨係一道有心思既小菜。用左類似蒟蒻條黎扮排骨條骨，d肉就係用面筋黎扮。整碟即叫即蒸，好有誠意。南乳家鄉齋南乳味濃，材料豐富，有：茄子、雜菇、筍等，大大碟，鐘意食南乳既人會好鐘意。香芒海鮮卷雖然無海鮮，但饀料豐富，炸皮夠薄，每人KO兩件都無問題。我最欣賞既係呢個黃金豆腐，豆腐夠滑得黎又吾會無豆味，外皮厚度正常，包得住入面既滑豆腐。最正係佢炸得1d都吾油，必食下午茶同二人餐都好抵食。…Read More

長沙灣真係多左好多野食啊!本來見到”泰有營”以為係食泰國野，但原來係素菜一於同屋企人去試下小菜種類好多!! 淨係睇個菜名好難相信係素香芒沙律卷 $88有8件咁多，中間有碟沙律賣相好吸引，食落好香口，有芒果味同入面嘅沙律好配紅燒豆腐好靚啊，獻汁做得幾好唔會一pat pat三色椒又炒得岩岩好椒絲腐乳炒通菜 $68又係大大碟架，唔會太咸餐廳環境好闊落，有大圓枱岩哂一家大細食飯過節。正門入要行上一層，不過原來隔離有lift。…Read More

今日同朋友去呢間餐廳食lunch,裡面環境好舒服，座位好寬倘👍👍我好鍾意佢地既麥茶，好清幽，好特別😍😍我地叫咗個2人套餐，真係好豐富👍👍有湯有飯仲可以揀3款餸😍最特別係全部餸都係素食，但食落去真係唔覺😂😂味道同真既肉好似😂金湯海皇素翅: 食材好豐富，有金菇，蟹柳等，食落去有少少似南瓜湯菠蘿咕嚕素球：味道同賣相都同真嘅菠蘿咕嚕肉好似😍😍好正豉汁南瓜蒸排骨：哈哈，第一次食“蒸排骨”連“骨”都可以吞埋落肚😂😂因為係用素食黎代替，幾好味南乳家鄉齋：好入味，南乳味濃郁我地另外叫咗兩款小食：香芒海鮮卷：外皮香脆可口，裡面芒果同海鮮味道好夾，唔錯👍👍香芒都幾甜蠔油菜心：菜心好新鮮仲有甜品紫米露😍😍😍正呀！下次再試下其他餸😍…Read More

<抵食好味素菜>👍🏻喺長沙灣同荔枝角呢間泰菜泰有營 . 我本身以為係泰菜 唔係好味點解叫泰有營 anyway . 佢既齋菜都幾抵食 師傅整得好有鑊氣 🔥 整體質素高👍🏻 環境有 d似酒樓。 但冷氣有 d熱 . 可能多老人家食😂🍴2 人套餐 168 蚊 三餸一湯 金湯海皇素翅🍜佢個湯底應該用左南瓜 個茨汁唔厚 所以飲落密度偏底 個素蟹柳做得幾似 🦀夠爽彈 而個魚翅 即係粉絲係比較爽口幼身 都幾似魚翅👍🏻🍴2 人套餐 168 蚊 三餸一湯 辣汁四季豆叉燒🐖細細碟但其實塞滿住好多素叉燒同四季豆 四季豆比較粗身 出面爽 入面保留濕度 素叉燒 雖然知係麵根整成 質感一定差 d . 但我幾欣賞佢鑊氣夠令到有少少焦香味 🔥 再加上辣汁 幾香濃 同有 d辣椒調味 唔錯🌶🍴2 人套餐 168 蚊 三餸一湯 怡香茄子煲🍆首先茄子好新鮮 出面層紫色皮好靚 入面既茄子肉軟熟 加埋佢既素肉做得好似豬肉 同埋佢微辣既濃調入味醬汁 👍🏻 推介🍴2 人套餐 168 蚊 三餸一湯 豉汁南瓜蒸排骨🎃 外表 present幾靚 出面有軟淋既南瓜肉 中間由麵根做成既排骨 都幾彈牙 好欣賞佢用左苣蒻 做成排骨既骨 別出心裁 👍🏻 當然口感唔似骨 但個口感其實唔錯🍴黃金三層樓 98 蚊🔥🥛用左菠菜做表面 用豆漿同蛋混合一齊炸成🔥 外面香脆。入面既蛋因為加左豆漿更加軟骨🥛加埋少少黏稠既咸醬汁 有 d三色椒加磨菇 中和番炸出黎既熱氣👍🏻🍴紫米露🍡紫米露整得甜度適中 紫米爽口有口感 帶 d黏調既薏米增加口感 唔錯#素食 #齋 #南瓜 #排骨 #麵根 #豆漿 #茄子 Score 平均分 <7.6/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#泰有營素食長沙灣順寧道483 號順景華庭1 樓~~~~~~~~~~~~…Read More

平時都好少食齋/食素, 因為我係一個食肉獸黎, 不過今次要同呀婆食飯, 呀媽就揀左呢間新新地既素食餐廳, 地點比較隱世, 停車場果到有LIFT上去, 因為樓梯唔係好岩老人家行餐廳有好多唔同菜式, LUNCH同下午茶仲有意粉食, 認真fusion得過癮XD 我地叫左D套餐, 另外再加左個炒麵, 今次要特別推介芝士海鮮炒麵! 本身都覺得好奇怪, 上到枱又似模似樣, 炒麵好香脆唔油膩, 芝士汁都好重芝士味, 其實真係好好食, 海鮮就有蝦/蟹柳果D, 當然全部都係齋黎架啦, 不過呀婆就食得好過癮啦!套餐既小菜都幾好食, 唔會好似平時食齋好油淋淋既感覺, 咕嚕肉都真係幾似肉架, 今次都真係對齋改左觀!…Read More

長沙灣呢一區開咗間素食餐廳，行過見到餐牌超抵食，夜晚都係$168/2人餐，仲可以揀三個餸，有湯又有飯😨我哋一行三人叫咗一個二人餐，加咗一個小食，都已經食到飽。湯我哋就揀咗海皇翅，顏色好靚仲有好多料好多翅，相當好味！👍🏿小菜方面我哋揀咗四季豆炒叉燒同埋南瓜蒸排骨同埋每一枱都會嗌嘅咕嚕肉。特別想講個南瓜蒸排骨個樣真係超級似，仲要係真係有骨，其實食落就好似魚蛋咁樣，配豆豉都好味架！另外小食冰梅涼瓜都好好食，好開胃酸酸甜甜！…Read More

難得放假，就帶阿媽一齊去食素菜，可以食得健康啲。我地去左長沙灣既呢間素菜餐廳食午餐。餐廳入面既裝修好中式，仲有一啲佛像添！佢既meun上有好多唔同既素菜，除左有菜之外，仲有啲仿肉既菜式，選擇超級多！不過，我地一睇meun就比二人套餐吸引左，有湯、飯、甜品再加三樣小菜，好抵食！湯有素湯同埋金湯海皇翅，我地揀左金湯海皇翅，碗湯好大碗，可以一人飲到兩碗。小菜方面，我地揀左杞子雲耳浸椎山、涼瓜炒蛋同埋怡香茄子。我最鐘意就既菜式就係涼瓜炒蛋，炒蛋好滑，而且涼瓜亦都唔會好苦。我地見到餐單上面有啲特價小食都好抵食，所以我地就叫多左兩個小食，分別係黃金豆腐同埋香芒海鮮卷。黃金豆腐整到外脆內軟，值得推介！我地總共食左$224，阿媽都好滿意呢到既素菜！…Read More

餐廳上去個位有啲特別，同埋佢連埋有做賓館，本身入到去都驚會中伏，點知不但冇中伏仲好有驚喜！ 食素嘅地方配埋個中式茶同埋中式背景，正！ 完全冇諗過咁大碟，呢個價錢黎講算好抵，我地兩個人食都爭啲食唔曬🙈 黎個竹笙素翅先，好多料好大碗，都重胡椒味，但佢啲翅唔係粉絲，咬口真係好似真翅，竹笙同配料都唔少，飲左半碗已經開始飽🙈Menu 見到黃金三層樓，唔知咩黎就試下！ 原來係炸玉子豆腐，超級無敵勁滑同好好味，上面啲醬汁唔會太咸同搶味，呢味勁推介！ 素叉燒用欖角同蜜汁調味，底層仲有炸南瓜，素叉燒做得出色，食落見到一條條肉絲，望落都超似叉燒！ 欣賞！ 因為本身中意食芝士，見到有芝士海鮮炒面就叫埋，點知黎到個份量真係好大！ 不過呢碟就比較遜色，啲素海鮮全部粉整，但個樣就好似，味道一般。 俾大家睇埋個餐牌嘅價錢！ …Read More

棟大廈就易搵既 不過間餐廳好隱蔽 要係停車場入去塔lift上 上到去見到泰好住唔洗驚既 因為係同一間黎入到去同大多數素食店一樣有好多神佛擺設裝飾野食方面一定要試個叉燒 口感扮得好似半肥瘦真叉 有一絲絲既肉紋同埋爽口 加埋欖角汁 非常之惹味😋😋😋😋 個底仲有d蕃薯天富羅 又係同欖角汁好鬼夾既黃金三層樓都幾特別 由三舊炸到金黃既豆腐砌成 外皮鬆脆 內裡依然軟滑 加埋面頭既菜乾茨汁 正丫🤯🤯芝士海鮮麵又係必食 第一次見素芝士 仲要咁似 海鮮就有蝦魷魚魚片 全部都好彈牙 配埋個炸麵底 夠晒過癮😍😍最後食埋個素翅 唔係粉絲碗仔翅黎 係口感好似真翅果款 加埋蟹柳金菇 味道一流所有炸既食物都係即叫即炒 熱辣辣脆卜卜 咁既價錢可以有咁大碟同高質真係少有少有…Read More

忽然想食下素(呢排真係食得太多肉喇.....)，朋友介紹咗呢間性價比超高嘅小店！👍🏻店員好細心，服務態度非常好。<紅燒竹笙翅>好足料而且好大碗，啖啖都有菇架~<菠蘿咕嚕素球>味道夠開胃，咕嚕球食落真係好似咕嚕肉😂如果d咕嚕素球大粒d就更好。<黃金豆腐>非常推介！外層炸得夠香脆，咬落好嫩滑👍🏻👍🏻<紅梅素蝦球> <黃金流沙蝦球>紅梅素蝦球味道酸酸甜甜幾得意，黃金流沙蝦球就好邪惡喇，每一啖都係咸蛋黃😳d黃金脆脆都好好食！我地清哂🙈好佩服廚師功夫，質感似蝦之餘，係真係有蝦味😂<藥膳蒸素雞>無諗過份量係咁多，藥膳味好濃郁，侯頭菇夠厚身👍🏻呢個2人餐好抵食，下次帶屋企人黎食下先！！…Read More

平時食得多肉好膩，所以定期都會食下素既，今日到去長沙灣試試呢間素食原本以為係泰國菜，但行到上去發現好似間酒樓咁，坐滿哂人，應該好多都係附近既街坊鄰里，見到多數人同d姐姐有講有少咁坐低打開menu發現的確係酒樓咁，姐姐拎左壺茶比我地，我地就好似真飲茶咁洗下碗杯見到有個二人lunch menu好似幾吸引幾抵食咁，有湯有飯可以揀三個小菜，仲有是日甜品tim咁多野加埋都係$128 第一個黎既係怡香茄子，煮得相當入味，不過略嫌有小小鹹，可以落小d油感覺一定更健康跟餐既白飯超大碗！呢個菠蘿咕嚕素球唔錯，夠五顏六色，令人相當有食慾，有時食物既賣相同顏色都好影響胃口第三個菜我地揀左健康五蔬，一樣色彩豐富，味道方面如果可以少d油會更出色甜品方面，今日是日係桂花紅棗糕，晶瑩剔透，同酒樓既一模一樣，食落好有桂花味…Read More

呢日下午要在長沙灣工作，放工後六點（天仲係光我哋就食晚餐，哈哈）就嚟到呢間素食店試吓。最近我地有一對夫婦朋友係呢幾年開始素食，所以我哋兩個對素食都會有啲興趣。不過講真，我好怕全餐都係扮肉嘅豆類製品、草菇冬菇香菇等等嗰啲味道。依間素食店嘅款式都唔少，有啲配搭都幾新穎。依度嘅套餐好抵，但係我哋兩個依日應該食唔到咁豐富嘅二人餐。最後就散嗌左一個炒飯，一個菜，同埋糖水。坐低冇幾耐店員先俾咗兩碗湯我哋，湯料應該包括有紅蘿蔔、青蘿蔔、粟米、菇類等等，有住家湯嘅感覺。之後就黎到我哋期待嘅炒飯😊一上枱就聞到黑松露嘅香味！炒飯粒粒分明，牛油果嘅份量都好多，黑松露好香，加埋滑滑嘅蛋白，呢個炒飯真係好好味又飽肚💕 等我下次喺屋企都試吓牛油果炒飯先😊再有嘅係我鍾意食嘅茄子😊 啲醬汁應該係搵素蠔油、菇類、豆乾等整成嘅，有魚香茄子嘅感覺，炒得好香。最後，我哋兩個其實都已經好飽但都想試吓杏仁露。依個椰汁杏仁露非常足料，杏仁嘅比例好多，仲加有少少嘅蛋白，連同埋椰汁，飲落去真係覺得滋潤養顏。今晚呢個晚餐絕對有驚喜！想唔到咁滿意！呢度嘅餸菜唔會係好傳統嘅素菜，我覺得可以約番朋友一齊喺度食飯傾計，又或者約下長輩一家人食下呢啲新派嘅素食都好。另外我哋都見到午餐餐牌或者下午茶餐牌都好抵食，如果有機會下次再試下。依度嘅茶都好好飲，應該係玄米茶嚟嘅，聞落去飲落去都非常之香。我哋食飽飽之後都坐下飲曬壺茶再走🐖😊…Read More