泰妃雞 (Closed)

自從他們由中環搬了去上環，我未試過。今曰同同事叫外賣。同事都叫湯河，但係今天下大雨，悶閟地便叫了辣椒膏炒青口$95及泰式生菜包$82.青口都多，一d都唔辣，反而甜甜哋。生菜包份量ok,生菜算小，而且不太新鮮，一般般。總括來說，都算是傳統的泰菜。

剛想寫食評時，想看看其他食客的評語寫什係，發現很多所寫的，我都有同感，亦是我的總體評語:.🚫服務態度有待改善🚫熱🚫價錢不便宜✅雞滑🚫飯唔得.詳細評論如下。.🎈環境:.門口係深色玻璃，黑蚊蚊睇唔清楚，仲以為無開門。.一入去嘅感覺係窄同逼，都唔緊要啦，坐完就走。.坐底係有啲熱，好似無乜冷氣。.有位女侍應 (又或老闆) 很快招呼，不過語氣屬粗聲粗氣，聽上去感覺像不歡迎客人的樣子，有少少趕客feel，看她與其他侍應對話，有老闆的氣場，對伙頭對食客她都是”掘擂槌”，我估計她未必覺察到自己會令人覺得她不禮貌和令人不舒服的感覺，不過真的不是一般食客會喜歡的服務態度。.🎈餐牌:.👇全餐牌，中間綠色部分有最具特色的泰妃海南雞餐及豬脾餐，$61包一杯熱飲。.👇也有平幾蚊 ($54) 的精選午餐，每天兩款選擇，天天不同。.👇下午茶時段 (2:30pm開始) 有特價粉麵同套餐.🎈食物:.泰妃海南雞飯 $61包一杯熱飲⭐️⭐️⭐️💫雞4分，飯3分，平均3.5分.✅雞南雞⭐️⭐️⭐️⭐️雞肉的確嫩滑，抵讚😋.🆗飯雖然看上去是黃色，但味道不覺是雞油飯⭐️⭐️⭐️.👇午餐包一杯熱飲，我選了熱檸水🎈總結:.✅海南雞肉嫩滑🆗雞飯並沒雞油飯味

有時係屋企懶唔想落街買嘢食都會睇下啲外賣app有咩選擇今次見到有泰國菜價錢又唔算貴就試下.泰式炒金邊粉鹹魚炒介蘭泰式牛肉串燒配油飯.金邊粉可以話係泰國菜啲signature dish第一次食依間餐廳就試下佢！🤣🤣🤣賣相唔錯 炒得幾乾爽啲粉唔會痴埋一舊咁食落都有鑊氣味道唔會太鹹 剛好👍🏻有啲蛋 豆乾 蝦仁 芽菜 花生口感都算ok!👌🏻介蘭炒得岩岩好唔會太冧太硬有時都會食到啲鹹魚粒粒🐟🐟相比起上面兩個菜串燒飯遜色咗少少串燒我揀咗牛🐮但我覺得有啲鞋身 冇咩肉汁唔算太吸引

食物質素一般，不算難食，但真係好普通，價錢都唔係話特別平。海南雞飯$61，不過不失。Lunch hour上環好多餐廳選擇，偶然經過依間食泰國菜，見到個門面裝修好似都ok，重要係唔需要等位就可以直接入，就決定入去試下。不過lunch hour唔駛等位既餐廳下次真係要考慮清楚，中伏機會真係幾大。依間餐廳服務態度奇差，有個女侍應（定老闆？）聲大夾惡，好似得罪左佢咁，比錢買難受。上環咁多餐廳，咁既態度想人幫襯下一次？永不再幫襯！

今日中午行過見到上環有間泰妃雞， 入去坐低叫咗個海南雞， 質素同以前食差咗好多， 最差喺個飯好似隔夜飯一樣， 坐低冇耐發覺越嚟越熱以為冷氣壞咗， 標曬汗食完馬上走人，出去埋單時冷氣又開返， 今日三十幾度使唔使咁慳呀， 旺角嗰間之前有幫襯開都ok上環呢間第一次幫襯食飲完個湯仲勁口喝😒

下午茶時段湯河麵類$27起，完全不知午餐想吃什麼之下就來了這裡吃了點了雞絲沙嗲湯金邊粉，份量不會太小，雞絲和粉都足夠飽肚，只是味道不算好吃，湯底甜甜地，沒什麼香味，不過$27來說都合格的了

🍽泰妃雞 (上環)📍上環禧利街17-19號地下.繼續係上環系列，Staycation 的午餐我地都係去禧利街食飯～ 試咗呢間泰國嘢～ 🇹🇭🇹🇭🇹🇭.🦐泰式炒金邊粉 $61好好食嘅金邊粉，酸甜程度啱啱好～ 佢有好多花生～不過鍾意食有多啲炒蛋絲嘅～ 🍜豬頸肉湯河 $41有勁多豬頸肉嘅湯河，完全唔吝嗇～ 不過河粉略微淋咗啲。.#利利仁飲食雜誌港島區 #泰國菜 #豬頸肉 #Laksa #泰式料理 #九龍城 #東南亞 #越南菜 #malaysianfood #penang #FishCake #fusion #instafood #chillin #chili #上環 #vibes #coffee #cafe #chill #lazy #thaifood #thai #thailand #上環美食 #foodie #food #foodstagram #staycation #thaïcuisine

在香港食海南雞周圍都可以食到，味道好不好見人見智，各家各有各特色各有精彩之處，實有一家合你口味。我在中環上班附近就有好幾間，大多數都好多人排隊各有各客戶，《泰妃雞》是我同事經常到訪的午餐熱點。地點於上環禧利街17-19號。店舖不大可以說逼夾，裝潢都比較舊式。生意多餐廳唔優做侍應們態度不算太好。除了高級餐廳上中環大多數餐廳侍應生都係態度差到嘔，都已成習慣。招牌菜有泰妃海南雞飯、泰式小食拼盆、泰式炒金邊粉、泰式豬脾飯、醃豬頸肉沙律、馬拉盞炒通菜。主角海南雞飯+飲品HKD61招牌祛了骨的海南雞飯，雞油飯顏色金黃色軟硬適中滿香，雞無雞味但肉質還算嫩，點甜酸醬就變得好味啲。泰式金邊粉+飲品HKD61味道較淺還可以，配上香脆花生碎，夠晒香口香茅雞翼冬陰功金邊粉HKD49陰公湯底超級好味😋酸酸辣辣超級適合夏天，開胃又惹味，金邊粉煙韌彈牙，可惜敗筆香茅雞翼太乾太柴好難食。凍檸檬茶冲得剛剛好

標題已經完美表達這餐飯的水準⋯⋯早兩年食過泰妃雞，還記得味道不錯，不知道為什麼這次水準真的難以接受。這晚來到泰妃雞，從入門口時量體溫、帶位到落單態度都麻麻地。落單叫了一個泰式炒金邊粉+半份雞翼（3隻）雞翼配上泰式酸辣醬，看起來賣相不錯。誰知道咬了一口發現裡面還是紅紅的。不信邪的再咬開另外兩隻雞翼，同樣是還沒熟透，盛惠35蚊多謝晒......原諒我放上來一張咬開，不太美觀的照片，其實最後面那隻也沒熟透，但沒有特地咬開拍照雞翼半生熟，沒想到連金邊粉也是炒得很硬，實在分不出來到底是炒焦了，還是什麼原因所致。調味方面倒是還能接受，就是口感真的難以忘懷。只是只是一餐OT飯，卻搞得心好累

本身想食某間好出名既黃店，但實在排太太太長龍，所以周圍行過揀左呢間泰國野。雖然佢叫泰妃雞但我地冇揀雞 lol泰式豬脾飯 $61林，但係好多毛，飯唔新鮮所以一舊舊。汁份量夠多夠撈成個飯，味道正常。泰式炒金邊粉 $61粉質唔錯有少少咬口，羅望子醬均勻炒係每條粉上，但係冇乜蝦膏味。菠蘿青檸蜜 跟餐+$5好甜，有一舊罐頭菠蘿，成杯都有啲菠蘿碎。青檸柑桔蜜 跟餐+$5好甜，但有柑桔酸酸地都幾開胃。有廁所，廁所外都有洗手盆有梘液，方便疫情下既大家。但最搞笑係泰國餐廳掛晒佛像畫咁但係係咁播經典英文歌 😂

Lunch 去食，坐樓上唔洗等位，都唔迫，全枱6個人全部都係食海南雞飯。$61蚊唔洗加一，連杯野飲或者跟湯，凍飲仲唔洗加錢。雞都幾多，夠餸飯，舊舊都好滑，即使係雞胸都唔鞋，飯就黃油飯，不過唔算香，可能唔夠熱，最求其就係一塊青瓜同蕃茄，不過都好過完全無菜食既。

今日又要去接牙仔放學喇... 咁今日我地晏左起身無食午餐，好肚餓，牙仔放4:30，所以我地早左1個鐘去學校附近食嘢！今日我決定食泰國嘢！我老公話佢好肚餓，所以叫左個泰妃海南雞飯！不過間餐廳d海南雞好正，好淋. 仲有無骨的！😁😁咁我就叫左下午茶既粉麵，肉碎湯粉，食米線，轉冬陰公，配菜全走。好正，最鐘意冬陰公。我既餐廳必須飲品，又係凍檸檬茶。我老公果個要61蚊，我果個下午茶既粉麵只係35蚊咋！其中一杯凍檸茶唔使錢，1杯就加左8蚊！

第一次食梗係叫個招牌海南雞飯啦！鋪面乾淨企理 坐得舒服，$61套餐包熱飲或例湯都算正常價錢。節瓜雞腳湯~夠熱有幾件瓜及一隻雞腳好味雞飯~份量足料，雞件好滑又唔太肥，特別欣賞個泰式汁好惹味

$27下午茶沙嗲雞肉米粉，沙嗲有微辣的味道，不算太辣。醬料加了一點花生醬，對花生敏感的人不可以吃。雞絲肉質不算太滑，有生菜。在上環吃下午茶以這個價錢來說已經很抵。

一眾同事想嗌lunch,但係又諗唔到食咩,佢哋對泰妃雞嘅海南雞飯評價就一般,不過真係唔想成日食茶餐廳,決定一試。好不幸地由於lunch time好多人嘅關係所以佢唔送外賣, 唔緊要,為咗食我哋就行去自取啦我就揀咗香葉肉碎飯,一打開真係好香,份量都幾多,到夜晚放工都仲飽飽地。值得一讚嘅係佢既肉碎足夠餸飯,因為始終呢個飯唔係有汁個種,如果啲肉碎唔夠餸飯就爭好遠啦。仲有,呢個肉碎飯都幾香幾辣,十分惹味,可以encore,係好食既。然而呢個飯就無套餐既,只有散叫,承惠$56,喺上環食個飯五六十蚊係等閒事,不過如果佢包埋嘢飲我就會成日都叫囉,又或者加幾蚊有杯泰式奶茶都好丫,哈哈