波記粉麵專家 (Closed)

每次踏足這兒目標也很明確︰西多士當然了只吃甜點不夠，所以總會點一個牛腩河牛腩河普通，整體上湯底是我最喜歡的︰有肉味卻不花巧、清卻不淡可惜沒有牛筋...主角西多士有很多奶油和一大塊牛油內裏還夾有咖吔醬做餡料趁剛做好的時候吃真的一流︰感覺不會過油、暖暖的、綿綿的甜入心令人總是思念著這份甜甜的心思

那些年,仲係堅道返學時偶然發現呢間店(就係俾佢未轉角都聞到嘅牛腩香吸引囉哈哈哈哈),食過佢嘅牛腩河同餐蛋麵,好味程度係而家出左社會做事都仲想返去食.終於今日趁有少少時間,仲唔撲返去食?估唔到佢啲牛腩依然咁香,我未到地產鋪都聞到.但意外地夜晚店內無乜人,我例行公事地要左個餐蛋麵,湯多左少少,但好熱好香,隻蛋係煎得好靚的微焦,奇在塊餐肉,好似只靠熱湯灼熟,無乜油,不過薄切得好靚.話時話我仲未帶我朋友來食,希望到時佢地仲係度.(咁好味我覺得加少少價無問題囉)話到呢度,我去埋單先啦,哈哈哈哈

八號風球剛轉為三號，晚上想食得簡單點，就直走去波記吃個粉。老板正在吃著他的晚餐飲著啤酒，老板娘幫我們落單，煮粉和埋單。他們的廚房大玻璃對正街道，那一大桶牛筋牛腩總會吸引很多經過的外國人張望。朋友點了牛肚河，我點了九菜雲吞河，一碟生菜。他們的牛肚雖然不是金錢肚，但也算入味，湯清有牛味，河粉爽滑。自家包製的九菜雲吞我最鐘意，雲吞皮薄九菜很多，大大隻，伴爽滑的河粉最佳。他們的油菜非常大碟，絕不欺場，有次買外賣想叫油菜，老板娘說不夠菜不賣比我，我見其實只是欠兩三條無所謂，但她堅持不賣說不好意思少了。這一家人都是非常老實的潮州人，味道老實不花巧，價錢在中環soho區真是超平宜。聽到老板對朋友說他買的都是價錢貴些的靚生菜，平時不喜吃生菜的我也覺得他們的生菜非常新鮮爽脆。這間老式的粉麵店在昂貴的soho區努力地掙扎，不下一次聽到老板和朋友在呻粗金昂貴，樣樣都貴，附近的學校又執了，少了很多客，很難捱，想結束。我希望他們能夠堅持耐些，而我惟有用實際行動多些幫襯當支持。　

這間家庭式小店位于中環鴨巴甸街街尾, 要行一段斜路上去, 沿途經過幾間畫廊, 可順便看畫, 因為多次幫襯, 和老板相熟, 他必定留最靚的牛腩角給我, 這些牛腩角比美鏞記及九記清湯腩.還有現炸皮脆肉嫩的雞翼, 起沙的紅荳冰, 九菜餃也十個讚!http://hk.myblog.yahoo.com/jolovam/article?new=1&mid=3085

今日同d 同事lunch 時...誤打誤撞咁去到鴨巴甸街...因為時間關係...無咩可以揀...見有間粉麵...就入左去...開頭個時...覺得間野好似好殘...但入到去...完全係60 年代feel...我地3 個分別叫左...雲吞米... 我食呢個...完全ok 呀..好味...因為唔多油... 雲吞雖然唔多...得4~5粒...但都好好味...d 蝦唔腥...墨丸米...<呢個就唔知...因為同事食...>腸肚麵...<呢個...個同事就話好正...好夠味...d 腸又夠肥美...>叫完個粉...個婆婆仲問我地洗唔洗叫埋飲品...我就無叫...但同事就有叫...個婆婆都好快手沖好來...飲完食完走...埋單行去收銀度...又係個婆婆...佢好醒目呀記得我地個個食咩...幾錢...又好禮貌真係值得一食呀...因為算係平...又少油...好好味...

去開中環，男朋友說重拾中學的回憶，故特意走上波記食碗麵~~我自己就第一次去波記，見到門口就知佢係好舊式的粉麵檔~裡面地方淺窄，很懷舊的感覺。叫左牛肚河、牛腩粗同炸雞翼~~仲有支可樂~~~牛肚河並不是金錢肚，麻麻地~但味道都不算差~男朋友食牛腩粗，粗麵爽口，口感不錯~但牛腩略嫌較韌~未必個個人喜歡~整體而言，湯底尚算夠味，不過不失啦~至於炸雞翼，不十分特別，內裡的雞肉亦有點不夠味，勝在新鮮炸起，難得的很脆，算係咁啦！店內得一個婆婆serve客，佢都好辛苦~唔好對服務有太高期望~

　　今次第一次和老公黎波記，我叫了牛腩河...而老公就要牛根云吞河...牛腩河，要18蚊... 牛腩雖瘦但腍，而湯味則濃郁，值得一試...只是河粉較為硬身...牛根云吞河，22蚊...都幾大碗， 牛根幾入味，而云吞OK，但不要吃河粉...食麵相信會好d...　

進店內，挺熱的，以為沒有冷氣，但抬頭一看，有冷氣機吧 ... 但好像沒開 ... 左顧右盼，看著餐牌，賣的都是粉麵多士 ... 媽媽點了牛腩河，我點了牛腩撈麵 ...餐廳環境半新不舊，枱是摺枱，放著豉油、辣醬、糊椒鹽，還有鐵造的筷子筒，再加一個膠製的廁紙筒 ... 一般粉麵檔的格局，沒有特別裝修，唯一可稱為點綴的是那隻鷹，但到底是畫龍點晴？還是畫蛇添足？食物來了，份量不少，媽媽的牛腩河，我沒吃，不能評論 ... 我的腩撈，除大碟之外，味道平凡，真要說的，只是麵夠爽口，牛腩卻不夠稔，撈點辣油才夠惹味 ... 還有一碗連腩撈一起上的湯，無聊孤獨地待在一旁，也為它拍張照吧 ... 埋單時，我們在想：「邊度俾錢？收銀處呢？」想不到是這個小櫃，沒有收銀機的，怪不得找不到收銀位置 ... 臨走前，多口問句：「呢度幾時開業架？」笑而不答，良久才說：「95年 ...」嬉皮笑臉的 ... 不會吧？

事關蘭芳園,民園,九記都食過N次,話時話上咁多次條斜路都見唔到間舖,可能個位置都好隔涉掛.見佢門口寫住"雲吞麵+可樂"$22~咁抵!!二話不說入去坐低有下有咩食~叫左個雲吞+牛腩粗,同埋紅荳冰~點解叫紅荳冰?佢零零舍舍一大張咭紙寫住仲唔係推介???唔飲佢唔咩呀???講真佢冇呃我羅~嘩!!!!!!!!!個碗麵大碗到呢......跟本係一條友食唔晒!!勁多牛腩,仲要係d雲吞,即刻諗起同個friend食麥奀.........因為自從上次食完麥奀個雲吞麵次後,係冇下次呀~遊客就話比你昆啫!!SO!食完波記既雲吞麵一定有下次!!!超好味!!抵食!!仲要食完唔口渴!!掂掂掂掂掂掂呀!!仲有波記呀叔同呀婆好霖善架~!!!

最近幾個月新工作在中環上班四處都是很貴的高級餐廳令我很頭痛,結果~有次同事帶我到這間波記,有很大發現~初初第一次去剩係叫左佢地既奶油多2份唔好以後奶油多間間都有,但真正好食既就好少好少佢做到塊飽脆都唔"窿"而且價錢好平,6蚊一份,好平!叫左2份都飽!口乾乾叫支大可樂12蚊+7蚊就搞掂左呢餐,而第二次去.叫左牛腩河,好好味d牛腩,好入味,突然間諗起細細個呀媽係佐敦幫襯街邊小販買比我既牛腩米就係果種味道,好好味.....之後我同我同事叫左兩碗,有人同台座埋黎叫牛腩河已經都無得買了,剩下牛什好味既野係好搶手XD好彩食到

波記係近年來最常去既食店之一，因為近、價錢合理及好食！係近近地既午餐既好去處。波叔(波記老板)處理既牛，由細細個已經食架啦，不過當時食既唔係波記，而係牛記。因為如無記錯，波叔曾係牛記工作！好耐以前既牛記，得粉麵同茶，至於之後改變成做晚飯小菜既原因，及波叔自立門戶既原因，就唔知啦！anyway，牛記同波記都係好味既~~~近年牛牛既價格飛升，因此波記既價格都由抵食改去合理......波記既牛，係潮州式整法(波叔乃潮州人呢)，而內裡員工，9成都是家庭成員是也。今日又同老婆去左食lunch，原本想要肥腩牛什米，不過自己牛價飛升之後，腩唔係時時有，因此要左2碗牛什米走肺，1碟炸雞翼，凍茶及凍檸茶都要少甜。牛什內有肚、腸、沙瓜及膀，味道很好。d腸又係睇運氣，有時肥，有時一般；沙瓜唔係次次有，想食既最好問清楚；而肚同膀就唔算太特別，都好味的。由於係潮州式整法，味道唔算太濃，以牛既清香為主，因此食開濃味既，就唔好去啦，波記並不是你果杯茶。至於炸雞翼，即叫即炸，的確非常美味！至於茶方面，水準是令你估不到的好！比一般無heart 既茶餐廳一定好好多~~~當九記、生記等，單併已經叫價廿幾蚊時，波記雙併都係只

下雨天, 無阻我走上山, 又逛逛食店, 今早早餐吃多了, 3點鍾都未顯餓意, 見到一個60多元的brunch, 都係唔好, 在Soho流蓮. 雨越下越大, 在Soho街尾, 都是落山去, 路過這一間仍然是用紙皮石鋪地版的粉麵檔.入去, 一位廣東話操得不好的阿姐招呼, 見一位老顧客叫了牛腩麵, 那我亦follow, 牛腩麵一碗. 牛腩幾爽, 但味道唔夠, 又唔似清湯腩, 又唔似老火炆牛腩. 只有接受.古色就是古色, 沖出黎的奶茶都唔錯, 為了試味, 算啦!

2008-01-23由於家在這區，已幫襯過很多次。這家小店，味道確是好。最愛的是這裡的牛肚和魚餃。今天也不例外，點了牛肚魚餃雙併米粉，加上辣椒醬和極品辣椒油，真的百吃不厭。連飲品埋單都是三十多塊，超值！

Decided to come here for a quick grab after reading some pretty good reviews. Ordered beef ball + beef tendon noodles, but turned out to be very so so. There was quite a lot of beef balls and tendon but otherwise the taste was very blend. Would go somewhere else next time for sure.

o個時翻學,都Ok近呢頭o架!所以一星期都會幫襯一兩次!幾抵食,單拼就$15,隻拼,三拼都係$18!中學生無乜錢,十幾蚊就可以找數,o的o野仲幾好味,真係算唔錯o架啦!雙拼,我最鐘意叫牛腩,貢丸河!而我o的fd就鐘意拼紫菜!佢最好食的係炸雞翼!其實佢好多o野,好似墨丸,魚餃o個o的都好食o架!