Video
Above information is for reference only. Please check details with the restaurant.
Signature Dishes
抗疫疲勞，同朋友去長洲行吓。走咗去冬菇亭搵嘢食。咁早起身，梗係要對自己好啲，食件牛扒當做早餐。薄牛扒唔靭，黑椒汁唔太鹹，合格。多士蘸蛋黃，小弟最愛！朋友就嗌左個餐肉雙蛋火腿通，通心粉軟硬適中，加少少胡椒粉，俾我包底食晒！茶記阿姐都吹得吓，傾落先知原來老闆兼大廚喺度開檔已經20年，仲對自己嘅出品好有信心。老實講，茶檔啲茶唔得，一定冇回頭！呢度嘅凍奶茶同凍檸茶都掂，茶味濃郁。完全係港式大排檔風味，值得推介。(唔記得影杯奶茶 )
continue reading
今日仲係離島遊，今次呢我哋去咗長洲玩，咁見到隔離嗰間陳通記咁多人，我哋就唔等啦，去咗隔離嗰間永佳大排檔。禁我哋就叫咗兩個嘢食啦同埋兩杯嘢飲，第一個就叫咗咖喱牛腩飯，咁咖喱同飯係分開上嘅唔似一般碟頭飯，直接淋上面。咁佢嘅味道呢都幾濃牛味，少少辣d牛腩係爽口的，咁洋蔥味都融合咗喺個咖喱度，不過就有少少鹹，鍾意食濃味的人可以一試，佢個咖喱汁嘅份量係足夠食晒成個飯都有剩嘅。咁仲叫左個星洲炒米，咁就係店家推介嘅不過食落去就冇乜咁特別仲有啲辣，所以下次黎可以試下d咖哩系列。
continue reading
三個女人學D後生去長洲camp，好耐都無入過黎呢個小島，我哋星期四入，一上船已經覺得賴嘢，一隻船已經咁多人，去到長洲米仲多？落左船真係比想像多，除左多人仲好多車（仔），搵好嘢食都唔容易，俾你揾到，D服務麻麻，瞓左一晚等第二朝去揾早餐食，去到街市大排擋，見永佳有位又唔係無人幫襯，米坐低試下，佢哋餐唔多，得ABC餐，價錢$32-$35，向旅遊區嚟講已經係平，佢份雙蛋方包唔特別，奶茶不過不失，我想講嘅係佢碗火腿米粉，D火腿切得好幼，米粉好滑，有兒時味道，伙記亦記一功，有善之餘，佢等我哋食完哂嘢，主動俾溫水我哋飲，實在暖在心頭。
continue reading
帶埋屋企隻毛孩入去長洲玩，長洲好多間都可以俾狗入，所以可以任去邊一間都OK。毛孩黎呢度，又可以隨便玩，好開心。入咗黎呢一間，問佢有乜嘢出名，就由店員揀俾我哋。呢度既凍啡都唔錯，咖啡夠晒濃，就算加上冰，都唔會溝淡咗味。老婆點咗個油醬多，都話唔錯。牛油同醬都俾得幾多。面包唔會烘得太燶，還不錯。毛孩見到都流晒口水想要食。當然唔俾食啦～話說呢度話海鮮米好食，咁就叫咗個海鮮豬扒米。炸豬扒好大塊，都好穌炸。而所謂的海鮮，是指鮮魷、墨丸等等。不是說有什麼貴海鮮，但還Ok的。最重要係唔算好貴。所以都算不錯的。
continue reading