殿糖級

家庭日帶左家姐的小朋友去新蒲崗playhouse玩，小朋友開心玩完後，本來想回家，一出門口未攞到車就熱到滿身大汗，立即想入有冷氣既地方避一避，停車場傍邊就有一間連鎖式甜品店。開頭諗住食個雪糕就走人，入到店裡面見到甜品既相片非常吸引，經店員推介幾款雪花冰後，我們點了香芒雪香、及天使冰（牛奶冰）二款。香芒雪香，堆成山形，傍邊有新鮮芒果肉及柚子粒，山頂還有芒果汁，賣相好吸引，食落有濃郁芒果香味，好似真係食緊芒果味道既雪，真係入口即溶，降溫一流而且好好味。天使冰，很有奶香味而且不太甜，又係入口即溶，冰冰凍凍，小朋友非常喜歡💓可惜份量太多，一份足夠兩人份量，如果每碗份量少一半，價錢少一半咁就perfect喇！😝…Read More

其實新浦崗甜品店不多，我算是喜甜的但住在大圍比較大鄉里，今天帶Bb去完商場B B主題餐廳，也去去我覺得不合錯的殿糖級試下。人不多，點了兩款布丁，芒果同香芋，味道濃，滑，實，性價比不錯，十多元一個也點了芒果千層和D24榴槤千層，能保持水準，之前在大圍和天后試過。芒千芒果差不多層層有，大概11，12層，cream 我皮也好食，我Bb 也一啖一啖食完，也要多一外賣榴千榴槤味有待加強，但也食到榴槤絲，可能是關乎當不當灶的問題。感覺是誠意之作…Read More

首先，蛋糕賣相乾爭爭，起初以為係display都由佢，個日咁岩口痕想食蛋糕，點知買左之後就後悔啦！佢拎左我以為係display個舊蛋糕俾我，即刻呆哂。先睇一睇個蛋糕， 發霉既然後，我唔信邪切開裡面睇，霉到入個蛋糕心裡面，我真係唔相信自己眼前見到既野呀，嚇到我傻！我仲唔拿拿盡拎返去俾佢退錢咩，佢無諗過退錢不得只，仲即刻拎第二舊俾我睇，話：「呢舊無事架，好靚！」；佢諗住俾舊新既打發我走。我完全無哂食蛋糕既心情，極失望，極惡劣。四隻字：送都唔食！…Read More

今日到新蒲崗食好西😋，晚飯後路過殿糖級，看餐牌後打算入內試試，2人點了一個黃金滿屋及一個四重奏，很快店員就送上黄金滿屋，正當想吃之時，看到芒果雪糕上有黑點，仔細一看原來是隻蚊滋(有翼的)😱😱，我們即時叫回店員更換(心想他們也是没有意的)，沒想到……換回來的是同一碗🙈🙈，他們只把雪糕反轉了，反過來又看到剛才的那蚊滋😠😠，那時再叫店員過來跟進，疑似老闆的出來就用嚴重惡劣態度話已經換了一球新雪糕，你們還想點樣，是否玩野(一點歉意也沒有)，在旁既老店員還想搶去那碗甜品被我們即時阻止，我們反問他為何更換後仍會有蚊滋在雪糕出現😨😨，是否剛才那碗根本冇換，他回應這有翼的蚊滋是芒果肉😵😲，還說不相信可以拿整盒雪糕給檢查😵😵，他是否當我們是白痴😤😤試問咁既食物質素+惡劣既態度還想有客人幫襯嗎……？(當時我們即時起身走人)今後唔會再去…Read More

剛剛在裏面諗住食糖水點知， 我們八人，因為有一隻小狗，所以分了兩枱，三人在門口，五人入去坐，之後他們幫忙分枱，態度已經十分之不好，藐嘴藐面之後 ，我們有五人在門口等，轉頭佢黑面我們，搞到我們 很氣憤然，之後我們就沒有再食下去了，走了…Read More

昨天晚上和一個從美國回來很久沒見面的朋友在新蒲崗Mikiki商場吃飯，因為太長時間沒見，大家都說出近況，食完飯要還台時大家還有很多話要說，於是朋友提議找個地方再傾，一出商場便看到對面越秀廣場有間燈光明亮的殿糖級甜品店，便帶朋友試一試港式甜品。我們點了粉圓伴蛋白及冰鎮海燕椰皇凍試一試（聽店員介紹是新品）粉圓伴蛋白的蛋白不會過熟，還很滑，粉圓顏色吸引，口感不錯，而且還有西米冰鎮海燕椰皇凍，我想是以前的椰皇燉3.6牛乳加燕窩，再加上圓肉，最重要燉牛乳很滑，淡淡清香而且不太甜，朋友和我都比較喜歡這個朋友會在港住一星期再回去，她對這家甜品大讚，還說走之前一定再來試其他甜品。…Read More

晚上想吃點甜品之前路過覺得這間甜品店樣子不錯 專程過來試一試 點了兩個甜品 男朋友點了黃金滿屋 （個人覺得還不錯 但男友說普通）我本想點豆腐綿綿冰 但沒貨 轉為薑汁番薯 （另加$3小丸子）薑汁番薯一上枱 見到除了小丸子還額外加了芋圓 雖則覺得有點不太配 但感覺還好 因本人喜歡煙煙unun的食物滿心歡喜一來就吃芋圓 誰不知! 芋圓的芯是硬的!!!!! 係勁硬，外面係好似浸到勁耐浸到就快化既感覺 即時已經食不下去.....跟著就試試小丸子 但都是硬的.... 從來沒有食過一間糖水店可以將小丸子整到咁差（仲要係熱甜品應該更易處理）忍不住都要給差評!另外 餐具衛生都有問題 整個餐具盒的鐵匙都污漕到不敢用…Read More

約了朋友，時間又尚早，有點兒餓，路經越秀廣場，這店子進場，於是稍坐一會。或許時間尚早，沒什麼客人，只我一個，有點包場的感覺。天氣仍帶點涼意，秋冬推介仍可品嚐。我還是喜愛朱古力的味道，於是要了一份朱古力心太軟配曲奇雪糕。心太軟制作需時，等了約十分鐘，也不算太耐。糖粉在朱古力心太軟，再配著曲奇雪糕，黑白分明，碟上有著朱古力配襯，很是好看，讓人很有食慾。打開心太軟，朱古力在內流出，還洋溢著濃香的朱古力氣味，更為吸引。先吃下流出來的，不要浪費，入口暖暖的，朱古力香及濃，甜味卻剛好，不會影響朱古力的原味，心太軟外皮香軟，並不太硬，很有咀嚼感，難以停口。慢慢品嚐心太軟，在等候時間的過去，的確不失過一種享受。…Read More

尋晚去新蒲崗朋友屋企食飲，走人時見到有間企企理理的甜品店。天氣仲有D寒就想食下甜品滋潤一下。點咗個椰皇3.6牛奶，非常香濃幼滑。個朋友就食木瓜燉雪耳，味道唔錯又對皮膚好。下次會再試其他特色甜品。…Read More

這天剛巧到朋友家拜年，哈哈，雖然過了十五，但有心唔怕遲，都系約埋d好耐無見的朋友敍下姐。朋友住新蒲崗，飯後朋友話有間新式甜品店都唔錯，叫我地一齊去試下，再吹下水。今天星期日，都有唔少人，剛啱有位，唔駛等。睇下餐牌都有好多選擇，中，西也有，但冬天，我都系鍾意食熱糖水，比較有溫暖的感覺。睇到隔離枱食緊椰皇，好似好好味，仲系用3.6北海道牛奶，定要一試。另，又想食木瓜，於是又點咗木瓜燉雪耳，同朋友share.雖然都唔少人，但好快椰皇先上，急不及待即刻試下，我鍾意診熱食，有暖笠笠的感覺。牛奶很滑很香，是用正宗3.6奶，加上椰子的清甜，唔錯! 之後木瓜燉雪耳也到，也即刻跟朋友分d試下，哈，果然都唔錯，又唔會太甜，味道剛好，用料都足，雪耳亦爽口，值得一讚系冬天就應多吃燉品，這2款甜品俾到我窩心感，下次有機會再黎，再試下其他款式先!…Read More

是日跟朋友到九龍城唱k，之後行去左新蒲崗，雖然lunch k的飯份量不少，但我們總是口癢癢的，想食個甜品！見到呢間殿糖級裝修都幾靚，點知其實得個樣，一啲都唔好食，還有令我不滿意的用餐經歷。朋友點了芒果千層蛋糕，凍凍地都幾好食，夾雜著大量cream和芒果粒，仲好有層次感添。而我呢個粉圓世界就。。這個有熱食和凍食的選擇，我選擇了前者，但出到嚟只是微暖，而咬到粉團的中心還是凍的，相信只是把甜品坐熱，時間亦唔夠耐。粉圓世界，餐牌印像中寫了有黑珍珠、白珍珠、地瓜丸、芋丸、小丸子、西米和涼粉。食咗幾口，成個椰汁都好希，無咩味。不來不去都冇手感，認真一睇，只係西米和涼粉多，亦有ＯＫ多的白珍珠、小丸子同芋丸。那麼黑珍珠和地瓜丸去左邊？？？？以為師傅唔記得落嘅時候，我問一問店員，他才回答我有些沒有貨，這個時候才說，的確令人氣憤呀！！結果他補回少許小丸子和芋圓～雖然最後補番，但係服務態度真係唔好，如此低汁的粉圓世界。。希望只係偶爾出錯，不知道其他甜品好不好吃呢？但。。。相信我不會再來！…Read More

同事介紹小弟去食呢間甜品專門店既窩夫，身為窩夫控既我，當然唔可以錯過啦。廢話唔多講，呢個窩夫皮脆內軟，又香口，蛋味又足，就窩夫黎講真係無得輸。可惜配料太平凡喇，不過淨食窩夫都夠啦呢個雞翼尖就真係無得彈喇，辣得黎夠蒜味，隻隻雞翼尖又淋又入曬味，仲正過b仔嗰d阿！三個字講曬，大滿足！…Read More

因為心情差所以有人請食甜品爸爸叫左個雜果西米露我就叫左雜果涼粉而且加左雪糕賣相好吸引而且好大份要慢慢食先食得哂水果好新鮮同埋好甜''白涼粉''勁好食老細又好好人真係殿堂級水準 食完心情靚返哂…Read More

知道新蒲崗開咗間糖水店，門外圖片食物好似好吸引，仲有拉麵，珍珠奶茶。夜晚行過見都幾多人，今日星期六被friend 放飛機，悶悶地去下晝咪去試下新野囉！諗住試下拉麵，但點知未有得賣，可能下月頭才有喎，算啦改吃下甜野，見到有雞蛋做布丁，好似幾可愛，就試下啦。個玻璃蛋杯又幾別緻，味道又唔錯喎，幾滑。我叫左1隻咋可惜有D唔夠喉，又點左杯焦糖珍珠啜下，吓，幾香奶味，珍珠都好煙un.啜啜下睇到隔離枱個女仔流晒眼淚鼻水咁，睇真D原來食緊雞翼尖，仲問店員要水，應該幾辣。我勁愛食辣，心郁郁又點唻試下……嘩真係夠入味又夠辣，好香蒜容辣招味，woooo,食到停唔到口，辣招都唔放過，食晒！聽講B 記出名雞翼尖，我未試過唔知邊到好味D，但鐘意食辣呢間肯定唔會失望！最后坐坐下見到有店員彈結他，又唔錯，偷聽到好似鐘意玩Busking, 可惜當時佢唔係真表現，話遲D有機會系舖頭外表現，haha, 又幾好玩，定要留意期待！…Read More

今天下午帶BB行商場後，見對面馬路有間新開的甜品店，這個品牌的甜品店之前食過，味道很不錯，於是一家人入去食個甜品.一看Menu,這家有小食及珍珠奶茶，原來是新產品，於是我們order了心太軟配雪糕，雞翼尖及珍珠奶茶，雖然不是太多食物，不過招呼也很好(店員見我帶著BB特別讓我們坐非風口位，😊好細心！)至於'心太軟'，一切開朱古力漿就流出來，味道沒記憶中那麼甜，很香的朱古力味，非常好，只是等待時間有點長，難得可以保持以往質素😋，等待也值得，Like雞翼尖有強烈的蒜香，我不食蒜，不過聽老公說夠辣夠蒜香，比起元朗x仔更好味，珍珠奶茶也不錯，珍珠多彈牙.值得下次再來😋…Read More