正 麻辣·茶·雲吞 (Closed)

隨着長沙灣嘅蘇屋邨落成，呢頭嘅保安道、順寧道一帶開始多咗啲變化，第一樣明顯喺多咗啲食肆進駐。因為好幾個親友都喺住附近，所以，久唔久都會嚟開呢頭，見有家新餐廳「正」賣麵、茶、雲吞，順道探開親友後好奇嚟試試。雖然餐廳位處細街，但小弟對呢區熟，話都無咁易由長沙灣站行到去。小店格局，一張長格，一張大方枱，仲有啲挨住開放式廚房嘅吧位，裝修簡潔，牆上掛有唔少食物相。由於餐牌勁反光，影完出嚟都睇唔清所有菜式，好在門口有啲單張攞，索性掃描後貼出嚟快靚正，有啲咩食就一清二楚，唔使再多講。溏心雞蛋 $9小食都有唔少選擇，不過，得一支公，唔敢多叫，所以，就點一客溏心蛋嚟試試。雖然只喺蛋一隻，都墊墊椰菜，放片蕃茜、糝啲芝麻做裝飾。隻蛋做得有水準喎，蛋黃半凝半黏，滑溜而富蛋香，好食。麻醬青瓜雞絲冷麵 $36原打算食佢哋啲雲吞湯麵，話晒店家打正旗號賣雲吞，但因為外面鬼打咁熱，又見到有款夏日限定嘅冷麵，所以，好似鬼揞眼咁揀咗道冷麵。整體嚟講，其實個冷麵唔差，睇賣相，夠晒大碗（食完真喺幾飽吓），又多雞絲，下面仲放咗大量青瓜絲，入口涼涼哋，又夠爽，啲雞絲睇得出喺手撕，質感挺嫩滑。唯個人覺得個麻醬未夠香，而麵條就有少少偏

去開明愛醫院探病，比較少去呢區，一於同朋友係附近開餐，行過兩個街口見到新裝修主打麻辣雲吞小店，天時暑熱冇乜胃口最啱食餃子、雲吞之類，有菜有肉仲有啖湯濕下口韮菜豬肉雲吞配麻辣湯底（$28）加腩肉（$9）雲吞皮薄透餡，韮菜爽口肉質鮮甜，一粒一口連埋麻香辣既湯底，諗起轉頭都想再去食番碗，個腩肉望落肥肥地，但食落入味又爽口，都唔錯薑汁椰菜豬肉雲吞配麻辣湯底（$28）加糖心雞蛋（$9）朋友話見到餐廳打正旗號係麻辣，唔食開辣都要試下，果然連佢都覺得有驚喜，椰菜豬肉唔覺有薑味，不過都好清甜，糖心蛋連蛋白都半熟，滷水又夠入味涼拌青瓜（$15）青瓜爽口配麻辣調味，清新之選川煎麻辣腸粉（$24）上枱已經香噴噴，完全忘記影相就掛住食，麻辣得嚟又有啲似加咗XO醬，腸粉煎得香脆又夠入味羅漢果野生靈芝茶（$22）好住家既味道，唔會死甜，飲到羅漢果清甜味道同少少靈芝既甘味烏梅山楂洛神花茶（$18）朋友話酸酸甜甜都幾好味，凍飲都冇加冰，只室溫凍少少，如果早知我就唔洗叫熱飲喇好彩早到一步，坐底後見到街坊陸續幫襯，一陣間已坐到上bar枱，只要街坊一句照舊，老闆娘就叫廚房安排，完全記抵客人既喜好！

今期要嚟到長沙灣區做嘢，諗住都係食茶記，點知依區已經舊區重建咗，除咗有新樓外，仲多咗唔同嘅新嘢食，我本人對自家製嘅雲吞情有獨鍾，所以就揀咗依間小店做我嘅晚餐。一入到去就聞到香噴噴嘅食物味，店員就好溫柔咁叫我哋坐啦，好似返咗屋企咁一打開餐牌主打就有4款雲吞，其中一項仲係每日特製嘅雲吞有湯麵，撈麵， 淨雲吞同埋小食……大人叫咗個淨雲吞10粒，10粒裏面仲可以揀2款味(一個薑汁椰菜豬肉，一個特製)再加9蚊要個腩肉做餸，先講個薑汁椰菜雲吞除咗肉汁外椰菜好爽雲吞皮夠薄,另一個特製係栗米豬肉，依個都好好食好有咬口味道清新個腩肉夠厚肉炆得夠淋，而我自己就叫咗個正牌湯麵(即係公司麵)，有好多唔同嘅餸(韮菜雲吞，雞扒，魚旦，魚片，腩肉，蘿蔔)超級豐富，大食嘅我仲叫多個香煎芝心雲吞又幾好食喎。整體味道都好好，價錢又唔貴絕對值得支持嘅小店

本來見佢鋪仔細細、冇咩期望，價錢又吾算貴。不過叫完上台之後、好有驚喜，賣相已經吸引叫左羅汗果野飲吾錯，吾會好難入口。有粟米雲吞、檸辣雲吞，好好食！檸辣好似泰國菜甘，又多青瓜絲。都吾錯！再叫左腩肉、口水雞，腩肉偏咸左啲，口水雞好好食！雞肉嫩滑！味道岩岩好、吾會太咸或太淡！有驚喜，不過鋪比較細同少員工，可能系家族生意，所以去食既朋友耐心等候一下我會再想去食多次要求吾算好高既朋友都可以去食一下。午餐時間去食下都吾錯！

長沙灣區好耐都冇唻過, 發現多左好多新樓盤, 當晚周圍搵餐廳食晚餐, 見到有間餐廳叫” 正 麻辣·茶·雲吞”, 由於鐘意麻辣野, 一見到個招牌有” 麻辣”兩個字就決定入去試下, 原來呢間餐廳主打食雲吞, 有時唔想食飯, 食下雲吞做晚餐都好。入到餐廳見到標榜正宗秘製重慶麻辣香料同埋天天釀製手打餡料, 已經令我好流口水。 店員好友善, 主動介紹食物。分別叫左兩碗雲吞, 一個雲吞跟湯, 另一個就撈雲吞。手打雲吞 / 10隻 $38, 10隻可以雙併, 今次叫左韭菜豬肉雲吞 & 薑汁椰菜豬肉雲吞, 配幼麵, 秘製麻辣味湯底, 韭菜豬肉雲吞好惹味, 有好多韭菜, 相比薑汁椰菜豬肉雲吞就較清, 兩款都好有肉汁, 幼麵似拉麵, 麻辣味湯底, 好香香料味,  淡麻香。麻辣撈雲吞 / 7隻 $32, 配幼麵, 呢款冇湯又唔同感覺, 雲吞冇湯浸住,雲吞皮會較彈牙, 撈埋麻辣醬一流。雲吞餐亦可以追加以下配料:粉麵 - 幼麵 $7  米線 $7 烏冬 $9 加配料餸配料 - 魚蛋 豬肉丸 墨魚丸 魚片頭 蘿蔔 + $7 腩肉 雞扒 糖心雞蛋 + $9另外有一項”天天特製雲吞”, 店員表示每個禮拜都會更新, 保

較早前在一個飲食雜誌介紹過這間小店，上星期終於去品嚐一下，一入到店得有小店啲自家風格，不會像一些集團所經營的倒模式裝修，老闆很有禮貌及友善的招呼。我們點了，薑汁椰菜豬肉水餃，青瓜蛋水餃配豬骨湯，麻醬青瓜雞絲冷麵，麻辣腩肉，羅漢果野生靈芝茶。先來麻辣腩肉，腩肉很入味，麻辣味度剛好，亦不會太肥，接著冷麵，麵質煙韌，青瓜絲切功尚算幼細，雞絲有薄薄的味度，配麻醬十分之夾，最後來水餃，先試一啖湯先，湯底不會太濃，清啖豬骨湯味，感覺不到有味精，水餃餡料很新鮮，每隻水餃餡料好豐富，不油膩，餃皮很薄，很滑，羅漢果野生靈芝茶，羅漢果不會太濃亦不會太甜，老闆話是自家制的，我信。整體上這店的出品很用心去整作，確實不錯👍🏻👍🏻👍🏻

檸辣撈雲吞 特別醬汁酸酸辣辣好開胃！！聽老闆講係自己教個汁出黎，好西利另外雲吞肉好新鮮！！！下次會再黎食haha.睇佢個餐牌d野都好抵食 下午茶都係20蚊 值得一試。