櫻之亭和風日本料理 (Closed)

和朋友去黃金買完SD Card，就在附近找東西吃，在福榮街一大堆食肆中，揀了櫻之亭。無他，因為我想吃日本野而已。這裡有二人定食，但就不合口味，價錢也略貴，因此我和朋友各自點了自己喜歡的定食，再加一客三文魚擺了。我點的和風牛肉定食，牛肉雖然夠"淋"，但就太咸，食完要勁飲水。手卷亦幾"散"，好普通。最好的是那魚生，三文魚幾新鮮，算得上是鮮甜味美。朋友也說他的雞扒定食只係一般，好在定食價錢不是太貴。侍應服務算是殷勤，起碼在我們不小心倒瀉水時立即拿紙巾給我們，沒有躲懶。

今年的七週年記念日29 July, 2006, 我們無意間走到深水埗一間日本料理吃晚飯(好像名叫櫻亭和風日本料理), 平平地只是點了一份三文魚刺身($18 有六片), 兩個定食和兩碟壽司, 埋單只不過是$102. 對於喜歡吃日本菜和'咀雕'的我來說, 我認為食物普普通通啦! 是否超值就要視乎你點甚麼菜了. 因為那裏一個二人餐要一百六十幾或一百八十幾元, 我見對面枱點的二人餐, 食物好像不是太大碟. 還是不及屯門新墟那間青森料理抵吃. 但值得一提的是它亦不收加一.

其實去過lee間日本料理4次，頭三次都係同事帶我去食。因為佢話好抵食, 於是去試試！第一次印象最深係18蚊6片薄切三文魚刺身，尚算新鮮可口。活赤貝都唔錯；仲有一味沙律冷麵，食落都好滋味。同事極力推介︰口感超讚o既爽口蟹籽，第二間同grade o既日本料理好難搵到。lee 間o野同樣係唔使收加一服務費, 狂點食物三個人都只係食o左三百五十蚊。美中不足o既係佢o地唔收visa card，搞到我找數時，有點尷尬。第二、三次去，特價三文魚刺身依然保持水準，只係劍魚腩刺身唔係太似劍魚腩同埋帶子唔係好夠新鮮...lee兩次去三個人都係食o左三百幾蚊~ lee 兩次最遺憾係食唔到活赤貝, 唔知點解兩次去都話沽清。第四次去，係同屋企人去，原先係去鄰近較受歡迎o既同類食肆吃抵食三文魚刺身，但係當時個知客姐姐實在太冇禮貌啦，又要逼人限時一小時交, 咁我o地未齊人嘛, 又點可以咁樣呢？！, 於是我o地就由石峽尾油站行到去lee 間鋪食dinner啦。lee 次叫o左三客特價三文魚刺身，事關媽咪最愛三文魚刺身，媽咪都大讚三文魚刺身有鮮味，比起附近o個間大件夾抵食o個間更好味。跟住又叫o左d sushi、軟殼蟹

25/6(日) 12:30nn外遊前男友要到黃金買相機袋,買畢後便周圍逛逛搵食.天時暑熱想在此區搵間坐得舒適,冷氣充足的食店實非易事.路過此店見人少少,環境企理,於是不加考慮便進了此店.典型港式日本料理裝潢,深木色桌椅,深灰色牆身,座位算舒適闊落.我倆點了2個午市定食:炸餃子拉麵定食$28跟太卷2件及咖啡,招牌豬軟骨鍋飯定食$38跟味噌湯及凍檸茶.炸餃子拉麵:麵條雖不算極彈牙,豬骨湯底卻頗濃郁!粟米海苔荀條作配料,味道中規中矩.炸餃子及太卷:餃子皮太厚,食落已知不是新鮮貨,太卷飯輕夾即散,沒啥味道!豬軟骨鍋飯:軟骨確實夠腍充滿滷香,但珍珠米沒有應有的煙韌.$38算交足功課!味噌湯亦屬合格.凍檸茶份量多,茶沒澀口,味道尚可.咖啡則欠缺咖啡香.服務的確有待改善,女侍應強行幫客人編排座位,但店子仍有大量吉位,收碟時亦一聲不響,不聞不問.埋單$68,全日不用加一.食物水準是可以的,以這價錢,食得過!recommended!更多相片:http://hk.myblog.yahoo.com/jw!sqwaK.mRHxkgJnMO0zUw55rqryA-/gallery?fid=128

可以用d 唔夠水既飯黎做壽司, 真係拍爛手掌...特價刺身仲要每人限叫一次, 我去旺角一休都無咁規定啦, 仲要唔係好靚添.侍應又係一絕, 機乎好似係自助咁, 仲要幫佢手執埋d 野.一次過, 無下次. 情願過明將食好過.

之前o黎過一次食lunch,今日又o黎左依度食宵夜兩次都覺得依度d烏冬幾好味,幾滑深水埗o黎講算係咁啦廿零三十蚊有個麵餐,算唔錯架哪

尋日一支公走去食壽司開心o下, 呢間餐廳我第二次幫襯, 上次買左少少野做消夜, 不能定段, 今次可以比評語啦.環境: 呢間鋪裝修ok啦, 唔錯, 深水步區算係甘啦食物: 叫左二客三文魚,二客劍魚腩, 一客海膽, 一客八爪魚同埋一客蒽花吞拿魚卷, 三文魚可以啦, 但唔係好果隻, 劍魚腩差到極點, 從來冇食過甘Q難食既劍魚, 四個字, 不知所謂, 海膽係叫做比較好, 加左青瓜C, 有種清爽感覺, 亦有左口感, 幾好幾好, 八爪魚可以啦, 都幾鮮, 個蒽花吞拿魚卷, 都幾好, 但蒽味濃左少少, 壽司師父技術亦麻麻, 有兩三件壽司一夾就散(我識揸筷子ga, 唔好challenge我呀).服務: 我個位面前有兩個侍應, 一個係新人既男仔, 一個應該係話得o下事既女人, 個女侍應全程由我入去到我走果陣, 都係教緊呢個新仔做野, 頭頭是道, 但到佢幫我埋單果陣, 張單都冇比睇, 就甘講幾$, 我仲以為自己去左老麥Tim, 茶餐廳都有單啦大姐, 甘我自己計過大約甘上下就算啦, 冇問佢攞單, 比$前後, 多謝都冇句, 差到呢, 反而個新人全程都幾有禮, 但就真係feel到佢係第一份工同返左工一兩日到啦,

1. 劍魚腩剌身$68: 4厚件，很肥美。2. 牡丹蝦$58: 2隻，肉質有少許"淋"，味道普普通通。3. 牛肉拉麵$28(連飲品和兩件太卷): 麵可以；牛肉是肥牛，以這個價錢當然不可有期望，可以啦；但湯內的粟米粒卻是酸，向老闆表達後，經他查證，他說是因廚房熱所以粟米粒變壞了("敢"都得?)，並表示可以替我們重新做一碗。無論如何，這證明此店的食物處理仍有不足之處，作為日本餐廳，尤其要處理很多生的食物，衛生是相當重要的。不過，相信此店的衛生又不至於十分差，起碼我吃完此店的魚生後沒有肚痛!

九點去到唔駛等位，直情係位等人，當晚餐牌推介三文魚厚切，四大片好新鮮，三吋長，１吋闊，半吋厚，$28 一客都叫做幾抵食，北海道元貝燒$38，沙律醬加雪藏帶子，除左沙律醬外冇乜帶子鮮味，執檯個陣我聽到個待應問其他侍應個帶子殼點處置，答案係收返入去，咁又係既，收你$38 蚊就梗係用Ｄ平價雪藏帶子肉啦，唔通用連殼既貴價野咩？鰻魚定食$26，鰻魚份量比較少，味道尚可，飯唔似日本米，定食盒仲有蘿蔔煮牛脷，牛脷炆得入味又夠軟熟，三文魚加章紅魚壽司各一件，壽司一睇就知係擺左幾耐下個隻；另外仲點左個燒牛肉定食$28，即係鰻魚位置轉左放牛肉，其他配菜一樣，味道都OK，祇係略鹹些少。侍應招呼都幾好，地方乾淨企理，免茶同免加一，埋單$120，叫做求求其其，冇乜要求就冇乜失望，當然，佢地點近地鐵又近高登，如果有埋附近間「三上」既質素的話，條人龍仲得了既？

唔得,勁唔得!!!一碟細細件刺生9件,要成$120.雖然話做緊新開張特價菜,但我無見過一個成$68 海鮮鍋裏面得幾隻蝦米囉,真係海味舖賣緊果乾蝦米喎.全部都係菜乾咁,唔新鮮.連一件豆腐都唔見囉.都唔明點解深水食壽司同刺生都要咁貴,仲要貴得唔合理同唔抵嘛.