Lotmee

被睇開嘅KOL吸引到，一直心心唸想試吓咩叫港式拉麵。。。特登去葵芳搵食，去到門口，侍應都話好好食㗎，入嚟試吓啦！叫咗個胡椒豬肚湯藜麥麵可以想像到嘅味道，係濃嘅，第一啖係覺得好味嘅，但同個麵硬係唔夾，麵質有啲淋，所以食多幾啖已經覺得．．早知叫拉麵啦仲有個白雞湯普通拉麵，湯好濃郁，叉燒係好淋嘅豬肉片仲叫咗個釀秋葵，呢個唔記得影相，但超難食，油浸咁，又淋身．．食後感食完超級口渴，應該唔會有下次嚕…查看更多

真熬雞白湯拉麵口味可以選擇港系向/日系向，雖然我係港人但我選嘅係日系🤣試左啖朋友嘅湯，港系向的確比日系向濃厚，麵嘅份量多唐揚日本秋葵釀蝦膠炸串（兩串)秋葵比較唔合我口味，太滑潺潺了比較可惜係店舖好多食物及飲品都已經售罄…查看更多

難得嚟到葵芳，本來想去葵廣掃街，不過實在太攰，要搵個地方坐下，於是就過咗新都會食拉麵。先嚟個小食椒鹽炸魚蛋，一客兩串共六粒，細細粒，熱辣辣好彈牙，面頭嘅椒鹽又夠惹味，於是食下一粒食下又一粒，眨下眼就食哂兩串😂。真熬雞白湯拉麵，顧名思義，個湯先係主角，上枱時見湯底奶白色，上面有少少泡，幾吸引，即刻飲一啖，嘩！真係堅好飲，雞味濃之餘湯底又鮮甜，未開始食拉麵已經飲咗三份一😆。配菜有豬雞鴨溏心蛋同筍，味道正常，我覺得所有肉類肉質嫩滑，有啲似慢煮肉嘅 feel，唔錯。至於拉麵就一般，雖然我揀咗硬口感，但係可能因為麵條偏幼，所以就唔太夠咬口啦。由於雞湯真係好好飲，最後我係飲到一滴不剩😌。…查看更多

🍜🍜誓要食勻全港拉麵系列🍜🍜見餐牌幾多款式，今次就試吓期間限定嘅「花雕醉人蔘雞白湯拉麵」湯底 : 可選「港式淡麗」或者「日式濃厚」。我今次就選咗港式淡麗。因為見到之前有啲comment話比較鹹。先飲一啖湯，雞湯底鮮甜濃郁，係好味嘅。但係就點飲嚟飲去，都飲唔到花雕或者人蔘嘅味道喎！要好努力好努力品嚐，先至有0.01%嘅参味？直頭懷疑係佢會唔會比錯麵嗰種。酒味就完全冇啦。麵條：偏硬，唔覺有麥味，但都有蕎麥麵嗰種粗糙嘅小麥口感。雞：首先係完全冇醉雞味嘅。佢喺湯入面附上兩片煮熟比較厚嘅雞肉，好普通，唔軟滑。另外佢喺碟到仲有額外一片粉紅色嘅雞肉。我都有少少疑惑究竟係就咁食，定係需要浸熟佢？心理上都係驚驚地，都係放入湯度浸一浸。呢片粉紅色嘅雞肉浸完湯之後都嫩滑，比原本湯嗰兩塊白色雞肉好。溏心蛋：都幾入味。環境方面，因為坐喺吧枱附近，啲煙係咁噴過來，都幾熱。同埋張枱黐立立。總結嚟講，個湯底其實幾好味嘅，但係就冇花雕味又冇蔘味，名不符實。雞肉就冇乜特別。環境： ★★☆☆☆ 食物： ★★★☆☆ 推介指數： ★★★☆☆ …查看更多

今晚喺葵青劇院睇舞台劇，簡簡單單食碗麵醫醫肚～平時麻麻地食拉麵，不過依間｛樂麵🍜｝就幾深得我心🫶🏻主打雞白湯拉麵同雞叉燒，好食過豚骨拉麵好多😝✴️麻香胡椒豬肚絲✴️豬肚絲好長一條，如果可以切一半就更方便食用😅調味較鹹，食完少少口喝～✴️花雕醉雕湯拉麵✴️好香花雕酒味，有驚喜！不過酒落得唔算多，飲幾啖後就無哂酒香味🥲雞肉叉燒超嫩口，索咗湯底好多汁，好食wor😍✴️真熬雞白湯拉麵✴️有幾款唔同嘅雞叉燒，肉質依舊細嫩有彈性👍🏻雞白湯濃稠度剛好，唔會太杰身難入口，整體嚟講係一碗好不錯嘅拉麵🧡…查看更多

琴日中午囉朋友去左樂麵食鰹魚雞白湯，西口西面勁好食，啲湯底好入味，特別係嗰個西口西面芫荽多到你想像唔到，服務態度都好好，尤其是係新來嗰個姐姐，超級好服務態度，呢個真係喺餐飲業好少見㗎啦。期待佢出會員制，我一定支持等我帶多啲朋友嚟食先，咁好食嘅嘢唔係唔分享呀嘛。不過好可惜餃子暫時未有，我最鍾意食餃子。…查看更多

通常去到葵芳都係掃街，好少會入商場坐入鋪食正餐！不過今個復活節假期度度都人少少，唔使排隊就坐低自自在在咁食啦！點左一個鰹魚雞湯拉麵，一個胡椒豬肚湯拉麵，兩個湯我都揀濃厚湯底。一碗炒飯加個小食，拉麵差少少$100，都接受嘅！上到枱！湯好濃好香👍🏻👍🏻义燒好滑唔柴，仲有佢啲荀一啲都唔臭！係日本食拉麵，我一定夾走晒啲荀，但今次食晒！食完個麵我就將炒飯放入湯，繼續成碗連湯連飯都食晒飲晒！一啲都無口渴！小食叫左個蝦膠釀山葵，幾特別，不過炸得唔乾，上碟油滴滴，希望可以改善！每枱都好似日本咁，有一大壼冰水，愈食愈熱，啱哂！希望下次去可以試埋佢個炸池魚同豚角飯！…查看更多

星期日6點左右去到唔洗等位，但係好多款都已經售罄，例如三款煎餃子，豚肉丼，茜口茜麵同茜炒飯等。店員安排我地坐左張二人枱，用QR CODE落單，兩個人叫左特盛版鏗魚雞白湯加港系口味特制藜麥麵，特盛版真熬雞白湯港系口味拉麵，再加一個椒鹽炸魚蛋串。拉麵揀左硬身，入口爽彈幾好食，個人意見拉麵好食過藜麥麵。雞白湯我揀左港系味冇咁咸，我覺得唔係幾夠味，下次試下日系濃版先，雞肉食落冇味，鴨肉同豚肉會比較好食。店員亦都有禮貌，不過兩碗拉麵黎到個陣個匙羹都好油，要自己用紙巾抹完先用到，呢一點可以改善下。另外，建議男仕黎食既時候要加麵底。…查看更多

其實食咗樂麵一段時間，第一次食就已經覺得佢地既湯底樂正，但係反而拉麵🍜關注組唔係太推介🥹我覺得我應該要出番個食評黎同佢平反一下！我地食既係葵芳新都會分店，應該係店長既哥哥都好主動serve我地，仲同我地推介最近新推既福元湯丸！於是我地最後就叫咗一枱野食😆先講咗我最鍾意既醉雞湯拉麵先！今次我試咗佢地既蕎麥拉麵，真心ok! 佢哋既湯底一如既往既香濃，加埋蕎麥拉麵🍜好夾🩷佢地既慢煮雞好滑，正👍🏼另一個叫咗胡椒豬肚湯拉麵，呢個我覺得驚艷度無咁高，不過都好味既，幾啱冬天食蝦滑釀秋葵幾特別，佢幾淡口，小朋友都食得🩷食落都幾多蝦滑，推介筍係我每次食拉麵都一定會叫既！筍絲其實都係來貨野，所以無咩特別😆最後係福元湯丸！聽staff講原來係佢地有份嫁，想多啲人食佢地既湯丸先至會賣埋，不過其實唔係已經好出名架啦咩😆anyway，佢地既湯丸係好味既，皮同餡既比例好好，皮唔會好厚或好冧，花生餡都好香，不過食完先知佢可以花生同芝麻兩款mix🙂早知就叫mix la🥹每次黎到呢度都好似坐唔滿，希望有多啲人欣賞佢地既拉麵啦🥹🥹…查看更多

今次試呢間mix左日本同香港特色既拉麵 見到menu幾得意 就入去試吓🥳點知真係有驚喜人蔘花雕醉雞湯 • 驚人蔘太濃嘅話可以揀淡味 我覺得味道不錯 不過下次都想試吓濃味 淡味只有淡淡的人蔘同埋醉雞味• 個湯好好味 完全唔油膩🥹🫶🏻大愛• 仲可以轉蕎麥麵 🍜 唔使食拉麵咁油咁濟秋葵蝦膠串 • 推介大家試 感覺就好似食緊「日本style煎釀三寶」🇯🇵幾得意 秒速清晒炸池魚• 應該就係參考左港式椒鹽九肚魚🇭🇰 一樣咁好食…查看更多

因為有活動才來到平常很少去的葵芳，這邊的餐廳都頗多。樂麵 Lotmee 是加入了香港元素的日本拉麵店。聽起來很吸引，所以決定要試試看。🍜「特盛版」秘制肆 鰹魚雞白湯 (HKD 128)看起來很豐富的一碗，會選特盛版主要見到有整隻醬油溏心蛋。蛋白很入味溏心的香濃蛋黃，很吸引。湯底我選了日系向的，就是相對較為濃厚。濃稠得來頗順滑的湯底，鹹香十足。麵條也有得選擇，藜麥拉麵很有口感，都幾特別。叉燒的肥瘦也適中，吃落夠腍身。🍜「特盛版」秘制陸 雞香鹽湯 (HKD 108)湯底頗清，如果吃開濃味會覺得這個味道太淡。幼身拉麵相對一般，沒什麼驚喜。另外可以「加蔥」雙倍蔥花、雙倍洋蔥，不用加錢。剛好去吃那天是元宵節，做會員的話每碗湯圓-HKD 10🥣 薑糖水福元湯圓 (原價HKD 26/5粒)選了花生餡的，味道濃厚。湯圓口感也很Q彈紮實。不過五粒中混了一粒芝麻餡 (笑)…查看更多

另一半帶我去呢間食拉麵。之前食過葵芳、甚至係香港好多間嘅拉麵，間間份量都係少到喊，麵少、肉得一塊，薄到紙咁，未試過香港食拉麵可以食得飽同食得滿足。本來都抱住0期待嘅心情食，但結果呢間樂麵令我喜出望外。首先入去，裝修好有風格、幾特別，不過個枱面唔知點解好油、好污糟咁，希望可以清潔下。至於員工方面，就見仁見智啦，有人唔鍾意啲後生仔女員工，話佢哋態度唔好，我自己就覺得無問題，幾好。咁我叫咗碗真熬雞白湯拉麵，啲肉真係多、厚度正常，唔係紙片，麵都好多、湯又好飲，食得幾飽。個人認為香港平民拉麵嚟講，呢間算係有良心。至起碼佢啲肉真係有7－8塊係度，唔係好似其他黑心店得一塊肉紙係到。不過可惜我叫咗好多洋蔥，搞到味好濃，下次都係唔叫咁多蔥😅。如果樂麵可以維持呢個水準，維持呢個份量，我絕對會繼續幫襯。…查看更多

📍 去葵芳唔想掃街 就去新都會廣場覓食!🙋🏻‍♀️ 主打本地精品拉麵店嘅「樂麵」裝修用上紅黑相間嘅配色 吸引咗我嘅目光👀 原來餐廳係同香港老字號品牌合作 將香港風味融入拉麵菜式之中 夠晒Gimmick! 🌀 甘口鰹魚雞白湯拉麵湯頭奶白濃郁🫰🏻 質地唔算太濃稠 但味道偏重口味食到後期有少許鹹🥲 配上豚肉 溏心蛋 竹筍 正常發揮 🌀 花雕醉雞湯拉麵 港式口味融入拉麵之中又唔覺得突兀喎😙 湯底加入咗「悅和醬園」香港製造花雕酒而製成 聞落酒香明顯🍶 因為揮發過所以食落唔會太重酒味🐵個湯飲完好暖胃 🔼落咗大量木魚絲增加口感 另外亦可+$20配永樂伊麵 或轉蕎麥麵🍜🌀 日式煎餃6隻煎餃皮薄肉餡頗為多汁 可沾上鎮江老醋 不過餃子都係略為油膩🙈🧩每一枱都有一個食麵流程嘅介紹牌 調味料日式七味粉胡椒等都以港式辣椒油+ 鎮江老醋等港式醬油取代咗 幾特别 但係餐廳張枱面嘅膠層因過熱而有溶化嘅情況 感覺有點痴笠笠 希望可以改善下🙈…查看更多

I went to Kwai Fong on Saturday and wanted to eat ramen. I saw someone queuing up for ramen, so I wanted to try it. As soon as we entered, the environment was so humid and hot, and the tabletop was so wet. There are not many types of noodles. I tried the signature chicken white soup, which comes with pork, duck, and chicken. The texture of the noodles is firm, very chewy and delicious. The soup base is very rich and the meat is tender and smooth. But the environment is disappointing.…查看更多

桌面跟牆都黏黏的，湯匙也有油漬。原本是想吃門口的招牌上宣傳的菜式-牛飯跟茜口茜面，進去下單的時候發現沒有了，向負責人查詢的時候，態度惡劣地回答：「而家唔做架啦！」，未食已經覺得非常趕客。食物水平一般，主打雞白湯，味道偏濃，拉麵同時配搭雞肉鴨肉豚肉，可惜豚肉水準相比一般拉麵店較差，3款肉也有點冷掉了的感覺。同行的人叫了一碗花雕酒鷄湯拉麵，比普通的貴10元，吃不出花雕酒味，總括價錢是相對一般拉麵店偏貴一點點。重點是環境跟服務體驗非常差。…查看更多