樂軒茶餐廳

Open Now

Now Closed

這間茶餐廳我這大半年經常光顧，因為就腳，上完堂便來食晚餐。室內裝修不算新淨，但都算OK企理的。 一個晚飯套餐有一個小菜、一碗白飯和一碗湯，價錢$78，我覺得都合理的，而且質素不錯，廚師煮得算有鑊氣的。佢地都有蒸魚飯，我見都多人叫，價錢當然不是$78，好似是$99，都幾大份的。 湯都幾足料夠味，味道不錯，感覺應該無味精，因為之後沒有口乾，如果可以大碗小小便好了。小菜西蘭花炒斑片，都有7-8塊斑片，連埋西蘭花份量都算大份；豆卜蚊火腩用砂鍋仔上，份量都大份的。他們的味道偏濃但又不是好咸果隻，不是清淡。我見都有客人兩個人叫兩個套餐，仲有餸剩可以pack飯盒第日帶飯。所以這間茶餐廳的份量足夠。埋單可以選擇有電子支付。

真係未見過咁樣狀態嘅炒糯米飯…擺落口唔使咬、梅兩下吞得… ！見其他食客有問D飯掂解咁濕好似米糕？服務員話係咁架，你嗰碟係之前炒定的所以濕D！宜家再炒定嗰D就會硬D喎😮

西灣河丶筲箕灣主要都係住宅區，有很多不同類型的食店，見到呢間茶餐廳好耐，一直未有機會光顧，試過之後，就發覺咁遲先嚟食係自己的損失。前後光顧咗四次，每次都有驚喜，住家式的老火湯，令人一飲難忘，每次都將大大碗的湯飲得一乾二淨。小菜也不能忽視，份量很大，完全冇味精，就像媽媽煮的餸一樣。第一次光顧，合掌瓜紅蘿蔔豬骨湯煲得香濃，花生蓮藕豬腩肉份量十足，南乳汁香濃，完全是住家的感覺第二晚光顧，紅蘿蔔雪耳粟米豬骨湯香甜美味，南瓜芋頭排骨煲，南瓜汁香濃，排骨美味。第三晚光顧，蓮藕紅蘿蔔粟米豬骨湯，煲得香濃美味，梅菜蒸鯇魚尾，魚很新鮮，配合梅菜送飯一流。第四晚光顧，青紅蘿蔔南北杏豬骨湯，完全住家風味，豉汁蒸鯇魚，鮮魚配上豉汁香蔥，人間美味小菜很吸引，價錢相宜，晚餐一般都是$75 ，蒸魚由$98起；老火湯令人回味，係一間值得一再光顧的住家飯堂。

好耐無四出搵食成日都想食得健康啲，無味精餐廳係一大選擇。條魚實厚，豉油味當然不是濃郁的但鹹度足夠。豬頸肉很爽脆，瓜也係一絕，多數會在湯中見到，用黎煮餸有驚喜。通菜非常嫩，有新鮮摘落黎就煮嘅口感，食材果然係好重要。呢個蒸同以往試過嘅分別好大，望落去似濃味實質不是，雞肉很滑，令你想一舊接一舊食