樂源車仔麵 (Closed)

響舊墟行咗冇耐,突然聞到陣陣食物嘅香味,哈哈…講出嚟真係笑死人,我哋兩公婆一向為食,竟然跟住果陣飄埋嚟嘅香味,去揾間食店。呵呵…轉個彎啫,就比我哋揾到。原來係車仔麵喎,唔理咁多喇,一於入去試下!除咗一般車仔麵餸豬紅、豬皮、蘿蔔之外,睇見貼響牆上嘅餐牌推介,有好多其他餸選擇,而且賣相同香味,都嚴重地令到我想每樣都試一試,搞到我都唔知揀咩餸好。因為老公鍾意食牛,所以我就幫佢揀咗一碗以牛為主嘅凈餸。包括有牛仔骨、牛腩、牛筋同蘿蔔。嘿嘿…而我就一口氣揀咗豬手、阿都寶排骨、豬腸、豬紅同埋冬菇,加一個凈粗麵另上,(我唔係孤寒呀,只係想留位食多幾個餸嘛!)未講啲嘢食好唔好味,先講佢哋個車仔麵湯底,因為好夠味,所以凈麵都好好味道!另外,如果你哋係好似我老公鍾意食辣嘅人,知道後一定會好開心,因為佢哋除咗有自己調味嘅沙嗲汁比客人揀之外,仲有一款秘製四川麻辣汁,香辣四射,味道一流。至於啲車仔麵餸,可以講係我試過咁多車仔麵中最高水準嘅一間!先講原汁牛腩,你點會估到可以響車仔麵食到牛腩舖水準嘅牛腩?而豬手同埋豬腸炆得又腍又入味,真係好正呀!

有日我同個女去西貢玩, 經過西貢舊墟, 發現有間車仔麵, 係出面已經聞到好香架喇, 入到去裡面都幾乾淨。 佢地有個4餸餐, 包一個麵底4款餸, 都係26蚊, 重有一杯五花茶送,我地叫左2碗麵, 我果碗係蕃薯粉(好鬼好味架, 煙煙un un), 簡左豬紅/豬大腸/手打魚餅/菜, 我加左佢地d 麻辣汁, 嘩! 正到暈。我個女叫左油麵 (又唔係好油立立wor), 簡左司華力腸/冬姑/魚蛋/蘿蔔, 佢加左d沙爹汁, d冬姑重好食過酒樓果d蚊冬姑, 真係估佢唔到。整體都食得好開心, 因為冇諗過會咁好味, 個湯底真係幾香幾濃味, 又唔勁味精。重有呀, 我冇要佢地杯五花茶, 加左4蚊飲左凍奶茶, 又再又另一個驚喜, 因為冇諗過佢地杯茶都幾香幾滑, 係可惜冇熱奶茶, 只有凍囉。幾好幾好

我住左西貢廿十幾年,從來都唔鍾意車仔面, 可以話你知, 我宜家好鍾意食佢!!牛腩好林好入味, 羅白好清甜, 豆POP&魚餅更係我每次都叫的!!湯底好濃, 濃得黎又冇味精feel, 而我最鍾意就係加佢地o既 "la焦油" 好正!!!而家我同女朋友都係常客

天黑之前入到來西貢,一心來利口福吃個炸髀作下午茶,可惜收得早.結果走到來西貢醫局街的"樂源",吃個車仔麵.$26有四款配菜,麵底也是例牌幼,粗,油麵等等,店內貼上食物排行榜,也是對我們未來過的食客一個指標.榜上有名的有豬紅,豬大腸,牛腩,還有一味帶有菲律賓風味的阿都寶骨.阿都寶骨味道酸酸甜甜,肉質有點點齦,但又幾美味.牛腩軟稔入味,蘿蔔則過稔,亦不夠甜.豬大腸肥美而沒有異味.豬紅也夠爽滑,湯底味道濃惹,吃車仔麵的湯底也應如此.在西貢村屋內吃著車仔麵,感受不到一點草根味,反而覺得有一種很悠閒的感覺.