樂圓園食堂

每次早餐唔係屋企食，又要番工果陣我都會選擇依間...有時仲會幫同事買外賣，有時會堂食...今次我選擇左堂食，選擇左沙爹牛肉飽。首先，佢個飽會烘到脆脆地，熱熱地，唔會淨飽咁上，佢依隻係外脆內軟，口感好好！佢個沙爹牛肉好似有炒過，個汁好香好好味，唔會好似好少，比得好足料！！每咬一口都爆汁，d牛肉又好嫩，唔會好老，咬得好舒服！佢個早餐唔算太貴，服務態度幾好唔錯，好食！下次叫其他再寫食評同比相你地睇啦！！…Read More

今日下午茶揀咗食咗佢嘅五香肉丁蛋治烘底，真係好好味！一啖咬落去果陣飽肚感十足。其實之前都有食過佢嘅蔥花蛋治，一樣係好足料，個炒蛋勁厚勁滑又夠多蔥，今次試埋五香肉丁真係各有千秋，兩款都好正！同行友人就叫咗個沙爹牛肉撈公仔麵，個汁夠香又夠味，雖然少少偏鹹，但係撈落個公仔麵度真係好味過食湯麵好多!最推介嘅係餐飲凍朱古力，呢度嘅凍朱完全冇留力，夠哂甜，足料程度完全拋離市面大部分茶記，十個Like👍🏻👍🏻👍🏻👍🏻👍🏻…Read More

之前本網一直不新這間餐廳，因此一直都寫唔到，現在才能夠寫這間餐廳的食評有次經過見到佢新開，就試一試，起了它的撈米線，醬汁又非常少，偏乾，米線份量都很少；打正旗號買手撕雞，豈料全部手撕雞都只像雞胸肉，那麼就容易了，只在街市買些雪藏的雞胸或雞扒，然之後煮熟左加少少汁，就可以當作手撕雞，味道又欠奉，又鞋口，又乾身，比家中煲湯然之後留上來的雞加個醬更加差奶茶同樣亦都味道欠奉，茶味不夠濃 ，沒有的香氣，喝了也不會提神，簡直是浪費了喝奶茶的quota 。之後每次行過這兒，都在忽發其想怎麼裏面仲有人在吃，反而在轉個彎那間尚湯已經沒開很久應該結業了。…Read More

第一篇未係寫得好長，就用依間餐廳開始。夜晚收工翻黎走去河畔搵野食。9點幾左右，見到佢重有食緊，即刻衝左入去揀咗佢。一打開就俾佢個小食menu 吸引左，因為唔係好想食飯，就點左葱油手撕雞同葱油蛋治。待應姐姐重溫提叫烘底。烘岀黎啱啱好，以為葱花無乜特別，但又岀奇地好食，葱同蛋味都好香，下午茶都好啱，下次會試埋五香肉丁。朋友就叫咗海南雞飯，如果要食雞油飯依個就唔係啦，意外地個酸菜好好食。重叫左個葱油手撕雞，$32 好大分好抵食，如果叫外賣都好建議！…Read More