榮記(東成)飯店

朋友推介，所以今日一行六人到這裡食晚飯。豉椒聖子皇4隻 $ 178，個汁冇乜味兼比較水，麻麻地。生炒骨 $ 68，份量少，汁醬調味不酸不甜，尷尷尬尬，粒骨又不脆，一般。金銀旦莧菜 $68，有大量咸旦、皮旦，莧菜份量又多，夏天好啱食。蜆介鯪魚球 $68，魚球彈牙，入面有d果皮，吾錯。炸大腸 $88、椒鹽魷魚鬚 $68 ，兩款都好大碟，炸得香口又邪惡。豉油皇炒麵 $48，炒得吾太平均，有d麵冇乜色水加上有大量洋蔥，仲系生生地，若然接受不到生洋蔥味道就要留意一下。蠔餅 $60，炸粉好厚，但冇試。加一罐可樂，埋單$654，抵食。食物水準、環境（可能因為星期日嘅關係，比較嘈吵）、衞生，就一般啦。…Read More

以前細個屋企人好鍾意帶我去大排檔，貪D野食大件夾抵食😋😋，但人大左選擇多左，自自然唔會去呢啲地方， 今日屋企人想食小炒，揾下揾下發現原來鵝頸橋街市，有熟食中心，咁就試下啦。一上到黎，差唔多全場爆滿，真係好耐無試過咁熱鬧，勁有氣氛😜。好彩早一步黎到，安排到座位，如果遲少少已經有一大條人龍排隊。睇到餐牌竟然有呢個經典食物砵仔焗魚腸 $58而家應該冇咩地方有得食，以前老豆好鍾意食😎，真係好有風味，估唔到咁平嘅價錢，又整得幾好食喎😋😋， 味道好獨特，好甘香，鋪面嘅油炸鬼焗得好香脆，唔錯。金銀蛋莧菜 $68好大碟，好多莧菜，又唔會太咸，味道啱啱好😊。椒鹽鮮魷 $88 炸漿好薄，熱辣辣送啤酒一流。啫啫雙雞煲 $78依家興食重慶雞煲，好多人都遺忘咗以前本地大排檔必叫既啫啫雞煲，呢度竟然仲係雙雞 (田雞+雞件)😍😍。真係細個既味道，煲裡面仲有豬膶，全個煲既重點唔係D雞， 而係啲配料 😂😂D洋蔥頭吸晒D汁，又有自身既甜味，真係好正😋。豉椒炒蜆 $78 又係大排檔必食既😁，炒得好有鑊氣，豉椒辣得黎，好香好惹味。今次真係食得好過癮😚，呢D先係真正既香港風味，仲要係好平，我地一行4人飲左幾支啤酒 5個小菜，埋單 $495 。不過地方環境就一定係差架啦😅，因為喺街市上面，同埋真係好嘈，想傾計就真係唔得。加上真係爆場，D伙計忙到，你想order野都無人得閒理。但係講真呢D香港文化☺️，已經買少見少，咁難得仲有喺度，希望可以保存落去啦😉…Read More

時光飛逝, 上一次幫襯榮記, 原來已經係3年前嘅事!今次出外工幹完, 直接係銅鑼灣收工, 突然間想起榮記大排檔, 女友熊熊又係跑馬地收工, 於是叫埋佢一齊去食晚飯.唯一擔心嘅係..... 冷氣! 因為實在太熱! 抹汗抹到毛巾都濕哂! 好彩, 上到去冷氣夠勁! 可以安心點菜.點咗脆皮炸大腸, 生炒骨同豉椒炒聖子.脆皮炸大腸外皮超脆口, 好似食緊鬆脆嘅乳豬皮, 下層豬腸軟而唔韌, 重有豬大腸特有嘅腥味, 好多人唔中意哩股腥味, 但我中意. 另外豬大腸味道較淡, 但一點咗甜酸汁即時提升味道更加好味! 記憶中好味嘅炸豬大腸係楚撚記, 分別在於份量比楚撚記更多.平時比較少叫D酸酸甜甜嘅菜式, 但天氣實在太熱無咩胃口, 於是再點另一款酸酸甜甜嘅生炒骨.生炒骨甜酸度適中, 每一粒生炒骨都沾上甜酸汁, 係水準之作.聖子只有中 size 同大 size 供應, 點咗中 size, 有六隻, 同上次食聖子一樣, 有大量洋蔥, 但如果加上青蔥, 賣相更好, 而且..... 我中意食蔥嘛..... 聖子肉厚鮮嫩唔韌, 俾齊六隻無偷工減料, 滿足!缺點係...... D筷子同碗摸上手總係感覺唔多乾淨, 唉..... 大排檔獨有風味! 矛計!…Read More

疫情稍为放缓，约了朋友去吃晚饭。荣记是鹅颈桥街市熟食中心最大的食店，疫情前生意都很不错。今天也不错，入座率超过百分之八十。小炒和炒粉面都没有怎样变化，价钱都很实惠，而且菜式很多选择，丰俭由人。由于喝啤酒，点了几个下酒的菜。下了单5分钟左右就上菜了，非常快捷。很久没吃炸大肠了，上桌时是脆皮，中间依然保持着软软的本来质感。外脆内软，再沾上酸甜酱，味道很棒。另外，炸鲮鱼球也做得很出色，鱼球炸到涨卜卜，香味十足，配上蚬蚧，好吃得很。这里有大排档的风味，东西不贵，三两知己边吃边聊天，喝着啤酒，是另一番滋味。…Read More

鵝頸橋熟食中心出名多嘢食，今次就試咗其中一間，環境就唔算得上好，但嘢食真係別有風味🤩❣️水煮魚腩$88呢個並唔係正宗水煮魚，不過唔好睇佢好似好少辣椒，但係辣度都算高，魚腩有炸過再煮，每一嚿都算肥美，如果當佢係一個辣魚嚟食都唔錯🤓❣️豉椒炒蜆$78味道唔錯，夠惹味，但係蜆殼較多，肉較少😅❣️蝦醬通菜鮮魷$78蝦醬味唔算太濃，通菜同魷魚好新鮮，三個配搭令你食完仲想再食😋🏦是次消費總額 $244（人均消費$122）好味度：8（10分滿分）嚟得大排檔就唔好預環境好乾淨，食物質素唔錯，偶爾麻甩下嚟食下都幾開心🤣…Read More

限聚令終於放寬，可以四個人同事食晚餐，好耐都未試過幾個人一齊食下小菜，原本想去清真惠記食燒鴨同埋咖喱，不過到達時間晚了，全個場就只有這間。見到都好多人幫襯又有人留坐，滿心歡喜諗住有正嘢食。四個人點咗五樣嘢食。上湯浸豆苗（$78）算係最好食。椒鹽鮮魷（$78）就最差，根本都唔係鮮魷，似係土魷發返水，好乾好硬好薄，而炸粉就好厚，好似食緊炸魷魚乾咁。蒜香豬扒（$78）比較細碟，夾埋都唔知有冇兩塊豬扒，唔值咁嘅價錢。味道就係平時椒鹽豬扒飯嗰啲豬扒一樣豉汁蒸白鱔（$148），條白鱔應該好細條，又細件又薄又多骨，唔會覺得好好味，又唔覺得唔好味，白鱔切到咁薄真係唔得，成口骨，厚切好啲。韭菜花炒牛肉（$78），好鹹，好多油，牛肉一陣雪藏味，每一條韭菜花都包住一層油，仲要等咗45分鐘以上，追咗四五次先至嚟。大排檔環境冇乜要求，但係啲碗碟都算幾污糟，自己洗完都有污跡，不過將就一下。侍應就揮手睇你唔到，大大聲叫幾次都唔睬你，叫到佢睬你，都唔係真心幫你，椒鹽鮮魷等咗半個鐘，牛肉等咗45分鐘以上。…Read More

師傅都有一段時間冇黎呢度食野, 但既然踏入例數階段, 當然唔可以放棄每個食野嘅機會啦, 所以師傅就揀左呢間食店, 因為從來都未試過!行到埋去坐底即刻睇下有咩食, 橫睇掂睇呢間食店始終係以燒味飯做主打, 所以師傅就柯打左一碟叉燒紅腸飯, 凍檸茶一杯!等左一陣例湯先上, 味道一般, 唔會太淡但又唔會太咸, 最主要係冇味精, 可以啦; 而主打叉燒紅腸飯嘅賣相幾靚, 叉燒半肥瘦, 入口鬆軟, 唔會過咸幾好味, 而紅腸份量都幾多, 加上都幾軟熟, 味道唔錯; 而白飯份量都唔少, 絕對夠晒師傅d咁大食嘅人食啦; 而凍檸茶味道都頗好, 飲得過!總括黎講食物質素令人滿意, 環境就一般, 服務都係一般啦, 但價錢就幾抵食, 一碗單拼都係廿一, 雙拼廿二, 而一碟單拼都係廿二, 雙拼廿四, 再加飲品都係加三雞, 埋單廿七, 絕對抵食; 仲有冇機會黎呢? 師傅相信短期內都好難再番炒, 皆因仲有其他食店要試, 但如果真係有機會, 呢間食店絕對黎得過, 所以笑臉當然值得一比!…Read More

同兄弟食飯隊啤酒，次次都一定泥呢間記。有幾樣嘢一定要點， 魚香茄子煲 ，花雕醉雞或者羊腩煲 ，豉油王炒麵仲有大量嘅 森寶大啤！認真你冇食過呢度嘅豉油王炒麵嘅話， 幾遠都一定要出嚟銅鑼灣食。 全香港唔會有第二間可以炒到佢咁乾身！ 仲要呢個價錢係平時 得人哋 三分二分量！呢度魚香茄子煲極都係我個人認為全香港最好食嘅， 鹹魚香豬肉碎配搭 冇得彈 之餘， 茄子炒到乾身脆口， 唔會普通店整到軟淋淋。 至於啤酒就自己選擇啦 個人認為呢一支比較性價比高啫😂， 同兄弟們坐底一個禮拜 都嚟一次！…Read More

又繼續我既食素之旅第十三日.以前一定會覺得食素點會去大排檔搵到野食. 如果係全素者可能就真係有啲麻煩.但係我唔係全素. 所以雞蛋個啲我可以食.今日我地就繼續走坊香港各地搵素食.首先呢個紅燒豆腐$58大家都唔會陌生, 不過佢今次個汁較得比較濃而且個西蘭花煮得比較"淋"所以扣左分.但係呢個苦瓜煎蛋$58就好香蛋味, 而且苦瓜比例係極多,所以真係啖啖苦瓜肉.而且個蛋味真係好香好濃再黎叫返一碟很多人都有叫既豉油王炒麵$48 其實呢個價錢真係好好好平,平時出去食都可能80蚊以上.因為雖然用料唔係上乘但係要炒得好都唔係易事.鑊氣真係好緊要.最後ORDER呢個蒜蓉韮菜花$68 佢竟然係今晚幾味餸入面最貴既一味.但真係好香,好好食,尤其將佢同個麵一齊食.所以其實素食者去大排檔其實都可以好多選擇唔係淨係素餐廳先可以. 大排檔一樣可以.…Read More

為左去don don donki, 又再出銅鑼灣搵野食。 想食下小炒， 走左去鵝頸街市熟食中心食榮記。可能因為疫情又嚴重左， 未坐滿， 我地遲黎都唔洗等就有位。XO蝦乾銀魚小炒：基本上係枱枱必點既小菜， 份量大而且足料。 有好多既蝦乾銀魚同腰果， 夠鑊氣味道適中。88蚊都幾抵食。椒鹽九肚魚：真心正， 炸到d魚骨都軟晒， 可以成條食，食到最後凍左都好食。豉汁蒸大鱔：lee碟餸係最唔掂， 我見openrice都有人讚先叫， 但伏晒。 唔入味， d鱔又軟身， 唔厚肉。 148蚊比起上面既水準好唔抵。侍應服務唔錯， 可能少人， 落單唔會搵唔到侍應， 埋單又快手。…Read More

相信大家在這個疫情下，已經減少外出食飯了。即使有一些不可推卻的聚會，也會找少人又要好好味的餐廳，才不枉此行。這一頓飯已經是在疫情爆發前享用了，當時還座無虛席，未知現在是什麼境況了。二人進餐，點了三個餸、一碗白飯、一支啤酒。先說海鮮聖旨，體積有點細，粉絲唔夠多，一心打算用蒜茸粉絲撈飯，可惜。咕嚕肉一定要在鑊氣強勁的大排擋食，才是最美味。這一碟沒有成個口只有粉的味道，肉跟炸皮是夾得埋的。最後一味是薑怱炒魚肚，第一次，係第一次食咁多魚肚，咬到個嘴勁累，但好食也，也感覺骨膠原大增。…Read More

久不久都會來到榮記覓食，今次距離上次已經好幾個月了😅位於鵝頸橋街市熟食中心，每次到來情況都一樣，永遠都係人山人海👨‍👩‍👦‍👦天氣凍凍地、叫咗個煲仔菜。✨八珍豆腐煲 $68上枱熱辣辣👍🏻除咗主菜紅燒豆腐外、仲有鮮魷、豬膶、肉片、鮮蝦，冬菇及翠肉瓜，算多料👍🏻✨蒸大鱔$148每片厚薄適中，味道剛好、好多地方都係豉汁蒸，呢到應該係用麵豉醬，不會太咸或過濃味😉由於位於熟食中心內，環境一般但算乾淨👌🏻如果不想等位的話，最好晚上六點就到啊😉…Read More

今日天氣很冷，決定找一些暖胃的吃，去了铜羅湾近鵝頸橋市政大樓的大排檔食晚飯👫，🎈榮記飯店，都己經好一段日子無來，人和環境都無變，仍然是舊香港的情懷。🎼羊腩煲亦是這裏的首選，但前幾日已吃過，所以今天選一些其他小菜✨豉汁蒸大鱔😋，鼓汁味道平衡，滲著清香的果皮味，配合厚度適中的大白鳝，正👍，稠度剛好的汁 撈飯食，真係人間極品😋✨八珍豆付煲材料豐富，主角豆付滑溜，豬潤，尤鱼，畺片，大怱，魚片，肉片及蔬菜，萬佛朝中，又係一味佐飯的好餸👌因人太多，街坊居多，唯有坐在近𨋢口位，但也沒有半點不舒服，你就下我，我就下你，0K喎，两人共$226,滿足🎉…Read More

比較起較本土、大角咀市政楓樹圍，鵝頸橋市政榮記的顧客就較國際化，間中會見有老外找到上來吃。以往遇周六日，最好黃昏6:15前便要到，否則至少等下輪，這陣子明顯淡靜，5:30到，見6:45居然還有數張枱剩。餐牌更新了，太久沒來一時間不知點啥，見牆上貼了 蒜香蟹飯似是推介，另點了 豉油王鵝腸、翠塘豆腐、菜膽雞。蟹飯雖 只一隻蟹但蟹肉及蟹膏豐富，肉質結實，飯底加了中量炸蒜粒、少量咸蛋來蒸，對得起$128這價錢；豉油王鵝腸 似乎忘了加蔥，就得銀芽墊底，而銀芽的水份煮時滲出太多間接沖淡了豉油味，所以不夠香且味淡；翠塘豆腐 下了冬菇粒、蘿蔔片、西芹、魚片、草菇、蒸蛋，主角豆腐是切粒同蒸，料很足；菜膽雞 棄小棠菜而用生菜，感覺不夠「膽」，賣相亮晶晶，就是吃不出雞香味，只能嚐到雞肉滑嫩，全靠那個芡汁調得好補救。又叫了森堡2支、仙地等，整餐飯大概$420左右。…Read More

夜晚來這裏吃飯必然人山人海因為在這我頸橋熟食中心吃飯的人來自不同的地方龍蛇混集有人着西裝飲到面都紅埋 有人做街市未換衫上嚟食返兩碟小菜我已經係榮記嘅熟客 不過為佢寫食評又第一次一間餐廳佢肯幫襯超過三次 呢間餐廳一定好好食除非你係同朋友食（你懂的）我知所以係佢嘅熟客 完全係俾佢嘅鑊氣小炒吸引住今晚和家人到這裏吃晚飯 要從地下搭lift上2樓嘅鵝頸橋熟食中心 門一開轉左有一大班人問你幾多位 但係要注意佢哋唔係間間都係榮記 因為熟食中心就好似food court一樣 所以有好多間鋪頭係熟食中心你要走去 榮記前邊先坐低 枱上邊嘅Menu應該寫住榮記我叫咗佢其中幾個招牌菜 包括魚香茄子煲 xo腰果蝦乾銀魚 同埋椒鹽魷魚酥 自己帶咗隻龍蝦（要收加工費不過同腦細議價首先係魚香茄子煲個人認為炸得唔夠透 雖然賣相幾好但係食落去中間可以在熟啲然後我認為xo腰果蝦乾銀魚直頭可以比滿分蝦乾同銀魚本來就非常夾再加埋腰果 真係冇得彈銀魚好脆 唔係一般餐廳林晒嘅樣 送飯一流椒鹽魷魚酥相對遜色 但仍高於一般餐廳 炸得稍為唔夠乾 食落去冇咁趣 應該係炸粉嘅關係 最後龍蝦嘅加工亦都幾好 所以大野上嚟加工絕對唔會浪費左你隻海鮮🦞環境方便唔係太好 要求都唔好太過高 畢竟只不過係熟食中心衛生可以講話係惡劣 食食吓會有烏蠅同你共晉晚餐伙計態度幾好 幾nice 又會過嚟同你吹水講笑總括而言 我幾推介呢間餐廳 除咗衛生之外坦白講其他方面都幾好 再加上其實都幾貴四個人4碟菜買單起碼三百幾$400 抵唔抵食其實都係睇對唔對得着食物嘅質素 我覺得呢間餐廳絕對值得回頭幫襯強烈推介…Read More