榮發燒味茶餐廳

Open Now

Now Closed

大圍茶餐廳不少，除左火車站附近較出名幾間外，遠離火車站範圍還有榮發茶餐廳。雖然假日依然人多，但至少唔會好似出名果幾間食完就要即走，仍然可以慢慢坐下。除左有室內冷氣位、亦有室外，室外配備風扇夏天仍可接受。價錢中位，食物質素屬於靠得住唔會伏，車仔面同五香肉丁炒公仔面都係必食，由其炒公仔面，面質唔會過淋又入味，下午茶連凍飲$40抵食。

去朋友屋企食飯，佢地叫左榮發外賣做晚餐先推介“貓餅”，朋友話係隱藏菜單來架幾好食，有豬肉，芹菜香，同好似菜脯嘅嘢煎得香口，幾好送飯，啖啖肉li個豆腐都好好食，裡面有其他好似冬菇粒嘅嘢，口感軟林林又濕口，味道清好有屋企feel。仲有幾條菜墊底。肉鬆抄豆d肉鬆有鹹香，勁多蒜味，可能會有d油但送飯好正，好惹味，肉鬆份量充足另外叫左油菜，冇咩油，幾健康條菜就老左dd不過算啦平平地白飯例湯都幾甜，有雞腳花生，算唔錯架6個人250蚊左右食飽

晚上七點八左右到達，坐低等人等左兩個字先落單，一個排骨鳳爪煲仔飯一個北菇雞併咸蛋肉餅煲仔飯，伙記話四個字，好等。過左兩三個字個伙記話冇得雙併，改窩蛋牛北菇雞雙併又冇得併，咁淨窩蛋牛煲仔飯。等到八點五十分催單，話最少兩個字已經火滾，催到九點二先黎。但好食既。講真，食個煲仔飯姐，等唔係問題，你話四個字都預左，但我等成粒幾鐘點解我唔直接去打邊爐？

今日去食，已唔期望服務同食物好唔好，為只方便長者地方。今日叫左個意粉同粥，叫人寫單都叫左10分鐘。粥到，冇餐具，叫人攞就ee哦哦，又乜又乜。到意粉黎，又係冇餐具，叫人攞，佢竟然可以問我要乜餐具，我話你覺得呢？佢就話唔知我叫乜，比餐具的係落單的人責任，我點知邊個負責比餐具，我只知我冇餐具就問你弟。條友好唔順咁同另一職員講，又講埋粗口。碗粥發現有昆蟲，叫佢換，就話有少少昆蟲就緊嫁啦。講到好似食客唔啱咁……食物味道方面，個人諗為與一般的茶餐廳差唔多。以後都唔幫襯，去遠少少隆亨好過

榮發燒味茶餐廳以快餐為主，在附近的茶餐廳相比能提供粥粉麵食，是日有點腸胃不適，想吃個粥品，只是粥品提供的選擇不多，在無可選擇之下要了一碗皮蛋瘦肉粥，配炸兩，就這像便要HKD36。皮蛋瘦肉粥的瘦肉還沒有解凍，在粥內還是一堆的肉絲，皮蛋和肉絲都算多，吃之前要把一堆肉絲搞散等一回才吃，味道有點冷凍的味道，粥底也算做的都綿，這樣一碗粥便賣HKD20，真的有點不值。從小便愛吃炸兩，單吃油條又太油膩，配了腸粉一起吃更好。HKD16炸兩只得2條，賣相還算可以。腸粉還算滑滑地，只是沒想到炸兩一點都不脆口，還很腍，腍到有點難咬，味道怪得不知如何吃下，真是沒想到品質是如此。以HKD36吃粥品，味道和食物質素如此一般，這個價錢相對確實有點貴，如果不是附近沒有其他店提供，就不會成為獨巿。

D食物質素差左好多：皮蛋瘦肉粥入面有隔夜怪味燒鴨，D粥又結好似食糊仔，好失望 醬多D花生醬開到稀似水，無味餐具又污漕, 伙計態度又麻麻希望D煲仔飯唔好差

今日個lunch食得太飽, 所以晚餐都係簡單d~ 枝竹牛腩煲 - 有好多枝竹, 牛腩都炆得ok淋, 個汁都入味~ 薑葱魚雲煲 - 魚雲炸得太乾... 雲吞米粉 - 不過不失啦, 無乜特別~

今日大年初一, 新年開返一個食評閒時放假我都會到榮發食早午餐, 原因我家姐住雲疊花園,我最喜愛吃的就是榮發既沙爹牛肉麵,原因是我吃過大圍多間,而這間是最好吃的一間,味道濃郁,配上公仔麵,麵條掛上沙爹汁,真係不得了.配上最近茶味無再苦既熱奶茶,一定是絕配.好可惜,今次懷著祈待的心情去食,而有點失望,今日叫了沙爹牛肉長仔麵,成三十幾元,本來新年價錢貴點都無所謂,但是沙爹牛肉麵有點怪,和平時都不同,不太好食, 而熱奶茶亦有點兒苦,本來想食一碗好食既麵都不容易,是廚師換了人還是放假?家姐跟我說,新年沒有燒味食,我心裡慶幸沒有燒味,因為燒味檔的師父我曾經聽到他向侍應講客人麻煩等的壞話,次次見到他都是黑著面,雖然是他本身的問題,但新年都不想聽到他的咀咒吧.其實未食過這裡的炒粉麵,水準我想都是很美味,有機會一試再評

這一間普通不起的茶餐廳，理應不會對其食物及服務有任何期望。但居然，出口罵顧客。我地一行五人，首先，佢話我地六位。我講笑話，哇，好驚喎，多左個人。阿姐駁道，我鬼知你呀，一望就估架啦。算！我地五人，有兩人是肥的，我去到一張四人枱再自己拉多一張二人枱。此時此刻，阿姐就問我地做咩，又話唔洗啦。我地話我地之後會幫你拉返。佢死都話四人枱夠架喇，我心諗，宜家我地坐定你坐呀。我忍唔住話，宜家你個場又唔係爆。朋友們拉住先無再嘈。之後落單，落左兩個就走左去，你開頭又話見倒「六」個人，會唔會我地要淪落到分兩個野食呀。個阿姐落完又出去門口大大聲話，嗰班死x街，生人覇死地。呢間真係唔係好得囉，野食已經唔係好食，正常水準都未去到，加埋啲咁既態度，唉，難怪佢話佢嗰度係死地啦，無講錯。呢間野，一個字，廢！

週五晚吃完正餐之後，便乘車回到沙田隆亨邨的老家，途經附近的田心村時，倒覺得有點口寡，雖然對上一餐尚算飽足，只是也實在有點無聊，心血來潮下倒不如來一頓夜宵，論那區的多間食肆，也是以村屋作舖位經營，其中較旺場的，應是名為榮發的茶餐廳，屬於那種「乜都有」的食肆，曾試過其小菜和煲仔飯，既然半飽，今次來一碗粥品及小吃算了。除食物款多之外，水準也只屬不過不失，但生意卻是幾間裡最好的一間，除位置顯眼，位於班馬線對面之外，裝修上也較為美觀，內堂面積亦大，相對上隔離的食肆味道不遜於人，卻因地方偏僻和裝環簡陋，因而有點門堪羅雀，作為那區的街坊，有機會的話也會加以娓娓道來..........叫了一碗廿二元的生滾肉丸粥，其粥底就談不上「綿滑」可言，較為稠身，不過還是爆開了米花，米香之味也不明顯，除生菜絲和蔥花之外，粥底亦發現蔥段一截，果真「物盡其用」。論有次去澳門氹仔其中一間宵夜店，不算十分出名，但粥底之綿香，已勝過香港甚多店舖。內有肉丸數粒，不是凍肉店的急凍來貨，亦不是即叫即造的手打，想是弄好後放入雪櫃，肉質大致鬆化，雖有肉味，亦不乏一點燥感，知道澳門有一間三元粥品，其即場手打肉丸粥便是一絕，也有用古法般用

基於上兩週在西環試的煲仔也不算太美味，不如改為家裡附近的小店一碰運氣。位於沙田田心村附近的「榮發」口碑也算不賴，晚市來說都算旺場，週五晚決定來個一箭雙鵰，既來蒜子火腩大鱔煲，再來多一個臘腸雞煲仔飯，侍者有點猶疑我一個會否吃不完?! 這個可以放心，我的食量有需要時，是可比平常時間加以倍增。先來一盅例湯，是合掌瓜煲豬骨湯，火侯也見不俗，也不見重味精的燥火情況。另來上一杯奶茶，印象來說茶身較薄，茶味不見濃厚，整體來說也是對辦，起碼花奶的比例仍然適宜。不經不覺之間，第一味主菜已經送上，一碗白飯再奉上熱燙煲仔一個，急不及待試了一件鱔球，發覺肉質呈現應有的彈性，雖然芡汁略為厚了一點，但是仍然吃出鱔肉的鮮味出來。煲內也有不少火腩肉，略肥的肉質偏向爽口，配合濃味芡汁之下，吃出一點惹味之感出來。加上蒜子和少許蘿蔔作配搭，總算中和一下鱔肉和燒肉的膩感，整體來說，確將這傳統的煲仔小菜弄出應有的水準。吃到將近大半時，侍者也將煲仔飯送上來，和先前的煲仔菜比較之下，實在有點失色，其所用的雞件和臘腸來貨不算佳，雞件欠缺鮮味之餘，肉質也來得有點嚡，而臘腸更是來得有點硬。飯質來說還是可以的，配合薄身的甜醬油，食味也只屬

放假同住隆享村同事的兒子補習,離開時已是午飯時間,因此在巴士站對開之榮發食.點了干炒午河,凍奶茶.食落牛肉有點莓,相信是泠藏太久及鬆肉粉太多.粉的油不算太多,但就全冇wok氣,洋蔥也偏多.凍奶荼拿出來時是暖的,要浸15分鐘等冰塊融掉.

星期六的早上, 要跟孩子一起到幼稚園參加新生家長會, 到學校前, 先吃個早餐, 路上途經榮發燒味茶餐廳, 我們毫不猶豫, 便走進去。看過餐牌, 點了一份沙爹牛肉公仔麵配腸仔蛋 ($20), 太太則要了一碗豬紅粥配鮮蝦腸粉 ($22), 等了一陣, 食品已送到我們面前。先說說沙爹牛肉麵, 可能是沙爹醬較濃的關係, 令整碗麵偏鹹, 吃下之後感到非常口渴。(很後悔點了這個, 因之後出席家長會時, 麵的鹹味令喉嚨感到不舒服, 渴下一整支蒸餾水後仍未能將鹹味散去!!) 而太太點的粥及腸粉質素則一般般。茶餐廳的出品向來沒有太多的驚喜, 只能說是快捷兼飽肚, 加上較近住家, 當沒有開飯心水時, 茶餐廳永遠是最佳的拍檔。

上週四去了看打擂台後，立刻打道回沙田老家，由於家中沒有留飯，隨意在附近的榮發燒味餐廳吃點東西才回家。叫了一個乾炒牛河搭凍檸茶，$32的一碟貨色，色澤較淡，鑊氣一般也炒得不太乾身，有油膩但已叫不算嚴重，用的牛還算有點味，有少許韌，旨在飽肚，吃後趕快回家，這裡晚市也有小菜供應，但水準也是一般，反而雲吞麵有點好印象，早知點這一味好過。對於自己家裡附近的食肆，信心也是不大。

以前讀書, 學校離屋企有點距離, lunch就同幾個同學仔過來吃四寶飯.16蚊加埋杯野飲, 起呢一帶都叫做好抵~今日重遊舊地, 已經唔洗諗一日得廿蚊, 可以同男朋友食40蚊一個餐了先講講, 本來已選好了食間金沙x, 同佢near間金曼x係姐妹店. 不過d員工態度超差, 應該係冇服務. 由我同男朋友入去, 坐好, 一杯水都冇.我嫌冷氣太凍, 就講聲坐出面, 繼續自己搵位, 企左好耐都冇人出黎招呼呢間野咁差, 怪不得客人都唔多隻.如果係多客, 我可以原諒!是日晚餐:- 沙嗲金菇肥牛煲沙嗲味重, 好多肥牛同粉絲.肥牛好薄同軟身, 40蚊連埋飯同飲品, 好抵食!可能傾計傾太耐, 最後個粉絲變成醬 椒鹽鮮魷鮮魷好明顯睇到一粒粒鹽, 但又唔咸喎.最衰冇九肚魚, 魷魚始終係硬d. 菜心兩個人就可以送碟油菜.問佢有咩菜佢又話得生菜, 黎到又變左菜心!唔洗錢, 食得過~成個餐包飯+湯or飲品先$36~$40, 普通出面都要$48一個菜啦.食開有感情, 雖然味道已經冇我小時候食咁好味咯...