榮康燒味餐廳

Open Now

Now Closed

豉油王雞髀🍗$16魚蛋+燒賣🍡$10/8粒咁啱經開，玩完貓之後肚餓😂見到雞髀$16又好似幾抵😁結果就叫咗隻食😏估唔到都幾大隻，啖啖肉夠入味，唔錯👍另外加咗辣魚蛋同燒賣😆味道就不過不失啦😀最後附送肥貓寶寶肉照一張😎榮康燒味餐廳 (青衣)青衣長康邨康泰樓地下1-4號熟食檔

星期五又是出外找美味午餐的時間！同事帶我來這間屋村茶餐廳～星期五午飯時間不太難找位置坐！一向很喜歡在茶餐廳點常餐/茶餐，今次也不例外，點了他們的常餐，白切雞米粉配叉燒奄列和牛油麵包（$42)。飲品是我的最愛--凍鴦少甜少冰（凍飲加$2)。奄列和麵包先到，待應姐姐説其實奄列可以選是火腿奄列或者是叉燒奄列～下次試試吧～ 奄列有半個碟大，吃完都有點飽。哈哈白切雞份量很多，還附送雞蓉～還有些娃娃菜附送，不會只有米粉和雞。同事說他們的賴粉和燒鴨也很好吃，下次吧～

早上過來長康邨，點都要醫好個肚先，見這間餐廳名已好麻甩，連入面及出面都坐了好多麻甩佬。唔怕，早餐食一陣，醫肚緊要。點了個早餐，有沙爹牛肉麵、餐蛋方包、茶走少甜，$26。沙爹牛肉麵：湯底好濃味，牛肉又好多，食完好飽肚。餐蛋方包：普通，一般茶餐廳味道。茶走少甜：杯茶好濃茶味，而且好熱，奶唔夠多唔太滑，麻甩的味道。

其實都食過好多次，都忍唔住要讚讚1）什果咕嚕肉咕嚕雞球/生炒骨食得多，呢個什果咕嚕肉實在太有驚喜！用豬肉去整，啖啖肉，一舊骨都冇，炸到脆脆地，咬落去2成脆皮8成肉，講起又想再去食。仲要用什果去煮，不只菠蘿。係令人意外的水準。放酒店也不失禮！2）真正「鮮」-椒鹽鮮魷我的第二最愛！魷魚好新鮮，原來係阿姨日日去買的，仲要條條㨂過！怪不得口快有口慢冇。下次都係預約定穩陣，上兩次都食唔到！3）皇牌燒味呢個唔使介紹，全青衣都知佢地做左幾十年燒臘。美心太興等等，根本比都冇得比。係每次必叫之選。缺點：太大碟，一個人黎真係唔掂，建議叫多幾個人黎可以試多幾味。湯就好足料，原來係用自己燒味鋪的料去煲，老火湯冇味精，個胃太細食唔到多呀！要打包走^^

30-1-2013(三)今天早上，上班前來到「榮康燒臘茶餐」吃早餐。我是第一次來這兒用餐，舊式屋村的食物亭，較少見有裝修及有冷氣的，但反而這樣欠缺上世紀食物亭的舊有特色 --- 殘舊兼捱熱進食，(哈哈～我是一個喜歡折磨自己的人！) ，令我有點失落的感覺！ 點了一客豬扒腸仔出前一丁麵 + 熱檸蜜，質素之好令我有點驚喜。。。豬扒最為出色。由於廚房是隔著一塊大玻璃而已，所以我看到這裡的豬扒是是即叫即煎，夠熱、夠新鮮；賣相大大件，豬扒要做得好食，最重要是夠鬆軟富肉汁，肉質要鮮嫩，醃得亦要入味，這兒確得做得到！是日有點感冒，跟餐我點了熱檸蜜，是潤澤喉嚨的必然之選。味道酸酸甜甜，沒有苦味，非常好喝。唯這個早餐需 $ 33， (這個麵餐是 $27，出前一丁另加 $3，檸蜜也另加 $3)，略嫌昂貴！

白汁海鮮飯，竟然用埋鯪, 茄子肉碎飯，好多茄子呀！番茄火腿蛋飯，咁有心機，放得好靚喎，雙蛋即煎喎，茄汁少甜撈飯一流，湯無味精喎，難得難得Overall, 服務, 環境, 食物都不錯

今次叫左個燒腩仔义燒煎蛋飯，開頭見到燒腩仔好似好肥咁，食落原來都幾好味，仲脆卜卜，讚！係碟飯太大碟....分兩餐都未必食得晒，浪費~$25有個餐都幾抵食~下次試下靚仔老闆介紹嘅秘製义燒包先！下午茶好似$18？

終於有新食店喇.......可以多過聚集點，午餐26元，送熱飲，白汁海鮮飯，竟然用埋鯪魚球，咁搞野呀！第一次見....茄子肉碎飯，好多茄子呀！番茄火腿蛋飯，咁有心機，放得好靚喎，雙蛋即煎喎，茄汁少甜撈飯一流，湯無味精喎，難得難得26元就有交易，抵呀！