極尚章魚燒

喺極尚章魚燒試咗佢哋嘅松葉蟹羔皇章魚燒，叫咗大份有8粒，即叫即整，要等大約10分鐘。章魚燒本體真係唔錯，外皮微脆，粉漿比例啱啱好，唔會太粉，入面仲有兩粒章魚，口感豐富，食落幾滿足。但係蟹羔就有啲失色，質地偏水，食落唔夠濃郁，仲流晒落個兜度，搞到成個章魚燒濕濕哋，口感怪怪哋。整體嚟講，章魚燒本身值得一試，但就唔好揀蟹羔味。…Read More

🔥🌶️ 【葵廣隱藏神級美食】辣到口窒窒！32蚊食到舔盒底嘅地獄辣章魚燒！ 🐙💥返工放工必經之地，竟然俾我喺葵涌廣場搵到呢盒「靚到唔捨得食」嘅章魚燒！脆、嫩、辣、鮮一次過滿足，食完真係有衝動即刻返去再排隊！打開盒蓋嗰下，香到我即刻投降——腳趾尾都感受到。金黃色章魚燒鋪滿紅卜卜特調辣醬，面頭飄住熱氣中跳舞嘅柴魚片。隔離大眼仔章魚公仔同我對望：「今次你賺到盡啦！」第一啖：脆到咔咔聲，係香港街頭最正嘅脆！「咔——」呢聲脆響，隔兩條街都聽到！外皮烤到焦脆過新鮮薯片，咬開仲帶少少鑊氣，完全唔係平時嗰啲「軟棉棉麵糊球」。呢啖脆，直接秒殺我之前食過嘅全部章魚燒！第二啖：爆汁＋大粒章魚，先係港人最鍾意嘅實在感！穿過脆殼，綿密嘅粉漿同辣醬一齊「爆」入口——重點係個章魚！大粒到幾乎塞滿成粒章魚燒，Q彈鮮甜，唔係碎渣應酬你，係真材實料嘅「章魚主角」。每一啖都食到章魚嘅存在感，呢個先係靈魂所在！第三啖：地獄辣？其實係香辣到停唔到口！話就話「地獄辣」，但唔係死辣到你喉嚨痛嗰種。呢種辣係帶蒜香同乾椒香氣，辣到口窒窒但好惹味，越食越想食，連手指上嘅醬都唔捨得抹！醬汁包住脆皮同章魚，越嚼越香，最後盒底啲醬都用章魚燒掃晒，根本唔夠喉！總結：32蚊嘅快樂，香港街頭最抵嘅治癒！本來諗住求其買盒墊下肚，點知食完企喺檔口前回味咗十分鐘，朋友叫我都聽唔到！呢種脆、嫩、辣、鮮，真係好似喺味蕾放咗場煙花！葵廣章魚燒頂流，「極尚」真係冇得輸！下次放工我一定再嚟掃貨——呢間店，我已經鎖死！——一個被辣到口窒窒但仲想追加嘅香港吃貨…Read More

鮮爽爆蔥章魚燒$32/6粒章魚燒係即叫即做，等咗大概10分鐘左右。拎上手見到成份章魚燒免頭都鋪滿蔥，掀開見到好多木魚燒，章魚燒好大粒，有啲沙律醬，每粒章魚燒入面都有完整嘅章魚。整體嚟講，覺得性價比都幾高，味道好好。…Read More

作為掃蕩全港章魚燒的暴食系評測員，今天拍桌怒吼：葵涌廣場1樓「極尚章魚燒」就是神級天花板！從酥脆裂殼聲、爆漿流心餡到超大粒章魚🐙衝擊視覺，吃完瞬間理解什麼叫「靈魂被鮮味綁架」不服？帶胃來戰！🫵本身沒有想過要打評論，所以並沒有拍照，但是真的太好吃了💥 核彈級滿足感：意式風情黑松露章魚燒「咬開脆皮那秒，松露香直接轟穿天靈蓋！」•暴擊二連：
✅ 黑松露醬瀑布攻擊！特調松露醬濃到黏嘴唇，菌香兇猛穿透脆殼，燙舌也停不下嘴 。
✅ 脆度變態級！麵糊黃金比例，外殼咔哧碎如薯片，內裡綿糯得像熔岩蛋糕——冰火雙重奏極致體驗 。結論：甘願為它燙破嘴皮！
從脆皮裂響聲、到黑松露醬的奢華感，「極尚」用$35重新定義香港章魚燒天花板！
（⚠️警告：吃過真的會上癮的）…Read More

平時唔係食開呢間，心血來潮想試下佢有好多花式味道為左比較葵廣邊間芝士章魚小丸子最好食本身決定試下芝士三重奏同埋店員哥哥都好熱心會介紹唔同既口味好似仲可以雙併唔同味，分6粒同8粒然後哥哥問我鍾唔鍾意食明太子介紹左「明太子芝士」就試下都要稍等等，因為即整個盒好可愛，一拎上手夠熱👍🏻打開見到醬都夠，仲要勁多芝士食落脆卜卜，仲有好多木魚花，仲有大大粒章魚（掛住食無影到），值得一試，下次會試甜蝦+三文魚系列❤️…Read More

葵涌廣場多章魚燒店就係人都知，我就次次都食開1樓嗰間，因為順路返屋企，邊行邊食，超好食。上次都係買咗一份，跟住就去咗新都會攞嘢，差唔多行咗20分鐘，返嚟嗰陣，個女仔店員同我講已經準備好，但係凍咗，我本身都話唔緊要。廚房個女仔即刻話等佢1分鐘，重新整一份熱辣辣嘅俾我，仲搞gag話凍咗嘅章魚燒係冇靈魂嘅😂 講真平時都真係冇乜點打開食評，覺得好食，最多咪多啲去幫襯，但係咁好食又咁有心嘅店舖，冇乜人知道佢哋，又有啲戥佢哋唔抵🤦🏻‍♀️講明先，佢哋冇俾錢我😂，但係我真係幾欣賞佢哋嘅態度👍🏻…Read More

原本叫8粒蟹膏章魚燒，返到屋企打開盒先發現係6粒明太子章魚燒，單就冇落錯，係店員岀錯餐，希望你哋以後唔好再犯呢種錯誤。明太子味道唔錯， 章魚嘅份量唔太平均，可能係我唔好彩，我嗰盒唔算有好多章魚。…Read More

繼續葵芳掃街之旅🤪，除咗喺葵廣，地鐵站附近都有好多美食🙂，今次一次過係葵廣同葵芳掃下街🙋🏻‍♀️❣️海量明太子拼日式蜂蜜芥末章魚燒 $35/6粒葵廣有2間比較出名嘅章魚燒😁，呢間相對少人排🤣，味道果然有唔同，章魚🐙燒燒得比較燶，加$2可以雙拼口味🙋🏻‍♀️，但明太子同蜂蜜芥末味道都相當鹹，食完好口渴🥲👅好味度：7（10分滿分）🍽️ 極尚章魚燒 葵芳葵富路7-11號葵涌廣場1樓B75b號…Read More

講真，個醬其實冇乜特別，正常味但係咬落去質感完全唔係果回事，錯哂！章魚應有既咬口冇，食落仲要係爽脆？？一開頭以為自己咬到唔知乜野就由佢，點知第二粒都係咁既質地，真係有啲奇怪只好打開哂咁多粒「章魚燒」睇，入面既並唔係章魚，竟然係水魷！！雖然每粒都係脆入面都包住兩小粒既水魷但係明明冇章魚成份仲要係賣緊水魷就真係唔好叫章魚燒認真講，30幾蚊賣水魷真係有啲過分點解咁耐都冇人講過？建議：20蚊賣番做「水魷燒」，一定有人食！…Read More

每次嚟到葵廣掃街第一件事一定買呢間小丸子，佢係葵廣一樓電梯旁邊位置超容易搵就喺一樓芝士麵斜對面，呢間每一粒小丸子裏面嘅八爪魚大大舊，超多醬汁！熱辣辣超級惹味，必食推介黑松露小丸子～六粒$35超級滿足！…Read More

星期6 本身番完 77 身心俱疲🥲🥴😵😵當然黎葵廣 治癒下 生理 （餓）同心靈喇星期6 比起平時仲更加多人咁所以就要諗下由邊食起， 咁上次網上見有片係講1/F 都有間章魚燒 ， 又有爆蔥， 食落皮係我鐘意夠哂脆 ， 內面又淋 ， 至緊要肯多燒汁俾我， 好有誠意 ， 會多啲幫襯…Read More

諗起都一段時間冇食章魚燒，黎開葵廣都係買比較出名既2間，次次都等好耐。 之後突然醒起早排有間新進駐葵廣既章魚燒店， 就決定去試下新野。 可能先前係傳媒效應， 依家已經冇網上睇咁多人， 變左可以唔洗等咁耐， 可以節省番啲時間。 不過都要睇下個質素有冇對比既🙂‍↕️價錢方面其實有部分會比另外兩間抵啲， 不過黎開試新野 ， 緊係都想試試新野。所以就簡左「鮮三文魚他他章魚燒」「鮮三文魚他他章魚燒」（$43/6粒） 。 價錢一般偏貴，不過勝在夠足料！ 唔係得幾粒三文魚。 仲有啲醬超多， 望落去勁大份勁足料 章魚燒粉底較厚，同埋偏軟身， 但本人就中意軟身小小既，加埋啲醬食落勁好味，唔算太漏😛😋😋。 章魚相對都大粒。 味道黎講算係值番個價…Read More

個人覺得香港嘅章魚燒好食過日本，呢間嘅章魚燒係我私心推介嘅一間。首先佢味道多選擇，不過我都係鍾情於蜜糖芥末味。今次嗌咗六粒嘅原味章魚燒拼蜜糖芥末章魚燒，可揀八粒或者六粒，特登揀六粒食完細細份濃郁之後都仲有胃口可以喺葵廣繼續掃街🤭鍾意呢間章魚燒嘅原因係因為佢煎得好香脆，咬落落去外皮係脆脆地，而入邊將魚粒都比得大方，大概每粒入面都有兩至三粒，不過今次嗌嘅雙拼入面感覺外皮煎得太耐，所以有啲太硬，如果可以改善返就更加好啦🫶🏻…Read More

聽聞開咗唔係太耐，有好多食評宣傳，所以今日就試吓佢真係好食定係宣傳! 先講章魚燒本質，質地嚟講佢算係出色，外脆內軟又會好容易散。每一粒裏面亦都有好大粒嘅章魚，係一個合格嘅章魚燒。但係我最想讚嘅係佢個明太子醬，唔吝嗇之餘明太子醬味道好食，真係將平平磨嘅章魚燒加咗好大嘅色彩。…Read More

又嚟葵涌廣場掃街啦❣️今次同自己講，一定要食之前冇食過嘅舖頭，行咗兩個圈，最後俾呢間章魚燒小店吸引咗😋地獄辣辣章魚燒 ⭐️⭐️⭐️⭐️⭐️見到佢寫地獄辣，我心諗，香港嘢可以有幾辣，一於挑戰下🤣 章魚燒上面勁多辣粉，配上秘製辣醬，再加埋大量柴魚，賣相好好勁吸引😍 熱辣辣擺入口，表面香脆，入面每一粒都有章魚好足料吖🐙 食第一粒嘅時候都覺得唔係好辣啫，點知食下食下啲辣味就湧出嚟，原來都真係幾辣喎，唔食得辣嘅千祈唔好挑戰🤣…Read More