楊記麻辣魚館 (Cheong Lok Street)

Open Now

Now Closed

叫咗3樣野水煮魚(例牌)普通囉，未到好好食，有四條薯粉嫁好特別手撕包菜黎到先知水煮魚都有呢個配菜，不過唔同口感，呢個爽口，水煮魚就淋身啲小炒肉朋友勁推介成碟都辣椒以為好辣喇，點知一啲都唔辣，仲可以撈飯食以上我就覺得唔夠辣，不過可以再食～

朋友話比我驚喜，咁今日就同佢哋嚟到這間館嘆麻辣烈火！🔥 第一彈，就係啱啱上嘅夫妻肺片。咬落去，爽脆得嚟帶有微微嘅麻香，「開胃得嚟唔踩雷」。手撕包菜份量十足，嗰個麵包脆卜卜，細嚼慢嘗中，感受到嘅係「脆香嘅滋味」。點少得牛肉羮呢？每樣湯料都熹到剛好，牛肉碎帶嚟瞓身嘅滋味，每啖湯汁都有得彩頭，越飲越過癮。青笋臘肉配搭得宜，臘味香中帶鮮，啲菜帶點脆口，一啲都唔死鹹。啤酒鴨真係「意外之喜」，估唔到嗰個鴨肉嘅味道會咁匙手，啲啤酒香乜都無遮擋地撲鼻而來。再黎金銀饅頭，真係陣陣甜香🍬。咁嘅排場，咁嘅滋味，「真係令人難以抗拒」～總之啦，想大口享受麻辣醒神，呢度絕對係首選！👍🌶️

本身有食過其他分店幾次，今次係佐敦附近行街所以就嚟到佐敦分店食啦。叫左三個餸，分別係泡椒田雞、小炒肉、萵荀絲。食食下發現有舊田雞酸臭左，於是再搵下其他田雞有冇臭（用聞去分辨），都真係有啲有臭肉味有啲正常味，我同友人判斷應該係其中一隻田雞壞咗所以只有幾舊係有臭肉味。於是乎就同店員講，店員第一反應話正常係有啲酸辣架，我哋話唔係呀係酸宿味，臭左呀，佢再搵個應該係經理嘅男店員嚟。男店員嚟到第一反應都係話正常係有酸味😑我同友人都覺得一定係酸宿味，我哋都係做飲食做廚房點會唔識分酸宿味係點！之後佢聞完話冇覺得酸，佢擺埋入口𡁻左兩啖都竟然話覺得冇事！我同友人都好無奈，佢話冇得退只可換第二樣餸，驚被加料所以冇接受到。隔左一陣，店員又話隔離檯都係食田雞都冇事，同你同一鑊炒添，啲田雞日日新鮮嚟，點點點。隔離檯冇食到酸姐，或者同男店員一樣食唔出，唔等於我哋碟田雞冇酸，我哋都表示係有啲臭有啲冇臭的。。。加上店員指隔離嗰檯客。。。埋單走埋，同一鑊炒邊有咁快食完走😂日日新鮮嚟貨都有機會供應商比左死貨你冇發現到㗎（反正我都唔信日日新鮮嚟貨）最後田雞只好放埋一邊已經唔敢繼續食，但田雞嘅錢都係要比😵

本身無諗過食呢間, 咁岩經過又搵緊野食見無乜人就試下12:45本身落單果時都無乜人, 等咗15分鐘已經見到好高入座率, d人越坐越多我中間又追咗一兩次,到最後追果次我已經見好多人食緊同埋遲入去的野食都送到, 最尾我足足等咗半粒鐘外賣先到手, 係外賣唔係堂食, 堂食嘅話都無咁嬲可以即刻食, 所以話外賣嚟講我比負評食物方面, 唔熱同埋偏凍(20min路程返到屋), 主食唔夠多配菜為主,

見網上寫午餐到5點，登特提早15分鐘打去落單，個職員話已經無午餐。然後諗住再行落去睇下有咩食，見餐牌都係寫午餐到5點。入到餐廳見得1枱客食緊野，然後所有員工都係到食緊飯，得1位老嘅女職員係到收銀，行過去諗住落單，點知愈叫就愈走，問佢點解剛才打嚟落單話無午餐，佢就話而家已經過咗5點，我再重申多一次，話剛才5點前打黎點解話無午餐嗌，個老女職員不斷重覆而家已過5點，問非所答。之前其中1個食緊飯嘅年輕操內地口音嘅女職員態度好差就話45分截單，我再話剛才打黎嘅時侯就未過45分，拎埋手機通話紀錄俾佢睇，然後坐佢隔離一位著廚師衫嘅男人大聲咁話無就係無，話佢地而家成班員工食緊飯，想等就等，唔鐘意就食第二間。態度十分惡劣，不知所謂

同同事放工dinner, 佢建議食川菜, 其實我怕好辣, 因為試過一次喺廈門食過食到噴火, 佢試過話好好食唔算超級辣，信佢試一次啦⋯⋯ 同事上網睇過蘇民峰師傅都試過話好食，所以佢先知有依間. 食飯在星期一都有六成滿. 人齊後叫左酸菜魚，烤羊串，酸甜排骨和干鍋魚雜. 酸菜魚d魚肉冇散冇霉，彈口的，魚肉份量足，唔會得數片. 推介喺羊串，冇蘇味同燒得啱啱好好香，送啤酒一流. 另外干鍋魚雜亦非常好食，唔係超辣，味道辣度啱啱好，酸甜骨佢排骨做得細細粒，好易入口好好味。 試過去過尖沙咀一間高級川菜，我自己覺得亦比不上這裡⋯⋯性價比係超高. 想食川菜又唔會辣到入唔到口，此店極力推介. 三個人食連啤酒埋單$640左右絕對抵食.

本來5點前到，餐牌寫住5點前有午餐，但又話班師傅侍應要食飯，表情態度十分差，尤其一個女侍應，超級不耐煩，好似餐廳是她家，顧客過去耽誤了她自己的食飯。好心等班師傅食完飯，等了幾乎半個鐘，晚餐水準超級難食。師傅和侍應超級大聲的玩牌，大聲聊天八卦，完全當作自己屋企，不理會顧客。主要是個女侍應，的態度，真的很令人反感，超級不耐煩，以自己食飯時間為優先，覺得顧客光臨，都是打擾了她的一副面孔，真的令人反感，不會再光顧這間餐廳。

又到午餐時間，今日工作成肚氣，於是跟同事想食些麻辣野刺激下來個發泄吓，於是就行去佐敦準備食碗麻辣米線，點知經過楊記麻辣魚館時發現竟然小菜館有午市套餐，而且還白飯任裝，於是膽粗粗入去試下。當時心諗小菜套餐應該很細碟餸，點知完全錯晒，所有套餐都像單叫小菜一樣大碟，如幾位朋友去吃，直情可以當叫小菜然後share 一齊食。最正係佢白飯任裝，而且套餐包一杯飲品，凍飲都不用加費，除了汽水和王老吉外。套餐都有成16款選擇，而且一律$50，從中有6款$60。我當日就叫了口水雞套餐，開頭以為得例牌，點知有成半隻雞吃，而且夠味道，雞肉也算滑，性價比極高。最重要包埋杯凍飲，食辣野點可以沒有凍飲配合。唯一少少扣分是沒有紙巾提供，食辣野有些人會出汗或流鼻水，如果有埋紙巾提供就非常好。

男朋友自從之前來過一次呢間烤魚之後，就講佐幾次話要帶我來試下。睇在佢咁堅持嘅份上，一於去試下。我地淨係點佐一份烤魚同兩杯嘢飲。一開始驚唔夠，結果上送之後見到好大份，兼且唔係配菜湊數嘅大份，係成條魚都好大條阿啊啊啊啊。哈哈我同店員講佐話要減辣，佢上送個時仲叫我話要慢火煮住食，大火煮容易越食越辣🥵好貼心。同埋食下食下無火，都會好快手幫我換氣。服務可以講真係好好。食得都好舒服，如果多啲人一齊食仲好啊。

成日聽個同事講話要去食楊記食楊記，今日過開黎見客上openrice 睇，原來叫楊記麻辣魚館，決定會一會佢 睇下係咪真係甘好食。Lunch time 一丁友，見都好多人，，全場爆滿，，生意都唔錯，d姐姐忙，就唔好預服務好好。Lunch 時間價錢都好相宜！叫左個酸辣肥腸飯都係45蚊，簡直係麻甩之選。肥腸有油香得黎，感覺洗得好乾淨，唔會有咩異味，加埋d酸辣汁，，肥而不膩而且好開胃！送飯一流。另外份量更加係足夠！價錢平又好食，下次會同朋友再黎試多啲其他菜式！

楊記麻辣魚館，我最鍾意就係佐敦呢一間，佢個水煮魚好入味，片魚又片得好，唔係好多骨，啲服務員又醒好爽手，我最鍾意嘅就係佢嗰個辣子田雞，唔知點解次次食落去好似有少少腐乳嘅味道，甜甜辣辣咁樣真係好開胃，配支啤酒！正！

楊記有好多分店已經食左好多次～因為價錢比較抵得黎又好味推薦度： 4/5🍴串燒羊肉幾辣下，食唔到太辣既朋友未必食到牙籤吉住一小串既羊肉北京人住左好多年既朋友話有北京羊肉既風味😋🍴水煮魚可以揀BB辣，岩哂我～d魚肉好滑，今次食既薄身左少少（食左一半先記得無影相）🍴干扁四季豆四季豆正常發揮，一如以往都係好味既🍴清炒窩筍絲食左咁多濃味野，配上一碟清炒真係好似清泉咁😋窩筍好清甜，真係好好味，幾時都咁鐘意食窩筍😍（又係唔記得影相）

✨餐廳環境真係很似在內地的擺設，餐位還算多，7點半去到基本不用等位。✨酸菜魚🐟的味道好好👍，但魚片比較薄，但相對就比較少魚刺，吃起來還是放心的。但個人覺得算比較貴，魚肉量唔夠。✨夫妻肺片的量ok，但希望可以再辣一點😂✨最想吃的是乾鍋田雞，香味100分，味道也剛好，可是田雞炸得比較濕，如果可以再炸得脆d就更好👻✨兩個人點了3個菜，我們自己吃不完要打包。菜品味道唔算太鹹，可以唔需要加主食，冇收加一。

叫了烤魚、鐵板牛肉及乾鍋大腸烤魚真的很大驚喜🥰魚的份量好足 夠曬大條 魚肉又滑最重要是味道好夠👍🏻對於無部不歡及重口味的我真係十分滿意😆不過乾鍋大腸就沒有想像中好味但仍然不會影響我下次再去！

今日係佐敦附近突然搵到一間之前係openrice成日出現的川菜館，愛好食辣的我就算依家天氣太熱都忍唔住想入去食d火辣辣既菜式。睇完餐牌之後叫左一個川北涼粉，呢個係我最愛的四川涼菜菜式，然後叫左一個經典川菜菜式麻婆豆腐，最後叫左一個男朋友好鍾意食的兩道菜mix埋的土豆片回鍋肉。川北涼粉的涼粉其實同我係鄉下食既都算相似，起碼比好多其他川菜館既都好好多，然後麻婆豆腐就一般般，並無太突出的地方。至於土豆片還好，起碼係外小脆內軟粉，加上爆炒的辣椒味，覺得算好食，但係回鍋肉的豬腩片就相對遜色，並沒有榨乾肥肉，相對難以入口。