森美車仔麵 (Closed)

宜家出街食飯咩都貴哂~普普通通一餐lunch 兩個人可能都要過百今日lunch 去左呢度食環境就一般因為近街市~~~~叫左個4送車仔麵都係27蚊~~~ 雖然唔係好大碗女朋友就叫左個3送加埋野飲同菜都係50幾蚊~~~都算抵食!…Read More

諗左成朝就係為左諗下今日去邊度食晏, 終於師傅決定食車仔麵, 咁有咩選擇好呢? 最後師傅決定黎呢一間食店, 皆因從來都未黎試過!入到去環境幾好幾舒服, 而服務招呼都幾好, 師傅坐底就即刻睇下有咩野食, 左諗右諗最後師傅決定要個豬雜三寶, 即係豬皮, 豬紅同豬腸, 再配米線, 再要多杯熱檸茶!等左一陣碗米線就送到, 師傅第一時間試下個湯底, 湯底冇味精, 清清地都幾好味, 之後師傅再問佢地攞左碗咖哩汁, 將d咖哩汁撈埋落去, 咖哩汁係好香好辣, 撈埋一齊係好好味; 而豬皮就整得幾腍, 咬口唔得, 麻麻地; 豬紅就一粒粒, 口感煙煙韌韌, 又冇一夾就散, 可以啦; 豬腸就切得薄薄地, 一片片都幾好味; 而米線又煮到煙煙韌韌, 幾好口感, 唔錯! 熱檸茶就麻麻地, 茶味唔夠, 唔算好飲!總括黎講食物質素都幾好, 服務態度就幾好, 又有禮貌; 而價錢係絕對抵食, 廿二蚊三餸麵仲要加埋飲品, 真係超抵! 師傅覺得呢個豬雜三寶都可以啦, 下次有機會會再試其他野食!…Read More

因為想食一個簡單又飽肚既晚餐，一想就想起車仔麵。其實由灣仔行到銅鑼灣都有兩三間車仔麵舖頭供選擇，不過因為呢間晚上通常較少人，無咁逼，所以最終揀咗呢間。心多多既我，柯打咗小什會米粉，一次過可以試勻八種配料，有魚蛋、豬皮、蘿白、豬紅、豬腸、牛肚、紅腸及時菜等，加腩汁，湯底色清帶甜，但無乜腩汁味，味精頗多，食完好口渴（不過通常車仔麵既湯底都有好多味精ga la）。整體嚟講好一般，配料亦唔見特別好味，不過不失咁la。加杯凍檸茶，總共$26。…Read More