梧桐河燒烤場 (Closed)

呢一間燒烤場, 之前朋友介紹已經來過一次， 覺得幾好食， 最緊要可以帶狗所以今次再encore星期三大約八點鐘左右，可能閒日去到冇乜人， 我哋得三個人，畀咗張可以坐到八人嘅枱同我哋， 坐得好寬敞一坐低就去攞餐具先，餐具都好衛生 食物方面，種類不算太多！ 都係啲大路嘢！ 例如:腸類、丸類、牛扒、牛柳粒、 豬扒、金沙骨、魷魚、多春魚，雞翼有兩款味道， 另外有雞扒同埋雞全翼 ，沒有羊架和豬仔髀。 另外有蔬菜供應， 青椒、粟米、茄子、金菇菜，同埋有麵包， 不用另外收費 唔會好似某啲燒烤場麵包蒜蓉連塩都要收錢 雖然食物款式唔係太多， 係佢啲肉類都醃得幾好食！ 入味得嚟唔會太鹹 如果唔夠味，可以問佢攞鹽或者豉油！ 啲蔬菜 仲要幫你即埸包埋錫纸， 落埋蒜蓉！ 真係好用心老闆亦都好好招呼， 仲送咗甜品畀我哋食真心值得推介雖然地點係遠咗少少， 但係一定會再嚟

今日同三個fd想bbq，見到無咩食評，都有冒險精神去試，火車站的士唔駛跳錶就到，去到見到好多一家大細，但有好多蒙古帳篷，都幾有特色，重要係店員超級nice!入面有間士多有啤酒賣，十零蚊罐，食物方面，款式唔算多，不過都滿足到bbq癮起嘅人，百三蚊任食算係咁啦，再加50蚊開爐費，扒我試左雞扒，肉質唔錯，但唔係好入味，不過雞翼就好味，四小時任食，食完可以坐响度傾下計，玩下遊戲，唔會趕人走，整體都ok,收費又唔貴，會再嚟幫襯。

老闆友善，地方闊敞，秋風起，同老公，狗狗夜晚9點多燒下燒下唔覺已到12時多，都冇被趕走，係幾舒服自在！的炭好好燒，，野食不過不失，有兩個地方洗手，方便的，可能不是太多人，厠所都尚算清潔，係一個好好hea嘅地方。如果認真講，個人認為野食種類不用太多，最重要是新鮮好味，這方面有待改進。蜜糖冇溝稀，但唔知點解一D都唔甜，有待改善了！上水有兩間燒烤場，競爭很大，這晚見到差人不斷來回，睇嚟居民很認真投訴卡啦ok噪音太大，希望老闆做得住啦! 我想多個地方hea吓！加油！

去過兩次這燒烤埸！地方闊大！有免費停車埸供應！食物方面有整隻乳豬燒烤！而且頗美味！特別處有蒙古包有冷氣！適合一班朋友唱K、打麻雀！見過有狗狗團游泳，好可愛！有時間會再去！值得推介！

第一次入咁遠燒烤場，地方空曠，場內裡有幾個蒙古帳幕入面都好大，冷氣好充足，可以容納好多人我估大約20至30人都可以。入面還有k唱，飛鏢，真的意想不到。燒烤食物自取，味道尚可，去到櫃面有專人夾比你，可以自選食物，不會其他燒烤場限量限數給你，員工也有禮貌飲品種類繁多，食物種類也不少，雞翼都有幾種味道，蔬菜類都有，尚算不錯還見到有羊😂真係估佢唔到，好有驚喜。還見到有人燒豬仔🐷，幾過引有機會下次再尼試下

好開心呀😍😍朋友上星期帶我嚟呢個燒烤場，一入到嚟第一種感覺好特別，因為第一次見到真實既蒙古包好新鮮😍地方又好寬闊，咩都有得玩，又卡啦ok, 音響仲好好添🤭🤭仲有麻雀、掟鏢...仲有食物種類繁多，除左一般既BBQ食物，還有大大隻烤羊肶、乳豬....(不過要早D訂定先有)等等。味道仲好好🤤🤤下次會再成班一齊入去玩😙😙

地方夠大，泊車方便，上水坐的士都係廿蚊左右，有汪汪泳池，有鏢掟，有K唱，D嘢食仲好正，有蒙古包落雨都冇有怕，最啱生日派對，或者汪汪派對，老闆仲好好人，值得再去👍👍👍👍👍