梁慶記

Open Now

Now Closed

香港食出澳門風味解鎖北角新一間餐廳，之前有間食拉麵不錯，今次搵到間澳門過江龍，網上見食評麻麻，親身食過，唔係喎，好食喎，同行友人都話無介紹錯！好多街坊和上班族食。.墨魚餅拼魚蛋喇沙撈麵 $42加$6飲可樂，熱辣辣食撈麵岩晒，喇沙輕輕辣味，每條粗麵沾滿醬汁，開胃又夠味，墨魚餅脆香和魚旦彈牙，麵底可以自選，配幼麵相信更吸味！.五香汁厚切脆豬扒飯配湯 $52跟餐$4配阿薩姆奶茶，抵飲，台面寫明為左客人健康不加糖😍豬扒好好食呀，入口微甜不癡牙，份量多，不錯不錯。.串燒五花腩（2串）$16勁推介，好好食！油脂分布均勻，不油膩有肉味，加上孜然粉香口美味！.地址：北角電氣道233號城市花園3座地下4號舖

#中意嘅請分享請點讚🍻----------#mfy北角----------澳門米芝蓮「梁慶記」登港！梁慶記在澳門已有百年歷史，平民價錢食到米芝蓮，可以一試！-🐷澳門豬扒包 $38豬扒肉嫩多汁，仲好細心咁切埋骨走，可以大啖啖咁食。麵包好鬆脆，洋蔥好入味，加埋牛油好香口，整體好好食。-🍜安格斯牛肩肉蝦子撈麵 $68 (飲品+$4)牛肩肉油脂分佈平均，牛味香濃，蝦子麵口感煙韌份量多，蝦子味好強，整體味道好豐富。凍檸茶竟然有驚喜，茶底幾濃，糖水自己加，可以自行調教甜度。-🐮串燒牛柳 $16/2串串燒用孜然粉醃製，好夠味，牛柳燒得岩岩好，唔會過硬。----------📍梁慶記🔎北角電氣道233號城市花園3座地下4號舖

被伏中人， 告誡各位北角同仁，我雖然第一次食，但唔會比第二次機會佢，實物被P到超越M記。如果有興趣去0徙錢，可以試其他款式。佢店內仲要宣傳話“要做最好食既面”，實際係0拿西加求鬼其。我唔想有其他食家中伏，同時亦不希望呢類食店繼續呃人。

介紹開北角，順手介紹埋呢一間澳門🇲🇴過江龍，當好掛住澳門🇲🇴嘅街頭美食，可以試吓呢一度，服務態度幾殷切又小心，價錢亦相當經濟☺️———————————————————————————🥖🐽澳門🇲🇴豬扒包💬見其他食客叫先走去叫，好在醒目，幫我哋一開三，麵包好鬆軟，充滿牛油🧈同洋蔥🧅嘅香味，豬扒超級多汁又肉嫩，必食🤤.🥢澳葡串燒喇沙米粉🍜💬特式喇沙米粉都幾濃厚湯底，大量配菜同豆卜、炸魚片，好豐富，串燒係用孜然粉醃製，有雞翼、腩肉等等，好香口惹味🤤.🥢牛筋雲吞麵🍜💬「米芝蓮」竹昇麵，點都要試試，都係幾彈牙，好難食到令人回味嘅雲吞麵，只可以說往事只能回味🤭

澳督飽魚厚切脆豬扒飯配湯。豬扒醃得夠入味, 份量也很大, 飯量適中, 還有一隻小飽魚, 整體是好食, 附上的湯也好味,  飲後也不會口喝,  店舖細小, 只見1 個廚師和一個樓面,  睇得出, 店員十分忙碌, 但很有禮貌.  標題叫得, 大剎風景, 當然, 事出有因, 知道中午食飯時間, 一定好忙, 但真係估唔到, 佢地將需要清洗的碗筷, 只是放在廚房的地上,  負責樓面的店員, 需要在樓面和廚房2個地區, 不停出出入入,  每一次在廚房出出入入時, 其實店員都是大步跨過, 地上的碗碗碟碟  , 當然, 我也相信, 他們一定會洗碗, 但視覺上, 不雅觀, 心理上, 覺得兀突 

我屋企食神話係北角有間食辣既竹昇麵好好食，本身唔食辣嘅我決定同佢一齊去睇吓有啲乜嘢其他嘢好食。去到城市花園嗰度，門口見到大大隻字寫住「澳門梁慶記米芝蓮全蛋竹星麵食」原來依間野係米芝蓮既，難怪我隻食神堅持要來呢度食。入到去有好多漫畫公仔去呈現竹昇麵嘅做法，之後我見到枱面有個寫住澳門豬扒包，咁我就要左一個，而食神就叫左個澳葡風味串燒喇沙湯米。一路等嘅過程當中都有好多應該係附近嘅街坊叫外賣。一路望住啲街坊同店職員傾偈另外對呢間舖頭感到特別有親切感。嘩，我無諗過原來我叫既豬扒包好大個喺度澳門嘅豬扒包真係一模一樣，上面仲插着支旗仔寫住梁慶就，後面係澳門區旗。喺遠處都問得到個豬扒包所烤過嘅豬扒味道，另外令我最難忘嘅係除咗塊豬扒，連個包都好好食好趣口。真係係我食過最好食嘅豬扒包！而我既食神果碗喇沙湯麵有埋四條串燒，但我唔食得辣唔夠膽食，不過聞到都好重喇沙味。幫我哋落餐同出餐嗰位姐姐態度都非常好👍🏻依家竹昇麵店我一定會帶朋友過嚟再食多幾次！

路過隨便的一餐，湯底選了咖哩，很濃郁還不錯，細的竹昇麵入味多過粗的竹昇麵，咖哩飯味道一般，可以再選幾個菜配著面，支竹好吃，豬排鶴豬腳味道正常無功無過，雞翅不好吃，飲料無糖添加，相對健康

疫情期間好少出街，今次去完書店揾食，返屋企個陣睇到咗7仔旁邊呢間麵店。睇落，好似係新開嘅，大門上講佢哋係澳門個間梁慶記分店，過江龍。試咗個濃厚豬骨湯，細麵，32HKD。加餸撿咗五香牛腩（16hkd），脆蜜雞扒（12hkd）。豬骨湯勁好飲，唔似街邊車仔麵個D 腩汁，可以飲得出係落咗好多豬骨來煲，。細麵好彈牙，走梘走的都okay，食起來都算挂湯。麵自帶一D 花生生菜胡蘿蔔絲，睇起來都健康D。牛腩未算好淋，但大大舊，足足半碗咁多，cp值好高好抵食。雞扒都好食，個蜜有少少薑味，食落都好飽肚。埋單加加埋埋60 HKD，好抵食，之後仲會再來食。

新鋪開張，見到門口有澳門某超級大集團送嘅花牌，又標榜米芝連，就知道呢一間麵店應該來頭不小💙餐廳位置就在富臨炑八韓烤旁邊方便易去！兩間都好正，我都猶豫咗一陣，究竟揀邊間藍店好呢！最後都係決定試吓新野！ 入到餐廳我叫咗豬手牛孖根粗麵，雖然等咗好耐先來，餐廳嘅整潔度一般，但面嘅軟硬度OK，豬手都夠林，餐廳人流唔多， 有d講普通話嘅客，都坐得舒服，疫情還疫情，而家嘅香港人，搵食、搵買都係一種表態，食落口嘅係要係良知💛