林香檸手打檸檬茶

Open Now

Now Closed

飲品符合香港人口味，招牌手打/渣男/特濃都好符合香港人鍾意濃茶嘅口味。雖然有少少細杯，但味道好。近排中意左黃皮特調檸檬茶。如果渣男同特濃有熱飲就好。但係呢間分店嘅服務好有問題，員工成日唔睇OpenRice單，唔接單。去到舖頭問佢收唔收到單，佢個樣如在夢中。連有單黎都唔知。試過不同日子兩次同一員工都係咁。真心想飲，希望舖頭處理下，或者就關左個open rice 自取。可以無網上order，但比個位客人嬲應該唔係咩好事。

最近去咗 林香檸太古城店，啲檸檬茶真係唔錯，但職員態度麻麻，搞到成個體驗扣咗分。飲品方面可以，酸甜度啱啱好，茶味夠勁，檸檬夠新鮮，入口爽快，的確係水準之作。但職員個樣黑黑哋，問嘢時愛理不理，好似唔想做咁，仲要擺出一副唔耐煩嘅樣，完全冇笑容，令人感覺唔舒服。出街食嘢，除咗飲品好，服務都好重要，唔通淨係靠好味就夠？如果職員可以親切啲，至少冇咁冷淡，成間鋪嘅氛圍都會唔同啲。希望店家可以正視一下呢個問題，唔好只專注做好飲品，客人嚟買嘢，都想感受到友善招呼嘛！

真係唔想連一杯飲品都要長篇大論揾喺寫，但係有時候，真係不吐不快！柯打時講咗小冰，杯嘢都寫住小冰，真係「頂你個制」，啲冰竟然成大半杯有突，真係想問下，正常冰又係乜嘢嘅程度？就算你杯野好飲到識飛，都要尊重吓客人嘅需要！

喺大陸飲過山寨版檸檬茶真係怕咗。見到太古美食廣場開咗林香檸，個名聽得多，間鋪都見得多，就係未飲過。今晚就試咗一杯。🍋招牌手打檸檬茶我要咗7分甜，少冰。檸檬汁、茶和冰的比例恰到好處，味道清香，一飲令人愛上。茶蓋下面鋪層牛油紙，冇咁易倒瀉，呢個位值得讚👍🏻！不過紙飲管就比較差，好容易變軟，最後就用唔到囉👎🏻！

近日見到手打檸檬茶店興起，知道太古城開咗間新店，諗住食飯順便試吓因為佢有幾種檸檬茶款式，當下詢問店員時，他們已經表現得極度不耐煩😒各種唔同嘅名字，原來係茶嘅濃度最後揀咗杯最普通嘅檸檬茶3分甜少冰價錢28我覺得唔算貴，試落味道極之普通，但係我飲咗兩下就已經冇晒🥲發現杯嘢其實得兩啖茶一大堆冰😵‍💫當下返去查詢店員少冰是否這樣的？他們回答我說公司少冰就這樣的😵‍💫睇嚟係我孤陋寡聞不過真係冇下次有圖有真相 真係寫住少冰的

今日外賣速遞咗兩杯渣男手打檸檬走冰嚟到一杯只有三分之二另一杯有椰果嘅多番少少但係都只有八成我走冰姐，唔係走晒啲茶吖嘛！另外有椰果嗰杯仲要俾細飲！真係勁嬲囉！！！！