林園甜品粉麵小食

Open Now

Now Closed

夏日熱辣辣黎返大圍飛完個髮又要搵野食喺大圍返過一排工其實都對依附近嘅餐廳都有晒印象，特別就在於今日曬到爆，想搵D冇咁熱嘅野食，搞到兜左成個圈先黎返林園林園門面其實真係唔多靚，殘殘舊舊咁又唔多人去食，仲要冷氣唔夠勁，當年都係有朋友帶我黎試先發現依間小店餐廳裝修係唔多新淨，但反而感覺上夠warm夠casual夠親民，好有一種會由細食到大嘅街坊鋪感覺，而相信事實上都係咁越南野餐牌選擇唔多，天氣咁熱就連飯都廢事叫喇，叫個扎肉雞絲撈檬就算撈檬夠凍身，天氣咁熱食起上黎仲開心仲爽，加上有埋個撈檬汁酸酸甜甜夠開胃雞絲就比較乾身，亦都唔好expect係手撕雞嗰陣level，不過成碗野有惹油又有撈檬汁就夠晒好食

🍳雙蛋豬扒飯($42)🔻推薦指數:🌕🌕🌕🌕🌗鹹度:少鹹🌕🌕🌕🌑🌑🔺港味頹飯🍚雙蛋好動L！仲見到d蛋白未凝固晒，所以撈落比較乾身嘅米飯到非常適合， 飯係粒粒分明個種，有咬感，拌埋蛋汁真係一流🤤豬排好香口，好夠熱辣辣！墊係蛋下面用餘溫去整到雞蛋半熟👍🏻香茅味好惹香，少少辛辣，肉質不韌不會過乾😋真係好少食到白飯都覺得唔夠撈😫然後旁邊嘅油蔥都好好食，第一次食唔知有得叫多蔥，配埋甜豉油，咸咸地又好送飯，總之成個飯都好好食👍🏻住大圍嘅真係要去食下呀喂~🦑咖哩魷魚($32)🔻推薦指數:🌕🌕🌕🌖🌑鹹度:微辛🌕🌕🌗🌑🌑🔺好好彩食到最後一碟😭但唔知係咪因爲得呀姨話淨翻最後一碟，想再多都無，其實真係得d汁🙈d魷魚好少，感覺貴左少少，味道係幾好食嘅，凍凍地彈牙又爽口👍🏻咖哩味濃🌿韮菜豬紅🔻推薦指數:🌕🌕🌕🌑🌑鹹度:適中🌕🌕🌑🌑🌑🔺相比魷魚，豬紅依碟就大份好多！不過豬紅就唔夠滑溜，外皮有少少嚡口，韮菜有少少太油。

衛生程度有點可怕，好污糟的感覺。落單唔寫低，問完又問點了什麼，離錯晒啲嘢食，不斷提醒未黎的食物。價錢牌有點混亂，同一食物兩個餐牌兩種價錢。味道真是一般。不會再試了。

間野外面望落去UPUP DUPDUP，但平日都見有唔少人出出入入，估計唔差，就入去試下。嗌左碟淨咖哩魷魚，一碟九菜豬紅。魷魚32蚊,豬紅23蚊。當碟魷魚上到黎，已經好失望，本身都唔預大碟，但無諗過咁細碟😅，唯有希望味道搭夠。一入口，嘩！凍既？人生第一次食凍既咖哩，仲要無咩味道......好失望.......雖然碟豬紅都好細碟，但23蚊， 而且味道唔錯，就覺得合理啲。食完呢兩樣野，已經唔想再試佢其他野啦。隔離枱哥哥仔嗌左一細碗類似雲吞既野，一細碗麵，一細細細碗涼粉，承為70幾蚊，個人覺得唔抵。不過我見隔隔離枱有人嗌豬扒飯，雖然都係細細碟，但佢個樣食到津津有味咁，有興趣既人都可以去試下既。個人感想：環境，服務，食物質素同價錢唔係咁成正比。可以一試，睇下彩數。

估唔到啲蔥油咁好味！撈飯一流豬扒都好有水準！仲有兩層（好似有成兩塊）～啲蛋煎得啱啱好，啲蛋汁流落飯到真係好正撈檬個汁酸度啱啱好，食勁都唔厭，仲有個雞翼係炸架，超香脆

以前成日都叫外賣送黎公司，之後無再做送外賣就好耐無食啦。剛剛lunch去食，我最鐘意食佢地嘅春卷撈檬，加入橙色醬汁（唔知咩名），酸酸甜甜，好開胃。同埋唔係熱，夏天食係最岩。

之前已經試過一次呢間野 ，對個環境無咩好感， 食飯時候係咁比個風扇吹到頭髮亂哂。咁相隔左一段時間再黎食下啦！宵夜叫左個雞翼牛肉飯加隻蛋同條腸， 黎到見到就好吸引，食落真係頂唔順， 可能我食唔到太咸啦， 啲雞翼同條腸咸到呢！ 啲蔥汁又係好咸😅 牛肉又乾⋯ 啲飯唔係人地所講既粒粒分明，濕到一pat野， 真係食唔落 。 食左一半頂唔順 仲要比阿姐話我徙野⋯⋯ 我都唔想 真係咸得制囉 。 諗住叫番個糖水試下 個糖水又甜得制 😅😅😅 無奈。

牛腩麵別冇他選、我從一而終都是食呢樣野太好味了、真的湯底（總覺得有咖喱）實際不知但已超班再配上牛腩再配上豆漿，絕配不過其實呢度仲有越式椰汁粟米，平時出面少食，只在這裡點，不過今天冇食，下之啦。

叫左個豬扒蛋飯做宵夜$46 都唔係平但佢兩隻太陽蛋加上蔥油真係幾正 夠晒香 流心既蛋黃配埋個豉油飯真係好邪惡既宵夜😛 但個豬扒愈來愈失色 係咪越色野重口味啲 塊豬扒愈來愈鹹 食一啖可以配幾啖飯.. 鹹到唔想食 剩左幾件. 調味下次可以輕手啲 宵夜黎講真係太heavy

當日岩岩考完試，番到大圍突然覺得好肚餓，就去左林園食佢個雙蛋豬排飯，先唔講個味道，淨係個外貌都已經贏九條街，佢特製既蔥油用黎撈飯真係超級好食，好香同時又唔會太肥膩，一個非常豐富既午餐，碟頭飯既首選，黎開大圍既朋友一定要黎試下呢間鋪頭。

晚飯後，很想吃一碗糖水，又不想走得太遠，隨便地走進了這間平民小店，沒有冷氣的，地方很開陽，糖水的價格不高，所以也不是很大碗，品質一般，不過阿姨啲服務態度值得一讚。

當你喺大圍想食飯又唔知食咩好嘅時候就一定係揀呢度啦！雖然佢唔係裝修好靚嘅餐廳但係好有人情味！店舖舊舊地！味道好好味！喺呢度食飯㗎咩架咩都唔使睇價錢因為佢都係好平！ 有好食！用心之店！推🙌🏻

我一向都鍾意去食啲up dum地方！ 因為真係有另一番風味， 真係呢句講極都唔厭！住喺沙田區嘅我就成日嚟大圍食呢一度嘅越南菜啦， 喺度食碗生牛河又好，豬扒撈檬又好！真係好正！ 每次都必須要加埋啲雜齋！總之一定食到好飽出去埋單都唔貴！ 喺呢度一碗粉麵都係$28-38, 小食呢就平均係$13-30！我呢就大多數係食香茅雞翼撈檬！正！雖然呢度環境一般，唔係話好乾淨裝修得好靚嘅餐廳！但係價錢便宜， 味道好唔錯！我個人呢就成日嚟食覺得好好啦！

以前中學嘅時候喺大圍都讀書 基本上大圍既所有野都比我食晒😛😛以前最鍾意食依到既撈濛 係中學時代佢好似係25蚊一個撈濛有肉仲有野飲送！以前一定會大班人一齊叫🤤今晚約咗中學同學見面所以大家都話想食返d中學時期會去食餐廳🤤今次我突然之間唔係好想食啲餸所以我就叫左就咁撈濛 質素依然一樣都係咁好食而且都係＄16咋我仲同朋友叫咗個酸齋 質感幾好但係酸就唔係好夠 同埋仲有啲油所以覺得麻麻地朋友就叫咗個豬扒撈濛 豬扒就唔會剪得太燶 而且濛粉都非常之多 所以其實一定係食唔晒㗎 不過佢跟個包汁呢就唔係好夠 所以如果大家食外賣嘅話可以叫佢比多包你！🤤

昨晚突然與好朋友見面，打算搵間有中式糖水食既糖水舖坐低食個糖水講兩句。朋友記得依間有糖水，就決定去。其實今次都唔係第一次黎依一間。今次差左好多。特別係態度方面。我明明叫左熱既糖水，阿姐拎到黎到先話無熱。都拎到上枱唔通唔要。我個碗有成隻蛋係到無得叮。而且態度唔友善。我無要求照加熱之後，仲要好得戚咁話糖水凍先好食，其實食得凍野唔洗叫熱啦麻⋯⋯雖然依d小店，都無咩要求有咩特別好服務，但都唔好咁呀⋯⋯另外我朋友要熱燉蛋，講左幾次「要叮架wor~」之後萬千不願意咁拎入去叮。真的無下次⋯⋯