東坡豬骨粥 (Moved)

粥品專家,曾經比網民推介為人氣食店豬⻣粥與牛肉饀餅係招牌之一粥很大碗，有幾塊大骨 食到唔少肉碎添!加埋生菜碎拌勻食,口感豐富又綿滑既粥底,又有脆脆既生菜絲豬骨既鮮味同肉味已經溶入粥底之中,香綿味鮮牛肉饀餅 鮮牛肉作餡,香口惹味,肉汁豐富! 煎到好脆口!消費$59佐敦上海街194號地舖…Read More

凡係試未食過嘅餐廳都有啲戰戰兢兢，今日喺尖沙咀冇乜好嘢食就專程嚟到呢間粥店。一入餐廳感覺清潔。一嚟嗌碗雞粥先，餐牌寫明用新鮮走地雞，而且所有肉類嚟自五豐行，就知老闆著重材料質素，果然冇令人失望，反有驚喜。雞粥真係好好味，佢唔係好似何洪記嗰仲咁杰撻撻，比較小小稀嗰種，但食落感覺啱啱好，同啲薑呀葱呀味度好平均。咁我又即刻叫碗蟹粥，又有驚喜，隻蟹又多糕又多肉，以後唔洗去澳門先有得食呢個質素喇！再叫埋胡椒京葱豬肉餅同韮菜蛋蝦皮餅，胡椒餅勝，要即場encore. 燉湯亦都真材實料，試咗個雞腳湯，有婆婆嘅味道～ 兩個人忍唔住再食多碗雞粥先走人😆以後都會再嚟，小店位置喺廟街再入，唔係好旺，好需要我哋支持！佢哋價錢合理雞粥$48 大大碗蟹粥$88 一樣大碗餡餅$20…Read More

因為想吃豬骨粥所以專門走過來吃，豬骨粥還可以，但20蚊一個牛肉煎餅實在浪費錢，和 Menu 上的圖片完全不同!!! 圖片有芝麻，真野沒有，圖片有幾個，真野得一個，圖片外殼是脆脆的，真野是軟軟的。根本不一樣。…Read More

🚩原味豬骨粥💰價錢：$46嚟到東坡豬骨粥點會唔試下豬骨粥😂新鮮滾熱辣 一碗份量唔少面頭灑咗好多蔥花、生菜絲豬骨都有3大舊 可惜豬骨啲肉質較乾較嚡而且粥既味道冇咩豬骨味😣反而多咗生菜既味道😢可能係生菜絲放多咗我個人就唔太鐘意👎🏻🚩富豪酸薑皮蛋💰價錢：$30/2粒價值嚟講貴咗啲味道正常發揮！冇驚冇喜皮蛋略顯流心配粥食都唔錯🚩胡椒京蔥豬肉煎餡餅💰價錢：$24煎餡餅有3款味豬肉、牛肉同韭菜雞蛋揀咗店家推薦既招牌胡椒京蔥豬肉口味味道同我想像嘅有出入我個人偏好餡餅既肉餡帶有少少甜🤏🏻但呢間就鹹香味多 胡椒味好重肉餡都算大舊 但肥肉偏多咬到幾口都有大粒嘅肥肉😢而餡餅皮我認為可以煎得再脆啲依家嚟講 得個「油」字☹️👎🏻呢間小店exactly位於方太糕品舖隔離雖然網上大致偏向好評但試咗幾款招牌菜個人覺得麻麻地～☹️…Read More

昨天買了外賣，叫的是粥，麵，糕，加三個餅。收錢阿姐收多我6蚊（即每樣野食外賣要加$1）！我等到拎外賣時發現粥麵糕各一個紙盒，三個餅放左一個紙盒。於是我問那為何收我$6？阿姐話原本買一個餅一個袋就收$1，係佢今次幫我放哂落一個盒！話吾係佢收個$1，係政府話要收！個四眼老闆仲即刻行開好似吾關佢事咁！我心諗，吾通去麵包鋪買個包咁個袋又收多$1？超吾合理！返到屋企趁熱食，一打開個盒，三個餅每個$20！係！係$20個！細到！得大約7厘米咁細收$20個！有金咩！搵笨！有咩咁特別呀！’出名‘豬骨粥我個碗得一條豬骨，其他肉又老又鞋！唉！個馳名羅白糕林pat pat！無下次！啲人咁做生意，遲早！…Read More

唔記得咗我同老公本身係諗住去邊度食嘢但係就一經過呢度見到有豬骨粥即刻就衝左入去以前喺尖沙咀有間食豬骨粥好好食我同老公都勁鍾意尤其是唔鍾意食粥嘅老公都覺得好好味但係自從佢執咗之後我哋再冇食過咁好食嘅豬骨粥咁啱見到呢間舖頭門面寫住豬骨粥我同老公雙眼都閃閃發光點知係令人失望嘅因為我哋成日搵咗之前嗰間做假想敵其實就唔係話唔好味嘅而且佢哋粥面都落咗好多生菜有啲誠意不過都係唔及心中嗰間老公另外嗌咗個胡椒豬餅可惜都一般段然後就到最後上嘅湯正當我哋冇咩期望嘅時候，佢又俾驚喜我哋個湯好味道又夠熱應該真係啱啱燉出嚟感覺好補身下次嚟都係淨係飲湯算喇😂…Read More

有次搭巴士經過，見到呢間東坡豬骨粥，我好喜歡食豬骨粥，睇過openrice好似都有人推介，就搵日特登嚟試。平日中午嚟到，唔算多人，叫咗一碗豬骨粥，一個古法蒸蘿蔔糕。先講豬骨粥，啲粥同豬骨好似分開煲咁，好似把豬骨放入白粥咁，談不上美味。豬骨粥嚟講，尖沙咀巷仔那間，或者灣仔強記美食好食好多。個蘿蔔糕就真係好失敗，啲粉漿好似未蒸熟咁，太濕，食落口時感覺唔良好，味道也好一般。食完之後，完全覺得係浪費咗人生一餐嘅quota，已從收藏list中剔走。…Read More

🇭🇰東坡豬骨粥·呢間又係我哋睇飲食男女 見到佢用超多豬筒骨去熬個粥 好似好正咁 就專登去左試😈佢個粥真係超正 我哋第一次嗌左一碗做宵夜 覺得好正 第二日即刻買左黎做晚餐 佢超級大碗 見到都開心😍😍🤤·東坡原味豬骨粥$39佢入邊真係有好幾舊豬骨 而且啲豬骨上面啲肉仲係好嫩 仲有啲軟骨同筋膜😍😍佢個粥底都超級綿 而且調味都做得唔錯 我最鍾意入面啲大頭菜粒 鹹鹹地超級惹味 而且好特別🤤推薦大家如果鍾意食皮蛋一定要加$10試埋佢個流心皮蛋 佢係好似皮蛋版既溏心蛋咁 超流心 超正🤩🤩·北菇雞粥$48呢個都好好正 而且佢雞粥同豬骨粥個粥係真係唔同味 呢個粥底係真係超濃雞味同埋菇味🤤而且佢入面都好多雞件 不過我自己覺得佢呢個雞粥係粗糙啲嘅 感覺麻甩啲佢好食係好食 但係同貴妃雞粥嗰種順滑又有少少唔係好同 大家試吓就會明我講乜嘢🤣🤣不過佢呢個價錢呢個質素真係已經冇得輸😈·古法蒸蘿蔔糕$15佢大磚到嚇親我 佢係好似兩磚豆腐咁大 超級巨型 視覺效果一流😂佢啲蘿蔔都幾甜 而且你係真係食到佢一疏疏個口感 不過我佢入邊係真係就咁得蘿蔔絲 得面頭有啲蝦皮 所以我覺得佢個鹹香差少少 但係都值得試吓既😌😌·#rbyeat#rby港式#rby佐敦·📍佐敦上海街194號地舖…Read More

受传媒吹捧，店的名气也随之而增加，光顾的客人自然不少。堂食和外卖的人都在等着，我也要在店外等了10分钟才可以进去。先在店外的玻璃窗看看餐牌，价钱不算便宜，如果质量好，我也不介意多付一点钱。店内只有一个楼面，落单、执枱和收钱都是一脚踢，最后等了差不多5分钟才能下单。萝蔔糕先到，其实最好是跟粥一起吃，但肚子太饿，决定先吃它。但眼前见到的不像萝蔔糕，卖相已经减了分。入口时像一团软绵绵的面粉，萝蔔味不浓。吃完萝蔔糕要再等5分钟再上粥，粥是很绵，值得一赞，但里面的鸡什极少，零零碎碎的鸡肠和鸡珍没有什么亮点。可能是同时间有几个人点了这个粥，把料分薄了。如果以这个价钱为准则，没有什么性价比。…Read More

剛坐下見到同枱對面嬸嬸叫的蘿蔔糕上枱像待發酵的麵團攤在碟上😱佢問員工呢碟乜嘢，店員話係蘿蔔糕就行開咗，嬸嬸不忿再問多次點解籮蔔糕唔係一件件咩，個員工呀姐話係咁樣的，你唔要可以取消。我同朋友對望已經知可能中伏。咁叫大路嘢豬骨粥同雞粥，本來叫炒麵佢話冇，叫了炒米。炒米先上，似蒸米粉白雪雪一碟冇餸又淋。豬骨粥冇乜味，連粥味都冇且好稀。雞粥一樣好稀，雞其實係雞皮。對面嬸嬸一路食一路同佢個friend 說唔好意思叫咗你來，佢話以後都唔信網上啲宣傳。我咪一樣中伏睇完YouTube 來食😩我哋食咗四分一已經唔想食埋單走人！…Read More

一份報紙四分一頁廣告收你二萬五！一份雜誌的社交平台廣告收你一萬五！一個地鐵燈箱廣告每周收你十萬！ 做餐飲生意每位客人平均消費約一百五十元，宣傳費用與收入相較起來負擔非常沉重，但又不得不進行推廣，制造輿論，吸引新客戶群組前來光顧。若然餐廳有幸被賞識，被知名飲食家(並非什麼KOL)或大型傳媒免費為你撰稿或拍片宣傳，既能省下大筆金錢又令一群讀者慕名而至。東坡豬骨粥就是一位幸運兒，獲得全港最多人閱讀之報章訪問，且同時制作短片在媒體播放。瞬時間當日晚上，人流蜂擁而至，團團圍著門外。路旁廟街公園長打躉之叔伯也好奇上來探究餐廳發生何事。等了兩輪約廿分鐘入內，餐廳裝修布置簡單，只放了五張四人圓枱。先引座於對面之西裝男女食評：「唔好食嘅，被騙了」，全部吃餘一半便開走泊於門外之平治房車離開。這是媒體宣傳惹的禍！！一般平民餐廳根本欠缺計劃，不懂計算人流量，不懂廚務效率，承受不起突如其來的澎湃如水湧的人客。結果造壞了品牌，最終顧此失彼，人客不再來了。自己被訪問片段中，店主幾句說話吸引而來：「我用心煮作」、「街外無人能夠煮到呢種兒時味道啦」。我相信東坡所賣食物，就是店主的招牌好菜。餐牌款式花樣，既賣燉湯、又賣糖水、粥品、更賣蒸品，擔心缺乏了焦點，成為四不像。正想下單，侍應姨姨已與鄰檯客人說「呢樣賣曬啦」、「最後一碟蒸排骨」、「炒麵要等二十分鐘」。幸好，我與太太點的粥品及炒米粉均有供應。【家鄉炒米粉】非常便宜，只賣$12，是佐粥良伴。但味道及咬感並不像中式酒樓大排檔提供之炒米粉般。它落了大量麻油，米粉亦較為粗身，條條亮麗分明，材料加有欖菜碎、生菜絲及蘿蔔絲。味道不似曾經落鑊炒香，又沒任何煎過的微焦啡黃爽脆香口感覺。此外，出餐過程也要改善。廚師烹調米粉後，直接盛於不銹鋼盤內，然後將整盤米粉放在收銀處旁，沒任何遮蓋保溫防塵。當客人下單後，侍應隨意地在客人面前夾一注米粉上餐，感覺亦不尊重食客。建議一是放回廚房、二或是找一個保溫燈以密封形式放置食物。【水蟹粥】頗為吸引也有鮮蟹香味，價格合理$88。廚師又非常醜惡地拿著細煲，在廳面的豬骨粥底溫爐中盛走一杓走進廚房，然後拆蟹切蟹，用明火生滾水蟹。水蟹原隻，洗得乾淨切成四份連同蟹蓋，值得一讚。初秋之時，任何蟹種也非常甜美，膏香四溢，成本也平宜，煲粥非常惹味。我反而擔心店主在冬天蒞臨之時，如何尋求新鮮高質水蟹貨源敬請拭目以待吧！【東坡原味豬骨粥】我為了這碗粥來，但卻最令我失望！與平治男女評價一樣，粥品淡而無味，豬骨邊完全無肉可嚼。更甚者，粥品竟然水米份量錯配，猶如喝純淨滾水般。可能是廚師為了多做幾輪生意，直接加水溝稀粥品。客人是吃得出誠意，不要以為神不知鬼不覺。我寧願你說沽清，也不要賣次貨，欺騙顧客吧。結帳後，應是東坡老闆的男士在門外，說旁邊賣糕點店舖也很好吃的。我當然知道，因它較早前也被媒體大肆宣傳其手藝，亦曾光顧過。但至少人家在繁忙人潮，亦還能保持水準呢。…Read More

經過上海街又想試下傳統港式粥品，就去咗東坡豬骨粥試下，order咗東坡原味豬骨粥、水蟹粥、家鄉炒米粉、家鄉鹹肉粽。東坡豬骨粥入面好有豬骨嘅味道，材料十足，水蟹粥就畀我一個意外驚喜，佢係 一整隻蟹放落去而且隻蟹超級鮮甜，又有蟹膏，連埋d綿綿嘅粥一齊食，真係諗起都回味，鹹肉粽入面有好多唔同嘅饀，鹹蛋黃就當然唔少得，炒米粉亦都係一貫港式炒米粉嘅高水準。 如果下次嚟食，我一定試埋佢嘅蒸魚飯同埋鴨腿湯飯，因為我見隔離枱食，個賣相好正！…Read More

除了豬骨粥 還有比澳門還好食的水蟹粥～～～食得西餐多 偶爾都會想回歸平淡 食下粥清清腸胃 由於前幾日食完自助餐嘅關係 今日我同大舊就想食健康啲上網搵咗一輪餐廳之後 最後我哋就揀咗嚟佐敦嘅呢一間地道小店食粥～～～店面唔算好大 但係好整潔 好有家庭式嘅感覺 幾溫馨 坐咗一陣 不斷有街坊入嚟幫襯 老闆同員工都非常有禮貌～～～睇完餐牌之後我哋就揀咗北菇雞腳燉螺頭 海帶綠豆沙 古法蘿蔔糕 東坡原味豬骨粥同水蟹粥～～～北菇雞腳燉螺頭 ：湯頭非常清甜 好足料 一碗湯裏面便有三粒 北菇兩隻雞腳 而且仲一啲都唔油膩 好健康～～～海帶綠豆沙 ：非常香甜美味 簡直消暑佳品 而且好多海帶 好好味～～～古法蘿蔔糕：一絲絲嘅蘿蔔 好足料 質感好軟綿綿 好特別～～～東坡原味豬骨粥：果然係招牌之作 30幾蚊但好大碗 裡面材料好多 仲有生菜 口感味道並存 ～～～水蟹粥：必食之選 蟹多肉多膏 令整個粥底都很美味 甚至比澳門的水蟹粥還出色 好有驚喜 估唔到係香港可以食到咁正宗好味嘅水蟹粥 而且價錢仲比澳門平！～～～推薦度：🔥🔥🔥🔥🔥🔥🔥🔥東坡豬骨粥 (佐敦)佐敦上海街194號地舖…Read More

今日同朋友去佐敦行街，見間粥店好似幾正，就入去試下。價錢上好平民，味道又幾好。🤤北菇雞粥 （$48）雞好滑，雞油香味都好突出，而且份量都好足，好抵食！😛 另外可以加皮蛋 $6/隻，我地加左覺得都唔錯！章魚蒸肉餅 （$39）呢個肉餅係好好食，肉質唔會差，口感十足，而且好大塊肉餅，送飯食真係一流！👍叧外跟餐送埋例湯，個湯無味精，都幾好飲。蝦皮蒸水蛋 （$39）水蛋個味道都好正，食到有家的感家。調味上唔會好重手，男女老幼都岩食。😆古法蒸蘿蔔糕 （ $15）幾足料既蘿蔔糕！而且真係好大件，抵食！豆漿 （$8）豆漿好滑，不錯😃…Read More

招牌大大隻字寫住「豬骨粥」，但我偏偏比另一道菜吸引左入去，就係如今買少見少ge鮮雞雜粥。🍴鮮雞雜粥 HK$48粥底較稀，綿滑香軟。雞雜取自新鮮走地雞，雞腸甘脆，雞胗爽口、雞肝軟糯，雞心細嫩，各有獨特口感，鮮香無腥味，伴隨雞油同粥底打成一片，好似飲緊雞湯咁正。正當我沉醉於呢碗粥之際，老闆由廚房行出黎，笑言要睇下邊個咁識貨，佢話而家坊間好少有鮮雞雜粥，而佢賣都係純粹為左省靚招牌，唔賣得多，一黎來貨少，二黎要花好多時間準備，每日限量賣晒就無。🍴水蟹粥 HK$88一碗粥有一整隻蟹，真材實料，蟹肉都唔少，幾滑。蟹味入晒粥底，幾鮮甜，有別於鹹香味突出ge雞雜粥。🍴蝦皮蒸水蛋 HK$39蛋好鬼滑，火喉剛好。平時食開蝦米蒸水蛋，蝦皮都係第一次試，香味不遜於蝦米，口感比蝦米更薄更軟，同嫩滑水蛋更夾。39蚊跟埋油菜、白飯同例湯，相當抵食。例湯係節瓜湯，雖然已經入秋，但暑氣未散，呢碗湯正好解暑清熱。📍東坡豬骨粥佐敦上海街194號地舖…Read More